2 TIMOTHI 2:19 - Lacid Common Language Bible

¹⁹ Nghoid loug we' Mangsoo zhoug too" byid: bye: geung" teung da" apoem: ayang; koem' gi dei loeb, yu: yen" nhang: zi anghoid. Hau" apoem: ayang: da" atho' moo hau: Aseing: gi nya: da" byu yi nghoid bang: ri se' yu" nyid.ga: wigi we' Aseing: yo' sen: su: nghoid,, ga: wigi tid bang; dangain" mo, gi shoid vhang: da" moo" dangain" ri she: pyam' khook goo" baja"- ga: wigi laxoem" dazid' lhid" tab to.

2 TIMOTHI 2:19 교차 참조

YOBA 28:28

Mangsoo gi ngoonu" xangsu: byu yiri «Nanu" phajhi" boo wa shid re" Aseing ri gyoug phoug" ca" da:. Lasi phajhi" yoo" sho' akhyeing" ashoeb jang" mo nanu" lheing: loo ca" da» ga: tid.

COUNG" NGHEI 1:6

Deung: byeung" bang: rigi Aseing mo wigi khyoo: shu" vhu" she: ziyo' lhoug zung" goem coung: zi shoug" nyid boem. Akhyeung" bang: koem gi joem: lo" byug boem wa zi nghoid.

COUNG" NGHEI 112:6

Byu gi phoo gi khanham we' soem" gyo" loo" wa zi anghoid- nyang: ri khanham we' boin: so" nyid zi shoug wa nghoid.

COUNG" NGHEI 34:14

Akhyeung" khyoo: mo gang: lo" lho: ge da" moo" ri zei: we'. Myenjham" khyoo: ri re" nheigloem: emyed bain sho' yo' shoo: we'.

COUNG" NGHEI 37:18

Aseing da" dang: tam" gyo: nyid bang: rigi nyang: nheug khyeug shoo" myen: nyid wigi mungdain: ri nyangnu" apyaid atoo: shoug" seung: ci: boem wa zi nghoid.

COUNG" NGHEI 97:10

Akhyeung" khyoo: ri ngheung nyid mo, rigi Aseing jheddab nyid. Nyang: gi nya: byumyu" yi ca" kangso' ri goem loem yu byid: nyid wigi akhyeing" bang: da" yoem so, khoug: mo we' nyangnu" ri khyoid yu nyid.

DANG: ZHOEM 10:25

Akhyeung" bang: rigi uglid moo" hau, lo ri bo moid tang" lo" byug nghoid loug we' deingmain" da" byu yi koem gi khanham we' gau: nyu: nyid boem.

DANG: ZHOEM 3:7

Nang se' da" azhang mo jain" lho: phajhi" gye" se' yhang: ti" akoid. Aseing ri sam" dab, tung" tam" gyo: nyid zoore shoid vhang: da" moo" ri azei: wa shid re" ngeug pyam nyid we'.

ESAIA 14:32

Philisti mo zi ngoonu" jhang ju" re" da" lagyoo: yiri ngoonu" khasu" dang: byid: wa la". Aseing gi Ziun Voomoo" ri zhug to" lho: kyi" khyeug shau" da" nya: byumyu" yigi houg moo nyeing" za: gau: nyu: nyid wa ein: ziri nyangnu" ri ngoonu" tid kyoo" wa.

ESAIA 28:16

Akhid" gyi: sheung: da" Aseing tid zigi «Ziun moo geing: teing yoem: gyi: da" apoem: ayang: daloem: tam to" da:. Houg moo ‹Geing teing da" loem khau: myid gi nheigloem: we' sheing: da› ga: lhid" tab to" da" ajhoin: lugzeing daloem: ri ngoo kaid to" da:.

ESAIA 63:19

Nang gi ngoonu" da" vhu" shi: su: khanham we' anghoid yu" su: yhang: ti" ngoonu" gi re" byumyu" yi khanham we' abue" yu" bang: yhang: ti" ngoonu" ri koid da:.

