2 SAMUELA 4:11 - Lacid Common Language Bible

¹¹ Yhoem: seing: yhoem: moo yhoeb jo, da" deingmain" su: ri akhyeing" bang: wigi said pyam zigi khayhi' age thang zi danghoid nyid. Nyang: ri said pyam bye: yoomo akhid" re" tang: ri we' ngoo latoo: phug wa zi nghoid. Re" tang: ri he: mougmyid mo said toem" pyam wa zi nghoid» ga: tid.

2 SAMUELA 4:11 교차 참조

APOEM AYANG: 4:11

Nang gi nheing" khoin" zang" wigi myidjang moo: yoomoo" dain" moo" yo" zei: loo: wa zi anghoid. Hau: myidjang gi nang re" nhung" ri said uri suid" kham: yu wa shid re" nya: nhoid fo' lho: re" nhung" da" suid" ri shug too" bye:.

APOEM AYANG: 6:13

Mangsoo gi Noa ri «Ngoo gi xangsu: byu yi dangain" ri thang loo" nhang: wa myid phyed too" bye:. Ngoo gi nyangnu" ri jhoid phyo' shoin' pyam loo wa. Khasu" wim gari moug: gyab goin" gi nyangnu" da" pyi: joem: sho: moo" za: byeung" jo, bye:.

APOEM AYANG: 7:23

Aseing gi mougmyid tho' mo byu xangsu:- gougnyhoug gougdoo: yo' ngho' zoo: yen" zoo: dei moodei- nyid moonyid dangain" ri jhoid toem" pyam bye:. Noa yo' nyang: yo' dage" gyid lhid moo" zeing khoug: moo lung" mo, kyeing" za: danyid deing lo: da:.

2 SAMUELA 16:8

Nang gi Sholu da" mungdain: ri yu pyam su: nghoid ziyo' nang gi Sholu ikoin deungkhu: byu yiri gye" said pyam bye: yoomo akhid" Aseing dam byid: zi nghoid. Nyang: gi byu said ziyo' byo, yhoin su: nghoid yoomo aseing: gi mungdain: ri re" zoo: Absalom jhang byid: bye:» ga: tid.

2 SAMUELA 3:27

Abna Hebron khyoo: ju" lo uri Yoab gi nyang: yo' kyeing" dang: tid goo" nau ga: wigi khyam: khoem" anam khyoo: shu" yhe: lho: houg: moo nyang: gi Abna voem: dau moo shamcoin" thoug" byid: bye: zi nghoid. Abna gi Yoab da" nya: nhung" Ashela ri said pyam yoomo nyang: ri we' said pyam zi shoug" bye: zi nghoid.

2 SAMUELA 3:39

Ngoo gi Mangso wigi khyen: to" da" khokham dayug nghoid loug we' akhid" nyid" ngoo yoem: so' neing: shi". He: Zeruia da" nya: zoo: yuggi nu" yi gi nga" shid re" gye" thain: nyid da:. He: yooboo shid re" nyangnu" yo' moin: yi" da" dam ri Aseing byid: nyid baja" o"» ga: tid.

1 KHOKHAM 2:32

Nga" phoo David asi' loo: za: Yoab gi byu said moo" zoo" ri koid too" bye: yoomo Aseing gi nyang: ri dam byid: wa zi nghoid. Yoab gi yooboo adab da" byu eig yug nghoid da" Israela gyizoo: joem ri vhoeb da" Abna yo' Yuda gyizoo: joem ri vhoeb da" Amasa tang: ri said pyam bye:.

COUNG" NGHEI 109:15

Aseing gi Nyangnu" da" yooboo joem ri khanham we' daboin: nyid: nyid baja" Nghoid loug we' Nyangnu" nyang: bain sho' to" myhed pyam zi shoug" nyid goo" baja".

COUNG" NGHEI 9:12

Mangsoo gi yau: khe sho" jhen bang: ri myid boin: nyid. Nyang: gi nyangnu" da" ngau yoid thui: ri ato" myhid. Nyangnu" tho' moo: age khyo" koid mo, ri yooboo dam kaid nyid.

THU' LO" MOUGSOUG" 21:12

Hang" nghoid loug we' byu dayug ri said nghoid rigi nyang: riwe' shid pyam ca" da:.

THU' LO" MOUGSOUG" 9:15

Ngoo nga" lo, ri tu: yeing wigi nang yo' re" byu yiri noophyoo" yo' yooboo dam byid: nhang: rigi nanu" gi bain sho' byo, yoin" loo" goo" wa.

DANG: ZHOEM 2:22

Nghoid loug we' Mangsoo gi akhyeung" da" byu yiri hau: moug: mo she: thu' pyam wigi yooboo yoo" bang: ri we'-seiggam, ri yhang: ti"- phoin:, pyam zi shau" boem wa nghoid.

DANG: ZHOEM 25:26

Akhyeung" su: citid cigyo: da" byugi dayug gi mei, byug bye: gyid bug- anghoid lang" gi khain: cid myoono, bo da" gyid thung" yo' du nyid.

YEREMIA 10:11

Mung" byu yi nanu" khyo" wigi myidgung yo' mougkhung: ri akoid to" da" yu phara" joem ri phyo' shoin' pyam wa ein: nyangnu" ri tid kyoo" ca" ago". Hau: joem gi myidgung tho' khamoo: we' ajo, loo goo" wa.)

HABAKU 1:12

Aseing we"- nang gi moug: thu' xang: poin: mo Mangsoo nghoid. Nang gi gyeung" shang: lho: apyaid atoo: mo nga" Mangsoo nghoid. Nga" Mangsoo yo' goem loem byid: su: Aseing we"- nang gi Babelon byumyu" yi ngoonu" ri dam yo" tab wa shid re" nyangnu" ri yoem: moo" boo nhang: lho: khyen: yu to" abye:.

HABAKU 1:4

Tarha" gi yoem: yoem" ziyo' akyu" aboo nghoid da:. Nyeung veung" khyoo: gi Khanham we' abue" loo. Tarha" dang: phyed go" uri akhyeing" ashoeb da" byu yigi deing: byeung" mo, ri ung: yoomo nyeung veung" khyoo: gi atau" ashu: bue" loo bye:.

1YOHAN 3:12

Ngoonu" gi Ka-in yhang: ti" age koid- nyang: gi satan yu shoid mo byu bue" lo" lho: nya: nhung" Abela ri said' pyam bye Ka-in gi Abela ri ce: noem, koid said pyam lha". Nyang: zei: da" moozoo" gi shoid khyoo: nghoid nyid nya: nhung" zei: da" moozoo" gi jo nyid yoomo nghoid nyid.