2 TIMOTHI 3:6 - Lacid Common Language Bible

⁶ Nyang: nu" mo dayham" bang: gi sube" yhoem: moo; cang vang yen" lho: asi aboin: khyo" ase' myid soin: yu" da" yoem: nu: nyid myi: yi: yi ri nyangnu" lo, moo vang sho' mhe, yu ago- hau" myi: yi: yi gi nyangnu" shoid lid lo" yooboo yoomo nheigloem: yoolid: voin, lho: myid' apyo: zoore"- gung shoo" aco' ajhoid khyoo: aja: ja: moo bo myu: lo" wigi

2 TIMOTHI 3:6 교차 참조

COUNG" NGHEI 38:4

Ngoo gi ngoonya: da" yooboo gyid ji: zoo" moo bo noeb lo" nyid bye:. hau: khyoo: joem gi atho' oung: kham' sho' lid: da" yoolid: daloem: nghoid nyid.

ESAIA 1:4

Yooboo koid da" byumyu" byo, yoin" ziyo' akhyeing" da" byumyu" nanu" we"- nanu" gi joem: byug abye:. Nanu" yooboo joem gi nanu" ri she: khyoid khyo' pyam abye:. Nanu" gi Israela da" gyeung" shang: da" Aseing Mangsoo ri ngeug he: pyam lho: nanu" gi nyang: ri nungthang phug pyam abye: go".

MATHE 11:28

«Yoolid: voin myung: dau nyid mo, dangain" bang: we"- Nga" jhang khyoo loo ge'. Ngoo nanu" ri doug noo: nhang: wa.

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

MATHE 23:14

Ayid void ci: da" tarha" sara: yi yo" pharishe we"- nanu" gi joem: lo" abye: go. Nanu" gi cougmoo" myhi, yi da" yhoem: mo ziyoo joem ri atarha" khyo" lhoid yu boem lho: Subi" gyo: du wa khyo" akyu" sheing" sheing: mho' nyid ago". He: khyoo: yoomo nanu" gi gye" gyi: lid: da"- dam ri shau" kham: zo: boem wa.

MATHE 4:24

Houg: yoomo Yesu da" khyoo: ri Suri mung" goin"- lei: khyoug: su phoid nhami lhupyo' nhang: lo" boem wigi Gung du: angei apyoo: mo, noo phyoo" aja: ja: shau" mo, yo' yu dab deizoo: dab mo, ngho' baid baid mo, yo' khyid: joem: lo, joem: shid: mo, myoo" sho' nya: jhang shu" ju" re" boem ri dangain" ri lhoem: ze: ge lho: nhang: kaid bye.

MARKU 4:19

He: moug myid byu nyid yo, boin: shid re" myid myoo: ung: loug zi ngei sheing: jo, nu" amyung ashoo" yoo" jo, nau: ziyo' gootu: aja: ja: ri myo, no, vhoo" byed da" ze wigi hau: mungdang: ri foeb pyam lho: ashi" ayo" zei: loo nghoid ago".

1Korinthians 12:2

Nanu" gi tungbau byumyu" yi danghoid nyid boem shi" ayo, moo: khyoo: aja" ja: moo: khyoo: vhang: vhang: loo" bang: nghoid boem wigi- kangso abo da" soolhoo: joem ri- noku lai lo boem bye: ziri: nanu" nyang: si' gu nghoid.

1 TIMOTHI 5:6

Nghoid loug we' akyang" byo, yoin" lho: mougmyid' mo pyo: khyoo: riza: sho: nyid da" cougmoo" myhi, gi nyang: dei nyid shi" re lang" shid: mang danghoid nyid.

