2 TIMOTHI 1:10 - Lacid Common Language Bible

¹⁰ Nghoid loug we' akhid" gi yha" Aseing: Khristu Yesu ju" gyoo" los ayo, mo nyang:- hau: khyoo: ngoonu" ri toin" shid' kaid' bye. Nyang: gi shid: loo" no lo" da" yoem: so' ri yoeb, shoung; pyam' lho: wigi hau" ngei bu: lu dang; khyo" wigi ashid: abyug lo da" kangso' khyoo: ri ci: shug kaid' bye.

2 TIMOTHI 1:10 교차 참조

ESAIA 43:3

Ciwim ga ri ngoo gi re" Aseing Mangsoo nang ri khyoid yu su: Israela da" gyeung" shang: Mangsoo nghoid. Nang ri loid byoin nhang: wa shid re" ngoo gi Egutu ri ab pyam wa. ngoo gi Etiopi yo' Seba ri ab pyam wa.

ESAIA 45:15

Nya: byumyu" ri khyoid yu da" Israela da" Mangsoo gi nyang: nya: gung ri zau" too" su: nghoid da:.

ESAIA 45:21

Nanu" da" moo" ri tarha" yung" moo re" tid we'. Yooboo voin shau" bang: gi nyang: cang" nyang: sham: goo" baja". Bue" ri" wa ga: shid phyang" lapi: pe: su: hang" nghoid la". Nya: byu yiri khyoid yu su: gi ngoo Aseing Mangsoo anghoid rhe". Mangsoo gootu: anyid.

HOSEA 13:14

Ngoo gi he: byumyu" yiri shid: moug: mo akhyoid yu wa. Shid: da" yoem: so' mo we' nyangnu" ri akhyoid yu wa. Shid: ziyo' re" lang: yoem" ri xo' bui" nhang: we'. Shid: moug: we"- re" da" phyo' shoin' ziri xo' bui" nhang: we'. Ngoo gi he: byumyu" yiri nheig akhyeug loo: wa.

LUKA 11:36

Re" gung goin" gi coid jo, zi dajhi' we' aboo loo- bang jo, nghoid rigi myibung: gi doug bang da" bidbang yo"- Re" tho' moo thoin" pang byid: yhangti" Nanu" da" dagung goin" gi doug bang jo, wa zi nghoid ga: tid.

LUKA 13:7

Khyam: seing: gi Ngoo he: lafoem gam moo ashi" re" yu" goem: zi soem" zain ju" bye. nghoid loug we' dacab we' amyang. He: lafoem gam ri thoug lheing: pyam loo: ge' Ce: noem koid: wi khyam: myidjang: amyib afoo" koid: too" wa lha"» ga: khyam: zung" su: ri tid.

LUKA 2:11

David da" voogung moo Aseing: Khristu ga: da" khyoid yu Aseing: gi Nanu" shid' re akhid" nyid" khu: loo bye.

YOHAN 1:9

Hau: gyeing" da" bidbang gi mougmyid moo gyoo" lo lho: Byumyu" bain sho' mo da" tho' moo thoin" pang too" bye.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 20:31

Nghoidsho' loug we' Yesu gi Mangso da" nya: zoo: Meshia nghoid da" khyoo: ri nanu" loem" jeing" loo wa ziyo' nanu" nyang ri loem" jeing" lho: kang so' yoo" wa shid re" he khyoo: joem ri lhid" to" zi nghoid.

YOHAN 4:42

Houg: bang: gi Samari myiyi: myhi, ri ‹‹Akhid" ngoonu" gi Aseing: ri loem" jeing" lo boem zigi re" dang: yoomo za: anghoid- Aseing: da" mungdang: ri ngoonu" nyang: shaug" gyoo: boem yoomo danghoid. He: da" Aseing: gi mougmyid da" khyoid yu su:- gyeing" gyeing"- nyang: nghoid da" khyoo: ri ngoonu" si' bye: ga: tid boem.

