2PETRU 3:10 - Lacid Common Language Bible

¹⁰ Hau: Aseing: da: bidnyid koem gi-khoug" su: re" yhang: ti: ju" ri wa zi nghoid. Hau: bidnyid moo moug: khung: mougdi gi-gye" gyi: myeung da" thui: zeung yo' bei: loo" byug wa zi nghoid. Moug: khung: mo bidbang gung; joem we' myi: nge" kyu" gyo" pyam' boem wa zi nghoid. Moug: myed yoosoo" yo' jo, moo jo, joem we' bei: lo" byug khare" boem wa zi nghoid.

2PETRU 3:10 교차 참조

COUNG" NGHEI 102:26

Houg: bang: gi byoug shang loo" Nghoid loug we' nang gi dageung: jo Houg: bang: dangain" gi byimi joid yhang: ti" axoug" bue" lo" wigi byimi ri yhang: ti" nang hau: ziri thid pyam lho: bei: shoem: lo" byoug boem wa zi za: nghoid.

COUNG" NGHEI 46:6

Byumyu" yigi gyoug dain' nyid boem abye:. Mungdain: joem gi lei: nyid bye:. Mangsoo gi moug goem: goem: kaid lho: moug: gyab, goin" gi yau, yu: loo" bye:.

COUNG" NGHEI 97:5

Mougmyid gyab, goin" Aseing da- moo boem joem we' shidkhoin" byooshung" yhang" ti" yau, yu: lo.

ESAIA 2:12

Hau: bidnyid moo myhang: thang da" Aseing gi yoem: so' boo mo, nghoid boin: lho: phau: mo, yugkhang" moo" ri nyhoem: khyo' pyam wa.

ESAIA 24:19

Myid gung gi bug go, lho: agang gang bue" byug wigi go jo, wa.

ESAIA 34:4

Bid- Lhammoo"- Kyi:- joem gi pheilhoug: bui" sho' gyoeb byug wa. Mougkhung: gi mougsoug" deing: lhoem" byug yhang: ti" byug loo" wa. Kyi: joem gi zabyid nei mo anghoid lang" lafoem gam mo afu' joem shu: gyo" lo" yhang: ti" shu: gyoo" lo" byug wa.

ESAIA 51:6

Mougkhung: khyoo: nghang yu" kaid ge'. Mougmyid khyoo: goeb yu" kaid ge'. Mougkhung: gi myikhoug" yhang: ti" bei: byug wa. Mougmyid gi byimi xoug" yhang: ti" yoem: lo" byug wa. Nya: byu dangain" gi yangkhung" joem yo' dakhyoo" ti" shid: lo" byug wa. Nghoid loug we' ngoo ci: lo da" khyoid yu zigi apyaid atoo: moo deing jo, wa. Nga" oungdoid zigi lo" thang moo nghoid wa.

YOELA 1:15

Yoem: so' gyi: thang su: wigi phyo' shoin' pyam wa Aseing da" bidnyid gi ju" lo nyid bye:- hau: bidnyid moo gye" gyoug dain ja: bue" loo wa.

YOELA 2:1

Mangso da" gyeung" shang: bouggung Ziun tho' moo gyi: poin" da" laboo" ri moid kaid loo ge'. Yuda byumyu" yi we' nain nyid ge'.- Aseing da" bidnyid gi jhang loo bye:.

YOELA 2:31

Aseing da" gye" gyoug dain pho" bidnyid aju" loo shi" uri bid moo" gi teing: no, lo" byug wigi lhammoo" we' suid" su" ne lo" byug wa nghoid.

YOELA 3:14

Byu khyeing" su: khyeing" su: gi dang: phyed lang: khoug: moo nyid boem abye: go"- Aseing da" bidnyid gi hau" joyoo moo amyang" ri ju" loo wa nghoid.

