2 TIMOTHI 1:7 - Lacid Common Language Bible

⁷ Khaswu" wim gari Mangsoo nyhang" ri byid: to" da" venyi gi ngoonu" ri gyoug voem, nheugloem: byid: to" zi anghoid. Hau" Aseing: da" venyi gi ngoonu" ri yoem: so'- jheddab nheugloem: yo' nyang: nya: da" nheigloem: ri yo" lang" zeung ci: wa da" yoem: vhoo" byeung" loo nhang: nyid.

2 TIMOTHI 1:7 교차 참조

COUNG" NGHEI 119:80

Ngoo gi: re" da" Dang: theing khoin" joem ri ciyoo aboo loo: sho' tam" gyo: cang nyid bye: yoomo sho' thu gyoug thu ziyo' soem" lo" zi ngoo moo: athoung" shoug" baja".

DANG: ZHOEM 2:7

Nyang: gi deingmain" ziyo' nheigloem dain: bang: shid re" pang" thoug ziyo' goem loem khyoo: byid: nyid su: nghoid.

DANG: ZHOEM 8:14

Ngoo gi moo" ze" bui" wa da" phajhi" khyau" ziyo' hau: khyoo: ri zei: bue" nyid. Ngoo moo: se' gyo: da" nheigloem bo ziyo' ngoo moo: yoem: so' bo nyid.

ESAIA 11:2

Aseing da" Venyi: gi nya: byumyu" yiri vhoeb wa shid re" Phajhi"- Lasi phajhi" yo' se' jhang: khyoo: ri nyang: ri byid: loo wa. Nyang: gi Aseing da" myid vho: khyoo ri se' wigi nyang: ri phau" myang: byid: loo wa.

MIKHA 3:8

Hougsu: danghoid loug we' Aseing gi ngoo ri nya: yoem: so' Venyi yo' byeung" nhang: lho: nyeung veung" tarha" ri yo" si' nhang:- Israela byumyu" yiri nyangnu" da" yooboo ce: noem nghoid ga: ziri voem" tid kyoo" wa da" yoem: vhoo" ri byid: wa zi nghoid.

ZEKHARIA 4:6

Aseing wigi Zerubabela ri tid kyoo" wa da" mungdang: ri moug: lagyoo: gi ngoo ri tid kyo". Hau: mungdang: gi «Nanu" da" yoem: so' khyo" meing: zain: go" khyo" yo" bue" loo wa zi anghoid- nga" Venyi: khyo" za: danghoid» ga: tid.

LUKA 10:19

Tam" gyoo: ge'- lhang: myu yo' gunggau" tho' moo yo" nang: led lo" lho: gyivo: da" yoem: so' dangain" ri yo" ung: pyam' wa da" amyeing"- Ana: ri ngoo nanu" ri byid: too" bye. Ceja: gyi we' nanu" ri ayo" ung: wa.

LUKA 15:17

Lo" thang moo nyang: myid boin: kaid lho: tid da" zigi nga" pho, vhoo" kung: joem nyang: gi gyi: gyi: shau" zo: nyid goo" aja:- ngoo koem gi he: da" joyoo moo zooyoid phu" zo: nyid bye: nhung!

LUKA 24:49

Nga" phoo Mangsoo byid: wa ga: dang: theing" to" akyu" jeju" joem gi nanu" ri ngoo yo" yu nhang: wa zi nghoid. Nghoidsho' loug we' Nanu" gi mougkhung: mo yoem: vhoo" ri ayo" kham: yu yu gi Yerusalem voo moo dalang" nyid shi" ge" ga: tid.

LUKA 8:35

Byu phung yi gi houg: su" bue" lo da" khyoo: ri yu" wa ga: zeing: re" lo boem ago". Yesu jang" moo ju" boem lang" gi yu joem phang: thu' loo" su: gi Yesu da" khyid: yang moo goo" nham yo' dakhyoo" ti"- byu gi doem bue" lho: zhoung: jo, ziri zheing: myang lang" yu" gyoug nyid boem.

YOHAN 14:27

Ngoo gi myenjham" khyoo: nanu" ri byid: khoo bye:- hau: da" ngei pyo: myenjham" da" khyoo: gi nanu" ri moug myid byu yi byid: te" da" zi anghoid. Nanu" nheigloem: myid amyoo: goo. Nheugloem: athang goo"- gyoug we' agyug goo.