YOHAN 5:40

Nghoidloug we' nanu" gi apyaid' ato: kangso' yoo" sho' ga: nga" jhang khyoo: anau re" boem.

ACTS 13:23

Mangsoo gi nyang: dang: soo byid: to" ziyo' dakhyoo" ti" David nya: myed: nya: zoo: yi mo nghoid da- Yesu ri Israela byumyu" yi da" khyoid yu Aseing: bue" loo nhang: bye.

ACTS 5:31

Israela byumyu" yi we' nheigloem: thid' wa ziyo' nyangnu" da" yooboo ri khyoid pyam byid: zi shau" wa shid mo akhyoo" bo nyheung byid: wa shid re" Mangsoo gi nyang: ri khyoid yu su: yo' vhu" jhung: khyo" nya: lo yo, shoid' moo tu: to' to" abye:.

Roma 16:26

Nghoidloug we' Akhid" uri hau: tarha" gi Lapi yi da" jhoem: dang: khyo" wigi bang myang thu' loo nhang: abye:. Byumyu" bain sho' mo gi Mangso: da" mungdang: ri yo" tam" gyo: lo boem wa shid' re" apyaid' atoo: dei nyid da" Mangso: amyeing" yo" dakhyoo" ti" hau tarha" ri tid fu" kaid' bye.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

Roma 3:31

Hougsu" nghoid ri ngoo nu" gi loem" jeung" khyoo: khyo" tarha" ri she: lhei" pyam boem wa la". Ashe: lhei" tarha" ri je geing: teing nhang: wa khyoo: nghoid.

Roma 6:6

Hau: tho' moo gootu: ngoonu" da" byu xoug" nheigloem: ri Khristu yo" dage" pyang" zeing moo baid jen" said' pyam' nhang: bye: da" khyoo: - hidsu" baid jen" said' pyam' nhang: da" khyoo: gi yooboo da" yoem: so' da" byuxoug" nheigloem: ri phyo' koid pyam' khyo" wigi yooboo join pyaid mo lhoid' byoin loo" nhang: wa zi nghoid da" khyoo: ngoonu" se boem.

1Korinthians 15:26

Lo" thang jang" moo: oung: doid' pyam wa da" gyi voo phoo, gi shid: zoug: nghoid nyid.

1Korinthians 4:5

Houg: su" nghoid yoomo ayo, aju" shi" ri- nanu" dayug yo' dayug gi hang" ri nghoid loug we' tarha" dang: aphyed byid: nyid goo. Lo" thang bidnyid moo: tarha" dang: phyed wa da" Aseing ju" ri" sho' dalang" nyid ge'. Nyang: gi moug: coid khoug: moo: yhoem" to" da" moozoo" ri we'- byu yi da" nheigloem: khoug: moo: zau" to" da" myid soin: khyoo: ri we'- thoid' shoug thu' loo wa zi nghoid. Hau: bidnyid ri byu yug khang" moo" gi nyang: yo' moin: yi" da" Mangso wigi: coung" nghei ngi: shab, khyoo: ri shau" kham: yu boem wa zi nghoid.

2~KORINTHU 5:4

He: da" moug myid mo zoem" moo loung" jo, shi" uri voin vu, wa da" yoo voin, wigi nhe' zeug ziri kham zo: da" nheigloem: yo' nookyeing" kyeung" nyid. hougsu" nookyeing" zigi he: da" moug myid mo gungshoo" ri khyoid pyam nau boem zi anghoid. shid: byug se' da" zi ri apyaid atoo: kangso' dei jang" khyoo: nyid lo" byu, wa shid mo moug khung: moug di mo da" gungshoo" ri ngoonu" khyoid zhoung" yu noug yoomo nghoid nyid.

GALATI 5:4

Toung: to" da" tarha" ri cang pyeung khyo" wigi Mangso shid khoin" moo deing byeung" khyoo: yo" yu wa ga: yoem: kaid' nyid bang: nanu" gi Khristu yo' gang: lain lo" lho: Mangso da" jeju" ri ci: foid pyam' abye: go.