ESAIA 65:15

Khyen: yu to" da" nga" byumyu" yigi nanu" da" myeing ri nheing" khoin" khyo" ci: boem wa. Ngoo myhang: thang Aseing gi nang ri said pyam' wa. Nghoid loug we' ngoo tid dang: ri gyoo: bang: rigi myeing seig byid: wa.

EZEKIEL 9:4

«Yerusalem voo goin" jang" khyoo: yhe: wigi dain ci' bang: yo' kyi" khyeug shoug" bang: yugkhang" mo" da" ngilang: laxoem" yhe: tab too" we'. Ciwim gari voomoo" khoug: moo aco' ajhoid moo" dangain" bue" nyid da»

NAHUM 1:7

Aseing gi ge zi nghoid. Nyang: gi nya: byumyu" yi yau: khi" zi shoug" nyid da" uri goem loem byid: nyid. Nya: jhang khyoo: lheung: loo mo, ri nyang: gi yu" goin yu" coung: nyid.

HAGI 2:23

Hau: bidnyid moo Shelati da" nya: zoo: nga" join Zerubabela nang ri ngoo shu" yu lho: nga" myeing ri ci: wigi yo" vhoebkhang" nyid wa shid re" nang ri gain khain" byid: too" wa. Nang gi ngoo khyen: yu too" su: nyang: nghoid ga: yoem: moo" bo da" Aseing tid nyid.

ZEKHARIA 3:9

Ngoo gi Yoshua da" shidkhoin" moo myojid" nyhed loem: dab da" lug yho' ri zhug too" byid: bye:. Yu" ge'. Ngoo hau: lug yho' tho' moo ngoo kyung" lhid" too" eung: ziri lhid" to" lho: hau: mung" mo akhyeing" ashoeb da" khyoo: ri danyid" dam ngoo shoem" pyam' byid: wa nghoid.

GYUNG: SOO" 16:5

Hau: thang: nyang: gi Kora yo' nya: thang: cang bang: ri «Aseing gi khayug ri nyang: seing: nyid ziri ngoonu" ri nab yo nyid" nab soin: ci: shug wa nghoid. Nyang: gi nyang: wigi khyen: to" da" yug nghoid da" nyang: wigi seing: da" yug ri phoin: khyoo: nya: jhang ri" nhang: wa nghoid.

GYUNG: SOO" 6:27

Hau: thang: Aseing gi «Nyangnu" gi nga" myeing ri Israela byumyu" yi adang moo mainkaid jeju" khyo" tid fu" nghoid rigi ngoo nyangnu" ri mainkaid byid: wa» ga: tid.

MATHE 24:24

Khasu" wim gari mhau' da" Meshia yo" mhau' da" Lapi: po" thu' lo lho: ge bue" rigi Mangsoo khyen: yu too" bye: mo, ri lang" khyoo yo" shu" vhang: sho'- alhoo: again mau" pho" moozoo" zeing yo"- zei: shug lo boem wa zi nghoid.

MATHE 28:19

Houg: su" nghoid yoomo Nanu" thu' lo" wigi khyi khang" moo" mo byumyu" bain sho' mo ri nga" cangzoo: bue" loo nhang: ge'. Nyangnu" ri nya: phoo nya: zoo: gyeungshang: Venyi: da" myeing khyang" mo baptisma ri kham: byid: lho:

MATHE 7:23

Hau: uri ‹ngoo nanu" ri khanham we' asi"- atarha" da" moo" zei: mo, we"- nga" jang" mo gang: loo" ge'› ein: wigi ngoo nyanu" nyang: ri tid wa zi nghoid.

MATHE 7:25

Hau: mougvo lo wigi gyid je: lo ziyo'- uglid hau' lo lho: hau: yhoem: ri lo doin: nghoid loug we' lugmoo" boem moo zhug too" yoomo aleing loo.

MARKU 12:16

Nyangnu" gi ngei dakyab, ci: lo boem- Yesu gi hid: moo hang" sulhoo: yo' hang" da" myeing tab to" lha"» ga: myid: da;- nyangnu' gi Roma kho seng: da" sulhoo: yo' myeing dab, ga: tid.

