2 TIMOTHI 3:3 - Lacid Common Language Bible

³ Nyang: nu" gi nheig ase' khyeig bang:- jheddab da" nheigloem: abo boem ziyo' nheig ashid: mo, akhyeing" ashoeb moo" zei: nyid mo, sube" myonhoo: ri lhu: pyang: byid: wa shid re" gei sang; shang pyang: yen" mo, subi" yo' sham: ashoin" wa da" khyoo: acang loo: za: lhoid zoo: lhoid shug cang nyhen " zhoung: yen" mo, athoug" akhyoug: koid yen" mo, ju" lo boem wa. Hau: tho' moo gootu: nyangnu" gi ge, khyoo: ce" ja: ri nghoid loug we' avhoo: angei mo, nghoid boem wa.

2 TIMOTHI 3:3 교차 참조

APOEM AYANG: 49:7

Hau: zigi athoug" akhyoug: yoomo nya: tang: da" nheig yo: khyoo: moo nheing" khoin" zang" baja". Houg: lho: nheig khyeug shoo" myen: abo da" gang mo nya: tang: da" nheig joem: yo: khyoo: moo we' nheing" khoin" jo, bye:. Ngoo gi nyangnu" ri Israela moug: goin" khyoo: pyo: sain" loo" nhang: wa Ngoo gi nyangnu" ri nga" byumyu" khoug: mo kho' thu pyam wa.

COUNG" NGHEI 15:4

Nyang: gi Mangso she: pyam too" bang: ri bo co' nheug no lho: Aseing da" mungdang: tam" gyo: cang loo" mo, ri myonhoo: byid: phau" myang: se' nyid. Nyang: gi nya: da" akyu" khayhi' yoem" no gyo" loo" nghoid loug we' nyang: byid: to" dang: theing khoin" zung" su: nghoid.

COUNG" NGHEI 22:6

Nghoid loug we' ngoo gi byu dayug a nghoid loo. Tungsang" lugdung: danghoid lo- dangain" mo, gi ngoo ri aphoug" akhyoid she: pyam lho: ngheung" nyid boem bye:.

ESAIA 53:3

Ngoonu" gi nyang: ri aphoug" akhyoid koid wigi nyang: ri ngeug he: pyam bye:. Nyang: gi yau: khi" ziyo' no kyi" khyeug zi kham zoo: bye:. Nyang: ri hang" dayug lang" ayu" nghoid ago". Ngoonu" gi nyang: ri ci: anghoid yug ri yhang: ti" yu lid: pyam bye:.

ESAIA 60:14

Nanu" ri zeig zoo: boem bang: da" amyed ashen yigi nanu" jhang re" lho: Nyangnu" da" phau" myang: khyoo: ri ci: shug wa shid re" goeb pid loo goo" wa. Goonham' nanu" ri aphoug" akhyoid koid bang: dangain" nanu" khyid: yang: moo noku loo goo" wa. Nyangnu" gi nang ri ‹Aseing da" voomoo"› ‹Israela da" gyeung" shang: Mangso da" voomoo"- Ziun› ga: myheing loo goo" wa.

DANIELA 8:23

Hau: mungdain: joem da" lo" thang ayo, ju" lo nyid wigi nyangnu" gi yooboo dam kham zoo: wa shid re" gye" akhyeing" ashoeb bue" re" uri nheigloem: thain:- akyang age ziyo' mhau' fain" da" khokham dayug nyid thu loo wa.

MATHE 10:21

«Hau: uri gi nya: mang: nya: nhung" nyang: cang" nyang:- said' pyam' wa shid re" ab pyam' go" loo wa zi nghoid. Nya: myid: nya: zoo: yi we' myhi, phoo yi ri gyikoid lho: - said' pyam' lo boem wa.

MATHE 4:1

Houg: lang" yu satan: jhu' phyo' zi shau" baja" ga: gyeungshang: da" Venyi: gi Yesu ri dain pyoid' yoo: khyoo: shu" lam" loo" bye.

