2 TIMOTHI 2:25 - Lacid Common Language Bible

²⁵ Nyhang" nyang: ri ngeug se: doin: lhoem" keung" lo da" byu yi ri so' koid so' nyheung: jang" moo nu" nham, sam" dab, khyoo: se' koid su: nghoid ca" nyid. Khasu" wim ga: ri nyangnu" gi nheigloem: thed' lo lho: hau" deingmain" da" khyoo: ri se' gyo: loo wa da" akhang"- Mangsoo gi nyangnu" ri byid: ri byid: loo wa zi nghoid.

2 TIMOTHI 2:25 교차 참조

YEREMIA 31:33

Israela byu yi yo' ngoo koid wa da" dang: theing aseig gi hid su" nghoid da:. Nga" tarha" ri nyangnu" khoug: moo kaid byid: wigi hau: ziri nyangnu" nheigloem: khoug: moo lhid" tab too" wa. Ngoo gi nyangnu" Mangsoo bue" wigi nyangnu" gi nga" byumyu" yi bue" loo goo" wa.

EZEKIEL 11:19

Ngoo gi nyangnu" ri nheigloem: aseig yo' myid aseig byid: wa. Ngoo gi nyangnu" da" thain: da" lug boem nheigloem: ri yu pyam byid: wigi tam" gyo: cang yhe: da" nheigloem: byid: wa.

EZEKIEL 12:3

Shid: se' da" byu we"- akhid" phang: khau: yen" su: yhang: te" zi soin' deing: wigi moug: acoid shi" ri thu so" loo" we'. Nang thu lo" ziyo' gootu: joyoo khyoo: yhe: lo" ziri yugkhang" moo" shau" myang boem goo" baja". Hau: goemlu too' bang: gi nang ri xoem" ri xoem" abe.

EZEKIEL 36:26

Ngoo gi nanu" ri nheigloem: aseig yo' myid aseig kaid byid: wa. Ngoo gi lugzeing su" thain: da" nheigloem: ri yu pyam byid: lho: tam" gyo: cang yhe: da" nheigloem: ri kaid byid: wa.

EZEKIEL 36:31

Nanu" gi nanu" nyang: shoid lid: lo da" akhyeing" ashoeb da" avoid joem yo' nanu" koid shoid da" joem ri myid boin: lho: nanu" gi nanu" da" yooboo joem yo' youg: noo dam joem gang mo nanu" nya: gung ri co' lo boem goo" wa.

ZEKHARIA 12:10

Hougsu" ngoo gi David da" nya: myid: nya: zo: bang: yo' Yerusalem voomoo" moo nyid bang: ri nheig se' khyeug ziyo' akyu" se' mho' da" Venyi: kaid pyeing byid: wa. Nyangnu" thau" said pyam' su: ri coem' yu" lho: nyangnu" gi nyang: nya: zooti" zoo: anghoid lang" zooshid" zoo: shid: lo" yhang: ti" nyang: soo" soo" koug ngau nyid goo" wa zi nghoid.

MATHE 11:29

Nga" da" kyoug: ri voin ge'. Nga" jang" mo jhau" yu ge'. Khasu" wim gari ngoo gi nu" nham' su: yo' nheigloem: nyhoem: su: nghoid. Houg: su" lang" nanu" doug shau" noo: wa zi nghoid.

MATHE 21:32

Yohan gi nanu" jang" moo re" lho: deung main" da" khyoo: ri jhoug" byid: nghoid loug we' nanu" nya: dang: ri aloem" jeung" boem. Nghoidloug we' khyu: zoo: mo, yo' shava myiyi: yigi nya: dang: ri loem" jeung" boem bye. He: da" akhyoo" again ri shau" myang uri lang" nanu" gi nheigloem: thed' lho: Yohan da" dang: ri loem" jeung" lo da" khyoo: abo boem nghoid da.

MARKU 1:15

Ayo, byeung" bye- Mangso mungdain ju" ri" bye- nanu" da" youg: mo yooboo mo lheung: lho ngeib: ludang: ri loem" jeing" loo: ge'

YOHAN 5:34

Nga" da" khyoo: ri byu dayug yug gi sagsi: kham: byid: aca" loo. Nanu" khyoid yu zi shau" wa shid' re" za: he: dang: ri ngoo tid nyid zi nghoid.

ACTS 11:18

Nyangnu" gi hau: da" dang: ri shau" gyo: boem lang" gi Petru ri nyangnu" yooboo foin: nyid khyoo: zheung: theung: pyam' lho: Mangsoo ri coung" nghei byid: wigi Mangsoo gi tungbau byumyu" yi ri we' nheing loem: thed' lho: kang: yo" dei nyid wa khyoo: ri akhang" byid: too" bye: nhung- ga: tid nyid boem.

ACTS 2:38

Petru gi nyangnu" ri mang: nhung" yi dangain" bang: we' nheugloem: thid' ge'- nanu" da" yooboo joem ri khyoid pyam byid: zi shau" wa shid re" Yesu khristu da" myeing mo-nanu" yug khang" moo" Babtisma ri kham: yu ge'- houg: lang" Mangso jhung: shug nghoid da- gyeungshang: Venyi we' nanu" shau" kham: yu boem wa zi nghoid.

ACTS 20:21

Nyang: nu" da" yooboo mo nheigloem: ri thed' pyam' lho: Mangso shoid' khyoo: lheung: lo boem wa ziyo' - Aseing Yesu ri loem" jeung" lo boem wa shid re" ngoo gi Yuda byumyu" yi yo' tungbau byumyu" yi ri dakhyoo" ti" yoem: kaid' lho: gye" khyo" tidpoin" lid loo bye.