MARKU 13:22

Mhau da" Meshia joem yo' mhau' da" lapi: apyeug joem thu lo boem wa nghoid. ge bue" nghoid rigi-nyangnu" gi Mangsoo khyen: yu too" bye: mo, ri lang" yo" shu" vhang: loo" sho' ga: alhoo: again aja: ja: yo' mau" pho" moozoo" aja: ja: toin" shid' loo goo" wa.

LUKA 13:27

Nanu" kha: yo, ri" mo, nghoid zi ngoo asi- akhyeing" ashoeb mo, we" nga" jang" mo, gang: loo" ge' ga: doem tid wa.

LUKA 6:48

Hau: yug gi myidjang: ri no" no, du: lho: Lug boem tho' moo ayang: qei" wigi yhoem: ri zhug too" su: yo" du nyid. Gyid je: lo uri gyid gi hau: yhoem: ri lo thoung"- nghoid loug we' gyid gi hau: yhoem: ri ayo" doin: lheing. Khasu" wim gari hau: yhoem: gi Lung: moo" boem tho' moo geing" geing: zhoug too" yoomo nghoid.

YOHAN 10:14

Ngoo gi ge da" yang zung" su: nghoid. Phoo Mangsoo gi ngoori se' yhangti"- ngoo we' phoo ri se' nyid. Houg: yo" dayhangti"- yang joem ri we' ngoo se' nyid. Yang joem we' ngoori se houg: yoomo ngoo gi yang joem shid' re" kang: ri yo" ab pyam zi nghoid.

YOHAN 13:18

Nanu" dangain" mo, ri ngoo yeung lho: tid zi anghoid. Ngoo khyen: too" mo, ri ngoo se' nyid. Nghoidloug we' Jhoem: mungdang: moo nga" voem: zoo: su: gi ngoori khoo: thang: theing wa ga: lhid" to" zi nghoid.

YOHAN 3:33

Nghoid loug we' nya: da" mungdang: ri kham: yu su: koem gi Mangsoo gideing main" su: nghoid khyoo: ri lhoem: kham: yu khyo" geing: teing nhang: su nghoid.

ACTS 11:26

Nyang: gi Sholu ri yhe: shau" myang lang" Antioki voogung khyoo shu" lo" wigi nya: eig yug gi da zain, goin" houg: moo phung: byu yi yo' zoem" khau: nyid lho-byu myoo" sho' ri yo" jhoug" byid: ago". Hougsu" loem" jeing" mo, ri khristan yi ga- xang: shed" myheung shid" byid: zigi-Antioki voogung moo nghoid.

ACTS 15:17

Houg: lang" deung nyid da" byu xang: su: dangain" mo, gi Nga" byumyu" yi bue" loo wa shid re" ngoo khe: yu bye. Tungbau byumyu" yi dangain" bang: gi nga" jang" moo ju" ri" goo" wa zi nghoid.

ACTS 9:14

Hau: tho' moo agoo" -Nang ri coung" nghei bang: dangain" ri we' myheug yu wa shid re" khainjung agyi moo" yi jang" mo amyeing" mougsoug" ri mho' voin, lho: wigi he: Damasku voogung moo ju" ri su: nghoid- ga: tid.

Roma 11:2

Mangsoo: gi xang: shid" mo wigi nyang: khyen: yu to" da byumyu" ri ashe: pyam' - jhoem: mungdang: moo Elia gi Israela byumyu" yi ri tu: mhoug lho: - Mangso: jang" moo kau: to" mougsoug" du.

Roma 12:9

Nanu" da" jheddab nheigloem: moo ayid void khyoo: dajhi' we' age boo.Nanu" gi anyhoin: athoung" da" khyoo: ri ngheing" lho: wigi ge' lho' da" khyoo: ri vho: ngei nyid ge'.

Roma 15:20

Subi" qei" to" da" ayang: tho' moo anau poug koid. Nga" nheigloem: moo gi Khristu da" khyoo: ashug" gyo: yu" shi" da" jo yoomoo za: ngei bu lu dang: ri kho" kyoo" wa shid' re" myid to".

