2 TIMOTHI 3:16 - Lacid Common Language Bible

¹⁶ Hau: jhoem: mungdang: dangain" gi Mangsoo nyang: yoem: foin: byid: ziyo' lhid" to" zi nghoid yoomo deingmain" khyoo: ri jhoug" byid: wa ziyo' shoid vhang; khyoo: ri we' yoobo toin" shid' gyikoid lho: jhoug" byid: nyid. Shoid vhang: lo" khyoo: ri so' koid so' nyheung wa ziyo' jo da" kangso' dei khyoo: moo jhoug" byid: mhoo, byid: wa shid re" akyu" bo.

2 TIMOTHI 3:16 교차 참조

2 SAMUELA 23:2

Aseing Venyi gi nga" gung khyo" wigi dang: tid nyid. Nya: mungdang: nga" nhoid moo bo nyid da:.

NEHEMIA 9:20

Nang gi re" gyi: sheung: khyo" nyangnu" koid ca" ziri nyangnu" ri tid shid da:. Nang gi nyangnu" ri Manna byid: zho" lho: shug gyid byid: jhug da:.

COUNG" NGHEI 119:11

Ngoo gi re" da" tarha" ri nga" nheigloem: ung: khoug: moo kaid to" khyoo: gi nang ri ngoo yooboo azang" koid wa shid re" nghoid.

COUNG" NGHEI 119:130

Re" da" jhoug" myeing" jhoug" thui: joem ri tid pang kyo" da" khyoo: gi bidbang ri pang byid: nyid wigi nheigboo ung: agyeung: bang: ri nheigboo ung: gyeung" loo nhang:.

COUNG" NGHEI 119:9

Zooyam, phoo gi nya: kangso' dei khyoo: ri younglho' nyid sho khasu' yo" koid wa lha". re" da" amyeing" tarha" ri tam" gyo: cang yhe: lo" khyo" za: yo" yu nyid.

DANG: ZHOEM 15:10

Shoid vhang: da" moo" ri nang zei: nyid nghoid rigi atho' tid da" shen" yhen khyoo: ri nang thoung" shoug" wa zi nghoid. Nanya: gung du: nyang:- khyoo: shed jhau" mho' ziri akham: yu nghoid rigi nang gi shid: loo" wa zi nghoid.

DANG: ZHOEM 15:31

Nang gi jhau" mho' ziri kham: yu wigi tam" gyo: da" byu nghoid rigi nang gi phajhi" boo su: nghoid nyid.

DANG: ZHOEM 6:23

Nyang: tang: da" khyoo: shed dang: joem gi bang da" bidbang nghoid- nyang: tang: da" tid nyheung tid feung khyoo: joem gi nang khasu" nyid yab yhe: loo" wa khyoo" ri jhau" byid: nyid.

MIKHA 2:7

Israela byumyu" yigi nheing" khoin" zang" nyid ein: nang jho: nyid la". Aseing gi nheigloem: atho' sheing: loo: la". Nyang: gi houg: yhang: ti" moo" zoo" joem ri gyeing" nyang: koid kaid wa la". Nyang: gi deing byeung" khyo" koid nyid mo, ri nheig khyeug shoomyen: tung" dang: tid nyid zi anghoid la".»

ZEPHANI 3:2

Nyang: gi Aseing da" mungdang: ri atam" gyoo:. Jhoug" myeing" jhoug" thui: ri we' akham: yu- nyang: gi Aseing ri we' aloem- nyang: ri akyu" we' amho' yu".

MATHE 13:52

Yesu gi «houg: su" nghoid yoomo Mougkhung: mungdain: da" cangzoo: agi yi bue" loo da" tarha" sara: hang" nghoid loug we' Aseig we axoug" ri we yu thu' shug da" yhoem: seing: yo" du nyid» ga: tid.

MATHE 21:42

Yesu gi «lug yhoem: zhug mo she: lhei" to" da" lugloem: gi yhouggyeing: thang da" yhoem: jhoin mo lugloem: bue" loo bye. He: da" moo" gi Mangsoo koid: da" moo" nghoid. ngoonu" da" shed khoin" moo mau" pho" moo" bue" loo bye: nhung:- ga: lhid" to" jhoem: dang yi ri nanu" anghab' yu" goo" la".

