2 TIMOTHI 1:13 - Lacid Common Language Bible

¹³ Ngoo gi nang ri jhoug" byid: bye: deingmain" da" mungdang: ri nang cang loo" wa da" akhyoo: avoid bui" nhang: wigi geing" geing: zei: ci: lho: Yesu Khristu yo' dadeing: daloem: za: koid wigi kangso' dei nyid khyoo: moo loem" jeung" ziyo' jheddab da" nheigloem: ri geing: geing: dazei: ci: we'.

2 TIMOTHI 1:13 교차 참조

DANG: ZHOEM 23:23

Deingmain: khyoo: phajhi" juyhi: bo da" khyoo: jhau" kham: yu khyoo: joem yo' ge da" nheigloem: hau: ziri nang gu phyed lho: ung" zoo: wa ein: lang" age myid yu: sho' phoug" dab, zi nghoid.

DANG: ZHOEM 3:18

Hau: da" phajhi" ri si' bang: gi ngei pyo: boem wa phajhi" juyhi: gi nyangnu" ri kangso' dei nyid nhang: wa nghoid.

DANG: ZHOEM 3:21

Nga" zoo: we"- re" da" phajhi" juyhi: yo' nheigloem: phajhi" ri khanham we' dakaid ci: nau nyid we'- hau: ziri re" jang" mo khanham we' athu, loo" nhang:.

DANG: ZHOEM 4:13

Nang shoug" jhau" kham: yu bye: da" khyoo: ri khanham we' myid boin: so" nyid we' re" da" phajhi" gi re" da" kangso nghoid yoomo hau: ziri lhoug zung" ci: we'.

DANG: ZHOEM 8:14

Ngoo gi moo" ze" bui" wa da" phajhi" khyau" ziyo' hau: khyoo: ri zei: bue" nyid. Ngoo moo: se' gyo: da" nheigloem bo ziyo' ngoo moo: yoem: so' bo nyid.

Roma 2:20

Byu gang yi ri khyoo: shed' su: - phajhi" asi' shi" mo da sara nghoid ga: deing" deing nang nghoid. Nang gi Yuda tarha" phajhi" yo" deingmain" da" khyoo: ri se.

Roma 6:17

Nanu" gi dalheing: ri - Yoobo join koid' yu" nghoid loug we' akhid" gi jhau" mho' khyoo: ri tam" gyo: loem" jeung" da" deing byeung" khyoo: ri nheigloem: ung: khoug: dangain" yo" nanu" kham: yu bye: yoomo ngoo gi Mangso: da jeju" ri coung" nghei" nyid.

PHILIPI 1:27

Akhid" uri nanu" shid re" je" ca" thang da" khyoo; gi Khristu Yesu da" ngei bu: lu dang: yo' du veung" moin: yi" khyo" kangso' dei nyid boem ca"- hougsu" nghoid lang" gi ngoo nanu" jang" moo ju" re" uri nghoid loug we' aju" re" uringhoid loug we' nanu" gi nheigloem: sham: shoin" go" lho: theung shang" yab, jo, wigi myid to" khyoo; dakhaid za: yo,- hau" ngei bu: lu dang: da" loem" jeung" khyoo: shid re" dage" za: zain: shi" go" nyid da" khyoo: ri ngoo shaug" gyoo: wa zi nghoid.

PHILIPI 4:9

Ngoo tid da" khoin" thui: joem yo' ngoo zei: so' da" lo, moo" joem khyo" nanu" nga" jang" mo shau" jhau" yu bye: da" khyoo: joem ri lo, ju" khyid: yug- cang zei: loo" ge' houg: lang" ngei pyo: da" apoem: Mangsoo gi nanu" yo' dage" danyid nyid wa zi nghoid.

KOLOSE 1:4

Khasu" wim" gari Khristu Yesu ri loem" jeung" da" nanu" da" laloem, lakhoug: yo' Mangso byu yi dangain" bang: ri jheddab da" nanu" jhed khyeing: kang: khyeing: ri ngoonu" shau" gyo: nyid boem bye.