Roma 15:9

Houg: yo' dakhyoo" ti" tungbau byumyu" yi gi Mangso: da nheig khyeig da" khyoo: ri shau" coung" nghei" wa shid' re" we' nghoid. Jhoem: mungdang: moo Houg: yoomo ngoo gi nghizain da" byumyu" yi da" khoug: moo Mangso: da" phung" yoeb ri coung" nghei byid wa. Nya: myeing" khyang" ri coung" nghei lid jhoem" kaid' wa - ga: tid to" zi yo" dakhyoo" ti" nghoid.

Roma 8:28

Mangsoo: gi jheddab yoomo Aseing: myid vho: zi yo" dakhyoo" khe: khyen: yu shau" mo ri thoung" shau" zoo: wa da" moo" dangain" mo akyu" bo thu' loo wa shid' re" Aseing gi nyangnu" yo" dage" zei: so' khyoo: ri ngoonu" se'.

Roma 9:11

Houg: yoomo nya: eig yug akhu: loo shi" da" uri - ge da moo" - akhyeing" ashoeb' da moo" ci: akoid' shi" re nyang: -Mangsoo: gi Rebedkha: ri - re" zoo mang: moo" gi nya: nhung" ri shau" zei: zhoo" wa - ga: tid too" bye. Mangsoo: hid: su" ga: tid to" khyoo: gi - Aseing nyang myid to" zi yo" dakhyoo" ti" Mangmoo" ri akhyen: yu looza: nya: nhung" ri khyen: yu da" khyoo: toin" shid' wa shid' re" nghoid.

1Korinthians 1:2

Korinthu voo mo Mangso da" phung moo: boo mo, yo' joyoo khyi, khang" moo" mo, ngoonu" yo' nyangnu" da" Aseing: nghoid nyid da- Aseing Yesu Khirstu ri noku loem khau: da- Yesu Khristu khyo" wigi: Mangso da" gyeungshang: byumyu" bue" loo wa shid re" khe: yu zi shoug" bang: dangain" mo, jhang khyoo: dang: pyeung: kaid.

1Korinthians 8:3

Nghoid loug we' Mangsoo ri si' su: gi Mangsoo yo' zoem" khau: khyoo: ri kham: yu se' nyid.

2~KORINTHU 7:1

Jheddab da" bidnoem yi we"- he: da" dang: soo" khoin" yi dangain" gi nyhang" ri byid: to" zi nghoid. Hougsu" nghoid yoomo nyhang" gi gung shoo" yo' Venyi ri anhyoin: athung" byui" nhang: da" aco' ajhoid khyoo: dangain" mo nyang: tu: nya: gungdu: ced" yung" ced" lhoo, nhang: lho: wigi Mangsoo ri gyoug phau" myang: zoo re" gyeungshang: thang khyo" kangso' dei nyid shang.

GALATI 4:9

Akhid" koem gi nanu" Mangsoo ri se' loo boem bye: tho' moo gootu- Mangsoo we' nanu" ri bain se' nyid thang: ri yoem: nu: ziyo' ashug" ajhen: nghoid nyid da" yu join, soo" byoo joem da" join, bui" wa shid mo, cikoid doem tau" loo" noug go".

Ephesu 2:20

Nanu" gi lagyoo: yi yo' lapi: yi zhoug to" da"-apoem: ayang: moo poug zhug do, loo" shau" mo, we' nghoid- Khristu Yesu nyang: koem gi hau" yhoem: mo geung: teung ayang: lug boem nyang: nghoid bye.

Ephesu 4:30

Hau: tho' moo gootu- gyeungshang: da" venyi ri nheig akug nhang: goo"- Khasu" wim gari hau: gyeungshang: da" venyi gi nanu" ri Mangso seung: nyid khyoo-sagsi: dazid' nghoid lho: Mangso wigi nanu" ri lhoid pyoin kaid' shau" da" bidnyid ju" loo wa ziri koo" kham: kham: byid: su: nghoid nyid.

