2 SAMUELA 7:12 - Lacid Common Language Bible

¹² Nang shid: byug lang" re" phoug" phyid" yo' dage" myhoeb wigi re" yuggi zoo: dayug yug ri khokham koid nhang: lho: nya: mungdain: ri ngoo geing: teing nhang: wa zi nghoid.

2 SAMUELA 7:12 교차 참조

APOEM AYANG: 15:4

Hau: thang: Aseing doem tid da" «He: join Eliaza gi re" mid jonu" ri seing: wa anghoid. Nang mo khu: lo zooshang: nyang: daseing: wa» ga: tid thui: ri shau" gyo: kaid.

2 SAMUELA 22:51

Mangsoo gi nya: khokham ri gyi" sho' da" oung: doid lo" khyoo: byid: bye:. Nyang: gi nyang: khyen: yu to" da" David yo' nyang: byukung: byuko' yiri pyaid moo: too: moo: jheddab nheigloem: toin" shed nyid.

1 KHOKHAM 1:21

Hau: khyoo: ri nang atid loo: shid: loo" khari" nghoid rigi nga" zoo: Sholumon yo' ngoo rigi gyivoo yiri koid yhang: ti" koid pyam zi shoug" wa zi nghoid» ga: tid.

1 KHOKHAM 1:48

«Akhid" nyid" nga" akung: mo byu dayug ri nga" khokham zhungtang moo: xo' zhung: nhang: lho: nga" myojid" yo' nyang: shau" myang yoomo Israela Aseing Mangsoo ri coung" nghei boem shang o"» ga: tid da:.

1 KHOKHAM 2:1

David shid: lo" nyid uri nya: zoo: Sholumon ri khe: yu lho: thang: thang da" pyeing: dang: byid: too" kho' da:.

1 KHOKHAM 2:10

David shid: bye: yoomo David da" voogung moo: myhoeb too" bye:.

1 KHOKHAM 2:4

Nya: dang: ri nang tam" gyo: nghoid rigi nga" amyed ashen yi nya: da" amyeing" dang: ri loem jeing" wigi nyangnu" da" oung: khoug: nheigloem: dangain"- Venyi dangain" ziyo' loem jeing" nyid nyid gi Israela mungdain: ri shoug" vhoebkhang" nyid wa zi nghoid ga: nyang: ngoo ri tid too" bye: da" dang: theing gi Aseing pyeing byid: wa zi nghoid.

1 KHOKHAM 5:5

Aseing gi nga" phoo David ri dangsoo" byid: to" zigi «Re" thang: moo ngoo khokham aya: byid: to" da" re" zoo: gi nga" shid re" Noku Yhoem: Moo" koid wa zi nghoid ga: yoomo akhid" ngoo nga" Aseing Mangsoo ri noku wa shid re" Noku Yhoem: Moo" koid wa khyo" myid phyed too" bye:.

1 KHOKHAM 8:15

Nyang: tid zigi «Israela da" Aseing Mangso ri coung" ge'. Nga" phoo David ri nyang: byid: to" da" dangsoo" ri nyang: cang pyeing wigi nyang: David ri

1 KHOKHAM 8:19

Nghoid loug we' hau: ziri khanham we' yo" koid wa zi anghoid. Nga" da" yhoem: ri koid wa su: gi re" yuggi zoo: nyang: nghoid wa.

1 KHOKHAM 8:20

Akhid" koem' Aseing gi nya: dangsoo" ri pyeing byid: bye:. Israela khokham nghoid da" nga" phoo zhungtang kho" moo ngoo xo' zhung: bye: ziyo' Israela Aseing Mangsoo ri noku wa shid re" Noku Yhoem: Moo" ri ngoo koid too" bye:.

1 KHOKHAM 9:5

Ngoo re" amyed ashen yiri khanham we' Israela mung" ri vhoebkhang" nhang: wa shid re" re" phoo David ri dangsoo" byid: to" ziyo' dayhang: ti" hau: dangsoo" ri ngoo cang pyeing wa zi nghoid.

2 KHOKHAM 8:19

Nghoid loug we' Aseing gi Yuda mung" ri anau phyo' shoin' pyam nghoid da:. Ciwim ga: ri nyang: gi nya: dei zoo: David ri nya: amyed ashen yi xo' lho: khanham we' vhoeb wa dangsoo" byid: to" yoomo nghoid da:.

1 KHOKHAM MHOOMYID: 17:11

Nang shid: lo" wigi re" phoug" phyid" yi yo' dage" myhoeb shoung: pyam lang" re" yuggi zoo: yi mo dayug ri ngoo khokham koid nhang: lho: nya: mungdain: ri yoem: bo jo, nhang: wa.

2 KHOKHAM MHOOMYID: 1:9

O" Aseing Mangsoo we"- nga" phoo ri nang byid: to" da" dangsoo" ri zei pyeing we' nang gi atho' nghab loo sho' myo: da" byumyu" yi adang moo: ngoo ri khokham koid nhang: abye:.

2 KHOKHAM MHOOMYID: 13:5

Israela da" Aseing Mangsoo gi David yo' ayo" byo, da" dang: theing to" wigi nyang: yo' nya: amyed ashen yiri khokham aya: apyaid atoo: moo byid: to" ziri nanu" asi' goo" rhe".

2 KHOKHAM MHOOMYID: 21:7

Nghoid loug we' Aseing gi David da" khokham byuxeig ri anau phyo' pyam nghoid da:. Ciwim gari nyang: gi David yo' dang: theing koid to" wigi nya: amyed ashen yigi khanham we' xo' lho: vhoeb loo goo" wa ga: dangsoo" byid: to" yoomo nghoid da:.