Ephesu 1:18

Hau: lho: wigi Aseing: nanu" ri nheig byu khyoo: moo khe: yu too" bye: ziri we' Aseing: gi nya: byumyu" yi ri byid: wa ga: da" mau" pho" jeju" agyid asoo: joem gi -

Ephesu 1:9

Mangsoo gi nyang: myid soin: to" khyoo: ri koid lho: Khristu khyoo" wigi joeb, byeung" loo nhang: wa shid re" myid phyed' too" bye: da" nyang: yhoem" too" zau" to" da" soin' nyheung to" khyoo: ngoonu" ri si' nhang: bye.

2 THESALONI 2:8

Hau: thang: rigi he: da" akhyeing" su: ri myang thu loo wa zi nghoid- nghoid loug we' Aseing Yesu ju" re" uri gi hau: akhyeing" su: ri nya: nhoid' mo thu da" so' yo' said' pyam lho: nya: da" doug bang phung" yoeb, yo' lhu: mhoin' pyam wa zi nghoid.

2 TIMOTHI 1:1

Mangsoo nyang: myid' vho: ziyo' dakhyoo" ti"- Khristu Yesu da" lagyoo: bue" lho: Khristu Yesu yo' dadeing: daleom: za: bue" nyid yoomo ngoonu" yo" yu wa da" dang: soo" khoin" yo' sen: lho: kangso' khyoo: tid fu" kyoo" wa shid re" nhang: kaid' zi shau" su: ngoo Polu gi

2 TIMOTHI 1:8

Hougsu" nghoid yoomo ngoonu" Aseing: da" shid re" sagsi: kham, jang" moo asho' gyoug nyid, thung: loung" jo, su: ngoo yoomo we' nang asho' nyid Mangsoo gi hau: khyoo: ri zei: wa shid re" yoem: so' byid: to" bye: ziyo' dakhyoo" ti"- hau: ngei bu: lu dang; yoomo kyi" khyeug jam jau kham, da" khyoo: moo ngoo yo' dage" shoin" kyi" khyeung nyid goo"

2 TIMOTHI 4:1

Mangso da" shid' khoin" moo we' dei nyid bang: yo' shid: jo, mo, ri tarha" dang: phyed' wa da" Khristu shid' khoin" moo we' hau: Aseing; gi vhoeb, khang" wa da" kho: kham" khyo" ju" ri" wa zi nghoid wigi

2 TIMOTHI 4:8

Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

TITU 2:11

Khasu" wim ga: ri Mangsoo gi byumyu" bain sho' bang: ri nya: da" khyoid' yu jeju" ri thoin" pang ci: shug bye.

TITU 3:4

Nghoid loug we' ngoonu" da" khyoid' yu Aseing: Mangso da" jeju" yo' athang agoin da' nheigloem: thu myhang lo da" uri gi

HEBRE 10:32

Lai loo" bye: da" bidnyid joem moo nanu" gi khayhang: te" mo, nghoid nyid boem ziri doem boin: so" nyid ge'. Hau: bidnyid joem moo Mangso bidbang ri zheung: yo" kham: yu ci: boem lho: shid: gyoin, noogyoin, myoo" sho' ri shau" kham, zo: lid lo boem bye- nghoid loug we' nanu" yoem: kaid thoug shang" lo boem yoomo hau: shid: gyoin, noo gyoin gi nanu" riyo" oung: lo" khyoo: ajo.

2PETRU 1:1

Yesu Khristu da" join yo' lagyoo: nghoid su:- Ngoo Simun Petru gi Ngoonu" da" Mangsoo yo' khyoid yu da" Asing: Yesu Khristu da" deung byeung" khyoo: moo ngoonu" yhang: ti"- phoug" dab da" loem" jeung" khyoo: yo" yu bye: bang: jhang khyoo:- dang: pyeung: kaid.