AMO 9:13

Aseing tid zigi «Hau: bidnyid joem ju" lo nyid bye:. Gug zoo atho' yham" yu loo: sho' myab myab yug loo nhang: lho: zabyid yeung atho' pyeug yu loo: sho' Zabyid zei: lo wa. Boem joem mo zabyid yeung youg: thu lo wigi bouggung joem mo zabyid yau gyoo" loo wa.

AMO 9:5

Yoem: moo" bo myhang: thang Aseing gi mougmyid ri zang" thung" kaid lang" kougshu: nyid boem bye:. Moug: gyab goin" jang" moo Nila gyid gyung: je: lo yu" kain" lo" yu" wim nyid yhang: ti" bue" lo nyid.

MIKHA 1:4

Hau: thang: ri myi: zang" da" byooshung" yhang: ti" boem joem gi nya: khyid: yang: moo yau, yu: lo" lho: Hau: zigi bouggung tho' mo gyid foid shoin" kaid ziyo' dakhyoo" ti" jang: gyu" lang: khoug: khyoo: yau gyo" lo" boem wa zi nghoid.

NAHUM 1:5

Aseing shidkhoin" moo boem joem gi lei" nyid bye:. Nya: shidkhoin" moo bouggung joem gi yau, yu: loo" bye:. Aseing thu lo ri myid leug leug lo da:. Mougmyid yo' houg: moo nyid bang: dangain" gi nain" nyid boem bye:.

MALAKHI 4:5

Nghoid loug we' gyi: myhang: lho: gyoug pho" da" ngoo Aseing ju" ri" wa da" bidnyid aju" loo shi" uri lapi: phoo Elia ri nanu" jhang khyoo: ngoo nhang: kaid wa zi nghoid.

MATHE 24:35

Mougkhung yo" myidjang: led: loo" nghoid loug we' nga" Mungdang: gi aled: loo" wa.

MARKU 13:31

Moug: khung: yo' myidjang: lid lo" byug nghoid loug we' nga" mungdang: gi khanham we' alid loo" wa.

LUKA 12:39

Gyeing" nyang: yhoem: seing: gi khoug" su: juri" wa da" ayo, dase' nghoid rigi khoug" su: ayo" baid thoid vang ri" sho' nyang: koid: zi nghoid.

Roma 8:20

Mangsoo: gi he mougmyid ri akoem: bue" loo wa shid' re" yoobo dang: phyed' byid: - Hougsu" dang: phyed' da" khyoo: gi mougmyid nyang: vhoo: yoomo anghoid. Mangsoo: nyang: dang: phyed' yoomo nghoid. Nghoidloug we' nheig byu jang: jo shi".

1Korinthians 1:8

Ngoonu" da" Aseing Yesu Khristu doem ju" re" wigi- Tarha" dang: phyed' lo da" bidnyid moo- yooboo foin: cang aboo loo: sho'- nyang: gi nanu" ri lo" thang moo: ju" sho'- geung: teung jo, nhang: wa zi nghoid.

2~KORINTHU 1:14

Ngoonu" da" Aseing Yesu Khristu doem ju" re" da" bidnyid moo-ngoonu" gi nanu" yoomo phau: khuang joyoo boo wa ziyo' dakhyoo" ti"- nanu" we' ngoonu" yoomo phau: khuang: joyoo boo baja"- akhid" ngoonu" da" khyoo:-da khyam" dayam za: nanu" se' gyo: too" nghoid loug we' joeb byeung" sho' se' gyo: lo boem wa ziri ngoo nheig byu nyid.

1THESALONI 5:2

Khasu" wim gari Aseing: doem ju" ri" wa bidnyid gi myen" ri khoug" su" re" yhang: ti"- ju" ri" wa nghoid ziri nanu" nyang: voin: tang: si' bye.

1THESALONI 5:4

Nghoid loug we' mang nhung yi we"- nanu" koem gi moug coid khoug: moo nyid nyid, mo, anghoid boem lo: yoomo hau" Aseing: doem ju" re bidnyid gi khoug" su: yhang: ti" nyid, dain' tung" nanu" ri re" myhi: wa zi nghoid.

