2 TIMOTHI 1:5 - Lacid Common Language Bible

⁵ Nang gi re" phyid" Lu-i yo' re" myhi, Uni moo xang: shed" bo jo, afain" avo da" - loem" jeung nheigloem: nang moo bo jo, ziri ngoo boin: nyid. Nya: eig yug moo bo jo, da" loem" jeung" khyoo: gi nang moo we' bo jo, wa ziri ngoo loem, nyid.

2 TIMOTHI 1:5 교차 참조

COUNG" NGHEI 116:16

Aseing we"- ngoo gi re" da" deizoo: phoo nghoid- nga" myhi' zei: lho: doo" zho" yhang: ti" ngoo nang ri dei byid: wa nghoid. Nang gi ngoo ri shid: lo" jang" mo khyoid yu bye:.

COUNG" NGHEI 17:1

O" Aseing we" nyeung veung" tarha" shid re nga" mho' yoid thui: ri tam" gyoo: byid: we'. Pang" yu byid: wa shid re" nga" mho' yoid thui: ri goolho: goem loem byid: we'. Ngoo phau" myang: tung" mho' yoid thui: ri tam" gyoo: byid: we'.

COUNG" NGHEI 18:44

Tungbau byumyu" yigi nga" shidkhoin" moo: vhu' pid goeb pid to" ago". Nyangnu" gi nga" amyeing" shoug" gyoo: lang" cang lo" ago".

COUNG" NGHEI 22:10

Ngoo gi khu: re" nyid" mo wigi nang ri za: loem khau: lo lho: Khanham we' nang za: nga" Mangsoo nghoid nyid.

COUNG" NGHEI 66:3

Nang koid da" moo" zoo" joem gi khayhi' mau" pho" khyoo: nghoid lha". Nang ci: da" zoug: myeing" yoem: vhoo" gi yoem: so' gye" boo yoomo Re" gyivoo joem gi re" shid moo: gyoug nain" zoore dagoeb, jo, lo: boem.

COUNG" NGHEI 77:6

Ngoo gi damyen, goin" no" no, myid yu" bye:- ngoo myid yu" ziyo' ngoonya gung ri ngoo myid yu bye:.

COUNG" NGHEI 81:15

Ngoo ri: ngheung" nyid bang: gi nga" shidkhoin" moo: gyoug voem ziyo' goeb pid lo boem wigi nyangnu" da" yooboo dam shoug" zo: da" khyoo: gi apyaid atoo: moo: jo, jo, wa zi nghoid bye:.

COUNG" NGHEI 86:16

Ngoo ri: yu" goin coung: nheug khyeug yu we' ngoo gi nga" myhi' ri yhang: ti" nang ri dei byid: nyid yoomo ngoo ri yoem lung: byid: lho: khyoid yu we'.

YEREMIA 3:10

He: gu: dangain" bain thang: ri Israela da" jhug azug da" bi: nhung" Yuda gi nga" jhang doem lheing: tau" loo goin koid mhoug wigi gyeing" ga: ri hougsu" anghoid. Ngoo Aseing tid bye:.

YOHAN 1:47

Nathanela re" nyid zi Yesu myang lang" nya: khyoo: Yesu tid zigi fain" da" nheigloem: abo da" Israela Byu gyeing" dayug hid: moo ju" bye: ga: wigi tid.

ACTS 16:1

Polu gi Debe yo' Lustra voogung khyoo: yhe: lo- Lustra voogung moo Timothi ga: da" Khristain phung byu dayug nyid nyid. Nya: myhi' gi Yuda Byumyu" Khristain nghoid wigi Grid" byumyu" nghoid.

ACTS 26:26

Khokham" Agripa we" - hau: khyoo: joem ri nang si' gu nghoid yoomo ngoo gi re" da" shid khoin" moo agyug avoem, looza: tid nyid zi nghoid. Khasu" wim gari he: da" moozoo" gi ajhoin: ajhab, mo khoug" soo" lanyham" bue" lo da" moo" anghoid ziri Khokham" phoo nanyang: se' too" gu nghoid wam: bye"- ein: ngoo myed loem, nyid.

Roma 14:14

Ce: ja: zoo: noem ri we' phain" to" zi yo" dakhyoo" ti" aco' ajhoid' anghoid da" khyoo: ri ngoonu" gi Khristu yo" dadeing: daloem: nghoid khyo" yo" boem nghoid loug we' zoo: noem daja: ja: gi aco' ajhoid' nghoid ga: myid su: shid' re" gi aco' ajhoid' nghoid.

