2 SAMUELA 5:11 - Lacid Common Language Bible

¹¹ Turu khokham Hiram gi phaga: phung: daphung: ri David jhang khyoo: nhang: kaid da:. Nyang: gi khokham kho" zhug wa shid re" shamu seig thi" yo' dage" lo, moo" zi: bang: yi yo' lugxi' bang: ri pang" thoug kaid da:.

2 SAMUELA 5:11 교차 참조

1 KHOKHAM MHOOMYID: 14:1

Turu khokham Hiram gi Phaga: phung: daphung: David jhang nhang: kaid da:. Nyang: gi David ri khokham kho" koid wa shid re" shamu seig thung"- lug baid bang:- lo, moo" zei: bang: ri byid: kaid da:.

1 KHOKHAM 5:18

Sholumon yo' Hiram da" moo" zei: byu yi yo' Biblo voomoo" mo byu yigi Noku Yhoem: Moo" zhug wa shid re" lug yo' seig thi" joem ri soin' byid: bye:.

2 SAMUELA 7:2

Hau: thang: ri khokham gi lapi: Nathan ri «Yu" we' ngoo koem' gi shamu seig yo' koid da" yhoem: moo lung" jo, bye: nghoid loug we' Mangso da" Dang: Theing Kuid: gi zoem" moo dabo jo, da» ga: tid.

2 SAMUELA 5:12

Hougsu" nghoid yoomo Aseing gi nyang: ri Israela khokham aya: byid: ziri we' nya: byumyu" yi shid re" we' nya: mung" ri yoo" zoo: yoo" shug nhang: nyid ziri we' David boin: lo nyid da:.

EZRA 3:7

Byumyu" yigi lugxi mo, yo' seig lo, moo" koid bang: ri ngei byid: lho: panglai: khyo" wigi Yopa voogung ju" sho' Lebanon boem mo shamu gam ri thug myhu" wa shid re" Sidon yo' Turu byumyu" yiri zoo: shug yo' zhainloin: xu: ri byid: ago". He: khyoo: dangain" gi Persi khosen Kuru da" akhang" khyo" koid bye: zi nghoid.

COUNG" NGHEI 30:1

Ngoo Aseing ri coung" nghei nyid khasu" wim ga: ri nang ngoo ri khyoid yu lho: nga" gyivoo joem ngoo ri ung: wa khyoo: aphang byid.

EZEKIEL 26:2

Nyang: tid zigi «Shid: se' da" byu we"- He: zigi Turu voomoo" mo byu yi gau yi nyid zi nghoid. Nyangnu" gi ‹Yerusalem gi byo, sain" loo" bye:. Nya: da" ung" zoo: ung" shug da" phaga: yoem: so' bei: byug bye:. Nyang: gi ngoonu" yo' ayo" shi' goo" loo: wa.

YOSHU 19:29

Hau: thang: mougkyoo" gi Rama shoid khyoo: lheing: lo" wigi vang khyam: kyam' to" da" Turu voomoo" moo: lo" ju" da:. Houg: lho: hau: zigi Hosa khyoo: lheing: lo" wigi Meing: gung panglai: moo lo" thang da:. Hougmoo: Mahalaba- Akhzib-

2 SAMUELA 7:1

Khokham David gi nya: khokham vang" moo nyid nyid lho: Aseing gi nya: gyivoo dangain" jang mo nyang: ri lhoug zung" nyid da:.

1 KHOKHAM 5:15

Sholumon gi boem moug: moo lug baid da" byu 80,000 yo' lug di" bang: 70,000 we' yo" da:.