2 TIMOTHI 1:16 - Lacid Common Language Bible

¹⁶ Hau" Aseing: gi Onesiphuru da" yhoem: bang: ri jeju" dabyid: nyid baja" Khasu" wim ga: ri nyang: myoo" sho' lheing:- ngoori nheigloem: yoem: yo" yu nhang: bye: wigi nyang: gi ngoo thung: loung" khyoo: ri asho' su: nghoid.

2 TIMOTHI 1:16 교차 참조

2 SAMUELA 2:6

Akhid" Aseing gi nanu" ri nheig khyeug shoomyen: ziyo' mainkaid byid: nyid baja" o". Nanu" koid bye: ziyo' dakhyoo" ti" ngoo we' nanu" ri goolhoo' doem koid byid: wa zi nghoid.

NEHEMIA 13:14

Nga" Mangsoo we"- Re" Noku Yhoem: Moo" yo' hau: noku coung" moo" shid re" ngoo he: gu: dangain" ri koid lid lo ziri myid boin: xoem" too" byid: la.

NEHEMIA 13:22

Ngoo gi Levi byu yiri nyang: yug nya: gung ri kyeung sain' pyam lho: Dougno: Bidnyid ri gyeung" shang: nhang: wa shid re" hau: khoem" moo" joem moo yhe: zung" nhang: too" bye:. O" Mangsoo we"- he: ziri we' myid boin: lho: xoem" too" byid: la. Houg: lho: re" da" gyi: sheung: da" jheddab myid yoomo ngoo ri ashid: lho: nyid deing too" nhang: la.

NEHEMIA 13:31

Nya: ayo, yo' ayo, moo ci: ri" ca" da" xoin" joem ri nghe' ngei" wa shid re" nghi' wa thang" ri soin' to" wigi mung" byu yi xoin" khyo" shivoo amoin" yo' xang: shi" zei: da" shi" joem ci: ri" wa tarha" joem ri nyheing byid: bye:. O" Mangsoo we"- he: joem dangain" ri myid boin: byid: la. Houg: lho: ngoo ri hau: moo" zei: su: dayug khyo" too" la.

NEHEMIA 5:19

O" Mangsoo we"- Nang ri ngoo akyu" mho' kaid da:. He: byumyu" yi shid re" ngoo koid lid lo da" ja: khang" moo" shid re" nga" akyu" ri myid boin: byid: la.

COUNG" NGHEI 18:25

Nang gi nheigloem: zung" mo, tho' moo nheung loem: zung" nyid. Ce" yooboo foin: cang aboo mo, da" atho' moo lo" thang sho' ge nyid.

COUNG" NGHEI 37:26

Nyang: gi ayo, khang moo agoin' ayu: byid: nyid wigi gooji yiri yo" jhed" byid: nyid. Nya: zoo: nya: myid: yi we' jeju" jhungshug bue" nyid boem.

YEREMIA 39:17

Nghoid loug we' ngoo Aseing gi nang ri goem loem byid: wa. Nang gyoug nyid bang: da" lo, moo nang ri ab byid: wa zi anghoid.

MATHE 25:17

Houg: yo' dakhyoo" ti"- sheing: kyab eig khyeing" yoo" su: we' amyaid sheing: kyab eig khyeing" shou" sho: too" bye.

MATHE 5:7

«Subi" ri nheing se' khyeig mo, gi ngilho' boem wa. Khasu" wim gari nyanu" nyang: ri Mangsoo nheig khyeig zi doem shau" boem wa.

ACTS 21:33

Gyizoug: moo" gi Polu jhang khyoo: yhe: lo" lho: myheug yu lho: jangcoo" eig khaid yo' tei" too" wa shid re" amyeing" khyo' kaid' bye. Hau: thang: ri gyizoug: moo" gi he: yug hang" nghoid lha". Nyang: ce: noem koid shoid lha". myed: yu.

ACTS 28:20

Houg: yoomo ngoo gi nanu" yo' shau" doem, goo" wa shid mo khe: yu zi nghoid. Gyeing" nyang: ga: rigi ngoo hidsu" jang coo" doem, wigi tei" zi dashau" rigi Israela byumyu" yi myid byu nyid su: gang mo nghoid da- ga: tid.

