2 SAMUELA 3:1 - Lacid Common Language Bible

¹ Sholu ikoin deungkhu: thang: dab mo, yo' David thang: dab mo, da" agyoo: moo gye" myang" sho' zain: go" nyid boem. David gi yoem: gyi: tho' gyi: loo lho: Sholu gi yoem: neing: tho' neing: lo" bye:.

2 SAMUELA 3:1 교차 참조

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

2 SAMUELA 2:17

Hau: thang: ri gye" thain: da" meing: doem zain: zigi Abna yo' Israela byumyu" yigi David byu yiri soem" byug boem ago".

2 SAMUELA 2:28

Hau: thang: Yoab gi nya: byu yi Israela byumyu" yiri acang khaid said loo: wa shid re" laboo" moid wigi toem' kaid lang" meing: zain: go" da" khyoo: joem theing: byug bye: zi nghoid.

2 SAMUELA 22:44

Nang gi ngoo ri thougtheung lo da" mung" byu lo, mo khyoid yu lho: byumyu" bain sho' tho' moo ngoo ri vhoebkhang" nhang: bye:. Ngoo gi ngoonyang: ase' da" byumyu" yiri akhid" vhoebkhang" wa da" amyeing" yo" jo, bye:.

2 SAMUELA 3:6

David gyiphung: yo' Sholu yhoem: byu yi da" dangsoo" deing da" gyiphung yi xo' wigi zain: go" nyid yoomo Abna gi Sholu da" gyiphung: akhoug: moo yoem: so' je je gyi: lo nyid.

2 SAMUELA 5:10

Myhang: thang da" Aseing Mangsoo gi nyang: yo' dage" nghoid nyid yoomo nyang: gi ayo, loem: khang" moo" moo je" gyi: sheung: lo nyid.

1 KHOKHAM 14:30

Hau: ayo, khoug: moo Rehoboam yo' Yeroboam tang: gi dayug yo' dayug meing: ajang" zain: go" boem ago".

1 KHOKHAM 15:16

Yuda khokham Asa yo' Israela khokham Basha tang: gi nya: tang: khokham khoo" zhung: ayo, dangain" moo dayug yo' dayug meing: atheing: lho: zain: go".

1 KHOKHAM 15:32

Yuda khokham Asa yo Israela khokham Basha gi nyang: tang: yoem: so' yo" da" ayo, dangain" moo: nyang: cang" nyang: atheing: meing: zain go" nyid boem bye:.

1 KHOKHAM MHOOMYID: 11:9

Yoem: moo" bo Aseing gi: David yo' dage" nghoid yoomo David gi je je yoem: bo re" da:.

1 KHOKHAM MHOOMYID: 3:1

Vhoo: mo bang: gi David Hebron moo: nyid da" uri khu: boem da" nya: yuggi zoo: yi nghoid wigi nyangnu" apyaid ri cang lho: lhid" to" zi nghoid. Houg: bang: gi Amnon- hau: yug nya: myhi' gi Yezrela mo Ahinoam nghoid da:. Daniela- hau: yug nya: myhi' gi Khamela mo Abigela nghoid da:. Absalom- hau: yug nya: myhi' gi Geshura khokham Talamai da" myiyi: zoo: Makha nghoid da:. Adoniya- hau: yug nya: myhi' gi Hagid nghoid da:. Shephatia- hau: yug nya: myhi' gi Abitala nghoid da:. Ithream- hau: yug nya: myhi' gi Egla nghoid da:.

ESTHA 6:13

Nyang: gi nyang: moo bue" lid lo da" khyoo: dangain" ri nya: yhoem: seing: myhi' yo' nya: byencang" yiri lo" tid kyo" da:. Hau: thang: nya: yhoem: seing: myhi' yo' hau: phajhi" bo da" nya: byencang" yigi nyang: ri «Nang gi Modekhai ri yoem: so' asoem" byid: pyam lo" nyid abye:. Nyang: gi Yuda byu dayug nghoid lho: nyang: ri nang ayo" oung: pyam wa. Nyang: gi nang ri gyeing" nyang: oung: pyam ri" wa» ga: coem' tid da:.

ESTHA 9:4

Modekhai gi khokham kho" moo yoem: so' gyi: da" byu dayug bue" nyid bye: ziyo' nyang: gi je je yoem: so' gyi: re" nyid ziri mungdain: goin" khyi' khang" moo" moo se' lho: myeing gyi: nyid da:.

YOBA 17:9

Phoug" myang: wa moin: yi" ga: tid fu" bang: gi Nyangnu" jo, ga: je je myid loem lo da:.

YOBA 8:7

Mangsoo nang ri byid: wa ziyo' tu' yu" ri nang soem" pyam bye: jonu" dangain" gi ci: lang" ayo" tu' nghoid da:.

COUNG" NGHEI 18:43

Nang gi ngoo ri tu: lhoem" lo da" mung" byu lo, mo khyoid yu lho: byumyu" bain sho' tho' moo ngoo ri vhoeb khang nhang: bye:. Ngoo gi ngoonyang: ase' da" byumyu" yiri akhid" vhoebkhang" wa da" amyeing" yo" jo, bye:.

COUNG" NGHEI 46:9

Nyang: gi mougmyid tho' mo gyipui" dangain" ziri no: loo" nhang: lho: lid: joem ri khyau" pyam, wigi lham: toid joem ri we' adu atoem' koid pyam wigi gyi goo, joem ri myi: yo' nghe' pyam bye:.

COUNG" NGHEI 84:7

Nyangnu" gi so" yhe: lo" zoo" re- yoem so, je" yo" yu lo nyid boem. Ziun boem tho' moo phara" yi da" Mangsoo ri nyangnu" lo" shau" myang boem wa zi nghoid.

GALATI 5:17

Khasu" wim gari gung sho" da" aco' ajhoid khyoo: yi gi venyi da" vho: ngei khyoo: yo' shai jo,- gung sho" da" vhoo: boo myo, no khyoo: yo' venyi da" vho: ngei da" khyoo: he: eig khaid gi gyi bui" go" nyid - hougsu" nghoid yoomo nanu" gi nyang: nya: myid vho: ziyo' dakhyoo" ti"- ayo" koid boem.

Ephesu 6:12

Khasu" wim gari ngoonu" gi byu xang: su: yi yo' khaid zain: go" nyid zi anghoid- moug: khung: moug: laid' phyoo" moo nyid da" akhyeing" ashoeb da" yu gyiphung: moo" joem yo' we' he: coid no, thu: jo, da" apyaid' ri vhoeb khang" nyid da" coid doem: boo" doem: da" zoug: yi amyeing" akhang" ci: bang: yo" we' zain: go" nyid boem.

Pang Shug 6:2

Ngoo lheung: yu" kaid ri myang: phyu: dadu: ri ngoo myang- hau: tho' moo myang: ju: ju: su: gi lid: daphu" ci: lho: bidmug we' zhoung" ci: wigi oung: loo" su: dayug yhang: ti"- oung: pyam' wa shid re" myang: ju: ju: thu' lo da.