2 TIMOTHI 1:4 - Lacid Common Language Bible

⁴ Re" da" ngoug byid' joem ri ngoo daboin: nyid wigi ngoo moo hau: gau, yi khyoo: byeung loo baja"- nang yo' shau" goo" wa shid mo, nheig gye" nge nyid.

2 TIMOTHI 1:4 교차 참조

COUNG" NGHEI 126:5

Nyangnu" da" myoug: shi" joem ri ngougbyid ngougnhab yo' sain" kaid ziyo' dakhyoo" ti"- Nyangnu" ri gau yi ngei bu: ziyo' doem shau" yham" zheung yu nhang: we'.

ESAIA 61:3

Ziun moo nheig koug nyid bang: ri koug ngau wa gungthid gau yi ngei pyo: zi byid: wa. Myid apyoo: wa gungthid coung" nghei jikhoin" khoin" nhang: wa shid re" ngoo ri nhang: kaid. Nyangnu" gi Aseing wigi nyang: nyang: sho" to" da" seiggam joem yo' du loo wa. Nyangnu" dangain" gi jo ziri koid loo goo" wa. Houglho: Mangsoo gi nyang: koid lo da" lo, moo" yoomo coung" nghei byid: zi shau" lo goo" wa.

YEREMIA 31:13

Houg: lang" myiyi: nu" yigi go" wigi ngei pyo: nyid boem goo" wa. Houg: lho: yuggi yi gyi: su: ngi su: ngei pyo: loo goo" wa. Nyangnu" ri ngoo nheig teing byid: lho: nyangnu" koug ngau zigi gau zi Nyangnu" nheig koug zigi ngei pyo: khyoo: bue" loo nhang: wa.

YOHAN 16:22

Nanu" moo akhid" uri nheig koug nyid boem nghoid loug we' nanu" yo" ngoo dalheing: doem shau" goo" wa nghoid yoomo nanu" hau: uri gau yi boem wa zi nghoid. Nanu" da" gau yi da" khyoo: ri hang" wigi we ayo" lhoid' yu pyam.

YOHAN 16:24

Akhid" ju" sho' nanu" gi nga" da" myeing ri lang lho: daja" we' amho, atid yu" boem shi". Nanu" da" ngei pyo: da" khyoo: byeung" byeung" yo" yu wa shid' re" Akyu" mho' nyid ge'. Nanu" mho' ziyo' dakhyoo" ti"- yo" yu boem wa zi nghoid.

ACTS 20:19

Yuda" byumyu" yi gi phajhi" gau" khyau" lho: koid da" gang mo yau: khe" khyoo: shau" nyid da" agyoo: moo nheigloem: ri nyhoem: khyo, lho: ngoug byed' ngoug nhab, gyo" wigi Aseing: da" dei zoo: khyo" ngoo moo" zei: lid loo bye.

ACTS 20:31

Houg: su" wigi ngoo nanu" yug khang" moo" ri soem" zain loem: loem: nyang: nyid" ri myen" ri ngoug byed' ngoug nhab, myoo" sho' gyo" lho: wigi kho" kyo" jhoug" byid: bye: khyoo: joem ri myed boin: lho: lhid' zoore nyid nyid ge'.

Roma 1:11

Nanu" da" nheigloem: geing: teing jo wa shid' re" nanu" ri Venyi: jhung: shug gam byid: noug yoomo - ngoo gi nanu" yo" gye myang" mo shau" goo" nau nyid.

PHILIPI 1:8

Ngoo gi Khristu Yesu nyang: myid moo bo da" ashoem: apyang: da" myid yo' nanu" ri myid boin: nheug nge nyid ein: ngoo tid nyid da" dang: deung nyid da" khyoo: gi Mangsoo gi nga" sagsi: nghoid.

PHILIPI 2:26

Nyang: gi nanu" dangain" bang: yo' gye" shau" goo" nau nyid khasu" wim ga: ri nyang: yhe: no da" khyoo: ri nanu" shau" gyo: boem yoomo nghoid.

1THESALONI 2:17

Ngoonu' we' mang nhung" yi we"- nheig" loem: ung: khoug: khyo" anghoid- gung du: khyo" za: dayo, daboin: nanu" rigye" myid boin: nyid boem ziyo' doem yo" shau" goo" wa shid re" gye' yoem: kaid' nyid boem.

2 TIMOTHI 4:21

Xung gung ngam" yo, aju" shi" uri yo" ju" ri" sho' yoem: bain' sho' kaid' we'. Ubulu Puden Linu Klodia yo' gootu: Khristain mang: nhung" yi gi nang ri vhu" kaid' boem ago".

2 TIMOTHI 4:9

Nga" jhang khyoo: myab, myab, yo" ju" ri wa shid re" yoem: bain' sho' kaid' yu" we'.

1YOHAN 1:4

Ngoonu" gi nanu" moo gau yi nheig deug: khyoo: joeb, byeung" lo boem baja" ein:- he mougsoug" ri lhid" kaid' boem zi nghoid nyid.

Pang Shug 21:4

Nyang: gi nyangnu" da" myojid" mo ngoug byid' thu' moo thu' ri soid' pyam byid: wa nghoid. Hau: jang" moo gi shid: zi no, zi koug shu: da" khyoo: yo' ngoug myeing" shu: thui: khanham we' ajo, loo. Axau" gu: gi bei: lo" byug bye, ga: tid nyid ziri ngoo shau" gyo.

Pang Shug 7:17

Khasu" wim garizhung: tang agung moo nyid da" yang nu" gi nyangnu" da" yang zung" su: nghoid wa wigi kang: so' gyid bug ju" sho' - shu" vhu" zung" lhug yhe: loo" wa su: nghoid. Hau: tho' mo Mangsoo gi nyangnu" da" myojid" mo ngoug byid' dangain" shang" shang soid pyam byid: wa zi nghoid- ga: tid nyid.