MATHE 22:43

Yesu gi «houg su" nghoid lang" gi David gi gyeungshang: Venyi: khyo" Meshia ri Aseing ga: ci: wim tid lha".

MATHE 26:54

Nghoidloug we' he: moozoo" gi Jheom mungdang: moo cibue" loo wa» ga: tid to" khyoo: gi khasu" koid: deing: b yeung loo wa lha".

MATHE 26:56

Nghoidloug we' he: moo" dangain" bue" loo zigi jhoem: pug moo lapi: yi lhid" to" ziyo' dakhyoo ti" deing byeung" loo wa shid re" bue" lo zi nghoid» ga: tid. Hau: uri nyang: nya: cangzoo: yi dangain" mo, myeung: too" khare" lho: phang: sain" lo" byug boem bye.

MARKU 12:24

Houg: lang" Yesu gi nyangnu" ri nanu" gi jhoem: mougsoug" yo' Mangso yoem: so' ri asi yoomo shoid vhang: nyid boem anghoid goo" rhe" ga: myed:.

MARKU 12:36

Re" gyivoo joem ri re" khyid: voo: khoug moo ngoo atoo" byid: byid: gi nga" lo, yo shoid moo dazhoung: jo, we' ga: hau: Aseing: gi nga" Aseing: ri tid da:› ga: David gi gyeungshang: Venyi: vang lho: tid da.

YOHAN 10:35

Mangsoo gi nya: da" mungdang: tam gyo: nyid mo, ri Mangsoo ga: tid pang to.

YOHAN 3:20

Akhyeing" ashoeb moo" zei mo, gi bidbang ri ngheing" boem yoomo bidbang khyoo ari" nghoid boem wigi nyang: nya: akhyeing" ashoeb da" moozoo" bang thu' loo wa ziri avhoo: nghoid ago" gyoug yoomo - bidbang nam, moo avoem" tain" ri.

ACTS 1:16

Nga" Mang: nhung" yi we-Yesu ri myheug mo, ri khyoo: shu" shed su- Yuda yo' sen: lho: wigi gyeungshang: da" Venyi khyo" David da" nhoid mo tid to" da-Jhoem: mungdang: gi zung: loo wa zi nghoid bye.

ACTS 18:25

Nyang: gi Aseing: khyoo: ri jhau" yu ca" nyid su: nghoid yoomo Yesu da" khyoo: yo' sen: lho: wigi akhyoo" joo joo kang: lung bu tung"- jhoug" byid: su: nghoid. Nghoid loug we' nyang: gi Yohan da" Babtisma khyoo: ri za: si' su: nghoid,

ACTS 20:20

Meing: byu yi da" shid khoin" moo yo' nyangnu" da" yhoem: joem moo ngoo kho" kyo" jhoug" byid: nyid da" uri nanu" shid mo akyu" bo da" dang: dakhoin" ri we' - ateung to" ziri nanu" nyang: si' bye.

ACTS 20:27

Khasu" wim gari ngoo gi Mangsoo: myed young to" Khyoo: dangain" ziri ci" we' ateung too" looza: nanu" ri tid fu" kyoo" byid: bye.

ACTS 28:25

Houg: yoomo nyang: cang" nyang: aveing" goo" loo: za: thu' lo" nyid boem da" uri Polu doem tid zigi Lapi: Esaia nhoid khyo" gyeungshang: da" Venyi wigi nyangnu" da" phoug" phyid" yi ri tid da" dang: gi gye" nyang: jo, da" dang: nghoid.

Roma 15:4

Jhoem: mungdang: moo lhid" to" da" khyoo dangain" gi - kham' zeing: yoem: vhoo" yo' nheugloem: geing: teing khyo" nyang: nya: nheig byu loem" jeung" khyoo: ri yo" yu wa shid' re" - ngoonu" ri jhau" mho' tid kyeing" to" da" mungdang: nghoid.

Roma 2:20

Byu gang yi ri khyoo: shed' su: - phajhi" asi' shi" mo da sara nghoid ga: deing" deing nang nghoid. Nang gi Yuda tarha" phajhi" yo" deingmain" da" khyoo: ri se.