2PETRU 1:11

Khyoo: he: khaid khyo" cang lo" boem nghoid rigi ngoonu" da" Aseing: yo' khyoid khyi: yu su:- Yesu Khristu da" athang agoin da" mungdain: khyoo:- yo" vang loo" wa da" akhang"- nanu" ri joeb joeb byeung" byeung" byid: wa zi nghoid.

2PETRU 1:3

Nya: da" myonhoo: phung" yoeb yo' ge thang khyoo: joem ri gam boem shau" yuwa shid re" nyhang" ri khyoid yu bye: da" Mangsoo ri se' lo boem bye: yoomo Mangso da" yoem so' gi-deungmain" da" noku thung" loem" jeung" khyoo: moo kangso' yo" dei: nyid wa shidre"- nyhang" moo ca" nyid da" khyoo: bain, sho' ri byid: to" bye.

2PETRU 2:20

Byu yi gi ngoonu" da" khyoid yu Aseing Yesu Khristu ri se' wigi moug: myed mo aco' ajhoid da" yoem: vhoo" khoug: mo loid lo" thang: ri hau: aco' ajhoid khyo: wigi doem oung: pyam zi shau" nghoid rigi Houg: bang: da thang: mo bue" lo akhyoo" gi-xang: she" tho' moo je" yau: loo" wa bye.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men

2PETRU 3:2

Gyeungshang: da" lapi: yi shid phyang" tid kyo" to" dang: ri we'-nanu" lagyoo: yi da" lo, khyo" wigi khyoid yu da" Aseing: tid to" amyeung" dang: joem ri we' ngoo nanu" ri doem myed boin: nhang: nau nyid.

1YOHAN 1:2

Hau: da" kangso' gi thu' myhang lo da" uri ngoonu' hau: ziri myang yu" boem bye- houg: yoomo nanu" gi hau: khyoo: ri sagsi: kham, byid: boem bye. Nya: phoo yo' dage" nyid yu" bye- hau: apyaid ato: da" kangso' gi ngoonu" jang" moo thu' lo wigi ngoonu" gi hau" kangso' da" khyoo: nanu" ri sho' kyo" boem bye.

Pang Shug 18:1

Hau: thang: ri moug: khung: mo gyoo" lo da" mouglagyoo: gootu: ri ngoo myang. Nyang: gi gyi: thang da" amyeing" yoem: so' ci: lho nya: phung yoeb, gi mougmyid gyab, goin" moo doug bang to".

Pang Shug 2:7

Venyi gi phung yi ri khasu" ga: tid nyid ziri nukhyab' dab, bang: gi gyo: yu goo" baja". Oung: doid loo" bang: ri Mangso khyam: moo youg jo, da" kangso' shi" gam, mo ashi" ri zoo: wa da" akhang" ngoo byid: wa nghoid.

Pang Shug 20:14

Houg: lang" shid: zoug: yo' moovo, moug: gi hau" myi: gyid' thoem" moodu" zei, pyam zi shau' ago". (Hau" myimi: thoem" gieig lheing: ein: shid: da" khyoo: nghoid.

Pang Shug 22:14

Kangso' shi" gam, mo ashi" ri zoo: wa amyeing" yo" lho: voogung khoug: khyoo: khoem" moo" duang: khyo" yo" vang loo" sho' nyang: nya: da" byisheing: joem ri ced" phyu: pyam mo, gi ngi lho, nyid.

Pang Shug 22:17

Hau: venyi yo' myhi, seig gi " Ri" we',, he: khyoo: ri shaug" gyoo: mo, hang" nghoid loug we' " Ri" we',, ga: tid baja". Gyid shed' su: gi ri" baja"- shug noug mo, hang" nghoid loug we' jhung: shug khyo" aphoug" agyoo" loo: za: kangso' gyid ri kham: shug goo" baja",, ga: tid.