2 TIMOTHI 4:10 - Lacid Common Language Bible

¹⁰ Dema gi he: da" mougmyid' ri jheddab yoomo ngoori she: pyam' khare" lho: Thesaloni voo khyoo: loo" khari" bye. Kareka gi Galati mung" khyoo: Titu gi dalamati mung" khyoo:- zheung: yhe: lo" boem bye.

2 TIMOTHI 4:10 교차 참조

MATHE 12:32

Hang" nghoid loug we' Byu da" nya: zoo: ri nhoid yo" tid shoid da" yooboo gi yo" khyoid pyam byid:. Nghoidloug we' gyeungshang: da" Venyi: ri nhoid tid shoid da" yooboo rigi he: pyaid ri we' thang: phyang" pyaid ri we' yo" khyoid pyam byid: zi anghoid.

MATHE 26:56

Nghoidloug we' he: moo" dangain" bue" loo zigi jhoem: pug moo lapi: yi lhid" to" ziyo' dakhyoo ti" deing byeung" loo wa shid re" bue" lo zi nghoid» ga: tid. Hau: uri nyang: nya: cangzoo: yi dangain" mo, myeung: too" khare" lho: phang: sain" lo" byug boem bye.

LUKA 14:33

Houg: yo" dakhyooti"- nanu" mo hang" nghoid loug we' nyang: nyang: yo" da" zi dangain" atoo" kho" rigi nga" cangzoo: ayo" bui.

LUKA 16:13

Yhoem: seing: eig yug moo dei zoo: vang da" byu hang" we' anyid. nyang: gi dayug ri ngheing" lho: dayug rigi ngei wa. Nyang: gi dayug ri phau" myang: lho: dayug rigi aphoug" akhyoid koid: wa. Nanu" gi Mangsoo: yo"- ngei sheing: ri davhu" dam dei zoo: yo" koid: wa zi anghoid.

LUKA 17:32

Loid" da" yhoem: seing: myhi' ri myid boin: ge'.

ACTS 13:13

Polu yo' nya: byen cang" yi gi Paphu voogung mo lhid' zhoung: lho: Pamphuli mung" mo Perga voogung khyoo: ju" yhe: lo" ago". Yohan Marku gi hau: voogung moo nyangnu" ri too" kho' wigi Yerusalem voomoo" khyoo: doem tau" loo" bye.

ACTS 15:38

Nghoid loug we' Polu gi nya: eig youg da" moozoo" moo thang sho abo zei: loo:- Pamphuli voogung moo nya: eig yug ri nyhed: too" khare" lho: doem, tau" phang: loo" su: nghoid yoomo Marku ri shu" wa shid re" agi, ga: myed nyid.

ACTS 16:6

Houg: lang" gyeungshang: da" Venyi gi nyangnu" ri Asha mung" gyoo: moo mungdang: ri kho" kyoo" wa akhang" abyid: yoomo nyangnu" gi phrugi mung" yo' Galile mung" gyoo: khyo" so" lid lo.

ACTS 17:1

Polu yo' Sila eig yug gi Ampipholi yo' Apoloni Voogung ri so" lid, lo" wigi Thesaloni voogung khyoo: ju" yhe: lo" ago". Hau: voogung moo Yuda tarha" jung daloem: jo.

ACTS 17:11

Beria voobyu yi gi Thesaloni voobyu yi da" tho' re- khoin: lheing: mo, nghoid boem. Nyang: nu" gi mungdang: ri nheigloem: zhug zhug za: tam" gyo: yu boem wigi Polu kho" kyo" da" mungdang: gi deung adeung ziri si' wa shid re" nyid" khang" moo" jhoem: mougsoug" ri nghab xoin: se' nyid ago".

ACTS 17:13

Nghoid loug we' Polu gi Beria voogung moo we' - Mangso mungdang: ri tid kyo" nyid ga: da" ludang: ri Thesaloni voogung: mo Yuda byumyu" yi shau" gyo: boem wigi nyangnu" gi Beria voo khyoo: zheung: ju" re" lho: mung" byu yi ri lu: fu: loo wa shid re" re" pue: boem ago".

ACTS 18:23

Hau: voogung moo dayo, koo: yhe: theung: nyid wigi houg: mo nyang: gi Galile mung" yo' phrugi mung" gyoo: khyo" lid, jang: lo" lho: loem" jeing" bang: ri so' nyheung teing byed.

2~KORINTHU 2:13

Nghoid loug we' ngoonu" da" mang nhung" phoo - Titu yo' ngoo ashug" goo" yoomo ngoo atho' tid loo: sho' myid myoo ung: loug nyid. Houg: yoomo Houg: mo da" byu yi ri vho" too" kho' lho-Makedoni mung" khyoo: yhe" loo" bye.