LUKA 10:16

Yesu nya cangzoo: yi ri tid zigi nanu" da" dang: ri tam" gyoo: mo gi nga" dang: ri we' tam" gyo: zi nghoid bye. Nanu" ri keing" pyam mo gi ngoori keing" pyam zi nghoid. Ngoori keung" pyam zigi ngo ri nhang: kaid su: ri keing" pyam zi we' nghoid bye.

LUKA 16:14

Pharishe yi gi hau: khyoo: dangain" ri shaug" gyoo: yoomo nyang: bang: gi Yesu ri juang" yi byid: ago.Khasu" wim gari nyangnu" gi ngei ri jheddab mo, nghoid.

YOHAN 6:70

Yesu doem phougtu" zigi Ngoo gi cangzoo: daxe: eig yug ri khyen: yu lho: nyheing nhang: kaid to" anghoid la". nghoid loug we' nanu" moo yu satan vang ci: su: dayug bo nyid ga: tid.

Roma 1:29

Nyanu" gi aco' ajhoid' akhyeing" ashoeb' da" moo" aja: ja: anyoin: athoung" zi mougmyid zi yoo ri loug gyi: zi - nheigloem: akyang" byo, lo" khyoo: - byen cang" ri nozo: khyoo: - subi" kang: ri said' khyoo: - byo, go" khyoo: - mhoug fain" zo: khyoo: pyi: cang sho: khyoo: joem ri shoid' vhang: nyid boem. Nyanu" gi - luwim gei sang: se' ago".

Roma 1:31

Nheugloem: azoung" mo, - dang: soo" lid: mo, subi" ri nheig khyeug nheig myen: nheigloem: we' nyanu" ayo" toin" shid'.

1Korinthians 7:5

Nanu" gi shid mo wigi- akyu" mho' wa shid re"- daso, zoo: azoem" goo" loo: nyid wa shid re" myid veing" go" to" da" ayo, lid' lang" gi yhoem: seing: phoo, yhoem: seing: myhi' gung shoo" zoem" khoug: wa shid re"- ajang" pyam goo. akyu" mho' da" ayo, lid' lang" gi doem zoem" khau: nyid ge'. Hougsu" nghoid lang" gi nanu" da" gung doem: ri ayo" khang" yoomo satan gunglau" zi ashoug" goo" baja".

1Korinthians 7:9

Nghoid loug we'- nanu" da" gung doem: ri ayo" khang" wa nghoid rigi- loxo' lho: ikoin deungkhu: qei" goo" baja". Khasu" wim gari- gung sho" da" nyam, khyoo: ri kham, zo nyid wa gung khoo- loxo' lho: ikoin deungkhu: qei" zigi: je" ge zi nghoid.

1THESALONI 4:8

Hougsu" nghoid yoomo he: da" jhau" mho' khyoo: ri ngeug pyam mo, hang" nghoid sho loug we' -byu yi ri anghoid- gyeungshang: da" venyi ri byid: kaid' su: Mangsoo ri ngeug pyam su: nghoid.

1 TIMOTHI 3:11

Nyang: nu" da" myi: yi we' akyang" gi mo, nghoid ca" juang" yi gei sang: mo, a gi nyangnu" gi yhid: ayed ziyo' khyoo: khaid khang" moo" moo ding main" loem gi mo, nghoid ca".

TITU 1:8

Nyang: gi being" doo" noug su:- ge da" khyoo: ri se' jheddab su:- nya: gung ri se' vhoeb khang" su:- akhyoo" cang lho: deing byeung" su:- gyeungshang: su: tarha" ri cang su: nghoid ca".

TITU 2:3

Houg: yo' dakhyoo" ti" apyaid gyi: bye: da" phyid" mang: yi we' loem" jeung" wigi tarha" ri phau" cang mo, lu wim gei sang: da" dang: atid wa ziyo' yhid: join abui" loo: za: ge lho, da" khyoo: ri se' jhau" mhoo, mo, nghoid nyid goo" baja"- nang gi nyangnu" ri jhoug" byid: ca" nyid.

