2 TIMOTHI 4:5 - Lacid Common Language Bible

⁵ Nang koem gi khayhang: te" da" akhyoo: again thoung" shau" loo nghoid loug we' re" da" gung du: ri zei: zeung" ci: lho: wigi kyi" khyeug khyoo: ri kham' zeung: nyid we'. Hau: ngei bu: lu dang: ge ri kho" kyo" da" sara: moozoo" ri voin, vu, nyid wigi Mangso dei zoo: dayug khyo" wige- re" da" yoovoin, jo, moo jo, ri joeb, byeung" sho' voin, vu, nyid we'.

2 TIMOTHI 4:5 교차 참조

ESAIA 62:6

Yerusalem we"- re" vang joem adang moo gyi zung" bang: ri ngoo to" too" bye:. Nyangnu" gi myen" ri nyid" ri khanham we' sam: zoo: age nyid boem wa. Nyangnu" gi Aseing nya: da" dangsoo" joem ri tid poin" ca" goo" wa nghoid. Nyangnu" ri nyang: wigi khanham we' ato" myhid nhang: wa.

YEREMIA 6:17

Hau: thang: Aseing gi laboo" wigi tid poin" da" thui: ri tam" gyoo: wa shid re" lhoug zung" byu yiri khyen: nyid: to" da:. Nghoid loug we' nyangnu" gi «Ngoonu" atam" gyoo wa» ga: tid ago".

EZEKIEL 3:17

Nyang: tid zigi «Shid: se' da" byu we"- Ngoo gi nang ri Israela byumyu" yi da" lhoug zung" su: bui" nhang: wa. Ngoo nang ri byid: to" da" tid poin" dang: ri nang nyangnu" ri tid kyoo" ca".

EZEKIEL 33:2

Nyang: tid zigi «Shid: se' da" byu we"- Mungdain: daloem: khyoo: ngoo meing: zain: pui" ju" loo nhang: da" uri ci bui" wa ziri re" byumyu" yiri tid kyoo" we'. Hau: mungdain: mo byu yigi lhoug zung" wa byu dayug khyen: da:.

EZEKIEL 33:7

«Shid: se' da" byu we"- akhid" ngoo gi nang ri Israela byumyu" mungdain: da" lhoug zung" su: khyo" yoovoin foin: too" wa. Nang gi ngo wigi nang ri byid: da" tid poin" dang: joem ri nyangnu" jhang lhid: byid: ca" da:.

MATHE 25:16

Sheing: kyab wim: khyeing" yoo" su: we' dalheing: dam- phaga: yhe: cang koid: lho: amyaid sheing: kyab wim: khyeing" yo" yu too" bye.

MARKU 13:34

Houg: su" wigi hau: khyoo: gi byu dayug nya: yhoem mo:- gyung: so" loo" wa nghoid lang" nya: join yi ri dayug yo' dayug-nya: moo" yo' nya: yhoem: moo" ri pyo: too" byid: kho' wigi khoem" zung" su: ri we' lhid' lho: zung" nyid wa shid mo amyeung" byid: kho' ziyo' du nyid.

MARKU 13:37

Ngoo nanu" ri tid bye: zigi Nanu" dangain" mo ri tid zi nghoid lhid' lho: zung" nyid ge".

LUKA 12:37

Dei zoo: yi zung" nyid da" khyoo: ri Aseing: doem ju" lo da" uri gyeing: boin: lhed nyid zi lo myang nghoid ri houg: bang: khayhi' ngi lho: boem wa lha". Nanu" ri ngoo deung" deing tid zigi Aseing: gi hau: da" dei zoo: yi ri being" voo agyeing" khyo" zoobui" moo zhung: nhang: lho: Aseing: nyang: atho' byi: khyoid ci: lho: dei zhoo" dei jhug wa zi nghoid.

ACTS 21:8

Hau: thang: nyid ri ngoonu" gi hau: voogung mo doem, to' lo" wigi kesare voogung moo ju" lo" boem bye- ngoonu" gi Yerusalem voomoo" mo pang" thoug wa byu nyhed yug ri zheung: khyen: yu to" jang" mo dayug nghoid lho: ngeibu: ludang: gi, ri kho" kyoo" su- Philib, da" yhoem: moo yhe: theung: nyid boem.

Roma 15:19

Houg: su" Mangso: da" mungdang: ri yo" tam" gyo: lo da" khyoo: gi ngoo tid dang: zei so' yoomo we' goo" ki lid toin" shid' da" mau" pho" moozoo" yoomo we' young" gyeing" Venyi: da" yoem: vhoo" yoomo we' nghoid nyid.- Houg: su" nghoid yoomo ngoo gi Yerusalem voomoo" mo Iluri moug: jo yoo khyi khang" moo" moo ju" sho' Khristu da" ngei bu: lu dang: ri kho" kyoo" bye.

Ephesu 4:11

Nyang: gi byu yi ri jeju" jhung: shug joem ri gam, byid: su: nyang: nghoid bye- nyang: gi dayham" bang: ri lagyoo- dayham" bang: rigi lapi- dayham" bang: rigi ngei bu: lu dang: gi, kho" kyo" yen" mo, dayham" rigi phung vhoeb yi yo' sara yi bui" wa shid mo zheung: nyheung too" bye.