1 TIMOTHI 3:15

Nghoid loug we' ngoo to' myang" byug nghoid rigi dadei nyid Mangso phung: ein: da" hau: deingmain" apoem: ayang: nghoid da" Mangso yhoem: ikoin deungkhu: moo ngoonu" gi kha: yhang: te" da" avoid asam"- cang yhi: ca" khyoo: ri yo" se' yu baja"- ein: he: mougsoug" ri lhid" kaid' zi nghoid.

1 TIMOTHI 6:19

Hid: khyo" wigi nyangnu" gi thang: phyang" pyaid shid' re" geung: teung da" apoem: ayan: bue" nyid goo" baja"- phoug" dab, da" soidgain' ri nyangnu" shau" young: to" lho: Kangso' dei khyoo: gyeing" nyang: shau" yu to" boem wa zi nghoid.

HEBRE 11:10

Khasu" wim gari Abraham gi Mangso wigi akhyoo" toin" shid lho: geung: teung da" apoem: ayang: yo' bain' zhoug too" bye: da" voogung ri nyang: gi nheig byu lho: dalang" nyid.

2PETRU 3:14

Hougsu" nghoid yoomo nga" byen, cang" yi we' nanu" hau: bidnyid ri lang" nyid da: ayo, moo Mangso shid moo nanu" da" nheigloem: yung" lho' lho: wigi yooboo adab boem baja"- nyang: moo ngei pyo: myenjham" nyid boem wa shid re" yoem: goin' sho' shakoid yoem: kaid nyid ge'.

1YOHAN 2:19

He: da" byu yi gi khanham we' ngoonu" yo' zoem" khoug: wa zi ci: asen: mo, nghoid nyid boem yoomo ngoonu" jang" mo nyangnu" thu' lo" byug ago- ngoonu" yo' zoem" khoug: wa zi sen: mo, nghoid boem rikoem gi nyangnu" gi ngoonu" yo' dage" nyid nyid boem wa zi nghoid. Nghoid we' nyangnu" dangain" mo, gi ngoonu" yo' gyeing" nyang: asen: da" khyoo: bang bang myang thu' loo baja" ga: nyangnu" thu' lo" byug boem bye.

Pang Shug 17:8

Hau: akhyeung" da" gougnyhoug gi shid' phyang" dei nyid yu" bye- nghoid loug we' akhid" gi adei nyid loo- nghoid loug we' nyang: gi no, athang da" duang: khuang" mo thu' re" lho: wigi phyo' shoin, pyam' jang" khyoo: yhe: loo" wa zi nghoid. Moug: phain" myid' aphain" shi" mo Nya: kang: so' moug soug" pug moo -myeing abo lhid" kaid' to" da" moug: myid byu yi gi hau: akhyeung" da" gougnyhoug zeing ri shau" myang lang" mau" hang" to" boem wa nghoid. Nyang: gigoo" nham, dei nyid yu" gye- akhid" gi adei nyid loo- nghoid loug we' doem dei loo shi" wa zi nghoid.

Pang Shug 2:13

Nang nyid da" joyoo ri ngoo se'- hau: joyoo gi satan da" zhung: tang jo, jang: nghoid. Nga" geing: zug da" sagsi: phoo- Antipa ri hau: satan nyid jang: moo said' pyam boem uri lang" nang gi ngoori loem" jeung" khyoo: ri ashe: pyam.

Pang Shug 21:14

Hau: voomo" da" vang khyam: gi apoem: ayang: lug daxe: eig loem: atho' moo zhoug to" wigi houg: bang: da" atho' moo gi Yang nu" da" lagyoo: daxe: eig youg bang: da" myeing - daxe: eig myeing ri we' lhid" tab to.

Pang Shug 22:4

Ngoonu" gi nya: da" myonhoo: ri yu" wigi nyangnu" da" ngeilang: joem moo nya: myeing ri lhid" tab to" boem wa.

Pang Shug 3:8

Nang zei: nyid da" moozoo" ri ngoo se'- nang gi yoem: so' dajhi' zoo: boo nghoid loug we' ngoo tid poin" da" dang: ri cang lho: nga" tho' moo geing: zug loem jeung" nyid khyoo: ri ngoo se' Re" shid' mo hang" we' ayo" myhed" to" da" khoem" daduang: ri ngoo phang too" byid: bye.