2 SAMUELA 12:9 - Lacid Common Language Bible

⁹ Hougsu" nghoid ri nga" amyeing" dang: joem ri nang ciwim yoomo atam" gyoo: koid lha". Hid yhang: te" akhyeing" da" moo" zoo" ri nang ciwim yoomo zang" koid lha". Nang Uria ri meing: zain: jang: moo said pyam bye:. Amon byu yi da" lo, yo' nyang: ri said pyam nhang: bye:. Hau: thang: nya: yhoem: seing: myhi' ri nang yu pyam bye: nhung:.

2 SAMUELA 12:9 교차 참조

1 SAMUELA 15:19

Hougsu" daga: ri nang gi nya: da" dang: ri ciwim atam" gyo: la". Ciwim yoomo lanyhoeb jonu" joem ri shoem" koid: ci: lo wigi Aseing avho: da" moo" zoo" ri koid lo lha"» ga: tid da:.

AMO 2:4

Aseing gi «Yuda byumyu" yi gi pug lho: pug lho: yooboo ri dakoid nyid shi" yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi ngoo jhoug" mho' nyid khyoo: ri aphoug" akhyoid koid pyam boem lho: ngoo pyeing: to" amyeing" dang: we' acang nghoid ago". Nyangnu" da" phoug" phyid" yi dei byid: lo da" yu join: yu phara" yigi nyangnu" ri khyoo: vhang: shu" vhang: loo" khari" bye:.

YEREMIA 18:10

Hau: byumyu" yi nga" tid dang: agyoo: loo: akhyeing" da" moo" koid boem rigi ngoo koid wa ein: tid to" ziri akoid loo wa.

COUNG" NGHEI 90:8

Nang gi ngoonu" da" yooboo joem ri re" da" shidkhoin" moo: thoid to" wigi ngoonu" dayhoem" to" da" joyoo moo: too" byid: nyid da:.

1 SAMUELA 15:23

Aseing ri thougtheung gyi koid zigi se' fa" bang: yhang: ti"- agi nghoid da:. Khuang da" myid gi yu phara" soolhoo: ri no' da" thung" yhang: ti" yooboo yo" nyid zi nghoid. Aseing da" amyeing" dang: ri atam" gyoo: yoomo nang ri we' khokham aya: mo nyang: khyo' pyam bye: zi nghoid» ga: tid.

ESAIA 5:24

Houg: yoomo akhid" khoofoo: yo’ myo, kyug kyug joeb lo" yhang: ti" nghoid lho: myi: moo nge" lo" da:. Nanu" da" agyi: joem gi moin" lo" wigi nanu" da" bain: boo" gi shoem: kyug lo" lho: moid tang" lo" byug wa. Ciwim gari Israela da" gyeung" shang: da" Mangsoo- Myhang: thang da" Aseing wigi ngoonu" ri jhau" shid re" ziri nanu" ngeug he: pyam yoomo nghoid.

2 SAMUELA 11:4

David gi nyang: ri khi: wa shid re" lagyoo: yi ri nhang: kaid bye: zi nghoid. Houg: yoomo nyangnu" we' nya: jhang khyoo: shu" lo wigi nyang: yo' gung shoo" zoem" bye:. (Nyang: we' thung" bo ziyo' dayhang: ti" mi ci: ayo, thang: ri za: danghoid yoomo gyeung" shang: nyid bye: da:.) Hau: thang: nyang: yhoem: khyoo: doem tau" loo" khari" bye:.

COUNG" NGHEI 51:4

Ngoo gi nang ri yooboo koid shoid bye:- nang ri za: shoid bye:. Nang myid yu" da" akhyeing" ashoeb khyoo: ri ngoo zei: shoid pyam bye:. Houg: yoomo ngoo ri tarha" dang: phyed khyoo: moo nang gi deungbyeung" nyid da:.

2 KHOKHAM MHOOMYID: 33:6

Nyang: gi nya: yuggi zoo: joem ri Hinnom lang: khung" mo: nghe' ngei" xoin" khyo" xoin" to' byid: da:. Nyang: gi buid phyed zi fa" zi lo, kyo' yu" mo, yo' join: zei: mo, ri dang: myid: myid: da" khyoo: koid da:. Nyang: gi Aseing ri gye" thougtheung yooboo koid lho: nya: nheig yo: khyoo: ri lhu: zhang" kaid da:.

2 SAMUELA 12:10

Nang gi nga" dang: ri atam" gyoo: wigi Uria da" yhoem: seing: myi ri yu pyam byid: bye: yoomo byu ngoug xiyam: mo re" akung: ako' dayham" gi mi: shid: shid: zi shoug" wa zi nghoid.

1 SAMUELA 15:26

Samuela gi nang yo' dage" ngoo doem tau" loo" wa zi anghoid. Aseing da" amyeing" dang: ri nang atam" gyoo: yoomo nang ri Israela byumyu" yi da" khokham aya: mo nyang: khyo' pyam zi nghoid» ga: doem phug tid.

2 SAMUELA 16:7

Shimi gi nyang: ri nheing" ziyo' tid zigi «Byu said su: we"- youg: koid su: we" thu loo" we' phang: thu loo" we'.

1 KHOKHAM 15:5

Aseing gi he: moo" zoo" ri koid bye:- ciwim gari David gi Hiti byumyu" Uria khyoo: mo lid gootu: Aseing vho: ngei khyoo: ri koid ziyo' nya: amyeing" dang: ri khanham we' atam" gyoo: akoid nghoid da:.

1 KHOKHAM 21:19

Ngoo Aseing nyang: ri ‹Byu ri said pyam thang: ri nang gi nya: jonu" ri we' seing: nau shi" lha"› ein: tid we'. He: zigi ngoo tid zi nghoid ‹Nabod da" suid" ri lakhuid" joem yo, zo: yen" da" joyoo khang" moo" re" suid" ri we' lakhuid" joem yo, zo: wa zi nghoid ein: tid we'›» ga: tid.

COUNG" NGHEI 51:14

Mangsoo we"- nga" kangso' ri lhoid pyoin kaid byid: lho: ngoo ri khyoid yu shi" we'. Re" da" deingmain" khyoo: ri ngoo goug goug yi yi kho" kyo" nyid wa nghoid.

COUNG" NGHEI 51:16

Nang gi xoin" du: joem ri vho: ngei nyid su: anghoid. Hougsu" anghoid rigi ngoo ngei" byid: wa zi nghoid. Nang gi myi: nghi, xoin" ri we' vho: ngei nyid zi anghoid.

DANG: ZHOEM 14:2

Nheigloem: dain dain nyid su: gi Aseing ri gyoug phau" nyid su: nghoid bye:- adeing amain" khyo" nyid zigi Mangsoo ri aphoug" amyang: su: nghoid.