2 SAMUELA 2:4 - Lacid Common Language Bible

⁴ Hau: thang: Yuda byumyu" yi Hebron khyoo: re" wigi David ri nammain" xu: joid byid: lho: Yuda khokham aya: too' byid: ago". Gilead mung" mo Yabesha byu yi Sholu ri myhoeb pyam bye: ga: ziri David shoug" gyoo: lang"

2 SAMUELA 2:4 교차 참조

2 SAMUELA 19:11

Israela byumyu" yi citid go" nyid ga: da" lu dang: khokham David jang moo ju" loo" bye:. Houg: yoomo nyang: gi khainjung Zadog yo' Abiatha tang: ri nhang: kaid wigi «Yuda vhujhung: yiri ciwim yoomo khokham phoo ri nya: khokham vang" khyoo: doem shu" yu wa ziri thang: ze" khyo' go" lha".

2 SAMUELA 19:42

Yuda byumyu" yi gi «Khokham phoo gi ngoonu" byu nghoid yoomo ngoonu" hougsu" koid bye: zi nghoid. Hid: su" koid ziri nanu" ciwim nheig yo: lha". Nyang: gi ngoonu" ri zooshug we' abyid: gootu: ci: we' abyid: nghoid da» ga: tid.

2 SAMUELA 2:11

Nyang: gi Hebron voogung moo khokham kho" zhung: wigi Yuda mung" ri nyhed zain dakhyam" vhoebkhang" bye: zi nghoid.

2 SAMUELA 2:7

Yoem: kaid wigi seing" yang" nyid boem ge'. Nanu" khokham Sholu shid: bye: yoomo Yuda byumyu" yigi ngoo ri xu: joid byid: wigi nyangnu" khokham koid nhang: bye: zi nghoid» ga: pyeung: kaid.

2 SAMUELA 21:11

David Rizpa cikoid nyid ga: shoug" gyoo: lang"

2 SAMUELA 21:12

Nyang: gi Gilead voogung mo Yabesha byumyu" yi jang" mo Sholu yo' nya: zoo: Yonathan da" shooyoug: ri yhe: yu too" bye:. (Yabesha byumyu" yigi Gibeon boem gung moo Philisti byumyu" yi Sholu ri said pyam wigi mang ri tei" lhang" too" kho' da" Bed Shan mung" byu yi seing: da" jang: pa: mo re" khau" to" zi nghoid).

2 SAMUELA 5:17

David gi Israela byumyu" yi da" khokham bui" bye: ga: ziri Philisti byumyu" yi shoug" gyoo: lang" nyang: ri yhe: myheig wa ga: nyangnu" da" gyizoo: yi to' yhe: lo" da:. David hau: ziri shoug" gyoo: lang" nyang: gi gyidab moo yhe: nyid nyid da:.

2 SAMUELA 5:3

Hougsu" nghoid yoomo Israela vhujhung: yi dangain" zi Hebron voomoo" khyoo: khokham David jhang yhe: boem ago". Nyang: gi nyangnu" yo' deungbyeung" da" dang: theing to" wigi nyangnu" we' nyang: ri xu: joid byid: lho: nyang: we' Israela byumyu" yi da" khokham bue" loo bye: zi nghoid.

2 SAMUELA 5:5

Hebron voomoo" moo nyid wigi Yuda mung" ri nyhed zain dakhyam" nyang: vhoebkhang" lho: Yerusalem voomoo" moo nyid wigi Israela yo' Yuda mung" dangain" ziri soem" xe: soem" zain vhoebkhang" bye:.

2 KHOKHAM 11:12

Hau: thang: Yehoiada gi Yosha ri shu" thu lo lho: nya: vhuloem moo bidmug zhung" byid: da:. Houg: lho: khokham yi cang wa da" tarha" mougsoug" dapug nyang: ri byid: to" da:. Hau: thang: Yosha ri khokham mainkaid xu: joid byid: lho: khokham khyo" tid fu" kaid da:. Byu phung: yigi lo, pyug pyug wigi «Khokham phoo kang: sheing: baja" o"» ga: nyho: boem ago".

1 KHOKHAM MHOOMYID: 10:11

Gilead moo: nyid boem da" Yabesha byu yigi Sholu ri Philisti byu yi khasu" koid pyam boem khyoo: ri shau" gyo: boem lang"

1 KHOKHAM MHOOMYID: 11:3

Houg: yoomo Israela vhujhung: yi dangain" gi Hebron mo khokham David jhang re" lo ago". Nyang: gi nyangnu" yo' gyeung" shang: myid veing" bidnoem koid da:. Nyangnu" gi nyang: ri xu: joid byid: wigi Samuela khyo" wigi Aseing dangsoo" byid: to" ziyo' dayhang: ti" David gi Israela khokham bue" lo da:.

1 KHOKHAM MHOOMYID: 12:23

David Hebron moo: nyid uri Aseing dangsoo" byid: to" ziyo' dayhang: ti" Sholu khoo: moo: nyang: ri khokham xo' koid nhang: wa shid re" jhau" to" da" gyizoo: yi myoo: sho' nya: gyidab khyoo: re" vang boem ago". Houg: bang: gi Yuda kung: mo goo yo' lham:- gyi khin void da" gyizoo: 6800 yug- Simun kung: mo nyeing" jhau" to" da" gyizoo: 7100 yug- Levi kung: mo 4,600 yug- Arun da" amyed ashen Yehoiada da" thang: cang bang: 3700 yug- Zadog da" bidnoem yi nghoid da" zoolu: gyi zain: vhujhung: 22 yug- Benyamin (Sholu da" kung: bang:) mo 3000 yug (Benyamin kung: mo byu myoo: loo boug gi Sholu ri jhug zug nyid ago".) Ephrim byumyu" kung: nghoid da" nyangnu" akung: ako' mo myeing gyi: da" gyizoo: 20800 yug- Bidvang shoid Manashe akung: mo David ri khokham koid nhang: wa khyen: nhang: kaid shau" bang: 18000 yug- Ishakha akung: mo vhujhung: 200 yug yo' dage" nyangnu" vhoebkhang" vhoo: moo: nyid bang: (He: vhujhung: yigi Israela byumyu" yi cikoid eung: ziyo' hau: ziri koid wa ge' thang da" ayo, ri si bang: nghoid ago".) Zebulun akung: mo gyi jonu" ja: khang" moo" ci: wa jhau" to" da" bang:- jhug zug ziyo' gyi zain: wa jhen" jhen" loem ge" da" gyizoo: 50000 yug- Naphtali akung: mo vhujhung: 1000 yug yo' dage" goo yo' lham: joem ci: da" gyizoo: 37000 yug- Dan kung: mo jhau" to" da" gyizoo: 28600 yug- Ashe kung: mo gyipui" shid re" jen" jen" nghoid da" gyizoo: 40000 yug- Yodan gyung: bidthu shoid mo byumyu" kung: yi nghoid da" Ruben- Gad- Bidthu shoid mo Manashe kung bang: mo gyi jonu" ja: khang" moo" dangain" se' ci: wa shid re" jhau" to" da" gyizoo: 120000 yug nghoid ago".

1 SAMUELA 16:13

Samuela gi zhainloin: xu: ri yu wigi nya: mang: bang: shidkhoin" moo David ri mainkaid xu: foid shoin" byid: bye:. Dalheing dam Aseing da" Venyi: gi David ri vhoeb khang" wigi hau: nyid" mo nyang: yo' dage" nghoid nyid. Hau: thang: ri Samuela gi Rama khyoo: doem loo" khari" bye:.