2PETRU 3:15 - Lacid Common Language Bible

¹⁵ Ngoonu" jheddab da" mangnhung" Polu we' Mangsoo byid: ga" phajhi" juyhi: yo' dakhyo": ti"- nanu" jhang da' khyoo: mougsoug" lhid" kaid ziyo' dakhyoo: ti"- yha" Mangsoo kham, zeung: lho: lang" nyid khyoo: gi nanu" khyoid yu zi shau" wa shid re" akhang" byid: ziri myang se' nyid ge'.

2PETRU 3:15 교차 참조

1 KHOKHAM 3:12

nang mho' ziyo' dayhang: ti" ngoo byid: wa zi nghoid. Shid phyang" we' anyid shi"- thang: phyang" we' anyid loo: wa byu gootu: tho' je se' da" phajhi" juyhi: yo' lasi lajhang: ngoo nang ri byid: wa.

1 KHOKHAM 3:28

Sholumon tarha" dang: phyed khyoo: ri Israela byumyu" yi shoug" gyoo: lang" nyangnu" nyang: ri je" phau" myang: lo boem bye:. Ciwim ga: ri Mangsoo nyang: ri byid: da" phajhi" yo' moo" ri jang jang tarha" jang deing byid: nyid ziri nyangnu" si' yoomo nghoid.

1 KHOKHAM 4:29

Mangsoo gi Sholumon ri ayo" tho' ki' sho' gyi: da" phajhi"- dangain" ziri yo' myang kyang da" lasi lajhang: yo' phajhi" juyhi: ri byid: bye:.

EZRA 7:25

«Ezra nang we"- re" Mangsoo nang ri byid: to" da" phajhi" ri ci: wigi Uphrad gyid lang bidvang shoid mo re" Mangso tarha" yo' nyid da" byumyu" dangain" adang moo vhoebkhang" wa shid re" mung" vhoeb bang: yo' tarha" agyi yiri khyen: tu' too" wa zi nghoid. Hau: tarha" gi asi' mo ri we' nang jhau" byid: ca" wa zi nghoid.

THU' LO" MOUGSOUG" 31:3

Nyang: ri nga" yoem: so' yo' pyeing byid: wa. Ngoo nyang: ri lo, moo" phajhi" dangain" ziri se' koid da" lasi phajhi" se' jhang: khyoo:- oung: doid yoem: so' joem ri byid: wigi

THU' LO" MOUGSOUG" 31:6

Nyang: yo' moo" zoo" dage" koid wa shid re" Dan akung: mo Ahisamag da" nya: zoo: Oholiaba ri we' ngoo khyen: too" bye:. Lo, moo" ri jang jang deing deing yo" koid bang: bui" sho' ngoo nyangnu" ri phajhi" yoem: vhoo" byid: wigi koid wa shid re" ngoo amyeing" byid: to" da" zi dangain" nghoid da:.

THU' LO" MOUGSOUG" 35:31

Nyang: ri Mangsoo da" yoem: so' yo' pyeing byid: wa. Nyang: ri lo, moo" phajhi" dangain" ziri se' koid da" lasi jhang: khyo:- oung: doid yoem: so'- lasi phajhi" joem ri byid: wigi

THU' LO" MOUGSOUG" 35:35

Kyung" lho: koid da" moo"- azuang sue" da" moo"- zin: yung" pain"- mougnyoug pain"- khalham" pain"- soug" goug" ni ri yo, da" moo" yo' gootu: byimi yo' moo" moo se' jhang: khyoo: ri nyang: gi houg: tang: ri byid: too" bye:. Nya: tang: gi moo" dangain" ri yo" koid wigi azuang sue" da" moo" moo se' jhang: su: eig tang: nghoid.

