2PETRU 2:21 - Lacid Common Language Bible

²¹ Deung byeung" khyoo: ri bain se' yu lho: nyangnu" ri ab byid: too" bye- hau: gyeungshang: da" amyeung" mungdang: mo ve: gang: loo" wa tho' moo hau: khyoo: ri dajhi' we' asi loo: nyid rigi je ge nyid.

2PETRU 2:21 교차 참조

COUNG" NGHEI 125:5

Nghoid loug we' akhyeing" ashoeb bang: ri nang dam kaid byid: nyid da" uri re" khyoo: mo vhang: loo" mo, ri we' dam bo kaid we'. Ngei pyo: myenjham" khyoo: gi Israela yo' dage" dajo, jo, baja" o".

COUNG" NGHEI 85:8

Aseing Mangsoo tid nyid da" dang: ri ngoo tam" gyo: nyid. Ngoonu" gi akoo" adau: da" khyoo: moo avhang: lheung lo" nghoid rigi nya byumyu" yi nghoid da- ngoonu" ri ngei pyo: myenjham" khyoo: byid: wa Nya: dangsoo" khoin" too" byid: bye:.

DANG: ZHOEM 12:28

Deing byeung" da" khyoo: gi kangso' dei nyid nhang: da" khyoo: nghoid wigi akhyeing ashoeb da" khyoo: gi shid: loo" nhang: da" khyoo: nghoid nyid.

DANG: ZHOEM 16:31

Khyoo: gi deingmain" su: shid re" aphoug" jhungshug nghoid. Vhuloem phyu: da" khyoo: gi phung" yoeb bidmug nghoid nyid.

EZEKIEL 18:24

«Nghoid loug we' tarha" deingmain" su: dayug ge ziri akoid loo za: theing: pyam wigi akhyeing" bang: koid da" akhyeing" moo" yo' aco' ajhoid moo" dangain" ri koid shid" lo nghoid rigi nyang: hougsu" yo" xo' dei nyid wa la". Ayo" dei nyid wa Nyang: koid bye: da" ge khyoo: daja: ri we' axoem" too" byid: wa. Nyang: gi shid: loo" wa. Ciwim gari nyang: jhug azug ziyo' nya: yooboo joem: yoomo nghoid.

EZEKIEL 23:13

Ngoo gi nyang: bain sho' akyang yoin" ziyo' nya: nhung" we' nya: bi: yhang: ti" age khyoo: ri myang byid: da:.

EZEKIEL 3:20

«Gyeing" nyang:- gi su: dayug akhyeing" moo" ri koid shoid wigi ngoo gi nyang: ri gyoug ci' ca" joyoo moo nyhid: too" wa. Nang nyang: ri atid poin" nghoid rigi nyang: shid: loo" wa. Ngoo gi nyang: koid da" ge moo" ri amyid boin: byid: wa. Nyang: shid: da" moo" ngoo nang ri yoovoin yu nhang: wa.

EZEKIEL 33:13

Ngoo gi byugi dayug ri kangso' dei wa dang: so' byid: too" nghoid loug we' nyang: gi lid: loo bye: da" ayo, moo nyang: koid da" ge moo" zoo" gi gi" bye: ga: myid shed" lo lho: yooboo shoid nghoid rigi ngoo gi nyang: koid lid: lo da" ge moo" zoo" daja: ri we' amyid boin: byid: loo wa. Nyang: gi nya: yooboo gang mo shid: loo" wa.

ZEPHANI 1:6

Ngoo gi nga" jang" moo acang loo: doem tau" loo" bang: ngoo ri acang shoo: bang: anghoid lang" nyangnu" ri khyoo: shid wa shid re" akyu" amho' bang: dangain" ri phyo' shoin' pyam wa nghoid.

MATHE 21:32

Yohan gi nanu" jang" moo re" lho: deung main" da" khyoo: ri jhoug" byid: nghoid loug we' nanu" nya: dang: ri aloem" jeung" boem. Nghoidloug we' khyu: zoo: mo, yo' shava myiyi: yigi nya: dang: ri loem" jeung" boem bye. He: da" akhyoo" again ri shau" myang uri lang" nanu" gi nheigloem: thed' lho: Yohan da" dang: ri loem" jeung" lo da" khyoo: abo boem nghoid da.

LUKA 12:47

Aseing: vho: da" khyoo: ri si si- jen" jen" asoin too"- Aseing: vho: khyo" acang loo: nyid da" dei zoo: yi gi gyoem, thoung" wigi gyi" sho' lo mho' zi shau" zoo: wa nghoid.

YOHAN 15:22

Ngoo gi jure" lho: nanu" ri akho" kyo" nghoid rigi nyangnu" yooboo shoid vhang goo" wa zi anghoid. Akhid" nyangnu" gi nyang: nya: da" yooboo ri shoid vhang: ci: boem yoomo ci" we' ayo" ga: boem loo.

YOHAN 9:41

Aseing Yesu gi nanu" myo, amyang mo, jen" nghoid rigi yooboo yo" boem wa zi anghoid. Akhid" nanu" gi ngoonu" myo, myang mo, nghoid ga: tid boem yoomo hau: zigi nanu" moo yooboo yo" nyid zi nghoid bye.

Roma 7:12

Houg: yoomo Moshe da" tarha" gi gyeungshang: lho: hau: dangkang: gi gye ge gyeungshang: deingbyeing.

GALATI 6:2

Nanu" nyang: cang" dayoug yoovoin, ri dayug- bo pang" voin goo" ge'- houg: su" nghoid lang" gi nanu" Khristu da" Tarha" ri cang pyeung zi nghoid wa.

1THESALONI 4:2

Khasu" wim ga: ri khate" da" khyoo" shed' dang: joem ri Aseing Yesu da" akho: akhang" yo' ngoonu" byid: too" bye: ziri gi nanu" nyang: se' nyid boem bye.

1 TIMOTHI 6:14

Nang gi nang ri amyeing" byid: to" da" khyoo: ri tam" gyo: wigi Khristu doem, thu myang loo wa da" ayo, bidnyid ju" sho' kyed, kyed za: cang pyeung nyid we'.

HEBRE 10:26

Khasu" wim gari nyangnu" gi hau deingmain" khyoo: ri bain' se' gyo: kham: yu thang: ri yooboo ri zhoogyi: gyi: dadoem koid nyid boem nghoid rigi ngoonu" da" yoobo shid re" to' byid: wa da" xoin" gootu: jo, loo: wa zi anghoid.

YAKU 4:17

Hougsu" nghoid yoomo ge da" moozoo" ri ngoonu" se' to" lho: azei: loo" su: gi yooboo dab, nyid.

2PETRU 3:2

Gyeungshang: da" lapi: yi shid phyang" tid kyo" to" dang: ri we'-nanu" lagyoo: yi da" lo, khyo" wigi khyoid yu da" Aseing: tid to" amyeung" dang: joem ri we' ngoo nanu" ri doem myed boin: nhang: nau nyid.

YUDA 1:3

Jheddab, da" bidnoem yi we"- nanu" dangain" mo, bain' loem" jeung" kham: yu ci: bye: da" khyoid yu khyoo: ri ngoo gi nanu" jhang khyoo: lhid" kaid' wa shid' re" yoem: kaid' nyid uri Mangsoo gi dalheing: dam nya: da" byumyu" yi ri bain' nyeing byid: too" bye: da" loem" jeung" khyoo: geung: teung jo, baja" ga- loem: zain: oung: myid boem wa shid re" nanu" jhang khyoo: mougsoug" myab, myab, lhid" lho: wigi yoem: byid: ca" khyoo: shau" nyid.