2 TIMOTHI 2:2 - Lacid Common Language Bible

² Sagsi: myoo" sho' bang: da" shid' khoin" moo nga" jang" mo nang jhau" yu gyo: yu bye: da" jhoug" myeing" jhoug" thui: ri ci: lho: byu gooji" ri we' yo" doem, jhoug" byid: wa zi nghoid ein: wigi nang leom, ge" da" byu yi ri doem, thoid' ab, byid: wa.

2 TIMOTHI 2:2 교차 참조

EZRA 7:10

Ezra gi Aseing da" tarha" ri jhoug" yu wa shid re" we' cang loo" wa shid re" we' Israela byumyu" yiri hau: tarha" dangain" ri jhau" byid: wa shid re" we' nya: apyaid ri shug byid: too" bye:.

EZRA 7:25

«Ezra nang we"- re" Mangsoo nang ri byid: to" da" phajhi" ri ci: wigi Uphrad gyid lang bidvang shoid mo re" Mangso tarha" yo' nyid da" byumyu" dangain" adang moo vhoebkhang" wa shid re" mung" vhoeb bang: yo' tarha" agyi yiri khyen: tu' too" wa zi nghoid. Hau: tarha" gi asi' mo ri we' nang jhau" byid: ca" wa zi nghoid.

NEHEMIA 7:2

Ngoo gi Yerusalem ri vhoeb wa shid re" byu eig yug ri khyen: too" bye:. Nya: eig yug gi nga" nhung" Hanani yo' gyigoo zung: vhoeb da" zoug: Hanania tang: nghoid ago". Hanania gi loem ge" da" byu nghoid lho: Mangsoo ri gyoug phoug" da" yug- hang" yo' we' ayo" tu' sho' ge yug nghoid da:.

COUNG" NGHEI 101:6

Mangsoo moo: loem: jeung" nyid mo, ri ngoo lhoem: yu lho: nga" khokham vang" moo: nyid nhang: wa zi nghoid. Nheigloem: bain sho' phyu: yung" mo, nyangnu" gi nga" dei zoo: bui" wa da" akhang" yo" yu boem wa zi nghoid.

DANG: ZHOEM 13:17

Loem age da" lagyoo: yigi yau: khe" kyi" khyeug khyoo: ri ze" bui" nhang: nyid. Nghoid loug we' loem ge" da" byu yi koem gi ngei pyo: myenjham" khyoo: ri ze" bui" byid: nyid.

YEREMIA 23:28

Yhoebmo, mo, da" lapi: gi yhoebmo, za: danghoid ein: tid fu" ca" da:. Nghoid loug we' nga" mungdang: ri shau" gyo: yu da" Lapi: gi nga" mungdang: ri jhug zug tung" tid fu" eung: da:. Sungsoo: yo' tu' yu" ri khoofoo: gi ce: akyu" bo la".

XOIN" NGEI" 14:42

Hau: thang: gootu: lugboem joem ri yu pyam bye: da" lugboem joem joyoo moo: doem thid kaid wigi byilaid aseig ri ci: wigi pyiyam ri doem xi wa zi nghoid.

MALAKHI 2:7

Khainjung yigi yoem: moo" bo da" Aseing Mangso da" lagyoo: yi nghoid yoomo mung" byu yiri Mangso deingmain" da" lasi phajhi" ri jhau" byid: cang bo nyid. Mung" byu yi we' ngoo vho: ngei khyoo: ri khainjung yi jang" mo yhe: jhoug" yu ca" nyid.

GYUNG: SOO" 12:7

Nga" dei zoo: Moshe yo' ngoo dang: tid zigi gootu: yo' adu goo". Ngoo gi nyang: ri nga" byumyu" Israela dangain" bang: ri vhu" shi: wa vhujhung: koid nhang: to" zi nghoid.

MATHE 13:52

Yesu gi «houg: su" nghoid yoomo Mougkhung: mungdain: da" cangzoo: agi yi bue" loo da" tarha" sara: hang" nghoid loug we' Aseig we axoug" ri we yu thu' shug da" yhoem: seing: yo" du nyid» ga: tid.

MATHE 24:25

Tam" gyoo: ge' he: da" khyoo: abue" loo shi" ri nanu" ri ngoo tid kyoo" bye.

LUKA 12:42

Yesu gi dang: zung" lho: phajhi" se' da" dei zoo: gi hang" nghoid la". Yhoem: seing: gi dei zoo: yi ri vhoeb khang" wa shid' re" yo"- ayo, ju" lang" vhu" kung: phoug" thug byid: wa shid' re" vhu" jhung: dayug nyeing to" ein: shang.

1Korinthians 4:2

Houg: su" yoovoin yu lho: wigi- voin vu, nhang: da" dei zoo: yi moo: boo ca" da" nheigloem: daja" gi Aseing da" atho' moo: zid" lhid' lho: nheigloem: zung" ca" da" khyoo: nghoid.

2~KORINTHU 2:14

Nghoid loug we' Mangso jeju" gi gye" gyi: jo, da- Khasu" wim gari nyang: gi ngoonu" ri Khristu yo' dadeung: daloem: za: bui nhang: wigi Khristu da" oung: doid lo pui" moo oung: yain: lo" da" thung: byu yi yhang: ti"- Mangsoo gi ngoonu" ri shu" vho" shi: bye. Khristu se' lo da" lasi, laleug gi nam, pyo: da" shoem: yhang: ti"- joyoo khyi khang" moo myoo- byo loo" nhang: wa shid re" Mangsoo gi ngoonu" ri ci: yhoung" nyid bye.