2~KORINTHU 7:6

Nghoid loug we' nheig koug nheig nge nyid bang: ri_ pang" thoug yoem: byid: nyid da" Mangsoo gi ngoonu: jang" moo ju" re" da" Titu khyo' wigi ngoonu" ri nheung loem: yoem: doem bo loo nhang.

2~KORINTHU 8:16

Nanu" ri pang" thoug byid: wa shid re" ngoonu" moo nheigloem: to' vho: ngei nyid ziyo' dakhyoo" ti"- Titu ri we' boo nhang: da" Mangso jeju" ri khayhi' coung" nghei, joyoo nghoid lha".

2~KORINTHU 8:23

Titu yo' sen: lho: tid shang ein: rigi nyang: gi nga" da" bo pang thug su: nghoid wigi nanu" ri pang" thoug wa shid re" ngoo yo' dage moo" shoin" zei: su: nghoid nyid. Nyang: yo" dage" bo cang" re" da" gootu: mang: nhung" eig yug gi phung: yi da" lagyoo: yi nghoid wigi-Khristu da" myonhoo: phgung yoeb ri thoin" pang su: eig yug we' nghoid.

2~KORINTHU 8:6

Hougsu" nghoid yoomo xang: shed" mo yoovoin, yu zei: so' nyid bye- Titu ri he: alu yo' sen: lho: nanu" da" goozu: zen' to' nung" byid: da: moo" bain sho' nanu" ri pang" thoug nyid baja" ngoonu" gi nyang: ri joug jhoin" nyid.

GALATI 1:2

Hid: moo ngoo yo' dage" nghoid nyid da" mang: nhung" yi dangain" yo' Galati mung" mo phung byu yi jhang khyoo: mougsoug" lhid" lho: vhu" kaid' boem.

PHILIPI 2:21

Byu gooji dangain" mo, gi-nyang: tu: nya: khyoo: ri za: seing" kho"- gung youg yau nyid boem ago- Khristu Yesu yo' sen: da" khyoo: moo myid' abo boem nghoid ago".

1 TIMOTHI 6:10

Khasu" wim ga: ri ngei myo, no, da" khyoo: gi akhyeing" ashoeb, khyoo: aja: ja: ri bue" thu' loo nhang: da" nei yang: nyang: nghoid bye. Byu dayham" bang: gi hau" ngei ri yoo" wa shid re" nheigloem: gye" zhu: vho: ngei nyid boem yoomo loem" jeung" khyoo: mo vhang: lo" boem ziyo' koug shu: khyoo: aja: ja: yo' nyangnu" da" nheigloem: ri gyau: moin" loo" nhang: nyid boem ago".

1 TIMOTHI 6:17

He: mougmyid' moo kangso' dei nyid shi" baja"- ageing: ateung da" sudgain' yo' nyid gi nyid de da" khyoo: moo nanu" da" nheig nhei: joyoo akoid loo: za: ngoonu" goug goug yi yi yo" kham: yu wa shid re" ziyoo soidgain' dangain" ri yo" byid: da" Mangsoo moo nheig nhei: jang: geung: teung jo, wa shid re" amyeing" byid: nyid we'.

2 TIMOTHI 1:15

Nang se' nyid bye: ziyo' dakhyoo" ti"- Phugelu yo' Heramoge eig yug yo' dage" Asi zoo: moo nyid bang: dangain" mo, ngoori she: pyam' khare" boem abye: go.

2 TIMOTHI 4:16

Xang: shed" lheing: ngoo tarha" dang: phyed zi shau" nyid uri nga" da" gung ri ngoo tid goem, yu nyid uri nga" thang: khyoo: bo yab, lho: hang" we' abo tid byid: boem, byu dangain" bang: gi ngoori she: pyam' to". boem, bye- Mangsoo ri we' nyangnu" hid: su" koid boem yoomo latoo: aphug byid: baja".

TITU 1:4

Loem" jeung" khug: moo nga" zoo: gyeing" nyang: nghoid nyid da" Titu jhang khyoo: ngoo he: mougsoug" ri lhid" foin: kaid. Phoo, Mangsoo yo' ngoonu" da" khyoid yu Aseing Yesu Khristu gi nang ri jeju" yo' ngei pyo: khyoo: byid: nyid baja o".

PHILIMON 1:24

Houg: yo' dakhyoo: ri kho" kyoo" yoomo ngoo yo' dage" thung: loung" jo, da" nga byen cang" Epaphra gi nang ri vhu" kaid da.

2PETRU 2:15

Nyangnu" gi dain: da" khyoo" ri too" pyam' lho: khyoo: vhang" lo" boem abye:. Nyangnu" gi Beora da" nya: zoo: Balam cang da" khyoo: moo cang lo" byug boem abye: go". Balam gi adeung amain" da" moo" zei: lho: yo" da" ngei ri myo, no, su: nghoid nyid