2 SAMUELA 1:8 - Lacid Common Language Bible

⁸ Nyang: gi ngoo ri hang" nghoid ga: myid: yoomo ngoo gi nyang: ri ngoo gi Amaleg byumyu" nghoid ein: phoug tid bye: zi nghoid.

2 SAMUELA 1:8 교차 참조

APOEM AYANG: 14:7

Hau: thang: nyangnu" gi doem tau" lo lho: Kadesha (Hau: ayo, moo Enmishpat ga: myeing fu" jang:) khyo: ju" lo boem. Nyangnu" gi Amaleg meing: goin" yo' Hazazon Tama mo Amori byu yiri we' zain: oung: pyam bye:.

2 SAMUELA 1:13

David gi nya: jhang khyoo: lu dang: ci: re" da" yuggi zoo: ri «Nang khamo nghoid lha"» ga: myid: bye:. Nyang: gi «Amaleg byu dayug nghoid- nghoid loug we' re" mungdain: moo nyid su: nghoid» ga: phoug tid.

2 SAMUELA 1:7

Hau: thang: ri nyang: lheing: yu" kaid ri ngoo ri myang yoomo ngoo ri khe: kaid da:. Ngoo gi ‹Shoug" gyoo: bye: aseing:› ein: tu" bye:.

2 SAMUELA 1:9

Houg: lang" nyang: gi ‹Hid: khyoo: re" wigi ngoo ri re" said pyam we' ngoo gye" gyi: da" dam dab bye: wigi kang: gyoo" loo: wa ti" ga: kyi' bye:› ga: tid.

GYUNG: SOO" 24:20

Hau: thang: nya: myo, myang myang jang" moo: Amaleg byumyu" yiri myang wigi he: lapi: dang: ri tid bye:. «Amaleg gi byumyu" dangain" moo: yoem: je gyi: thang nghoid ago". Nghoid loug we' lo" thang moo gi apyaid atoo: doem: byug wa»

1 SAMUELA 15:3

Amaleg byu yiri yhe: said wigi nyangnu" yo" da" jonu" dangain" ziri phyo' pyam ge'. Jonu" daja: we' ateing too" goo". Yuggi- myiyi:- zooshang:- nu" ngha'- nu:- yang- gola-ug yo' loo zei: joem dangain" ziri said pyam ge» ga: tid.

1 SAMUELA 27:8

Hau: ayo, ri David yo' nya: byu yigi hau: joyoo moo shidphyang" mo nyid da" Geshuri- Girazi yo' Amaleg byu yiri meing: yhe: zain: boem ago". Nyang: gi nyangnu" mougmyid ri Egutu mung" khyoo: gyoo" yhe: da" Shura voogung ju" sho' khaid zain: lho:

1 SAMUELA 30:1

Eig nyid" lid thang: ri David yo' nya: byu yigi Zidla khyoo: doem tau" ju" lo da:. Amaleg byumyu" yigi Yuda mung" mougpyi: shoid yo' Zidla voogung ri vang zain: wigi phyo' pyam bye:. Hau: voogung ri nyangnu" nghe' lho:

1 SAMUELA 30:13

David gi nyang: ri «Re" Aseing hang" nghoid lha". Nang kha mo lo lha"» ga: myid:. Nyang: gi: «Ngoo gi Amaleg byumyu" yi da" join Egutu byu nghoid. Ngoo noo yoomo nga" aseing she: pyam too" kho' zi soem" nyid" nghoid bye:.

1 SAMUELA 30:17

David gi thang: nab kyoo' nab soin: myo, yoeb yoeb mo zi myen" thang: ju" sho' nyangnu" ri khaid zain: bye:. Gola-ug mo zhung: phang: da" zooyam myid: shoo: mo lid dayug we' ayo" phang: loo: goo" nghoid da:.