2PETRU 3:11 - Lacid Common Language Bible

¹¹ Zi yoo jo, mo: jo, hid: khyo" wigi phyo' shoin' pyam zi dashug" wa nghoid rigi nanu" gi khayhang: te" da" byu yi bui" ca" nyid boem lha". nanu" da" kangso' dei da" khyoo: gi gyeungshang: wigi Mangsoo moo xoin" to' pyam' da" kangso' dei khyoo: nghoid ca" nyid boem bye.

2PETRU 3:11 교차 참조

COUNG" NGHEI 37:14

Asho" ajhen: bang: yo' ca" nyid bang: ri we' said pyam wa ga: akhyeing" ashoeb bang: gi nyangnu" da" sham ri she: lho: lid: joem ri we' thoung: ci: abye: go".

COUNG" NGHEI 50:23

Jeju" boin: so" khyoo: joem gi ngoo ri phoug" tab, ngi: shab xoin" nghoid. Nga" da" dang: tam" gyoo: bang: dangain" mo, ri ngoo gi gyeing" gyeing" nyang: khyoid yu wa zi nghoid.

COUNG" NGHEI 75:3

Mougmyid yoosoo" yo' hougmoo: nyid da" dei noem loeb noem dangain" nain" nyid nghoid loug we' hau: da" apoem: ayang: ri ngoo geung: teing nhang: wa nghoid.

ESAIA 14:31

Philisti voomoo" joem we"- nanu" dangain" gi pang" thoug wa shid re" kyi: ngoug nyid ge'. Nanu" dangain" bang: gyoug nyid ge'. Mougzhung: shoid mo jhoemmoug" zoo" dazoo" ju" re" nyid da:. Houg gi gyoug da" gyizoo: dayug nghoid wa zi anghoid.

ESAIA 24:19

Myid gung gi bug go, lho: agang gang bue" byug wigi go jo, wa.

ESAIA 34:4

Bid- Lhammoo"- Kyi:- joem gi pheilhoug: bui" sho' gyoeb byug wa. Mougkhung: gi mougsoug" deing: lhoem" byug yhang: ti" byug loo" wa. Kyi: joem gi zabyid nei mo anghoid lang" lafoem gam mo afu' joem shu: gyo" lo" yhang: ti" shu: gyoo" lo" byug wa.

MATHE 8:27

Bo myang mo, gi mau" fo' yoin" to" boem wigi «He: yug gi cite" byu nghoid lha". Uglid yo" being: mhoid lang" nyang: ri tam" gyo:» ga: tid go" nyid boem.

Roma 13:11

Nanu" gi nyang: nya: yhoeb' jo yoo mo so" to' loo wa ayo, ju" bye: zi ri si' yoomo jhed' khyeing: kang: khyeing: tei" go" boem ca" bye. Khasu" ga: ri ngoonu" khyoid' yu shau" wa da" ayo, bidnyid gi Aseing Yesu' ri ngoonu" loem" jeung" shid" da" ayo mo je" ri jhang ju" lo nyid bye: yoomo nghoid.

Roma 13:12

Myen" ayo, lid lo" nyid bye. Nyid" kyo' ju" loo wam bye:- houg: yoomo ngoonu" gi moug: coid' mo da thung" khing sam" ved ri acang boem looza: bidbang moo ci: ca" da" gyikhin' lagnag ri yu ci: boem ca" bye.

2~KORINTHU 1:12

Ngoonu" da" nheigloem: khoug: moo gyeung" nyang: phau: khuang wa khyoo: dakhaid bo. Hau: zigi he: da" moug: myid tho moo ngoonu" da" kangso' dei nyid khyoo:- je" wigi nanu" yo' tei" xo' zoem" khau: da" khyoo: moo byu da" se' yeug khyoo: moo anghe: khoug: loo: za: Mangso da" jeju" yoem: vhoo" khyo" ngoonu" gi Mangsoo byid: da" deungmain" gyeungshang: da" nheigloem: gye" myed wigi vhoeb khang" khyo" moo" zei: lo" khyoo: nghoid.

PHILIPI 1:27

Akhid" uri nanu" shid re" je" ca" thang da" khyoo; gi Khristu Yesu da" ngei bu: lu dang: yo' du veung" moin: yi" khyo" kangso' dei nyid boem ca"- hougsu" nghoid lang" gi ngoo nanu" jang" moo ju" re" uri nghoid loug we' aju" re" uringhoid loug we' nanu" gi nheigloem: sham: shoin" go" lho: theung shang" yab, jo, wigi myid to" khyoo; dakhaid za: yo,- hau" ngei bu: lu dang: da" loem" jeung" khyoo: shid re" dage" za: zain: shi" go" nyid da" khyoo: ri ngoo shaug" gyoo: wa zi nghoid.

PHILIPI 3:20

Ngoonu" koem gi moug: khung; mo da" mung" byu yi nghoid boem yoomo moug: khung: moug di mo ngoonu" da" khyoid yu Aseing Yesu Khristu ri shau" goo" wa kang: lung bu dalang" nyid boem.

