2 TIMOTHI 2:7 - Lacid Common Language Bible

⁷ Ngoo tid nyid khyoo: ri myid soin: yu" we' khasu" wim ga: ri Aseing; gi hau: khyoo: dangain" ri yo" se' da" emyid, nang ri byid: loo wa zi nghoid

2 TIMOTHI 2:7 교차 참조

1 KHOKHAM MHOOMYID: 22:12

Nya: tarha" yo' dayhang: ti" Israela byumyu" yiri nang yo' vhoeb khang" wa shid re" re" Aseing Mangsoo gi nang ri lasi phajhi" yo' phajhi" ju yi byid: baja".

1 KHOKHAM MHOOMYID: 29:19

Re" amyeing" dang: ja: khang" moo" ri tam" gyo: cang yhe: myid yo' he: ngoo soin' nyheing to" da" Noku Yhoem: Moo" koid moo" ri oung: khoug: nheigloem: dangain" yo' koid wa myid nga" zoo: Sholumon ri byid: we'» ga: coung" bye:.

COUNG" NGHEI 119:125

Ngoo gi re" da" dei zoo: nghoid nyid re" da" jhoug" myeing" jhoug" thui: joem ri ngoo yo" se' yu wa shid mo ngoo ri se' gyo: da" emyed kaid byid: we'.

COUNG" NGHEI 119:144

Re" da" khyoo: shed dang: khoin" joem gi khanham we' nyeung veung" zi nghoid nyid. Ngoo kangso' dei nyid baja"- ngoo ri: se' gyo: da" emyed kaid byid: we'.

COUNG" NGHEI 119:73

Nang gi ngoo ri phain" so: to" lho: gau: nyu: goem loem byid: nyid. Re" da" tarha" joem ri: ngoo yo" jhau" yu wa shid re" ngoo ri se' gyo: khyoo: byid: we'.

COUNG" NGHEI 64:9

Nyangnu" dangain" gi gyoug lo boem wa zi nghoid wigi Mangsoo ce: noem zei: too" bye: ziri Nyangnu" myid soin: yu" lo boem wa ziyo' nya: da" moo" zo" khyoo: ri tid kyo" boem wa.

DANG: ZHOEM 24:32

Hau: ziri ngoo yu"- hau: khyoo: ri myid yu" lang" houg: mo jhau" yu khyoo: dakhaid yo" yu.

ESAIA 1:3

Nu: joem gi nyangnu" ri hang" wigi seing: ziri se' lho: loo zei: joem gi nyangnu" aseing wigi nyangnu" ri khamoo voem: byid: zho" ziri se' ago". Hau: zigi nga" byumyu" Israela bang: se' tho' je se' da:. Nyangnu" dajhi' we' ase' gyoo: nghoid ago"» ga: tid.

ESAIA 28:26

Mangso wigi nyang: ri jhau" byid: too" bye: yoomo nya: moo" ri khasu" zei: wa nyang: se' da:.

ESAIA 5:12

Nanu" pui" joem moo teing- lo, baid- jhu:- khoolhang joem yo' zabyid yhid: yo" ago"- nghoid loug we Aseing cikoid wa ziri nanu" asi' goo" nghoid ago".

DANIELA 1:17

Mangsoo gi hau: zooyam myid: yug ri lasi phajhi"- mougsoug" yo' myid phajhi" se' jhang: ziri byid: da:. Hau: tho' agoo" Daniela ri yoeb myang myang ziyo' yhoeb mo joem ri se' phid: kyoo" wa da" lasi phajhi" ri byid: da:.

LUKA 21:15

Khasu" wim gari nanu" da" gyivoo yi ayo" ngeig- ayo" shang" yab jo, sho' wim da" dang: yo"- nyan phajhi" yo' mungdang: ri ngoo nanu" ri byid: wa byid: loo wa yoomo nghoid.

LUKA 24:45

Hau: thang: ri cangzoo: yi gi jhoem: mungdang: ri se' gyoo: wa da" shid' re" nyangnu" da" nheigloem: khoem" duang: byid.

LUKA 9:44

Yesu gi nya: cangzoo: yi ri byu nya: zoo: gi sube" lo, khoug: moo ab, byid: pyam' shau" wa nghoid- he: dang: ri nanu" ato" myhid loo: xoem" too" ge' ga: tid.

YOHAN 14:26

Nghoidloug we' Phoo gi nga" myeing mo nhang: kaid wa da" pang" thoug su: ein: da" gyeungshang: da" Venyi: gi nanu" ri ja: khang" moo" jhoug" byid: wigi ngoo tid kyo" da" khyoo: dangain" ri doem myid boin: loo nhang: wa zi nghoid.

YOHAN 16:13

Nghoidloug we' Mangso da" khyoo:- deing byeung" da" tarha" ri phang shug da" gyeungshang: Venyi: ju" gyoo" loo lang" gi nanu" ri deung main" da" tarha" bain sho' re" phang shug wam bye. Hau: da" gyeungshang: Venyi: gi nyang: vho: da" khyoo: tid kyoo" wa zi anghoid. Nyang: shaug" gyoo: ci: gu: ri tid kyo" lho: thang: phyang" bue" loo wa khyoo: ri tid wa nghoid.

ACTS 7:10

Nghoid loug we' Mangsoo gi nyang: yo' dage" nghoid nyid yoomo nyang: ri yau: khe" jamjau dangain" jang" mo loid loo" nhang: bye. Mangsoo gi Yoseb ri Egu tu khokham" da" shid khoin" moo yu" jhed' yu" kang: da" nyid yab, khyoo: nyheing byid: ziyo' - lasi, phajhi" byid: wigi Egutu khokham" gi Yoseb ri Mungdain goin" da" atho' moo we' khokham" khoo" dangain" jang" moo we' - Vhoeb, khang" nhang: too" bye.