ACTS 5:21

Lagyoo: yi we' tid da" dang: ri tam" gyoo: yoomo nyangnu" gi nabsoin: myo myang yid' moo noku yhoem: moo" khoug: moo vang yhe: lho: jhoug" byid: nyid boem ago". Hau: khainjung zeing gi nya: byen, cang" yi yo' Yuda tarha" yabdo zoeb phung koid wa shid re" Yuda ludaid' Vhu" jhung: yi ri khe: zheung" to" ago". Hau: thang: ri nyangnu" gi lagyoo: yi ri nyangnu" da" shid' khoin" moo shu" vang ri" wa amyeing" byid: lho: thung: yhoem: mo, shu" nhang: kaid ago".

ACTS 5:31

Israela byumyu" yi we' nheigloem: thid' wa ziyo' nyangnu" da" yooboo ri khyoid pyam byid: zi shau" wa shid mo akhyoo" bo nyheung byid: wa shid re" Mangsoo gi nyang: ri khyoid yu su: yo' vhu" jhung: khyo" nya: lo yo, shoid' moo tu: to' to" abye:.

ACTS 8:22

Houg: yoomo he: akhyeung" da" lo, moo" mo nheigloem: thid' we'. Houg: su" myed shoid' da" yooboo ri khyoid pyam' byid: zi shau" wa shid re" Aseing: ri akyu" mho' we'.

GALATI 6:1

Mang nhung" yi we"- byu dayug yug gi aboin: asoo" loo: za: yooboo zei: shoid nghoid rigi venyi wigi khyoo: shed" khyo" kangso dei nyid mo, nanu" gi houg: yhang: te" su: ri nu" nham, da" myid yo' khyoo: shed byid: ca" nyid nanu" nyang: we' gunglau" wigi jhu, phyo' zi ashug" baja" nyang: tu: nyang: houg: lhed' zed" nyid ge'.

1 TIMOTHI 2:4

Nyang: gi byu dangain" mo, khyoid yu zi shau" lho: hau: deingmain" da" khyoo: ri se' loo wa shid re" vho: ngei nyid khyoo: nghoid.

1 TIMOTHI 6:11

Nang koem gi Mangso da" byu phoo we"- he: khyoo: dangain" ziri yoem: kaid' nyid we'. Deing byeung" khyoo:- tarha" phau" cang khyoo:- loem" jeung" khyoo: jheddab khyoo: moo yoem: kaid' lho: thoug shang" ziyo' nu" nham, da" nheigloem: yo" yu sho' yoem: kaid' nyid we'.

2 TIMOTHI 3:7

Jhau" mho' khyoo: ri kham: yu wa shid re" kha: nham, we' vhongei yoem: kaid' nyid boem nghoid loug we' nyangnu" gi hau" deingmain" da" khyoo: ri se' jhang: jang" khyoo: kha: nham, we' ayo" ju" loo, lo: boem.

TITU 1:1

Mangso join yo, Yesu Khristu da" lagyoo: ngoo Polu gi mougsoug" lhid" kaid. Mangsoo gi nyang: khyen: yu byu yi da" loem" jeung" khyoo: ri pang" thoug byid: wa shid re" we' Yha" da" loem khau: khyoo: moo jhoug" byid: da" deingmain" khyoo: ri shau" se myang sho' khyoo: toin" shid wa shid re" we' ngoori khyen: yu lho: nhang: kaid bye.

TITU 3:2

Nang ri nghoid loug we' age khyo" lu, wim gei sang: da" dang: ri atid loo: za: myenjham" ngei pyoo: tung" zoem" khau: veing" goo" wa ziyo' khanham we' byu dangain" bang: ri nu" nham, nheigloem: shed nyid baja"- nyangnu" ri tid poin" nyid we'.

YAKU 1:17

Ge, da" joeb byeung" jeju" dangain" gi moug: khung: mo bidbang joem ri phain" to" da" Mangsoo jang" mo wigi we"- gyoo" lo zi nghoid. Mangsoo moo khanham we' athed loo" alid loo" atoug" ashu: aphug asi: wim yoomo nyang: moo bid shoem: yoeb, bui" nhang: zi ci" we' aboo.

1PETERU 3:15

Nanu" da" nheigloem: khoug: moo Khristu ri phau" myang: lho: wigi Aseing: gi yhoem: seing: khyo" nyang:- coung" nghei kham: yu nyid ge'- nanu" yo" kham: yu bye: da" nheig byu joyoo da" khyoo: ri myid: phoid: sho: loo su: ri kha: uringhoid loug we' tid phoid: sho' kyoo" wa shid re" jen" jen" koid too" ge'.

1YOHAN 5:16

Re" mang: re" nhung" dayug yug gi ashid: moin: da" yooboo daja: ja: zei: nyid nghoid rigi nang shau" myang nghoid ri nang gi nya: shid re" re" Mangso jhang akyu" bo mho' nyid ca"- Mangsoo gi nyang: ri apyaid ato: kangso' byid: wa zi nghoid. hau: zigi shid: moin: da" yooboo akoid mo, shid re" za: mho' byid: wa khyoo: nghoid. Nghoid loug we' shid: moin: da" yooboo ga: zigi jo, jo, wigi hau: shid re" Mangso jang" moo mho' yoid ge da" khyoo: ri ngoo atid noug.