2 KHOKHAM MHOOMYID: 23:3

Nyangnu" dangain" mo, gi Noku Yhoem: Moo" moo zeing: foem: lho: hougmoo khokham da" yuggi zoo: Yosha yo' dang: theing daloem: koid ago". Yehoiada gi nyangnu" ri «Khokham koid thang su: da" yuggi zoo: hid moo nyid. David da" amyed ashen yi nghoid ca" ga: Aseing dangsoo" byid: to" ziyo' dayhang: ti" akhid" nyang: khokham nghoid bui" ca" da:.

2 KHOKHAM MHOOMYID: 6:15

Nang gi nga" phoo David ri to" da" dangsoo" ri cang pyeing abye:. Akhid" nyid" gi dang: khoin" khang" moo" joeb byeung" lo abye:.

2 KHOKHAM MHOOMYID: 6:9

Nghoid loug we' nang gi hau: ziri khanham we' ayo" koid wa. Nga" Noku Yhoem: Moo" ri koid wa su: gi re" yug gi zoo:- nanya: yuggi zoo: aseing: nyang: nghoid ri" wa› ga: tid da:.

COUNG" NGHEI 89:29

Nya: da" khokham byu kung: yiri mougkhung: su" geung: teung jo, nhang: wa. Nya: da" amyed ashen" joem gi khanham we' khokham bue" loo" goo" wa zi nghoid.

ESAIA 11:10

David khokham kung mo khokham aseig gi byumyu" yi da" asoo" bui" wa ayo, ju" re" nyid bye:. Nyangnu" gi nya: khokham voomoo" moo zeing: foem: nyid wigi nyang: ri ngi: shab byid: loo goo" wa.

ESAIA 9:7

Nya: da" khokham yoem: so' gi xo' wigi gyi: sheung: loo wa. Nya: mungdain: gi khanham we ngei pyo: yug yo jo, wa. Nyang: gi akhid: nyid" mo zi ayo, thang sho' jo ziyo tarha" nyeung veung" da" adang moo nya: yoem: so' ri ayang: to" lho: khokham David khoo: moo khokham xo' koid yug khyo" vhoeb loo wa. Myhang: thang Aseing gi he: gu dangain" ri koid wa myid phyed too" bye:.

YEREMIA 33:17

David da" amyed ashen dayug gi khanham we' Israela da" khokham koid loo wa yo'

DANIELA 12:2

Shid: loo" bye: da" bang: mo myoo" sho' bang: gi doem dei to' loo goo" wa. Dayham" gi ngei pyoo: tung" apyaid ato: kangso' yo" yu boem wa. Houg: lho: dayham" bang: gu gi yau: khi" yo' wigi apyaid atoo: da" jeju" ashau" kham zoo: wa.

MATHE 1:1

He: da" khyoo: gi Abraham da" nya: zoo: yo' David da" nya: zoo: Yesu Khristu da" byuxeig shab Jhoem: mungdang: nghoid.

LUKA 1:32

Hau: zooshang: gi gyi: sheung: loo wa Myhang: thang da" Mangso nya: zoo: ga: myheing shau" myheing wa. Aseing: Mangsoo gi Nya: phoo David da" khokham" khoo" nyang: ri byid: wa zi nghoid.

LUKA 24:27

Hau: thang: ri-Yesu gi xang: shi" da" Moshe da" mougsoug" pug moo boda" jhoem: dang: mo wigi Lapi: yi tid to" da" mungdang: dangain" moo nyang yo" sen: da" jhoem: mungdang: dangain" ri he: eig yug ri tid pang kyo".

ACTS 13:36

David gi nyang: dei nyid da" bidnyid gu: moo Mangsoo myed soin' to" moozoo" joem ri zei: so' lho: shid: loo" bye. Nyang: gi nya: phoug" phyid" yi loeb, nam, moo myhoeb, shug: pyam' zi shau" lho: nya: manggung gi loeb, khoug: moo boeb, yoem: lo" byug bye.

ACTS 2:30

Nyang: gi lapi: nghoid lho-Mangsoo gi nyang ri dang: soo" khoin" byid: to" ziri nyang: se' da. Mangsoo gi David khokham" yo' dakhyoo" ti" khokham" koid wa nya: da" akung: mo khokham" thu ri" nhang: wa ga- jham, tang: to.

1Korinthians 15:51

Tam" gyo: yu" ge'- dang: kang: no, da" deingmain" da" khyoo: dakhaid - nanu' ri ngoo tid kyoo" ba, - nyhang" dangain" bang: jha" shid: byug wa zi anghoid.

TARHA" TID POIN" 31:16

Aseing gi Moshe ri «Nang gi amyang" ri shid: loo wa. Houg: lho: nang shid: byug thang: ri hau: byumyu" yigi ngoo ri zhug azug loo: bue" re" wigi ngoo nyangnu" yo' koid to" da" dang: theing ri phyo' pyam re" boem wa. Nyangnu" gi ngoo ri to" pyam wigi nyangnu" vang yhi: loo wa za: danghoid lo: da" mung" moo tungbau yu phara" joem ri no' goo" wa.

1THESALONI 4:14

Aseing Yesu gi shid: jang" mo doem dei to'. lo da" khyoo: ri nanu" loem" jeung" nyid boem nghoid rigi Yesu ri loem" jeung" lho: shid: lo" byug bang: ri we' Mangsoo gi Yesu yo' dage" -nya: jhang khyoo: shu" loo wa zi nghoid- ein: ngoonu" loem" jeung" nyid boem.