1THESALONI 1:5

Khasu" wim gari-ngoonu" gi hau" ngei bu: lu dang: gi, ri-mung dang: khyo" za: we' anghoid- yoem: vhoo" khyo" we' gyeungshang: da" venyi khyo" we' hau" ngei bu: lu dang: da" deingmain" khyoo: ri bain" sho' nyang: loem" jeung" da" myid' yo" we' nanu" jhang khyoo: ci: re" lho: kho" kyo" boem bye.Ngoonu" gi nanu" yo' dage" nyid nyid da" ayo, moo nanu" ge, loo wa shid re" ngoonu" khasu" koid lho: kangso' dei so" yen" bye: da" khyoo:- nanu" nyang: se' nyid boem bye.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

1 TIMOTHI 4:12

Nang gi apyad' ngi shi" ved yam" zoo: nghoid nyid shi" yoomo hang" we' nang ri gam vhoo: ayu" khyo, pyam' goo" baja"- ji, sang: da" khoin" thui: moo we' aved asam" moo we' jheddab jang" moo we' loem" jeung" loem, khau: khyoo: yo' nheigloem: young" khyoo: moo we' leom" jeing" bang: shid re" yu" yu wa da" khoo" shid: bue" nyid we'.

1 TIMOTHI 6:11

Nang koem gi Mangso da" byu phoo we"- he: khyoo: dangain" ziri yoem: kaid' nyid we'. Deing byeung" khyoo:- tarha" phau" cang khyoo:- loem" jeung" khyoo: jheddab khyoo: moo yoem: kaid' lho: thoug shang" ziyo' nu" nham, da" nheigloem: yo" yu sho' yoem: kaid' nyid we'.

1 TIMOTHI 6:3

Hang" nghoid loug we' adu go" khyo" atoug" khyo" shoid vhang: khyoo: ri jhoug" byid: nyid su: gi ngoonu" Aseing: Yeesu Khristu da" deingmain" joeb, byeung" da" mungdang: joem yo' ngoonu" loem" jeung" da" khyoo: jhoug" byid: ziri abo cang soo" loo za:

1 TIMOTHI 6:6

Gyeing" nyang: ga: rigi nyang: nyang: yo" gu: ri nheig se' deug nghoid rigi leom khau: noku thung" gi byu dayug ri yo" loo de loo nhang: wa zi nghoid nyid.

HEBRE 13:5

Nanu" da" kangso' gyung: khyoo: moo ngei ri myono, vhoo: bo jang" moo abo cang loo" loo: za: te: yo" gu: yo' nheig deug nyid gi bye- Khasu" wim gari Mangsoo gi " Ngoo nang ri khanham we' ato" pyam' ashe: pyam wa ga: tid nyid.

YAKU 1:24

Nyang hougsu" yu" myang lho thu lo" ziyo' dalheing: dam- nya: da" ayoeb, abang ri doem to" myhed pyam su: yo' du nyid.

YAKU 3:13

Nanu" da" akhoug: moo se' yeug da" phajhi" boo su: dayug yug nyid nghoid rigi hau: yug gi nyang: se' da" phajhi" boo su: gi nyang: se' da" phajhi" khyoo: ri zei so' da" moozoo" khyo" we' khyo, nyhoem: khyoo: khyo" we' ge, da" moozoo" ri zei: so' khyo" we' sag si: kham, nyid baja".

1PETERU 1:15

Nanu" ri khe: yu su: Mangsoo gi gyeungshang: nyid yhang: ti"- nanu" we' byu nyid byu yab, khyoo: ja: khang" moo" moo gyeungshang: nyid ge'.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

2PETRU 1:3

Nya: da" myonhoo: phung" yoeb yo' ge thang khyoo: joem ri gam boem shau" yuwa shid re" nyhang" ri khyoid yu bye: da" Mangsoo ri se' lo boem bye: yoomo Mangso da" yoem so' gi-deungmain" da" noku thung" loem" jeung" khyoo: moo kangso' yo" dei: nyid wa shidre"- nyhang" moo ca" nyid da" khyoo: bain, sho' ri byid: to" bye.

2PETRU 1:6

Se, jang" moo nyang nya: da" gungdu: ri yo" khang" zi nyang: nya: da" gungdu: ri yo" khang" tho' moo kham' zeung: zi kham' zeung: khyoo: moo tarha" ri phau" cang zi.

2PETRU 3:10

Hau: Aseing: da: bidnyid koem gi-khoug" su: re" yhang: ti: ju" ri wa zi nghoid. Hau: bidnyid moo moug: khung: mougdi gi-gye" gyi: myeung da" thui: zeung yo' bei: loo" byug wa zi nghoid. Moug: khung: mo bidbang gung; joem we' myi: nge" kyu" gyo" pyam' boem wa zi nghoid. Moug: myed yoosoo" yo' jo, moo jo, joem we' bei: lo" byug khare" boem wa zi nghoid.

2PETRU 3:12

Nanu" gi Mangso da" bidnyid zeing ri dalang" nyid boem da"-khyoo: moo phyed' ju" loo: baja"- gethang khyo" yoem: kaid thoug shang" zoore" dalang" nyid ge'. Hau: bidnyid moo moug: khung: mougdi joem gi nge" kyu" wigi byo, yoin" pyam wa. Moug khung: mo, bidbang gungdu: joem we' soung ngi" yoo mo. yau, yu: loo" wa zi nghoid.