2 TIMOTHI 3:8 - Lacid Common Language Bible

⁸ Akhui" yanne" yo' Yanbre eig yug gi Moshe ri thoutheung ngeug pyam' ziyo' dakhyoo" ti"- he: byu joem we' hau: deingmain" khyoo: ri thoutheung ngeug pyam nyid boem ago". Hau" byu joem gi nyangnu" ase' myid soin: yu" boem, loo: yoomo loem" jeung" khyoo: moo byo, yoin" soem" joem: lo" boem, ago".

2 TIMOTHI 3:8 교차 참조

THU' LO" MOUGSOUG" 7:11

Houg: lang" khokham gi nya: phajhi" boo mo, yo' fa" mo, ri khe: wigi nyangnu" we' nyangnu" da" fa" phajhi" yo' du go" ziri koid bye:.

THU' LO" MOUGSOUG" 7:22

Hau: thang:- khokham da" fa" mo, we' nyangnu" fa" phajhi" yo' hougsu" nyang: koid ago". Khokham we' shid phyang" yo' dakhyo" nheigloem: thain: nyid. Aseing tid ziyo' dakhyoo" ti" khokham phoo gi Moshe yo' Arun da" dang: ri ngeug pyam da:.

THU' LO" MOUGSOUG" 8:18

Fa" mo, we' nyangnu" phajhi" yo' pyoeb thu loo sho' koid yu" ri abui" nghoid ago". Pyoeb joyoo khang" moo" moo nyid da:.

THU' LO" MOUGSOUG" 8:7

Fa" mo, we' nyangnu" phajhi" yo' nyangnu" we' mung" moo pooleig thu loo sho' koid bye:.

ACTS 15:24

Ngoonu" da" phung mo byu dayham" bang: gi ngoonu" wigi ci: we' apyeung: kaid' ziri nanu" jang" moo ju" re" lho: myid myo: ja: dang: aja: ja: ri zheung: tid wigi nanu" ri myid zheung: myoo: nhang: ga: da" thui: ri ngoonu" shau" gyo: loem bye.

Roma 1:28

Xangsu: byu yi gi Mangsoo: vho: zi ri ashau" myid boem yoomo - Mangsoo: gi nyangnu" ri she: pyam' to" wigi - nyanu" gi deingmain" khyo" ayo" myid yu boem loo: yoomo akoid' eung: da" moo" ri koid' lo" boem bye.

Roma 16:18

Houg: bang: gi ngoonu" da" Aseing Yesu Khristu da moo" voin mo anghoid. Nyanu' nya: da" zoo: noem kha: ja: shau" zoo wa ashug" zoo: wa da" khyoo: ri za: te: myid yu" mo nghoid. Nyanu" gi nu" nham' cau: main da" dang: ri tid coung" myeing" coung" thui: yo" wigi deingmain" nyid mo ri lang" yo" mhoug zoo: se' ago".

Ephesu 4:14

Hougsu" nghoid lang" ngoonu" gi subi" ri nyangnu" da" phajhi" khyau" ziyo' khyoo: shu" vhang: mo, da" jhau" mhau' khyoo: ein: da" being: mhoid' ug lig zo" wigi moid' tang" loo" shau nyid da" zoonu" yi yhang: ti" abue" nyid boem loo: wa.

1 TIMOTHI 1:19

Hau: tho' moo gootu: nang moo loem" jeung" khyoo: yo' gyeungshang: da" boin: gyeing: se' nheigloem: bo jo, baja"- byu dayham" bang: gi houg: yhang: te"- gyeungshang: boin: soo" se' da" nheigloem: soozoo: wigi tid poin" tid kyeung ziri atam" gyo: boem yoomo nyangnu" da" loem" jeung" nheigloem: ri lhu: phyo' pyam' boem ago".