PHAJHI" DANG: 2:26

Mangsoo gi nyang: ri neig shid: nheugdeug nhang: bang: ri phajhi" juyhi:- lasi phajhi" yo' ngei pyo: khyoo: ri byid: da:. Nghoid loug we' yooboo yoo" bang: rigi moo" zei: nhang:. Vang ngei yoo" nhang: lho: yung: nhang: wigi nyangnu" shau" sho: yu da" ziri nyang: ri nheugdeug nhang: mo, shid re" byid: pyam wa. Hau: zi dangain" gi akoem: za: nghoid da:. Hau: zigi lid ri cang khaid ziyo' du da:.

ESAIA 30:18

Nghoid loug we' Aseing gi nanu" ri nheig khyeug yu wa shid re" lang" nyid wa. Nyang: gi khanham we' jo zi koid yoomo nanu" ri nheig khyeug yu wa jen" jen" nghoid da:. Aseing ri khau: nghe: bang: gi ngei pyo: ago".

LUKA 21:15

Khasu" wim gari nanu" da" gyivoo yi ayo" ngeig- ayo" shang" yab jo, sho' wim da" dang: yo"- nyan phajhi" yo' mungdang: ri ngoo nanu" ri byid: wa byid: loo wa yoomo nghoid.

ACTS 15:25

Houg: yoomo ngoonu" ce: noem, sham: go" lo" lho: lagyoo: bue" loo wa da" byu dayham" ri khyen: yu wigi nyangnu" jhang. khyoo: nhang: kaid wa shid' mo dangain" bang: coem myed veung" to": boem bye.

ACTS 7:10

Nghoid loug we' Mangsoo gi nyang: yo' dage" nghoid nyid yoomo nyang: ri yau: khe" jamjau dangain" jang" mo loid loo" nhang: bye. Mangsoo gi Yoseb ri Egu tu khokham" da" shid khoin" moo yu" jhed' yu" kang: da" nyid yab, khyoo: nyheing byid: ziyo' - lasi, phajhi" byid: wigi Egutu khokham" gi Yoseb ri Mungdain goin" da" atho' moo we' khokham" khoo" dangain" jang" moo we' - Vhoeb, khang" nhang: too" bye.

ACTS 9:17

Houg: yoomo Anania gi Sholu nyid da" yhoem: khyoo: vang yhe: lho: Sholu da" atho' moo nya: lo, yhe: ki" byid: wigi mang: nhung" phoo Sholu we" - nang he: voogung khyoo: do, lo da" uri khyoo: moo nang ri toin" shid' byid: da- Aseing Yesu nyang: wigi ngoori re" jang" moo nhang: kaid' zi nghoid. Nyang: gi nang myo, doem myang loo wa shid mo we' gyeungshang: da" venyi yoo" baja" ga: we' ngoori nhang: kaid' zi nghoid- ga: nyang: ri tid kyo.

Roma 2:4

Houg: za: we' anghoid shi" - nang gi Aseing jheddab nheig khyeug nyid da khyoo: - nheigloem: sheing: byid nyid khyoo: yo' kham' zeing: byid nyid da" khyoo: ri aphoug" akhyoid' koid' bye. Mangsoo: gi nang ri ngheig loem: thid' loo wa shid' re" - khyoo: shid' byid: nyid yoomo - Mangsoo: jheddab nheig khyeug da" khyoo: ri nang deing" deing si bye.

1Korinthians 12:8

Khasu" wim gari- byu dayug rigi- hau: Venyi gi phajhi" mungdang: kho" kyoo" wa yoem: byid: nyid. Gootu: dayug ri hau: Venyi: gi lasi laleig da" mungdang: se' kho" kyo" da" yoem: vhoo" kaid byid nyid.

1Korinthians 2:13

Houg: yoomo Venyi: ri shau" kham: yu ngoonu" yo" yu mo, nghoid nyid. da" deing: byeung" khyoo: joem ri- kho" kyo" nyid boem uri- ngoonu" gi byu yi da" phajhi" dang: yo' atid loo: za: Venyi wigi: jhoug" byid: da" dang: joem yo' dakho" kyo" nyid boem.