YAKU 2:6

Nghoid loug we' nanu" gi sho" jhen mo, ri aphoug" goo" nhung? Yoo" mo, di mo, gi nanu" ri zeig zo: lho: tarha" agyi yi da" shid' moo she: khyoid yhe: boem anghoid goo" la".

2PETRU 2:14

Nyangnu" gi gootu: ce" ja: riwe'- ayu" noug nghoid ago". Akyang" byo, ci: da" myiyi: yi riza:- date: yu" nau ago". Nyangnu" yooboo koid lho: yo" shau" kham: yu da" myo' no, khyoo: gi atho' thang nghoid ago". Nyangnu" gi loem khau: khyoo: moo yoem: nu: bang: ri nyangnu" da" lhid' moo myhi" sho' yo" mhe' yu ago". Nyangnu" da" nheugloem: e" myid joem ri aco' ajhoid khyoo: moo vhoo: boo myono loo wa shid re:- zei: zhang: nhang: nyid boem.Nyangnu" ri gi Mangso tarha" dang: phyed' nheung" khoin" zang" nyid boem abye: go".

2PETRU 2:19

Nyangnu" gi nyangnu" nyang byo yoin" lo" da" aved' asam: yi da" join zheung nghoid wigi gootu: byu yi ri lhoid' pyoin' kaid wa dang: soo" byid: boem ago". Khasu" wim ga: ri nyang nyang ri-ung: sho' vhoeb, khang" pyam da" ziyoo join yi: nghoid nyid.

2PETRU 3:3

Hau: da" lo" thang bidnyid joem moo gi nyang: tu: nya: gungshoo" aco' ajhoid da" nheugloem: vho: khyo" cang wigi kangso' dei bang: thu' loo wa ziri dangain" da" shid moo se' too" ge'. Nyangnu" gi nanu" ri juang" yi zoore"- Hau: Aseing: doem ju" ri" wa ga: dangsoo" khoin" byid: to" anghoid goo" la". akhid" nyang: khayoo: lo" lha".

YUDA 1:16

He: da" byu phung: yi gi khanham we' kyiyang myeung zoore"- byen, cang" ri yooboo za: te: se' foin: nyid bang: nghoid- nyang: nya: da" anyhoin: athoung" akhyeing: ashoeb da" nheigloem: khyo" cang lho: te: se' koid mo, nghoid. Nyang: nya: da" khyoo: ri phau: khuang se' nyid nyang: nya: da" akyu" yo" yu wa jang" moo yen, gi byen, cang" rimhau, coung" byid: se' nyid boem.

YUDA 1:18

Khasu" wim ga: ri lo" thang da" bidnyid moo nanu" ri juang" yi lho: wigi nyang: nya: vhoo: boo: myo, no, da" nheigloem: axoug" ri cang mo gyeungshang: da" Venyi ri ayo" yu mo

Pang Shug 13:15

Hau: akhyeung" da" gougnyhoug soolhoo: gi dang: yo" tid wa ziyo' hau" soolhoo: ri ano' bang: ri shau" said' pyam wa shid re" eig du: ein: da" akhyeung" gougnyhoug gi hau: xang: shed" makhyeung" da" gougnyhoug soolhoo: moo kangso' yo" moid, kaid' byid: wa da" amyeing" zeing yo.

Pang Shug 13:17

Hau" akhyeung" da" gougnyhoug myeing- anghoid lang" gi hau: myeing khyang" da" nghab youg laxoem" dazid' adab mo, hang" nghoid loug we' zi, qei wa ziyo' ung" wa da" akhang" ayoo.

Pang Shug 16:6

Houg: bang: gi gyeungshang: Mangso byu yi yo' nya: lapi: yi da" suid" ri foid shoin: pyam' byid: boem bye: yoomo Nang gi nyangnu" ri suid" doem shug nhang: bye- houg: gi nyangnu" kham, moin: da" dam nghoid bye:- ga: tid nyid ziri ngoo shau" gyo.

Pang Shug 17:6

Hau: lho: myi: yi: myhi, hau: yug gi Mangso byu yi da" suid" yo' Yesu ri loem" jeing" yoomo said' pyam' zi shug" mo, da" suid" ri shug yed, nyid ziri ngoo myang.