2PETRU 3:11

Zi yoo jo, mo: jo, hid: khyo" wigi phyo' shoin' pyam zi dashug" wa nghoid rigi nanu" gi khayhang: te" da" byu yi bui" ca" nyid boem lha". nanu" da" kangso' dei da" khyoo: gi gyeungshang: wigi Mangsoo moo xoin" to' pyam' da" kangso' dei khyoo: nghoid ca" nyid boem bye.

2PETRU 3:12

Nanu" gi Mangso da" bidnyid zeing ri dalang" nyid boem da"-khyoo: moo phyed' ju" loo: baja"- gethang khyo" yoem: kaid thoug shang" zoore" dalang" nyid ge'. Hau: bidnyid moo moug: khung: mougdi joem gi nge" kyu" wigi byo, yoin" pyam wa. Moug khung: mo, bidbang gungdu: joem we' soung ngi" yoo mo. yau, yu: loo" wa zi nghoid.

2PETRU 3:7

Nghoid loug we' Mangsoo gi akhid" jo, da" moug: khung: mougdi yo' Moug: myed yoosoo" ri myi: yo' phyo' soin' pyam wa shid re-goo" nham, da" mungdang: yo' nyang: dakhu: shoung: to. Nyangnu" gi Mangsoo: ayo" da" byu yi ri - tarha" ang: phyed' lho: phyo' soin' pyam wa bidnyid ju" sho' dakhu: myhu: too" shi.

YUDA 1:6

Nyang: nyang: yo" jo, da" amyeing" akhang" ri ci: lid' lo" lho: wigi nyang: nya: da" joyoo ri she: pyam' kho' da" moug: lagyoo: yi da" khyoo: ri we' myid' boin: yu" ge'. Mangsoo gi nya: tarha" dang: phyed' wa da" bidnyid zeing moo houg: bang: ri yoobo dam kaid' wa shid re" moug: coid' thung: khoug: moo apyaid' ato: da" joto' jangcoo" yo' datei" to.

Pang Shug 16:15

Gyo: yu" ge'. ngoo gi khoug" su: ju" re" yhang: ti" ju" ri" wa Houg: yoomo byimi avoid shoo" cen: doem: nghoid nyid ziyo' sube" da" shid khoin" moo sho' athu' wa shid re" gyeung: boin: nyid wigi nyang: nya: da" byimi, ri zung" nyid su: gi ngi: lhoo' wa zi nghoid.

Pang Shug 20:11

Hau: thang: moo phyu: da" zhung: tang yo' hau: tho' moo zhoung: jo, su: ri ngoo myang- Nya: da" myo, shid' ti: mo wigi mougmyid yoosoo" yo' moug: khung: moug di gi bei: loo" khare" lho: hau: eig ja: gikhanham we' adoem myang loo.

Pang Shug 21:1

Houg: lang" moug: khung: seig yo' myid' jang: seig ri ngoo myang- xang: shed" mo moug khung: yo' xang: shed" mo myidjang: gi byug loo" khare" lho: nammugdara we' bei: loo: khari" bye.

Pang Shug 3:3

Houg: yoomo nang jhau" kham: yu bye: ziyo' shau" gyo: kham: yu bye: da" khyoo: joem ri doem myed boin: lho: houg: moo cang zei: loo" we'. Re" yooboo mo nheigloem: thed' loo we' nang alhid' nyid nghoid rigi khoug" su: yhang: ti" ngoo re" jang" moo ri" wa. Ngoo ju" ri" wa da" ayo, ri lang" nang se' wa zi anghoid.

Pang Shug 6:14

Moug: khung: gi mougsoug" deing: ri deung: lhoem" lo" yhang: ti"- byug loo" khare" lho: - boem, lang yo" gugyoo: kang: joem dangain" gi nya: joyoo mo hei" loo" khare" zi shau" nyid.