Ephesu 4:12

Nyang: hougsu" koid da" khyoo: gi Khristu da" gung doem: ri so' koid nyheung zhoug too" baja"- ga: Khristain moozoo" yo" zei: sho' Mangsoo gi nya: zooyi dangain" bang: ri soin' nyheing wa shid re" nghoid nyid.

KOLOSE 1:25

Nanu" shid re" ge, da" khyoo: ri koid baja"- Mangsoo gi phoung: da" moo" voin, su: dayug khyo" wigi ngoori soin' nyheung to" zi shau" bye- ngoori ab, byid: to" da" yoovoin, gi hau: ngei bu: lu dang: ri myhed' to" zi aboo loo: sho' kho" kyoo" wa shid re" nghoid nyid.

KOLOSE 4:17

Hau: Aseung: moozoo" ri voin, vu, wa shid re" nang ri ab, byid: to" da" yoovoin, ri bain' sho' zei: we' ein: wigi Arkhripo ri bo tid kyoo" byid: ge'.

1THESALONI 5:6

Houg: su" nghoid yoomo ngoonu" gi byu gooji yi yhang: ti" ayhoeb, myhed jo, boem loo: za: gyeung: boin: zoore"- gyeing gyeing: koid lho: lhed' zed" nyid boem shang.

1 TIMOTHI 4:12

Nang gi apyad' ngi shi" ved yam" zoo: nghoid nyid shi" yoomo hang" we' nang ri gam vhoo: ayu" khyo, pyam' goo" baja"- ji, sang: da" khoin" thui: moo we' aved asam" moo we' jheddab jang" moo we' loem" jeung" loem, khau: khyoo: yo' nheigloem: young" khyoo: moo we' leom" jeing" bang: shid re" yu" yu wa da" khoo" shid: bue" nyid we'.

1 TIMOTHI 4:15

Nang se' yeug gyi: sheung: lo zigi byu yi dangain" bang: shau" myang baja"- atho' moo tid lid loo bye: da" khyoo: joem ri nheigloem: boo boo cang pyeung lo" ziyo' houg: moo geung: zug jo, we'.

2 TIMOTHI 1:8

Hougsu" nghoid yoomo ngoonu" Aseing: da" shid re" sagsi: kham, jang" moo asho' gyoug nyid, thung: loung" jo, su: ngoo yoomo we' nang asho' nyid Mangsoo gi hau: khyoo: ri zei: wa shid re" yoem: so' byid: to" bye: ziyo' dakhyoo" ti"- hau: ngei bu: lu dang; yoomo kyi" khyeug jam jau kham, da" khyoo: moo ngoo yo' dage" shoin" kyi" khyeung nyid goo"

2 TIMOTHI 2:10

Hougsu" nghoid nyid yoomo ngoo gi Mangso khyen: yu shau" nyid da" byu yi shid re" kyi" khyeug yau: khe" zi: kham' zo: nyid hougsu" kham, zo: nyid da" khyoo: gi nyang: nu" we' Khristu Yesu da" khoug: moo khyoid yu da" jeju" yo' hau: apyaid' atoo: mo da" myonhoo: phung yoeb, ri shau" kham: yu wa da" khyoo: nghoid.

2 TIMOTHI 2:3

Khristu Yesu tho' moo nheigloem: zung" da" gyi zoonu" yhang: ti"- kyi" khyeug khyoo: ri bo kham: voin, we'.

2 TIMOTHI 4:17

Nghoid loug we' Aseing: gi ngoo yo' dage" nyid nyid yoomo ngoori yoem: lung: byid: nyid wigi ngoo gi tungbau byumyu" yi dangain" bang: shaug" gyoo: sho' hau" ngei bu: lu dang: gi ri joeb joeb, byeung" byeung" yo" tid kyoo" baja"- said' pyam wa ga: dang: phyed' too" bye: jang" mo khyoid yu ziri ngoo shau" kham: yu bye.

HEBRE 13:17

Nanu" ri khyoo: shed' vhu" shu" she: nyid mo, da" dang: ri tam" gyo: nyid lho: wigi nyangnu" tid to" da" dang: khoin" joem ri cang yhe: loo" ge'. Nyangnu" ginyang: nu" zei: byid: loo bye: da" moo" zo" zhayen" joem ri Mangsoo ri toin" shid boem wa zi nghoid wigi nyangnu" gi nanu" da" nheigloem: ri anoo: ayab, loo: zung" lhug nyid. Nyangnu" dang: ri nanu" tam" gyo: nyid boem nghoid rigi nyangnu" zei: da" moozoo" ri-gau, yi ziyo' zei: boem wa zi nghoid. Houg: su" anghoid rigi nyangnu" nheig koug ziyo' zei: boem wa nghoid wigi nanu" shid' re" ce" akyu" we' yo" ze" bui" goo" wa zi anghoid.

1PETERU 1:13

Hougsu" nghoid yoomo nanu" da" nheigloem: moo moo" zei: wa shid re" jen" jen" koid lho: akhyoo" cang nyid ge,- Aseing Yesu doem gyoo" lo da' uri nanu" kham: yu wa da" jeju" jhung: shug yo" yu wa shid re" khanham we' nheig byu nyid ge'.

Pang Shug 3:2

Re" da" moozoo" gi nga" Mangso da" shid' khoin" moo ajoeb, abyeung" shi" ziri ngoo myang. Houg: yoomo too' we' re" da" kangso' bain sho' athang shi" uri yoem: kaid' we'.