1 TIMOTHI 4:2

Gye" nge" da" joto' wigi kang: nghe, kyoug pyam' zi yhang: ti"- nyangnu" da" ge, zi age ziri se' kho' khyen: yu" da" nheigloem: e" myed gi kyoug shid: byug boem bye. Houg: yhang: ti" mhau' yen" da" sara: joem gi hau: khyoo: joem ri jhau" sain" lo" boem abye: go.

1 TIMOTHI 6:5

Hau: tho' moo gootu:- nheig abo ziyo' deingmain" khyoo: ri amyang ase' bang: jang" mo ngeig goo" byo, go" da" khyoo: gi daso' so' bue" thu lo nyid. loem, khau: da" noku thung" eing: zigi yoo" zoo: yoo" shug da" de lo khyoo: nghoid- ga: nyangnu" myid yu ago".

2 TIMOTHI 4:15

Nanyang: hau: yug ri lhed' lho: jang" pyam' nyid we' Khasu" wim ga: ri hau: yug gi ngoonu" kho" kyo" da" mungdang: ri gye" tu: lhoin" thoutheung nyid su: nghoid.

TITU 1:10

Khasu" wimgari- byu myoo" sho' gi gooji yi ri nyangnu" gi akhyoo' abo da" dang: join, joem yo' tu: phoug tu: lhoin" lho: mhau' fain" jhu, phyo' yen" ago". Je" je, gi Yuda noku thung" mo phug lheug vang loo mo, nghoid boem ago".

TITU 1:16

Nyang: nu" gi Mangsoo ri se' boem bye"- ga: tid nyid boem nghoid loug we' nyangnu" da" koid moozoo" joem gi nyangnu" ri abo pang" thoug nghoid da. Nyang: nu" gi aco' ajhoid zi nghoid nyid boem wigi yu" vho: phoo" adoid bang- ge da" moozoo" daja: ja: ri zei: soo, wa da" yoem: vhoo" aboo bang: nghoid nyid boem.

2PETRU 2:14

Nyangnu" gi gootu: ce" ja: riwe'- ayu" noug nghoid ago". Akyang" byo, ci: da" myiyi: yi riza:- date: yu" nau ago". Nyangnu" yooboo koid lho: yo" shau" kham: yu da" myo' no, khyoo: gi atho' thang nghoid ago". Nyangnu" gi loem khau: khyoo: moo yoem: nu: bang: ri nyangnu" da" lhid' moo myhi" sho' yo" mhe' yu ago". Nyangnu" da" nheugloem: e" myid joem ri aco' ajhoid khyoo: moo vhoo: boo myono loo wa shid re:- zei: zhang: nhang: nyid boem.Nyangnu" ri gi Mangso tarha" dang: phyed' nheung" khoin" zang" nyid boem abye: go".

1YOHAN 2:18

Nga" zoo: yi we"- lo" thang bidnyid jhang loo, bye. Nanu" ritid kyoo" bye: ziyo' dakhyoo" ti"- Khristu da" gyivoo phoo ein: su: gi ju" nyid bye: nghoid yoomo akhid" lang" gi Khristu da" gyivoo myoo" sho' thu' loo: bye: zi nghoid wigi lo" thang bidnyid jhang bye: ziri ngoonu" se' nyid boem bye.

Pang Shug 2:20

Nghoid loug we' nang gi nya: jhoug" myeing" khyo" nga" cangzoo: yi ri avoid avhu: koid nhang: lho: soolhoo: ri teing: byid: da" zoo: noem zo: shug da" yooboo shoid sho' khyoo: shu" vhang: nhang: su:- myiyi: myhi, Yezebela ri nyid nhang: nyid shi" yoomo, nang ri yooboo foin: jang: jo.

Pang Shug 2:6

Nghoid loug we' Nikola da" cangzoo: yi da" aved asam" ri ngoo ngheung" nyid yhang: ti"- nang we' bo ngheing" yoomo nang ri coung" byid: cang daloem: bo ashi.