1 TIMOTHI 6:9

Nghoid loug we' yoo" noug di noug mo, gi mhoid" jhu, phyo' da" zi shau" boem ziyo' akoo" afang: koid boem ziyo' shid: gyoin, noogyoin, ze" bui" nhang: da" vhoo: boo myo, no, da" khyo: myoo" sho' ja: mo joem: duang: khuang" moo gyoo" loo" se' boem ago". Hau: zigi nyangnu" ri byo, yoin" soem" lo" joem: duang: khyoo: she: vang lo" boem abye: go.

TITU 1:11

Nyang: nu" da" tid sang: nyid boem da" nhoid ri nghoeb pyam' byid: boem ca" bye. Ci: yoomo gari nyangnu" gi age jhoug" byid: da" khyoo: ri zheung: jhoug" byid: boem wigi yhoem: goin" goin" ziri byo, sain" loo" nhang: pyam' boem ago". Hau: khyoo: dangain" gi nyangnu" da" asho' ashid: ngei sho: khyoo: za: nghoid nyid.

TITU 3:3

Khasu" wim gari shid' phyang" gi ngoonu" nyang: we' myid fang: boem- atam" gyo: ziyo' shoid vhang: khyoo: dam: dam: bang: nghoid nyid boem. ngoonu" gi aco' ajhoid ziyo' mougmyid pyo: da" khyoo: aja: ja: ri cang lo yu" boem bye. Hau: khyoo: mo join, we' nghoid nyid boem bye. Ngoonu" moo khanham we' anoug angei go" ziyo' noo" goo" zoo go" ziza: bo nyid boem- gootu: byu yi ngoonu" ri anoug angei ziyo' dakhyoo" ti"- ngoonu" we' subi" ri anoug angei bang: nghoid.

2PETRU 2:18

Nyangnu" gi shoid vang: khyoo: dam: dam: lo" byu phung: khoug: mo aseig shi" daloid thu' loo bang: ri ce: akyu" abo da" nghoid boin: dang: tid lho gungshoo" aco' ajhoid da" nheig" loem: yo' lhoem: tau, yu lho: khyoo shu" vhang: lo" boem.

2PETRU 3:17

Nghoid loug we' byen cang" yi we"- nanu" gi he: da" khyoo: ri se' nyid gu nghoid abye: go". Hougsu" nghoid yoomo nanu" gi-ce: tarha" abo da" bang: shoid vhang: lo" da" khyoo: moo shu" vhang: lo" jang" moo abo loo" wa ziyo' gau: ngu: da" kang so' dei khyoo: mo abyid: gyoo" loo" wa shid re"-zed" nyid ge'.

YUDA 1:16

He: da" byu phung: yi gi khanham we' kyiyang myeung zoore"- byen, cang" ri yooboo za: te: se' foin: nyid bang: nghoid- nyang: nya: da" anyhoin: athoung" akhyeing: ashoeb da" nheigloem: khyo" cang lho: te: se' koid mo, nghoid. Nyang: nya: da" khyoo: ri phau: khuang se' nyid nyang: nya: da" akyu" yo" yu wa jang" moo yen, gi byen, cang" rimhau, coung" byid: se' nyid boem.

YUDA 1:18

Khasu" wim ga: ri lo" thang da" bidnyid moo nanu" ri juang" yi lho: wigi nyang: nya: vhoo: boo: myo, no, da" nheigloem: axoug" ri cang mo gyeungshang: da" Venyi ri ayo" yu mo

YUDA 1:4

Khasu" wim ga: ri tarha" aci: da" byu dayham" bang: gi aboin: aso" shoid' khyo" lo vang loung" jo, boem bye- nyangnu" gi yha" phoo Mangso da" jeju" mungdang: ri nyangnu" da" akhyeung" khyoo: ri nghoeb, pyam' byid: wa shid re" ci: yhoung: zoore"-dayug kyeung" ngoonu" da" khyoid yu Aseing Yesu Khristu rigi ngeug pyam' bye. Houg: bang: kham' zoo: wa da" yoobo dam gi jhoem: mungdang: moo goo" nham, mo tid lheom: too" bye.