2 TIMOTHI 4:11 - Lacid Common Language Bible

¹¹ Luka za: ngoo yo' dage" nyid nyid Marku ri khe: yu lho: nang yo' dage" shu" ri" we' khasu" wim ga: ri he: moozoo" moo nyang: ngoori yo" bo pang" thoug wa zi nghoid.

2 TIMOTHI 4:11 교차 참조

HOSEA 14:4

Aseing gi «Nga" byumyu" yiri nga" jhang khyoo: doem shu" yu wa. Ngoo gi nyangnu" ri nga" nheigloem: ung: khoug: dangain" yo' jheddab wa. Nyangnu" ri ngoo khanham we' nheig ayoo: loo: wa.

MATHE 19:30

Nghoidloug we' byu myoo" sho' mo, gi akhid" shid' khyoo: nyid nyid mo, myoo" sho' gi thang: mo mo' bui" wa. Akhid" thang: moo nyid mo, myoo" sho' gi shid moo nyid mo, bui" wa zi nghoid.

MATHE 20:16

Houg: yoomo thang: moo nyid su: gi «xang: shid" moo nyid su: bui" wa. Xang: shid" moo nyid su: gi gam, thang: gyoo" su: nghoid wa» ga: wigi Yesu tid.

LUKA 13:30

Hau: uri akhid" gam thang: moo nyid mo, gi gam shid" khyoo: ju" loo" wa. Gam shid" moo nyid mo, gi gam thang: shau" gyoo" goo" wa ga: tid.

ACTS 12:12

Nyang: moo khasu" bue" lid lo ziri nyeing" za: boin: loo lang" Nyang: gi Yohan Marku da" nya: myhi' yhoem: moo vang yhe: lo. Hau: yhoem: moo gi byu, myoo" sho' mo, - zeung: foem: lho: akyu" mho' phung koid nyid bom.

ACTS 12:25

Sholu yo' Barnaba eig yug gi nya: eig youg da" moozoo" ri bain, zei: lang" Yohan Marku ri shu" lho: Yerusalem voomoo" mo doem, phang: thu' lo" ago".

ACTS 15:37

Barnaba gi nya: eig yug yo' dage" Marku ga: da" Yohan ri we' bo lhoung: shu" loo" nau, da.

ACTS 15:39

Nya: eig yug gi he: da" khyoo: yo' sen: lho: gyi" sho' ngeug go" wigi gang: go" lo" ago". Houg: lang" Barnaba gi Marku ri shu" lho: wigi Kupro gugyoo: kang: khyoo: lhid' zhoung: lho: yhe: lo" ago".

ACTS 16:10

Polu gi he: da" yoeb, myang ri bain myang lang" - nyangnu" gi Makedoni mung" khyoo: yhe: loo" wa shid re" soin' nyheung boem bye. khasu" wim gari Makedoni mung" moo nyid, mo, ri ludang: seig kho" kyoo" byid: wa shid re" Mangsoo gi ngoonu" ri khe: yu zi nghoid bye" ein: ngoonu" myed jhoo: yoomo nghoid.

KOLOSE 4:10

Nga" da" thung: loung" luzoem" cang"- Aristaku we' nanu" ri vhu" kaid- hau: lho: Barnaba da" zoo: oug: Marku we' nanu" ri vhu" kaid' (Nanu" jhang khyoo: Marku ju" re" lo uri lhoem: tau, yu byid: ge' ein: tid kaid' da" khyoo: joem ri) nanu" yo" yu too" gu nghoid bye.

KOLOSE 4:14

Nga" da" jheddab moocid" sara: Luka yo' Dema gi nanu" ri vhu" kaid' ago".

2 TIMOTHI 1:15

Nang se' nyid bye: ziyo' dakhyoo" ti"- Phugelu yo' Heramoge eig yug yo' dage" Asi zoo: moo nyid bang: dangain" mo, ngoori she: pyam' khare" boem abye: go.

2 TIMOTHI 2:21

Byu dayug yug gi tid lid loo bye: da" akhyeing" ashoeb khyoo: mo nyang: nya: da" gungdu: ri ced" san pyam nghoid rigi hau: yug gi Aseing: yhoug: gyen: khyo" soin nyheung to" da" khyoo: moo yo" bo ci: yhoung: da" zi bue" lo khasu" wim ga: ri ri nyang: gi ge, da" moozoo" ja" khang" moo" moo-bo zei: wa shid re" jen" jen" nghoid nyid.

PHILIMON 1:24

Houg: yo' dakhyoo: ri kho" kyoo" yoomo ngoo yo' dage" thung: loung" jo, da" nga byen cang" Epaphra gi nang ri vhu" kaid da.

1PETERU 5:13

Mangsoo khyen: yu da" jeju' ri nanu" yo' dakhyoo" ti" shau" kham: yu da" Babelon voo mo-nanu" da" mang nhung" phung: byu yi we' nanu" ri vhu" kaid' ago"- nga" zoo: Marku we' nanu" ri vhu" kaid.