1THESALONI 5:21

Dangain" ziri leug kyeung yu" lho: wigi ge da" khyoo: ri lhoem: yu wigi lhei, teung too" ge'.

1 TIMOTHI 1:10

Nheugloem: avoid agi bang:- myi: yi nyang: cang"- yuggi nyang: cang"- youg: shoo: goo" bang:- byu myheug yhoem" to" lho: ngei yo' doem khyoid yu nhang: bang:- mhau' lho: adeung amain" da" sagsi: kham, bang:- ce: ja" khyoo: moo we' hau: loem" jeung" da" khyoo: yo' azhung" goo' mo, shid re" koid to" da" tarha" nghoid nyid.

1 TIMOTHI 1:14

Yha" Aseing: gi nya: da" athang agoin da" jeju" ri nga" tho' moo foid, gyoin: byid: wigi Khristu yo' dadeing: daloem: za: bue" lo" lho: kangso' shau" dei nyid yoomo ngoonu" yo" yu eung: da" loem" jeung" khyoo: yo' jheddab nheigloem: ngoori byid: too" bye.

1 TIMOTHI 6:3

Hang" nghoid loug we' adu go" khyo" atoug" khyo" shoid vhang: khyoo: ri jhoug" byid: nyid su: gi ngoonu" Aseing: Yeesu Khristu da" deingmain" joeb, byeung" da" mungdang: joem yo' ngoonu" loem" jeung" da" khyoo: jhoug" byid: ziri abo cang soo" loo za:

2 TIMOTHI 1:1

Mangsoo nyang: myid' vho: ziyo' dakhyoo" ti"- Khristu Yesu da" lagyoo: bue" lho: Khristu Yesu yo' dadeing: daleom: za: bue" nyid yoomo ngoonu" yo" yu wa da" dang: soo" khoin" yo' sen: lho: kangso' khyoo: tid fu" kyoo" wa shid re" nhang: kaid' zi shau" su: ngoo Polu gi

2 TIMOTHI 1:14

Nang ri loem, wigi ab, byid: too" bye: ge, da" ziyoo joem ri nyhang" moo bo loung" jo, bye: da" hau" gyeungshang: venyi yoem: so' khyo" dazoem: ci: nyid we'.

2 TIMOTHI 2:2

Sagsi: myoo" sho' bang: da" shid' khoin" moo nga" jang" mo nang jhau" yu gyo: yu bye: da" jhoug" myeing" jhoug" thui: ri ci: lho: byu gooji" ri we' yo" doem, jhoug" byid: wa zi nghoid ein: wigi nang leom, ge" da" byu yi ri doem, thoid' ab, byid: wa.

2 TIMOTHI 3:14

Nghoid loug we' nang koem gi jhau" mho' da" khyoo: ri kham: yu wigi geing: geing: teing teing loem" jeung" nyid bye: da" hau: deingmain" da" khyoo: moo xo' lho: d acang yhe: loo" we'. Re" sara: gi hang" nghoid ziri nang se' nyid gu nhgoid bye.

2 TIMOTHI 4:3

Byu yi gi hau" deingmain" ziyo' ca yoo abo da" jhoug" myeing" jhoug" thui: ri atam" gyo: boem wigi nyang: tu: nya: nheigloem: aco' ajhoid khyoo: moo za: te: cang lo" boem ziyo' nyangnu" da" nheigloem: moo yo: phoin: loo" sho' nyang: tam" gyoo: nau da" se' jhoug" byid: da" sara: yi je" je, myo: lo boem sho' khyu: zheung" yu da" ayo, gi ju" loo wa zi nghoid.

