2PETRU 3:14 - Lacid Common Language Bible

¹⁴ Hougsu" nghoid yoomo nga" byen, cang" yi we' nanu" hau: bidnyid ri lang" nyid da: ayo, moo Mangso shid moo nanu" da" nheigloem: yung" lho' lho: wigi yooboo adab boem baja"- nyang: moo ngei pyo: myenjham" nyid boem wa shid re" yoem: goin' sho' shakoid yoem: kaid nyid ge'.

2PETRU 3:14 교차 참조

MATHE 24:26

«Houg: yoomo gyeing" nyang: nyangnu" gi ‹Yu" ge' Meshia gi dain" pyoid yoo moo re" nyid› ga: tid boem nghoid ri nanu" athu' yhi: goo. He joyoo moo gau" nyid bye: ga tid nghoid loug we' hau: dang: ri agyo: loem" goo.

MATHE 25:7

Houg: lang" gi zoomyi: yi dangain" dain' to' lo boem lho: nyang: nya: da" myibung: ri zheung: tab boem.

LUKA 12:43

Koid: nhang: da" yoovoin ri zhug zhug zei: nyid ziri Aseing: lo myang lang" hau: da" dei zoo: gi khayhi' ngi lho' wa lha".

LUKA 2:29

Aseing: Mangso da" dang: theing khoin" gi joeb byeung" loo bye Yoomo- Aseing: da" join phoo ri akhid" loo" nhang: kaid re" o"-

1Korinthians 1:8

Ngoonu" da" Aseing Yesu Khristu doem ju" re" wigi- Tarha" dang: phyed' lo da" bidnyid moo- yooboo foin: cang aboo loo: sho'- nyang: gi nanu" ri lo" thang moo: ju" sho'- geung: teung jo, nhang: wa zi nghoid.

1Korinthians 15:58

Hougsu" nghoid yoomo- ngoo jheddab da" mang: nhung" yi we"- geing: geing: teing teing theung shang" yab, jo, ge'- hau: Aseing da" moozoo" moo- nanu" zei: lo" khyoo: gi amyid' aji anghoid ziri se' nyid boem yoomo- hau: Aseing shid re" zei: so' da" moozoo" moo- nanu" khanham we' yoem: phain" thoug shang" voin, vu, nyid ge' o".

PHILIPI 1:10

Houg: lang" she' nanu" gi Khristu doem ju" re" da" bidnyid moo ayung" alhoo, aco' ajhoid khyoo: mo loid lo" lho: - yooboo adab bang: bue" wa zi nghoid.

PHILIPI 2:15

Houg: su" koid nyid lang" nanu" gi akyang" alai byo, yoin" lho: yooboo yoo" bang: ga: goo" wa. He: mougmyid tho' moo ce" yooboo we' adab loo: za: nheigloem: gyeungshang: da" Mangso nya: zoo: yi yhang: ti"- bue" loo: goo" wa zi nghoid-Hougsu" nanu" gi kangso dei da" mungdang: ri kho" kyo" nyid zoore" moug: khung: goin" ziri thoin" pang byid: da" bidbang gung du: yi yhang: ti"- nyangnu" da" mo, phung: gung moo thoin" pang byid: nyid boem, ca" wa nghoid.

PHILIPI 3:20

Ngoonu" koem gi moug: khung; mo da" mung" byu yi nghoid boem yoomo moug: khung: moug di mo ngoonu" da" khyoid yu Aseing Yesu Khristu ri shau" goo" wa kang: lung bu dalang" nyid boem.

1THESALONI 3:13

He: khyoo: khyo" wigi nyang: gi nanu" ri pang" thoug geung: teing loo nhang: wa zi nghoid- yha" da" Aseing: yesu gi nya: d a" gyeungshang: bang: yo' dage" doem, ju" re" da" uri nanu" gi yha" phoo Mangso da" shid' khoin" moo joeb, byeung" lho: gyeungshang: moin: yi" mo, bue" lo boem wa zi nghoid.