ACTS 1:8

Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

ACTS 10:38

Houg: yoomo Nazred mo da" Yesu ri Mangsoo gi gyeungshang: da" Venyi yo' yoem: so' khasu" foid, shoin" kaid' byid: bye: da" khyoo: ri nanu" si' abye: go. Khasu" wim gari Mangsoo gi nyang: yo' dage" nghoid wigi ge, da" moozoo" ri zei: lho: yu, join: yoem: so' khoug: moo loung" jo, mo, dangain" ri cang ge, loo" nhang: yen" bye.

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

ACTS 21:13

Nghoid loug we' polu gi nanu" cenoem wim wigi hid: su" ngau, lho: ngoori shoo" byo, nhang: go" lha". Ngoo gi Aseing Yesu gang mo Yerusalem voomoo" moo tei" zi shau" wa shid re" za: we' anghoid- shid: wa zi lang" gi jen" jen" nghoid bye"- ga: phoug tu.

ACTS 26:11

Yuda tarha" jung joem moo we'=nyangnu" ri myoo" sho' lheing: yoobo dam, kaid' wigi nyangnu" da" loem" jeung" khyoo: ri ngeug pyam' boem wa shid re" ngoo gi gye" yoem: kaid' loo bye. Ngoo gi nyangnu" ri nheig soung yoo: noug yoomo gootu: da" mungdain mo voogung joem khyoo: lang" ju" yhe: wigi nyangnu" ri shen" yhen yu" bye.

ACTS 26:25

Houg: lang" Polu gi phau" myang: da" zoug: phoo we"- ngoo gi akoo" -deingmain" da" khyoo: ri gyeing: gyeing: za: da tid nyid.

ACTS 6:8

Stephain rigi agoin ago" da" mainkaid jeju" yo' yoem: vhoo" byeung" sho' byid: too" yoomo mung" byu yi da" shid khoin" moo mau" pho" da" alhoo: again joem yo' mau" pho" moozoo" gyi sho' koid shug byid: bye.

ACTS 9:22

Nghoid loug we' - sholu gi kho" jang" moo je" yoem: bo lo wigi Yesu gi Meshia nyang: nghoid ga: ziri sag si: yo' khyag khyag kho" kyoo" byid: yoomo Damasku voogung mo: da" Yuda byumyu" yi gi nya: dang: ri ayo" phoug lo: boem nghoid ago".

Roma 5:5

Hidsu" nheig deig nheig byu khyoo: gi - ngoonu" ri neig loem: byo yoin" nhang: wa zi anghoid - Khasu" wim ga ri Mangsoo: gi ngoonu" ri nyang: byid: da jeju" gyeungshang: venyi: dang khyo" nyang khayhi' jheddab khyoo: ri toin" shid' too" yoomo nghoid.

Roma 8:15

Mangso: jang" mo nanu" yo" kham yu da" young" gyeing" da" venyi nanu" ri join, doid loo" nhang: zi anghoid. Gyoug da" nheigloem: ri kaid' bye: zi we' anghoid. Young" gyeing" venyi gi ngoonu" ri Mangso: da nya: zoo: yi yo" bui" nhang: yoomo ngoonu" gi Mangsoo: ri - Phoo we" - nga" phoo we" ein: yo" yoid da" akhang" yo" yu boem bye.

1Korinthians 2:4

Ngoo tid kyo" ziyo' kho" kyo" da" mungdang: joem ri- byu yi da" phajhi" akhyoo" again ri aci: loo: za: Mangso Venyi da" yoem: vhoo" ri- bang da" sagsi: joem yo' ngoo kho" kyoo" bye.

GALATI 5:22

Nghoid loug we' hau: venyi da" ashi" koem gi jheddab zi gau yi zi ngei bu khyoo: nheigloem: sheung: khyoo: nheig khyeug khyoo:- ge, lho, khyoo:- dang sadi zung" khyoo: nghoid.

KOLOSE 1:8

Nanu" ri gyeung shang: Venyi wigi byid: da" jheddab khyoo: ngoonu" ri tid kyo" boem bye.

HEBRE 2:15

Hid: khyo" wigi shid: loo" no lo" khyoo: ri gyoug wigi pyaid goin" join, koid nyid bang: ri lhoid pyoin kaid' bye.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.