Roma 14:5

Byu dayham" bang: gi - bidnyid danyid" gi goo" ru: danyid" tho' moo je ge ga: soin: yu" ago". Goo" tu: dayham" gi bidnyid dangain" gi dakhyoo" ti" ga: myid ci: ago". Kha: yug gi khasu" soin: ci nghoid loug nyang: myid zi jo ga: loem" jeung" nheig deig ca.

Roma 15:14

Mang: nhung" yi we" nanu" gi ge da" khyoo: ri nghoid loug we' nyain: phajhi" yo" nghoid loug we' - Joeb byeung" lho: - nyang: cang" nyang: yo" jhoug" yo" mho' go" da" khyoo: ri ngoo loem jeing" nyid.

Roma 4:21

Mangsoo: gi nyang: tid to" da" dang: soo" khoin" ri yo" bue" loo nhang: wa" ga nyang bain" bain loem" ci.

Roma 8:38

Khasu" wim ga: gi ce: zi we' ngoonu" ri nya: jang" mo ayo" kang" pyam'. Shid: khyoo: nghoid loug we' - kangso' dei khyoo: nghoid loug we' -mau lagyoo: yi nghoid loug we' - moug: khung: tho' mo vhoeb khang" mo, nghoid loug we' - yoem: vho" yoem: so' nghoid loug we' - lid: loo" bye zi nghoid loug we'.

2~KORINTHU 6:6

nheigloem: young" khyoo:- yeug se' koung khyoo:- kham: zeung: khyoo: yo' nheung khyeug shoo" myen: khyoo: khyo" we' gyeungshang: da" Venyi da jeju" khyoo: khyo" -afain" da" jheddab myid khyo" we'

1 TIMOTHI 1:5

Hidsu" pyeung: to" da" myid soin', khyoo: gi gyeungshang: nheigloem: khoug: mo thu' lo da" phug soo" lheig se' myid yu" da" e" myed, yo' akug ase' void loem" jeung" khyoo: mo thu' lo da" jheddab da" nheigloem: ri nhau" to' kaid' wa shid re" nghoid nyid.

1 TIMOTHI 4:6

He: jhau" mho' da" dang: khoin" joem yo' dakhyoo" ti"- Khristain mang: nhung" yi ri nang tid poin" tid kyeung" nyid nghoid rigi nang gi nanyang: lhoem: kham: yu to" da" loem" jeung" da" khyoo: ri we' deingmain" da" jhoug" myeing" jhoug" thui: ri we' nya: gung du: ri goin, coung: da" Khristu ge, da" dei zoo: bue" nyid wa zi nghoid.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

2 TIMOTHI 3:15

Nang gi zoonu" pyaid mo nyang:- se' da" akhyoo" bo jo, wigi Khristu Yesu ri loem" jeung" khyoo: yoomo khyoid yu khyoo: ri shau" yu wa shid re" khyoo: shed' vhu" she: da" hau: gyeungshang: da" jhoem: mougsoug" ri goolhoo" za: si' bye: su nghoid ziri we' daboin: nyid we'.

HEBRE 11:13

He: da" byumyu" yi dangain" bang: gi hau: loem" jeung" khyoo: moo shid: lo" boem abye: go. Nyangnu" gi Mangsoo byid: da" dang: soo" khoin" yo' sen: da" agyid asoo: ri ashau" kham: yu boem- nghoid loug we' nyangnu" gi hau: khyoo: ri vi" vi: mo yo" yu" myang boem bye: ziyo' lhoem: yo" tau, yu nyid boem bye. Nyangnu" gi he: moug: myid tho' moo lam" yen" da" tungbau, being" voo joem yhang: ti"- te: nghe: khau: nyid mo, date: nghoid nyid boem ziri bang bang za: yhen: yu khare" boem bye.

HEBRE 6:9

Jheddab, bang: we"- ngoonu" hid: su" ein: da tid nyid nghoid loug we' nanu" yo' sen: lho: ngoonu" gi gye" myid loem, nyid nanu" gi hau: khyoid yu khyoo: yo' sen: lho: je" ge, da" khyoid yu khyoo: ri yo" yu ziri ngoonu" se' nyid bye.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.