Roma 3:2

Akyu" gi shoid' khang" moo" bo. Xang: shid" mo yuda byumyu" yigi Mangso: da" mungdang: ri loem" khou boem.

Roma 4:23

Mangsoo: gi nyang: ri deingbyeing" su: amain" khyo" kham: yu bye: ga: da" dang: gi Abraham: dayug kyeing" ri za: yeing lho: lhid" to" zi nghoid.

1Korinthians 12:7

Dangain" bang: shid mo akyu" boo baja" ga: byu yug khang" mo" nheigloem: ung: khoug: moo- gyeungshang: da" Venyi loung" jo, bye: ziri- khyoo: aja: ja: khyo" toin" shid' nyid.

GALATI 3:8

Hau: jhoem: mungdang: we' Mangsoo gi loem" jeung" ziyo' tungbau byumyu" yi ri deing byeung" nhang: wa,, ga: wigi tid too" bye- Hougsu" wigi jhoem: mougsoug" gi" Byumyu" bain sho' bang: gi nang yoomo-ngilhoo, dang khab, boem wa,, ga: wigi Abraham ri hau: ngei bu: lu dang: ri tid kyoo" bye.

TARHA" TID POIN" 29:29

«Ngoonu" da" Aseing Mangso nyhoem" shoung: to" zi dayham" jo,. Nghoid loug we' nyang: gi nya: tarha" joem ri ci: shug bye:. Houg: lho: ngoonu" yo' ngoonu" da" amyed ashen yigi hau: ziri apyaid atoo: moo tam" gyo: cang yhe: nyid ca" da:.

TARHA" TID POIN" 4:36

Nyang: nanu" ri pyeing: dang: yo" tid wa shid re" mougkhung: mo nya: thui: ri nanu" ri shoug" gyoo: nhang: bye:. Houg: lho: he: myidgung moo nya: gyeung" shang: myi: ri nanu" ri myang nhang: wigi houg: mo wigi nanu" ri dang: ji bye:.

2 TIMOTHI 2:25

Nyhang" nyang: ri ngeug se: doin: lhoem" keung" lo da" byu yi ri so' koid so' nyheung: jang" moo nu" nham, sam" dab, khyoo: se' koid su: nghoid ca" nyid. Khasu" wim ga: ri nyangnu" gi nheigloem: thed' lo lho: hau" deingmain" da" khyoo: ri se' gyo: loo wa da" akhang"- Mangsoo gi nyangnu" ri byid: ri byid: loo wa zi nghoid.

2 TIMOTHI 4:2

Hau" mungdang: kho" kyoo" wa shid re" se' gyoo: nhang: wa shid re" yooboo toin" shid' lhoo: gyikoid wa shid re" yoem: foin, byid: wa shid re"- nheugloem: sheing:' sheing: jhoug" byid: mhoo, byid: wa shid re" ayo, aboin: eung: nghoid loug we' acoung: nghoid loug we' yoem: dakhaid nyid we ein: ngoo nang ri doin: nyhen" nyid.

HEBRE 11:1

Loem" jeung" khyoo: ein: zigi ngoonu" nheig byu to" da" zi joem ri gyeing" nyang: bue" loo wa" ein: da" khyoo: ri nheig shid: nheig deug nyid ziyo' amyang yu" shi" da" zi joem ri gyeing" nyang: jo, bye" ein: se' gyo: loem" yu khyoo: ri loem" jeung" khyoo: ga: zi nghoid.

HEBRE 3:7

Hougsu" nghoid yoomo hau: gyeungshang: da" Venyi tid ziyo' dakhyoo" ti"- Akhid" nyid" nanu" Mangso dang: shau" gyo: nghoid rigi

HEBRE 4:12

Khasu" wim gari Mangsoo mungdang: khoin" gi dadei nyid ziyo' - sham: soo" eig shoid tho' lho: ce: ja" lhab, sham: tho' mo we' je, tho' jo.Hau: zigi kangso' venyi yo' nheigloem: shau" go" da" joyoo ju" sho' we' shoo" youg xeig yo' youg: khyang: khau: moo ju" sho' we' dangain" ziri yo" kho' khyam" lo" wigi byu yi da" e" myed nheigloem: khoug: mo myed soin' lo" khyoo: dangain" ziri dang: yo" phyed' pharan byid: nyid.