1Korinthians 3:10

Mangsoo ngoori: byid: da" jeju" jhung: shug ri ci: lho: gye" se' da" yhoem: zhoug lag sama phoo yhang: ti" ngoo gi apoem: ayang: ri qei" too" byid: bye. Gootu: byu dayug yug gi hau: da" apoem: moo: doem bo zhang qei" do, lo" nyid nghoid loug we' zhang qei" do, loo" mo, dayug yo, dayug gi nyang: tu: nyang: khasu" zhang qei" do, lo" nyid ziri:- zid" lhid' nyid goo" baja".

Ephesu 3:3

Mangsoo gi nya: da" no, thang khyo" nyheung soin' to" khyoo: ri toin" shid' lho: wigi hau: khyoo: ngoori si' nhang: bye- leung" khyo" lhid" kaid' bye.

1 TIMOTHI 1:16

Nghoid loug we' Mangsoo ngoori nheig khyeug yu da" khyoo: gi thang: phyang" pyaid Aseing: ri loem" jeung" wigi apyaid' ato: kangso' yo" yu wa bang: dangain" mo, shid re" yu" yu ge da" khoo" shid: daloem: bue" jo, baja"- Khristu Yesu gi ngoo yhang: te" da" yooboo yoo" mo, mo ca" thang su: da" atho' moo nya: da" nheigloem: gyi: sheung: kham, zeung: khyoo: ri toin" shid' byid: nyid zi nghoid.

YAKU 1:5

Nghoid loug we' nanu" mo dayug yug gi Phajhi" juyi: thang byug nghoid rigi Mangso: jang" mo mho' ge' nyang: gi houg: su" mho' mo, ri nyain: phajhi" byid: wa zi nghoid. Khasu" wim gari Mangsoo: gi byu bain sho' mo, rigau ziyo' agoin ayu: da" phajhi" ri byid: nyid.

YAKU 3:17

Nghoid loug we' tho' khyo" ju" gyoo" lo da" phajhi" ju yhi: koem gi xang: shid" re young" gyeung"- hau: thang: moo myenjham" ngei pyo: khyoo:-nu" nham, khyoo: young" du, nyeung veung" khyoo: ri bue" thu loo nhang:- hau: tho' moo gootu: nheig khyeug khyoo: yo' joeb byeung" wigi ge thang moozoo" ein: da" aboo" bo" lho: ashi" zei: loo nhang: se' nyid. hau: zigi myonhoo: ase' khyen:- nghoid boin: da" khyoo: aboo - akug ase' void.

1PETERU 3:20

Hau: da" venyi joem gi No-a sangphoo' yhoem: zhug nyid uri Mangsoo gi nheigloem: sheing: sheing: lang" nyid da" ayo, moo nya: mungdang: ri atam" gyoo: mo, da" venyi joem nghoid. nghoid loug we' gyid mo yo" khyoid yu mo, gi sangphoo' khoug: moo dajhi' za: date: bo lho: nghab shang ein: rigi shed' yug za: date: nghoid.

2PETRU 3:2

Gyeungshang: da" lapi: yi shid phyang" tid kyo" to" dang: ri we'-nanu" lagyoo: yi da" lo, khyo" wigi khyoid yu da" Aseing: tid to" amyeung" dang: joem ri we' ngoo nanu" ri doem myed boin: nhang: nau nyid.

2PETRU 3:9

Byu dayham: bang: myed ziyo' dakhyoo" ti"- Mangsoo gi nyang: dang: soo" khoin" byid: too": bye: ziri cang" zei: pyeung wa shid re" ayo' ri lang" lho: nhe" nyid zi anghoid. Nghoid sho' loug we' byu xangsu: dangain" mo, youg: noo yooboo mo lheung: lo wigi hang" we' byo, yoin" lo" zi ashaoug" baja" ga: nyang: vho: nyid yoomo nyang: nanu" tho' moo gyi: sheung: da" nheug loem: toin: shed; nyid.