2 SAMUELA 5:6 - Lacid Common Language Bible

⁶ Ayo, akhyeing: ju" lang" khokham David yo' nya: byu yigi Yerusalem voomoo" ri yhe: zain: wa ga: thu yhe: lo" ago". Hougmoo: nyid da" Yebusi byu yi koem' gi voomoo" hau: ziri David ayo" zain: oung: wa ga: myid boem ziyo' nyangnu" gi nyang: ri «Myo, amyang mo, yo' khyid: gyoug: mo, rilang" nang ayo" khaid thu nghoid rigi he: akhoug: khyoo: khanham we' nang yo" vang loo wa zi anghoid» ga: tid ago".

2 SAMUELA 5:6 교차 참조

APOEM AYANG: 14:18

Houg: lho: Salem khokham we' myhang: thang Mangsoo Khainjung moo" dayug nghoid da" Melkhizedeg gi zoo: noem yo' zabyid yhid: ri Abram jhang ci: ri" byid: wigi

2 SAMUELA 22:30

Nang gi gyivoo joem yo' zain: goo" wa da" yoem: so' we' Nyangnu" da" dab zeing ri phyo' pyam wa da" yoem: vhoo" ri we' ngoo ri byid: nyid.

DANG: ZHOEM 21:22

Yeug da" gyizoug: moo" gi yoem: bo da" gyivi, mo, lhoug zung" to" da" voomoo" ri yo" zain: oung: lho: nyangnu" khau: nghe: nyid da" vang khyam: ri we' yo" phyo' sain" pyam, nyid.

YEREMIA 21:13

Nang Yerusalem gi janggyoin: tho' moo jo, da" lug moo" boem yhang: ti"- lang: khung" joem da" atho' myhang sho' moo yab jo, da:. Nghoid loug we' ngoo gi nang ri gyi koid wigi khaid zain: wa. Hang" dayug we' nang ri gyi ayo" khaid wa. Nanu" da" gyi goo zung joem ri hang" ayo" khyau" lid: vang yhe: wa ga: nanu tid boem.

YEREMIA 37:10

Nang gi Babelon gyidab goin" ri khaid oung: pyam wigi nyangnu" da" zoem" khoug: moo leung jo, da" dam dab bang: za: dadeing jo, loug we' houg: bang: to' re" wigi he: voomoo" ri myimoeb boem" bui" sho' yo' nghe' pyam shi" wa» ga: zi nghoid.

HEBRE 7:1

He: da" Melkhizedeg gi salem voogung mo khokham" yo' Myhang: thang da" Mangso khainjung agyi phoo nghoid. Khokham" myid: yug ri zain: ong: lho: Abraham doem ju" lo da" uri Melkhizedeg gi nyang: ri lhoem: tau, yu lho: main, kaid' byid.

YOSHU 10:3

Houg: yoomo Adonizedeg gi Hebron khokham Hoham- Yamud khokham Piran- Lakhisha khokham Yaphia- Eglon khokham Debira bang: jhang khyoo: vhoo: mo mungdang: foin: kaid da:.

YOSHU 15:63

Nghoid loug we' Yuda byumyu" yigi Yerusalem moo: nyid boem da" Yebusi byu yiri ayo" khaid thu pyam nghoid ago" da:. Yebusi byu yigi hougmoo: Yuda byu yi yo' dage" nyid boem ashi".

YOSHU 18:28

Zela- Haeleph- Yebusi (Yerusalem)- Gibea- Kiriad Yarim voomoo" joem nghoid. hau: joem dangain" gi daxe: myid: loem: nghoid wigi hau: aqei: ayam mo voogung joem we' bo da:. He: zigi Benyamin kung: yhoemkhung: yi nyangnu" da" mougmyid jonu" khyo" shau" kham: yu da" mougmyid nghoid da:.

TARHA" AGYI 1:21

Nghoid loug we' Benyamin kung: yigi Yerusalem moo nyid boem da" Yebusi byu yiri akhaid thu pyam nghoid ago". Hau: ayo, mo zi Yebusi byumyu" yigi Benyamin kung: yi yo' dage" xo' nyid lo" boem ago".

TARHA" AGYI 1:8

Yuda kung mo bang: gi Yerusalem ri gyi yhe: zain: wigi hau: ziri oung: yu pyam ago". Nyangnu" gi hau: voobyu yiri said pyam lho: voomoo" ri myi: nghe' pyam da:.