2 SAMUELA 5:12 - Lacid Common Language Bible

¹² Hougsu" nghoid yoomo Aseing gi nyang: ri Israela khokham aya: byid: ziri we' nya: byumyu" yi shid re" we' nya: mung" ri yoo" zoo: yoo" shug nhang: nyid ziri we' David boin: lo nyid da:.

2 SAMUELA 5:12 교차 참조

2 SAMUELA 7:16

Re" akung: ako' joem khanham we' dajo, nyid wa. Re" mungdain: ri apyaid atoo: geing teing nyid nhang: wa. Re" da" myhang: thang zhungtang gi khanham we' thang loo" wa zi anghoid» ga: tid.

1 KHOKHAM 10:9

Re" Aseing Mangsoo ri coung" shang o". Nyang: gi nang ri Israela khokham koid nhang: ziyo' nyang: nang yo' dage" nyid zi khayhi' yu" nheugdeug nyid ziri nyang: ci: shug bye:. Ciwim gari nyang: gi Israela byumyu" yiri apyaid atoo: jheddab nyid yoomo tarha" yo' tarha" deing byeung" khyoo: ri yo" zoem: wa shid re" nyang: nang ri nyangnu" da" khokham koid nhang: bye: zi nghoid» ga: tid.

1 KHOKHAM MHOOMYID: 14:2

Houg: lho: David gi nyang: ri Aseing wigi khokham khyo" koid nhang: lho: nya: byumyu" yi gang mo nya: mungdain: ri nyid gi yab gi nhang: lho: nyang: ri khyen: sain' to" ziri myid boin: lo da:.

DANIELA 2:30

Akhid" ngoo ri he: yau: da" mau" pho" khyoo: ri ci: shug byid: bye:. Ngoo gi gooji yi tho' phajhi" je boo yoomo anghoid. Aseing: khokham nang khyo" wigi re" yhoebmo, da" dang: kang: ri se' yu lho: nang jhang ju" re" da" myid yu" khyoo: joem ri se' gyoo: wa shid re" nghoid da:.

ESTHA 4:14

Hid: yhang: ti" ayo, moo sam: za: tam" to" nghoid ri Yuda byumyu" yiri pang" yu zi mougkhung: mo ju" re" lho: nyangnu" gi goem loem zi shoug" yu boem wa. Nghoid loug we' nang gi shid: wa nghoid lho: re" pho da" yhoemkhung: byu yigi thang lo" byug wa. Nghoid loug we' hid yhang: ti" ayo, shid re" nang khokham myhi' bue" lo zi nghoid abe hang" si' wa» ga: tid da:.

2 KHOKHAM MHOOMYID: 2:11

Khokham Hiram gi Sholumon jhang khyoo: mougsoug" dakhyab lhid" wigi foin: kaid da:. Nyang: lhid" ziri «Aseing gi nya: byumyu" yiri jheddab yoomo nang ri nyangnu" da" khokham koid nhang: abye:.

2 SAMUELA 5:11

Turu khokham Hiram gi phaga: phung: daphung: ri David jhang khyoo: nhang: kaid da:. Nyang: gi khokham kho" zhug wa shid re" shamu seig thi" yo' dage" lo, moo" zi: bang: yi yo' lugxi' bang: ri pang" thoug kaid da:.

2 SAMUELA 5:13

Hebron mo Yerusalem khyoo: thoid lo" thang: ri dangcang: myhi' yi yo' yhoem: seing: myhi' yi myoo: sho' doem yu lung: wigi nya: zoo: yuggi nu" myiyi: nu" gye" doem yo" da:.

GYUNG: SOO" 24:7

Nyangnu" gi moug: gyid agoin ago" yo" ri" goo" wa nyangnu" da" myau: shi" joem we' gyid gyi: gyi: yo" da" yoothung" joem moo sho" too" goo" wa. Nyangnu" da" khokham gi Agag tho' je gyi: sheung: loo wa. Houg: lho: nyang: wigi vhoebkhang" zigi moug: vi: khyoo: lam je: loo" wa.