TITU 1:9

Nyang: gi phung: mo jhoug" myeing" jhoug" thui: ri yo' myid coem, veung" da" loem, gi su:- hau: mungdang ri geing: geing: zei: ci: su: nghoid ca" nyid. Houg lang" nyang: gi hau: deingmain" da" jhau" mho' khyoo: yo' byu yi ri yoem: byid: yo" lang: zheung" yu- hau: mungdang yo' azhung" to" da" ngeug se: juang" yi mo, da" shoid vhang: lo" da" khyoo: ri yo" toin" shid' wa zi nghoid.

TITU 2:1

Nghoidloug we' nang koem' gi jo da" loem" jeung" khyoo: yo" du veing" go" da" laloem lakhoug: nheigloem: sham: shoin" goo" wa khyoo: ri kho" kyo" jhoug" byid: ca" nyid.

TITU 2:8

Nang ri thougtheung loo mo, gi ngoonu" ri ce: khyoo: moo we' ce: yooboo we' ashau" shoo: lo: yoomo sho' thu goo" baja" nang gi sube" wigi yooboo foin: zi ashug" loo: sho' deingmain" da" dang: joem yo' jhoug" byid: mhoo, byid: nyid we'.

HEBRE 10:23

Ngoonu" yhen: yu lho: loem" jeung" da" loem, khau: nheig byu khyoo: moo aloeb, adei loo: nyhang" geung: teung jo, loo: shang. Khasu" wim gari Mangsoo gi nyang: dang: soo" to" da' khyoo: moo kyed, da" dang: zung" su: nghoid khyoo: ri ngoonu" loem, jeung" nyid boem.

HEBRE 3:6

Khristu gi Mangso yhoem: ri zung" da" nya: zoo: deung byeung" su: yo' kyed' su: nghoid nyid. Ngoonu" gi yoem: boo so' bo ziyo' nyhang" nya: da" gau yi nheig byu joyoo ri lo" thang moo ju" sho' nheig shid: nheig deug ziyo' geing: geing: teing teing nghe: khau: nyid boem nghoid rigi Mangso yhoem: byu yi nghoid boem wa.

HEBRE 4:14

Hougsu" nghoid nyid yoomo ngoonu" yhen: yu lho: loem" jeing" bye: da" loem khau: khyoo: moo nheigloem: zug jo, shang- Khasu" wim gari Mangso da" shid khoin" moo khyang: vang loo" bye: Mangsoo da" nya: zoo:- Yesu ga: da" Khainjung zeing dayug- ngoonu" yoo" nyid bye.

YUDA 1:3

Jheddab, da" bidnoem yi we"- nanu" dangain" mo, bain' loem" jeung" kham: yu ci: bye: da" khyoid yu khyoo: ri ngoo gi nanu" jhang khyoo: lhid" kaid' wa shid' re" yoem: kaid' nyid uri Mangsoo gi dalheing: dam nya: da" byumyu" yi ri bain' nyeing byid: too" bye: da" loem" jeung" khyoo: geung: teung jo, baja" ga- loem: zain: oung: myid boem wa shid re" nanu" jhang khyoo: mougsoug" myab, myab, lhid" lho: wigi yoem: byid: ca" khyoo: shau" nyid.

Pang Shug 2:25

Nghoid loug we' nanu" gi nanu" nya: da" lo, moo" ri ngoo ju" re" jang" moo ju" sho' geing: geing: teing teing zei: ci: ge'.

Pang Shug 3:11

Ngoo phyed za: ju" ri" wam: bye- re" da" oung: lo" jhung: shug aphoug" gi hang" we' ayo" lhoid yu baja"- nang yo" yu bye: zi ri geing: geing: dazoem: ci: we'.

Pang Shug 3:3

Houg: yoomo nang jhau" kham: yu bye: ziyo' shau" gyo: kham: yu bye: da" khyoo: joem ri doem myed boin: lho: houg: moo cang zei: loo" we'. Re" yooboo mo nheigloem: thed' loo we' nang alhid' nyid nghoid rigi khoug" su: yhang: ti" ngoo re" jang" moo ri" wa. Ngoo ju" ri" wa da" ayo, ri lang" nang se' wa zi anghoid.