1Korinthians 16:18

Nyangnu" gi nanu" da" emyid ri ngei pyoo: nhang: yhang: ti" nga" nheigloem: ri we' pyoo: nhang: abye: go. Hid: yhang: te" da" byu yi rigi- gooki" lid' khyo" xoem" too" ge da" byu yi nghoid ago".

Ephesu 6:20

akhid" ngoo gi thung: loung" jo, su: danghoid loug we' hau" ngei bu: lu dang: ge shid re" lagyoo: zeing dayug nghoid- hau: ngei bu: lu dang: gi ri kho" kyoo" wa shid' re" ngoo kho" kyoo" eung: ziyo' dakhyoo" ti"- seing" yang" ziyo' yo" tid kyoo" baja"- akyu" bo mho' byid: nyid ge'.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

2 TIMOTHI 1:17

Nyang: gi Roma voogung moo ju" lo" uri ngoori amyang ri myang sho' cang myed: sho: yu su: nghoid.

2 TIMOTHI 1:18

Aseing: gi nyang: ri hau: tarha" dang: phyed' da" bidnyid moo nheig khyeug khyoo: byid: baja"- Ephesu voogung moo nyang: gi ngoori khayhi' pang" thoug bye: khyoo: ri nanyang: goo" lhoo: si' bye.

2 TIMOTHI 1:8

Hougsu" nghoid yoomo ngoonu" Aseing: da" shid re" sagsi: kham, jang" moo asho' gyoug nyid, thung: loung" jo, su: ngoo yoomo we' nang asho' nyid Mangsoo gi hau: khyoo: ri zei: wa shid re" yoem: so' byid: to" bye: ziyo' dakhyoo" ti"- hau: ngei bu: lu dang; yoomo kyi" khyeug jam jau kham, da" khyoo: moo ngoo yo' dage" shoin" kyi" khyeung nyid goo"

2 TIMOTHI 4:19

Priska yo' Akula eig yug we' Onesiphura da" yheom: byu yi ri bo vhu" byid: kaid' ago".

PHILIMON 1:20

Hougsu" nghoid yoomo nga" mang: nhung" phoo we"- hau: Aseing; da' myonhoo: ri tu: lho: wigi jeju" yo' hid: ngoo mo, tid kaid da" khyoo: ri zei: bui" byid: we' Khristu moo mang: nhung nyang: cang" khyo" wigi nga" nheigloem: e" myed ri shangei shapyoo: byid: we'.

PHILIMON 1:7

Mang: nhung" phoo we"- re" da" jheddab nheigloem: gi ngoori gye" gau yi nhang: lho: nheigloem: yoem: vhoo" azeing yo" yu nhang: nyid. Nang gi Mangso byu yi da" nheigloem: ung: khoug: dangain" ri shangei shapyoo: byid: abye:.

HEBRE 10:34

Nanu" gi thung: lung" mo, ri we' nheig khyeug ago- nanu" da" soid gain ziyoo joem ri lhoid yu zi shau" lo da" uri gau yi ziyo' kham zo: boem bye- Khasu" wim gari abyo, abei lo da" soid gain daja: yoo" shi" zigi nanu" se' ago".

HEBRE 6:10

Khasu" wim gari Mangsoo gi atarha" koid nyid su: anghoid- nyang: gi nanu" zei: so' voin, vu, lid loo bye: da" moozoo" ri we' Aseing: ri jheddab khyoo: toin" shid' wa shid re" lid loo" bye: da" ayo, mo zi akhid" ju" sho' phung byu nyang: cang" pang" thoug go" da" khyoo: ri we' Mangsoo gi to" myhed' pyam byid: wa zi anghoid.

RUTHA 1:8

Naomi gi dumoo" eig yug ri «Nga" dumoo" tang: we" re" eig yug da" re" myhi' re" phoo bang: jhang khyoo: doem loo" ge'. Re" eig yug gi shid: loo" su: eig yug ri we' ngoo ri we' zei: zhoo" loo bye: ziyo' dakhyoo" ti" Aseing gi re" eig yug ri mainkaid byid: baja" o".