2 SAMUELA 8:12 - Lacid Common Language Bible

¹² Edom- Moba- Amon- Philisti yo' Amaleg byumyu" yi jang" mo nyang: ci: lo da" lanyhoeb ngei sheing: joem we' Hadadeza jang" mo shoug" yu da" jo, nu' joem ri we' shugbyid: bye: zi nghoid.

2 SAMUELA 8:12 교차 참조

2 SAMUELA 10:14

Suri byu yi tang" phang: lo" ziri Amon byu yi myang lang" nyangnu" we' Abishai mo phang: loo" khari" wigi voomoo" khyoo: tau" loo" bye:. Hau: thang: Yoab gi Amon byumyu" yiri khaid zain: nyid jang" mo doem tau" wigi Yerusalem khyoo: tau" loo" khari" bye:.

1 KHOKHAM MHOOMYID: 18:11

Khokham David gi hau: joem ri nyang: khaid oung: yu da" Edom- Moba- Amon- Philisti- Amaleg byumyu" yi mo shoem" yu da" sheing- ngei joem yo' dage" noku jang" moo ci: wa shid re" shugbyid: da:.

2 SAMUELA 8:2

Hau: thang: nyang: gi Moba byumyu" yiri meing: zain: oung: pyam bye:. Nyang: gi thung: byu yi yugkhang" moo" ri myidgung moo jhang" nhang: wigi hau: jang" mo soem" yug mo eig yug yug ri she: yu lho: said pyam bye: zi nghoid. Houg: yoomo Moba byumyu" yi we' David da" vhoebkhang" da" akhoug: moo vang wigi nyang: ri kheing" kaid bye: zi nghoid.

2 SAMUELA 10:11

Yoab gi nyang: ri «Suri byu yi ngoo ri oung: lo nyid ziri nang myang: lang" ngoo ri re" bo pang" we' Amon byu yi nang ri oung: lo nyid lang" we' ngoo nang ri re" bo pang" wa zi nghoid.

1 SAMUELA 30:20

Nyang: we' nya: byu yi pyoung" lo da" shid mo gougnyhoug phung: ri yu lho: «He: zi David seing: zi nghoid» ga: tid.

1 SAMUELA 27:8

Hau: ayo, ri David yo' nya: byu yigi hau: joyoo moo shidphyang" mo nyid da" Geshuri- Girazi yo' Amaleg byu yiri meing: yhe: zain: boem ago". Nyang: gi nyangnu" mougmyid ri Egutu mung" khyoo: gyoo" yhe: da" Shura voogung ju" sho' khaid zain: lho:

1 SAMUELA 15:8

Nyang: gi Amaleg khokham Agag ri myheug yu wigi nya: byu dangain" ziri said pyam da:.

1 SAMUELA 30:17

David gi thang: nab kyoo' nab soin: myo, yoeb yoeb mo zi myen" thang: ju" sho' nyangnu" ri khaid zain: bye:. Gola-ug mo zhung: phang: da" zooyam myid: shoo: mo lid dayug we' ayo" phang: loo: goo" nghoid da:.