2 SAMUELA 1:10 - Lacid Common Language Bible

¹⁰ Hougsu" nghoid yoomo nyang: gi khasu" nghoid nghoid leung loo" yo' dage" kang: gyoo" wa zi ngoo se' yoomo ngoo nya: jhang yhe: wigi nyang: ri said pyam bye:. Hau: thang: nya: vhoo" loem mo bidmug yo' nya: lo, mo lo, theing" joem ri ngoo khyoid yu wigi hau: joem ri re" jhang khyoo: ngoo ci: re" zi nghoid aseing we"» ga: tid.

2 SAMUELA 1:10 교차 참조

2 SAMUELA 1:16

David gi Amaleg byu ri «he: zigi nanyang: ci: loo bye: zi nghoid. Nang gi Aseing khyen: to" da" khokham dayug ri said pyam bye: ein: ziri yen: yu bye: yoomo nanya: gung nanyang: tarha" dang: phyed zi nghoid.»

2 SAMUELA 1:9

Houg: lang" nyang: gi ‹Hid: khyoo: re" wigi ngoo ri re" said pyam we' ngoo gye" gyi: da" dam dab bye: wigi kang: gyoo" loo: wa ti" ga: kyi' bye:› ga: tid.

2 SAMUELA 12:30

David gi yu lo da" Amon yu phara" Moleg soolhoo: vhuloem mo sheing: yo' koid to" wigi 18 joid: jain" lid: da" bidmug ri yu lo da:- hau: jang" moo phoug" dab da" lug nyoug we' bo da:. David gi phoug" dab da" lug nyoug ri we' yu lo lho: nya: bidmug moo nyang: hau: ziri kaid to" da:. Nyang: gi hau: voomoo" mo jonu" ri we' myoo: sho' yu lo da:.

2 KHOKHAM 11:12

Hau: thang: Yehoiada gi Yosha ri shu" thu lo lho: nya: vhuloem moo bidmug zhung" byid: da:. Houg: lho: khokham yi cang wa da" tarha" mougsoug" dapug nyang: ri byid: to" da:. Hau: thang: Yosha ri khokham mainkaid xu: joid byid: lho: khokham khyo" tid fu" kaid da:. Byu phung: yigi lo, pyug pyug wigi «Khokham phoo kang: sheing: baja" o"» ga: nyho: boem ago".

NGOUG JI: 5:16

Ngoonu" phau: khuang khyoo: gi daja: we' adeing loo. Ngoonu" da" shoid vhang: yooboo yoomo akhid" ngoonu" gi byuxuid" vooyoem: lo" byoug boem bye:.

MATHE 7:2

Khasu" wim gari Nangnu" nyang: yooboo byid: khyo" cang wigi nanu" ri we' yooboo byid: dang: kho' zi shau" goo" wa. Nanu" nyang: leig byid: kaid da" tang mo nanu" nyang: ri doem leig byid: wa.

TARHA" AGYI 1:7

Adonibezeg gi «Khyid: moo" cam" lo, moo" cam" joem ri phyed pyam byid: shau" boem da" khokham nyhed xi: yug gi nga" zoobui" gyid" mo zooshoin: ri cang koid: zo: ago". Akhid" Mangsoo gi ngoo nyangnu" ri koid lo khyo" ngoo ri we' koid abye:» ga: tid da:. Nyang: gi Yerusalem khyoo: shu" loo" shau" wigi houg: moo shid: byug bye:.

TARHA" AGYI 9:54

Houg: lho: nyang: gi nya: gyi jonu" ci: byid: da" zoolu: phoo ri myab myab khe: yu lho: «Re" sham: she: yu wigi ngoo ri said we'. Ngoo ri myiyi: wigi said pyam ga: wa ziri ngoo avhoo:» ga: nyang: ri tid da:. Houg: yoomo hau: zoolu: phoo gi thoug" kyang said pyam da:.

1 SAMUELA 22:18

Hougsu" yoomo Sholu gi Doeg ri «Houg bang: ri nang said we'» ga: tid. Houg: lang" Doeg gi houg bang: dangain" ri said pyam bye:. Hau: nyid" ri nyang: gi xoin" ngei" byizuang void moin: bye: da" khainjung shed xe: wim yug ri said pyam bye:.