1THESALONI 5:23

Nyhang" ri ngei pyo: myen, jham" khyoo: byid: nyid da" Mangsoo gi nanu" ri khyoo: khaid gu: khang" moo" moo ced" yung" ced" shang: lho: wigi ngoonu" da" Aseing Yesu Khristu doem ju" re" da" uri nanu" da" venyi nheigloem: yo' gung du: goin" ziri yooboo adab loo: sho' zung" lhug goin, coung" byid: baja".

1 TIMOTHI 6:14

Nang gi nang ri amyeing" byid: to" da" khyoo: ri tam" gyo: wigi Khristu doem, thu myang loo wa da" ayo, bidnyid ju" sho' kyed, kyed za: cang pyeung nyid we'.

HEBRE 9:28

Houg: yo' dakhyoo" ti"- Khristu we' byu yi myoo" sho' mo, da" youg: noo yooboo joem ri pyaid didu shid' re" dalheing: dam, bain sho' nya: gung du: ri xoin" du: koid lho: to' ngei' byid: pyam bye. Yooboo ri bo voin, pyam byid: wa khyoo: yo' asen: loo: za: nyang: ri dalang" nyid mo, ri khyoid yu wa shid re" eig lheing: ein: lheing: moo doem, thu' myang loo wa zi nghoid nyid.

YAKU 1:27

Phoo Mangso: da" shid khoin" moo gyeungshang: ziyo' gyeung" da" laloem, lakhoug: ein: zigi jam jau jam, khi" shau" nyid da" coug" zoo: yi yo' cougmoo" myhi, ri yu" coung: da" khyoo:- nyang: nya: da" gung du: ri we' moug: myed, da" anyhoin: athoung" da" khyoo:- abo dab, nhang: da" khyoo: nhgoid nyid.

1PETERU 1:7

Hougsu" jham" ca, yu" da" gunglau" shau" khyoo: gi Mangsoo ri nanu" loem" jeung" khyoo: gyeung" ziri toin" shid khyoo: nghoid. byug thang loo" se' da" ngei sheing: ri lang" myi: yo' jham" ca, yu" zi shau" nyid Houg: yo' dakhyoo" ti"- sheing: tho' moo je phau" da" nanu" da" loem" jeung nheigloem: ri we' gyeungshang: lho: geung: teing wa shid re" myi: moo kyeung zi shau" nyid Hougsu" nghoid lang" nanu" gi Aseing Yesu doem gyoo" lo da" bidnyid moo myonhoo: bug thu' sheing" jhu" ziyo' coung" nghei zi shau" kham: yu boem wa zi nghoid.

2PETRU 3:1

Nga" da" jheddab byen cang" yi we"- he: zigi ngoo nanu" jhang khyoo: eig lheung: ein: lhid" kaid da" moug soug" nghoid. He: da" mougsoug" eig pug moo nanu" da" yung" lho' nheug loem: yo' se' gyoo: wa shid re" vhoo: moo lhid" to" da" khyoo: yi yo' tid poin" tid kyeung" kaid.

2PETRU 3:16

Polu gi he: khyoo: yo' sen: lho: nyang: lhid" da" mougsoug" jhoem moo houg yo' dakhyoo" ti" lhid" shed nyid. Nya: mougsoug" moo bo da" akhyoo" dayham" gi-se' gyoo: wa zi youg; yoo mo akoo" afang: bang: yo' nheig loem: khyeing" khyang: avim bang: gi shoid' vang ago" khyo" dangkang: phoid: yu ago". Gootu: da" Jhoem: mungdang: ri we' hougsu" shoid yoomo nyangnu" da" byo, yoin ‹ lo" khyoo: ri nyangnu" nyang: koid yu boem ago".

1YOHAN 3:3

Khristu moo hau: nheig byu jang: yoo" bang: gi Khristu nyang: gyeungshang: nyid ziyo' dakhyoo" ti"- nyang: tu: nya: gung ri we' cid" yung" cid" shang: to" abye: go.