1Korinthians 12:8

Khasu" wim gari- byu dayug rigi- hau: Venyi gi phajhi" mungdang: kho" kyoo" wa yoem: byid: nyid. Gootu: dayug ri hau: Venyi: gi lasi laleig da" mungdang: se' kho" kyo" da" yoem: vhoo" kaid byid nyid.

TARHA" TID POIN" 32:29

Nyangnu" gi ciwim gyi soem" ziri ase' myang goo" nghoid da:. Nyangnu" cibue" lo ziri we' asi' goo" nghoid da:.

TARHA" TID POIN" 4:39

Hougsu" yoomo Aseing gi mougkhung: yo' myidjang mo Mangsoo nghoid ziri akhid" nyid" myid boin: ge'. Khanham we' ato" myid goo". Mangso gootu: anyid loo.

PHILIPI 4:8

Mang nhung" yi we"- ce: da" ge, lho, deingmain" khyoo: young" du khyoo: deing byeung" khyoo: gyeungshang: khyoo: vho: ngei khyoo: coung" ngei byid: ge" da" khyoo:- ngi lho, khyoo: yo' coung" nghei moin: da" khyoo: joem ri damyid' yu" nyid ge'.

KOLOSE 1:9

Houg: yoomo nanu" da" khyoo: ri shau" gyo: yu da" bidnyid mo wigi ngoonu" gi nanu" shid re" anoo: ayab, loo: za: akyu" mho' nyid boem bye- nanu" gi hau: gyeungshang: Venyi wigi byid: da" phajhi" byen- ya dangain" yo' Mangsoo myid vho: khyoo: ri yo" se' loo wa lasi, nanu" moo joeb, byeung" loo wa shid re" Mangso jang" moo ngoonu" akyu" mho' nyid boem.

1 TIMOTHI 4:15

Nang se' yeug gyi: sheung: lo zigi byu yi dangain" bang: shau" myang baja"- atho' moo tid lid loo bye: da" khyoo: joem ri nheigloem: boo boo cang pyeung lo" ziyo' houg: moo geung: zug jo, we'.

2 TIMOTHI 2:6

Yoothung" phoug khyam: koid su: we' shivoo: shiloem, xang: shed" shau" shab, yu wa gam, boem' shau" yu ca" nyid.

2 TIMOTHI 2:8

Ngoo kho" kyo" da" ngei bu: lu dang: moo bo ziyo' dakhyoo" ti"- shid: byug bye: bang: mo doem, dei to'' lo da" David da" akung: ako'' nghoid nyid da" Khristu Yesu ri boin: so" nyid we'.

HEBRE 12:3

Yooboo yoo" mo, wigi atho' tid loo: sho' koid da" anoug angei khyoo: ri hau: Aseing: gi khayhi' gyeing" kham' zoo: bye: da" khyoo: ri nanu" bo myid yu" ge'. Houg: su" nghoid yoomo nanu" moo nheigloem: byo, yoin" gyoeb, gyo" khyoo: aboo goo" baja".

HEBRE 13:7

Nanu" ri Mangso mungdang: tid kyo" lid loo bye: da" shid' phyang" mo nanu" da" khyoo: shed' vhu" she: loo bye: mo, ri myed boin: nyid ge'. Nyangnu" khasu" kang: so' dei nyid boem lho: Khasu" shid: lid no lid lo" boem ziri myed boin: myed so" wigi nyangnu" loem" jeung" lo da" akhyoo" joem ri khoo" shid: yu" yu nyid ge'.

HEBRE 3:1

Mangso khyen: khe: yu zishau" da" nga" Khristan mang: nhung" yi we"- ngoonu" yhen: kham: yu bye: da" noku thung" laloem lakhau: da" khainjung moo" zeung bue" loo wa shid re" Mangsoo nhang: kaid da" Yesu ri myid yu" ge'.

HEBRE 7:4

Nya: da" dain' thu nya: phoug" nya: phoo Abraham gi Gyipui" mo yo" yu lo da" dangain" jang" mo daxi: boem mo daboem- Melkhizedeg ri xoin" to' byid: nghoid rigi houg: yhang: te" xoin" to' byid: zi rikham: yu su: gi khayhi' gyi: su: nghoid ein: ziri nanu" myid soin: yu" ge'.

YAKU 1:5

Nghoid loug we' nanu" mo dayug yug gi Phajhi" juyi: thang byug nghoid rigi Mangso: jang" mo mho' ge' nyang: gi houg: su" mho' mo, ri nyain: phajhi" byid: wa zi nghoid. Khasu" wim gari Mangsoo: gi byu bain sho' mo, rigau ziyo' agoin ayu: da" phajhi" ri byid: nyid.

YAKU 3:15

Houg: yhang: te" da" phajhi" gi tho' khyo" gyoo" lo da" phajhi" anghoid- moug: myid tho' mo Venyi yo' sen: da" yu join zhadain: da" phajhi" danghoid.

YAKU 3:17

Nghoid loug we' tho' khyo" ju" gyoo" lo da" phajhi" ju yhi: koem gi xang: shid" re young" gyeung"- hau: thang: moo myenjham" ngei pyo: khyoo:-nu" nham, khyoo: young" du, nyeung veung" khyoo: ri bue" thu loo nhang:- hau: tho' moo gootu: nheig khyeug khyoo: yo' joeb byeung" wigi ge thang moozoo" ein: da" aboo" bo" lho: ashi" zei: loo nhang: se' nyid. hau: zigi myonhoo: ase' khyen:- nghoid boin: da" khyoo: aboo - akug ase' void.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.