2~KORINTHU 3:5

Ngoonu" gi he: da" moo" ri yo" zei: ein: yo" tid wa ngoonu" moo ce" yoem: so' we' abo boem› Ngoonu" yo" yu da" yoem: so' gi Mangso jang" mo za: nghoid nyid.

KOLOSE 1:7

Nanu" gi Mangso jeju" khyoo: ri ngoonu" da" moo" voin, byen, cang"- Epaphra jang" mo jhau" yu agoo" bye- nyang: gi ngoonu" da" gung thid' Khristu da" moozoo" moo voin, su: nghoid nyid.

1 TIMOTHI 1:12

Ngoo zei: voin, vu, nyid da" moo" zo" shid mo ngoori yoem: so' lung: byid: nyid da" yha" da" Aseing Yesu Khristu ri jeju" boin: coung" ngei nyid. Nyang: gi ngoori moin: yi" su: nghoid ga: soin: yu wigi nyang: ri noku coung" ngei wa khyen: nyheung to" zi shau" yoomo we' nya: jeju" ri boin: coung" nghei nyid.

1 TIMOTHI 1:18

Nga" zoo: Timothi we"- lid loo bye: da" ayo, moo nang ri zhoo: gyi: kho" kyo" da" lapi: dang: joem yo' dakhyoo" ti"- voin, vu, kho" kyoo" wa da" amyeing" ri ab, byid: bye- goo" lhoo: yo" zain: oung: loo" wa shid' re" Hau" lapi: yi tid to" da" mungdang: joem ri gyizi, gyikhoo: ti" daci: yhoung nyid we'.

1 TIMOTHI 4:14

Lapi: yi kho" kyo" lho: phung ri shu" vhu" shi: bang: da" atho' moo lo, ke" lho: phung" void, kaid' byid: da" uri nang ri byid: to" da" nang moo bo jo, gyeung shang: venyi yo' sen: d a" jeju" jhung: shug ri aphoug" akhyoid koid lho: aci: phyoug pyam.

1 TIMOTHI 4:6

He: jhau" mho' da" dang: khoin" joem yo' dakhyoo" ti"- Khristain mang: nhung" yi ri nang tid poin" tid kyeung" nyid nghoid rigi nang gi nanyang: lhoem: kham: yu to" da" loem" jeung" da" khyoo: ri we' deingmain" da" jhoug" myeing" jhoug" thui: ri we' nya: gung du: ri goin, coung: da" Khristu ge, da" dei zoo: bue" nyid wa zi nghoid.

1 TIMOTHI 5:22

Aseing: da" moozoo" voin, vu, wa shid re" hang" ri nghoid loug we' lo, ke" lho: aya: tang: byid: wa ziri akhang:- subi" dakoid da" yooboo moo aye: bo vang lhu"- nang nyang: we' yooboo adab sho' gyeungshang: nyid we'.

1 TIMOTHI 6:12

Loem" jeung khyoo: yo" sen: da" tang" shi, go" pui" moo yoem: bain' sho' kaid' lho: gei lo" wigi apyaid' ato: da" kangso' ein: da" jhung: shug yo" yu sho' tang" we'. Khasu" wim ga: ri hau: kangso' dei nyid da" khyoo: moo nang ri mangsoo khe: yu da" uri nang gi sagsi: myo" sho' bang: da" shid' moo yhen: yu abye:.

2 TIMOTHI 3:10

Nghoid loug we' nang koem gi nga" da" jhoug" myeing" jhoug" thui: nga" asam" avoid yo' nga" kang: so' dei khyoo: moo myid soin' nyheung lo ziyo' dakhyoo" ti" cang lo" abye:. nga" da" loem" jeung khyoo:- ngoo nheigloem: sheung: kham, zeung: khyoo:- nga" da" jheddab myid- ngoo yoem: kaid' thoug shang" lo da" khyoo:-

2 TIMOTHI 3:14

Nghoid loug we' nang koem gi jhau" mho' da" khyoo: ri kham: yu wigi geing: geing: teing teing loem" jeung" nyid bye: da" hau: deingmain" da" khyoo: moo xo' lho: d acang yhe: loo" we'. Re" sara: gi hang" nghoid ziri nang se' nyid gu nhgoid bye.

HEBRE 2:17

Hougsu" nghoid yoomo nyang: gi byu yi da" yooboo ri yo" khyoid pyam byid: wa shid re" nheig se' khyeug deung byeung" da" khainjung moo" bue" lo khyo" Mangsoo moozoo" ri yo" voin, vu, baja"- khyoo: khaid zoo: khang" moo" moo Nya: mang: nya: nhung" yi thoung" shau" zo: nyid da" khyoo: ri nyangnu" yo' dage" bo shau" kham zoo: bye.

1 SAMUELA 2:35

Ngoo ri loem" jeung" da" khainjung dayug ri ngoo khyen: yu wa nghoid. Ngoo nyang: ri zei: nhang: nau gu: dangain" ri zei: loo" wa zi nghoid. Ngoo khyen: to" da" khokham shidkhoin" moo pyaid goin" dei byid: nyid wa shid re" byumyu" akung: ri ngoo byid: wa zi nghoid.