2 TIMOTHI 4:16 - Lacid Common Language Bible

¹⁶ Xang: shed" lheing: ngoo tarha" dang: phyed zi shau" nyid uri nga" da" gung ri ngoo tid goem, yu nyid uri nga" thang: khyoo: bo yab, lho: hang" we' abo tid byid: boem, byu dangain" bang: gi ngoori she: pyam' to". boem, bye- Mangsoo ri we' nyangnu" hid: su" koid boem yoomo latoo: aphug byid: baja".

2 TIMOTHI 4:16 교차 참조

MARKU 14:50

Houg: lang" cangzoo: yi dangain" mo, gi nyang: ri too" kho' lho: tang" phang: lo" byug: boem bye.

LUKA 12:11

Subi" gi nanu" ri tarha" jung yi moo we' khokham" amyeing" ci: mo, da" shid' khoin" moo nghoid loug we' khe: shu" lo" da" uri khasu" tid wa zi ce: myid amyoo: goo.

YOHAN 16:32

Nanu" gi nyang: nya: yhoem: khyoo: nyang: phang: gang: go" lho:. Ngoo we' ngoo nyang: kyeing" ri nyhed: pyam' khoo' shau" wa da" ayo, gi akhid" lang" ju" loo bye. Nghoidloug we' phoo Mangsoo gi ngoo yo" dage" nyid yoomo ngoo gi ngoo nyang: kyeing" nyid zi anghoid.

ACTS 22:1

Myhi, phoo mang: nhung" yi we" - nanu" da" shid' khoin" moo tid shed, yu" bye: da" dang: ri doem tam" gyo" yu" ge' ga: tid.

ACTS 25:16

Nghoid loug we' ngoo gi nyangnu" ri yooboo foin: zi shau" su: gi nyang: ri yooboo foin: bang: yo' myonhoo: zoem" zhoung: to" lho: nyangnu" yooboo foin: da" khyoo: yo' sen: wigi nya: gung ri tid ve, yu wa da" akhang" shi" abyid: loo- hang" nghoid loug we' yooboo yo" ein: ab, byid: kaid' wa shid re" ngoonu" da" Roma thung" tarha" moo aboo ein: tid khoo, bye.

ACTS 7:60

Nyang: gi poid' thug thoung lho: Aseing: we" - nyangnu" da" yooboo ri axoem" too" byid: o" ga: nyho: kaid' - he: dang: bain tid lang" Stephain gi kang: gyo" loo" bye.

1Korinthians 13:5

Jheddab nheigloem: gi se' phoug" se' myang:- nya: akyu" ashoo- nheig yoo: ung: jhen: khyoo: aboo- jheddab da" nheigloem: gi sube' da" yooboo ri axoem" too.

1Korinthians 9:3

Ngoori: yooboo foin: lho: thougtheung loo bang: ri- doem phoug tid wa da" dang: gi he: zi nghoid.

2~KORINTHU 7:11

Nanu" da" nheig koug nheig shu: khyoo: ri Mangsoo: khakhyo" ci: nyid ziri yu" yu" ge". Hau zigi nanu" ri khayhi' nheigloem: too, nhang:- nanu" moo yooboo adab loo: ein: da" khyoo" toin" shid' nhang"- ge da" khyoo: ri byui" nhang: noug yoomo nheigloem: gye" to' lo ziyo' nheig dain yoo: nau khyoo" nheigloem: khoug: moo kham, zo: khyoo:- nanu da" loem" jeung" khyoo: moo nheigloem: zug zi shoid' vhang: su: ri shen" yhin wa shid re" jen" jen" nghoid nyid da" khyoo: gi khyoo: khaid gu: khang" moo" moo nanu" ce" yooboo adab loo: ein: ziri toin" shed nyid bye.

PHILIPI 1:17

Hau: lho" gootu: dayham" bang: gi gyeungshang: da" nheigloem: yo' anghoid loo: za: nyang: nya: da" akyu" sho: khyo" kho" kyo" ago- nyangnu" gi ngoo thung: moo loung jo, uri nga" tho' moo shid: gyoin noo gyoin je myo: loo wa shid re" myid soin' nyid ago".

PHILIPI 1:7

Ngoo nanu" da" atho' moo too" byid: da" myid' gi young" du nyid khasu" wim ga: ri nanu" ri jheddab nyid da" khyoo: gi nga" da" emyid moodabo jo. Nanu" dangain" bang: gi ngoo thung: loung" jo, uri nghoid loug we' ngoo ngei bu: lu dang: ri kho" kyo" zoore"- geung: teing jo, nhang: uri nghoid loug we' Mangsoo ngoori byid: da" akhang" jeju" ri bo kham zoo; mo, nghoid ago".

2 TIMOTHI 1:15

Nang se' nyid bye: ziyo' dakhyoo" ti"- Phugelu yo' Heramoge eig yug yo' dage" Asi zoo: moo nyid bang: dangain" mo, ngoori she: pyam' khare" boem abye: go.

2 TIMOTHI 4:10

Dema gi he: da" mougmyid' ri jheddab yoomo ngoori she: pyam' khare" lho: Thesaloni voo khyoo: loo" khari" bye. Kareka gi Galati mung" khyoo: Titu gi dalamati mung" khyoo:- zheung: yhe: lo" boem bye.

2 TIMOTHI 4:15

Nanyang: hau: yug ri lhed' lho: jang" pyam' nyid we' Khasu" wim ga: ri hau: yug gi ngoonu" kho" kyo" da" mungdang: ri gye" tu: lhoin" thoutheung nyid su: nghoid.

1PETERU 3:15

Nanu" da" nheigloem: khoug: moo Khristu ri phau" myang: lho: wigi Aseing: gi yhoem: seing: khyo" nyang:- coung" nghei kham: yu nyid ge'- nanu" yo" kham: yu bye: da" nheig byu joyoo da" khyoo: ri myid: phoid: sho: loo su: ri kha: uringhoid loug we' tid phoid: sho' kyoo" wa shid re" jen" jen" koid too" ge'.