2 TIMOTHI 1:18 - Lacid Common Language Bible

¹⁸ Aseing: gi nyang: ri hau: tarha" dang: phyed' da" bidnyid moo nheig khyeug khyoo: byid: baja"- Ephesu voogung moo nyang: gi ngoori khayhi' pang" thoug bye: khyoo: ri nanyang: goo" lhoo: si' bye.

2 TIMOTHI 1:18 교차 참조

1 KHOKHAM 17:20

Hau: thang: nyang: akyu" nyho: mho' zigi «O" nga" Aseing Mangsoo we"- He: cougmoo" myhi' shid re" hid: yhang: te" gyoug pho" moo" zoo" ri nang ciwim koid la". Nyang: gi ngoo ri gi" sho' nheig khyeug coung: yu bye:. Akhid" nya: yuggi zoo: ri nang said pyam nhung: la"» ga: mho' bye:.

LUKA 1:72

Ngoonu" da" phoug" phyid" yi da" tho' moo nheig khyeig wa ziyo'- dang: theing" khoin" ri myed boin: wa shid' re" tid too" bye.

LUKA 1:78

Ngoonu" da" Mangsoo: gi nheig khyeig shoo" myen: da" nheigloem: yo" byeung" joeb su: nghoid. Aseing: khyoid khyu: yu da" jeju" ri Mougkhung: tho' mo wigi Bid moo" khyab yhangti" ngoonu" tho' moo doug bang gyoo" loo bye.

LUKA 8:3

Herod khokham" da" yhoem: vhoeb khang" da" zoug: moo"- Kutha da" yhoem: seing: myhi'- Yohana- Susanna yo" myiyi: gootu: myoo" sho' mo, gi nyang: nya: joyoo jang: moo Aseing Yesu yo' nya: cangzoo: yi ri ca" moo ca" bo pang" thoug ago".

ACTS 18:19

Nyang: nu" gi Ephesu voogung moo zheung: ju" yhi: lang" Polu gi Priskila yo' Akula eig yug ri hau: voogung moo nyhed: too" kho. Hau: tang: moo nyang: gi Yuda tarha" jung khyoo: yhe: lho: Yuda byumyu" yi yo' dang: tid shi, go" nyid.

ACTS 18:21

Mangsoo myed vho: da" khyoo: nghoid rigi nanu" jang" moo doem ri" shi" wa ga: nyangnu" ri tid. Hau: thang: ri Polu gi Ephesu voogung mo lhid' gu: lho: to' yhe: loo" bye.

ACTS 19:1

Apolo gi Korinthu voogung moo nyid da" uri Polu gi hau: mung" agung khyo" so" lid: lo" wigi Ephesu voogung moo ju" lo". Hau: voo moo nyang: gi loem" jeing" mo, dayham" ri yhe: myang wigi

1Korinthians 1:8

Ngoonu" da" Aseing Yesu Khristu doem ju" re" wigi- Tarha" dang: phyed' lo da" bidnyid moo- yooboo foin: cang aboo loo: sho'- nyang: gi nanu" ri lo" thang moo: ju" sho'- geung: teung jo, nhang: wa zi nghoid.

1Korinthians 16:8

Pentikoti pui" bidnyid ju" sho' Ephesu voo moo" moo: ngoo nyid nyid shi" wa zi nghoid.

1Korinthians 3:13

Byu yug khang" mo" da"-zhang qei" do, lo" khyoo: ge age ein: da" khyoo: gi Khristu da" bidnyid moo: thoid pang shug wa zi nghoid. Houg: su" kyeung shoug loo wa nghoid yoomo- hau: myi: gi byu yug khang" mo" da" moozoo" ge age ziri:- nghe, kyeung shug wa zi nghoid.

2~KORINTHU 9:1

Yuda mung" mo Mangso da" byu yi yo" sen: da" bo pang" thoug khyoo" yo' sen: lho" wigi nanu" jhang khyoo: ngoo mougsoug" lhid" kaid anoo" loo.

Ephesu 2:4

Nghoid loug we' Mangso da" nheig khyeig shoo" myen: khyoo: gi athang agoin zi nghoid wigi nyangnu" ri jheddab da" jhed khyeing: kang: khyeing: gi gyi: sheung: jo, lho.

1THESALONI 2:19

Ngoonu" da" Aseing Yesu doem ju" re" uri nya: shid' khoin" moo gooji hang" we' anghoid- nanu" kyeing" za: ngoonu" da" nheig byu gau yi joyoo yo' oung: doid lo" da" phau: khuang bidmug nghoid nyid.

1 TIMOTHI 1:3

Ngoo Makedoni mung" khyoo: yhe: lo" uri nang ri ngoo pyeung: too" kho' ziyo' dakhyoo" ti"- Ephesu voogung moo nang ri xo' nyid nhang: noug shi"- hau: khyi, mo byu dayham" shoid da" loem" jeung" khyoo: ri jhoug" byid: nyid boem. Hau: khyoo: ri nang gi toem, pyam' lho: noo: nhang: ca.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

2 TIMOTHI 1:16

Hau" Aseing: gi Onesiphuru da" yhoem: bang: ri jeju" dabyid: nyid baja" Khasu" wim ga: ri nyang: myoo" sho' lheing:- ngoori nheigloem: yoem: yo" yu nhang: bye: wigi nyang: gi ngoo thung: loung" khyoo: ri asho' su: nghoid.

2 TIMOTHI 1:17

Nyang: gi Roma voogung moo ju" lo" uri ngoori amyang ri myang sho' cang myed: sho: yu su: nghoid.

2 TIMOTHI 4:12

Tukhiku ri koem gi Ephesu voo khyoo: ngoo nhang: kaid.

2 TIMOTHI 4:8

Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

HEBRE 6:10

Khasu" wim gari Mangsoo gi atarha" koid nyid su: anghoid- nyang: gi nanu" zei: so' voin, vu, lid loo bye: da" moozoo" ri we' Aseing: ri jheddab khyoo: toin" shid' wa shid re" lid loo" bye: da" ayo, mo zi akhid" ju" sho' phung byu nyang: cang" pang" thoug go" da" khyoo: ri we' Mangsoo gi to" myhed' pyam byid: wa zi anghoid.

1PETERU 1:10

Lapi: yi gi hau: khyoid yu khyoo: yo' sen: lho: wigi voin: tang: cang phoid: sho: lo" boem bye- nanu" gi Mangsoo nanu' ri byid: wa ga: da" he: da" jhung: shug khyoo: ri Lapi: pe: kyo" boem bye.

Pang Shug 2:1

Hau: Ephesu phung mo mauglagyo: jhang khyoo:- hidsu" ein: lhid" kaid we' He: da" mungdang: gi lo, yo lo, moo kyi: nyhed cab ci: lho: zhoung: to" da" sheing: myibung: nyhed loem: da" agyoo: moo so" yen" su: jang" mo mungdang: nghoid.