2PETRU 2:18 - Lacid Common Language Bible

¹⁸ Nyangnu" gi shoid vang: khyoo: dam: dam: lo" byu phung: khoug: mo aseig shi" daloid thu' loo bang: ri ce: akyu" abo da" nghoid boin: dang: tid lho gungshoo" aco' ajhoid da" nheig" loem: yo' lhoem: tau, yu lho: khyoo shu" vhang: lo" boem.

2PETRU 2:18 교차 참조

1 KHOKHAM 13:19

Houg: yoomo Yuda mung" mo lapi: phoo gi lapi: mangzoo: yo' dage" yhoem: khyoo: lo" wigi nyang: yo' zoo: noem dage" zoo: bye:.

EZEKIEL 35:13

Nang wigi ngoo ri thougtheung wigi aphoug" akhyoid tid phue: bye: da" khyoo: ri ngoo shoug" gyoo: bye:.

DANIELA 11:36

«Suri khokham gi nyang: nau khyo" koid wa. Nyang: gi yu phara" tho' je gyi: sheung: ziyo' gyi: sheing: myhang: thang da:. Mangso tho' lang" je gyi: je reung: ga: phau: tid loo wa. Nyang: gi Mangso wigi nyang: ri yooboo dam byid: da" ayo, ju" sho' he: ziri yo" koid loo wa. Mangsoo gi nyang: myid soin' to" ziyo' dakhyoo" ti" toeb za: koid wa.

DANIELA 4:30

Nyang: gi «Babelon khayhi' gyi: sheung: ziri yu" yu" shige'- ngoo gi nga" da" yoem: so'- yo' yoem: vhoo"- nga" da" phung: yo' phung" yoeb ri ci: shug byid: wa shid re" hau: ziri nga" voomoo" khyo" tam: to" zi nghoid» ga: tid da:.

ACTS 2:40

Houg: lang" Petru gi gootu: dang: khyoo" myoo" sho' yo' nyangnu" ri tid poin" tid kyeing" byid: zoore- nanu" gi he: akhyeing" ashoeb da" byu yi tho' moo ju" lo nyid da- yoobo dam mo loid byoin loo: ge'- ga: tid poin" da.

ACTS 8:9

Hau: voogung mo Simun ga: su: dayug gi nyang: fa" da" phajhi" khyo" -Samari byu yi ri moug" nhang: nyid.

Roma 13:13

Ngoonu" gi bidbang mo nya: zoo: yi yhang: ti" ge young" du khyoo: moo za: cang lo" boem ca. Yhid: shug foo" zo: lid khyoo: akyang byo yoin" khyoo: - shava myiyi: yug gi cang zo: khyoo: yo" aved avhu: khyoo - myeing" myo: yhoo she: zi yo" no" zo: da" khyoo: ri jang" pyam' lho: bidnyid" gung tu: yo, ti" nyang: daso" nyid shang.

Ephesu 4:17

Ce" phoug" adab da" nheig byu khyoo: yo" da" tungbau byu yi yhang" ti"- kangso' adei nyid wa shid re" Aseing: da" myeing khyang" yo' ngoo nanu" ri zed" lhid' nhang: nyid bye.

2 THESALONI 2:4

Nyang: gi; byu yi noku loem khau: nyid phara ein: ja: nyid moo nyid ri thoutheung shai" go" lho: nya: gung du: ri nyang: houg: dangain" da" atho' moo phung" yoeb, je boo su: nghoid ga: wigi tu: to' coung" nghei loo wa nyang: gi Mangso noku yhoem: khoug: moo lang" yhe: vang zhoung: jo, lho: wigi nya: gung ri nyang: Mangsoo: nghoid- ga: tid fu" nyid wa zi nghoid.

YAKU 5:5

He: mougmyid moo nanu" da" byu nyid byuyab, khyoo: gi yoo" zoo: yoo" shug nyid pyoo: yab, pyo: lho: pyo: khyoo: aja: ja: yo' byeung" jo. Nanu" gi said pyam wa da" bidnyid shid re" nyang: nya: da" gung du: ri myhug to" boem abye: go.

2PETRU 1:4

He: khyoo: yoomo gye" gyi: sheung: wigi phoug" dab da" jeju" jhung: shug yo' sen: lho: wigi-dang: soo" khoin" joem nyhang" ri byid: too" bye. Hougsu" nghoid yoomo he: da" jeju" joem khoug: moo-ngoonu" gi moug myed tho' moo lhu: phyo' lhu: shoin' se' da" vhoo: boo loug gyi: khyoo: mo loid byoin lo" lho: Mangso aved' ri yo" wang zhoug" yu goo" baja".

2PETRU 2:14

Nyangnu" gi gootu: ce" ja: riwe'- ayu" noug nghoid ago". Akyang" byo, ci: da" myiyi: yi riza:- date: yu" nau ago". Nyangnu" yooboo koid lho: yo" shau" kham: yu da" myo' no, khyoo: gi atho' thang nghoid ago". Nyangnu" gi loem khau: khyoo: moo yoem: nu: bang: ri nyangnu" da" lhid' moo myhi" sho' yo" mhe' yu ago". Nyangnu" da" nheugloem: e" myid joem ri aco' ajhoid khyoo: moo vhoo: boo myono loo wa shid re:- zei: zhang: nhang: nyid boem.Nyangnu" ri gi Mangso tarha" dang: phyed' nheung" khoin" zang" nyid boem abye: go".

2PETRU 2:2

Hougsu" danghoid sho' loug we' byu myoo" sho' bang: gi nyangnu" da" age aved asam" khyoo: moo bo cang lo" boem wa zi nghoid. Nyangnu" houg: su" koid boem yoomo hau: deungmain" da" akhyoo" ri byu gooji bang: gi age khyoo" gei sang: juang" yi pyam boem wa nghoid.

2PETRU 2:20

Byu yi gi ngoonu" da" khyoid yu Aseing Yesu Khristu ri se' wigi moug: myed mo aco' ajhoid da" yoem: vhoo" khoug: mo loid lo" thang: ri hau: aco' ajhoid khyo: wigi doem oung: pyam zi shau" nghoid rigi Houg: bang: da thang: mo bue" lo akhyoo" gi-xang: she" tho' moo je" yau: loo" wa bye.

2PETRU 2:7

Nyang: gi tarha" aci: aved asam" byo, yoin" nyid da" byu yi yoomo nheugloem: gye" byo, yoin" nyid bye da" byu ri za: nyang: khyoid yu bye.

2PETRU 3:17

Nghoid loug we' byen cang" yi we"- nanu" gi he: da" khyoo: ri se' nyid gu nghoid abye: go". Hougsu" nghoid yoomo nanu" gi-ce: tarha" abo da" bang: shoid vhang: lo" da" khyoo: moo shu" vhang: lo" jang" moo abo loo" wa ziyo' gau: ngu: da" kang so' dei khyoo: mo abyid: gyoo" loo" wa shid re"-zed" nyid ge'.

YUDA 1:13

Nyang: nu" gi gye" thain: da" panglai being: mhoid' yhang: ti" du nyid wigi nyangnu" koid da" asho, ashid: moozoo" we' panglai gyid nyoeb, yang: ti" thu' nyid. Nyang: nu" gi akhyoo" acang da" kyimeing: lam" kyi: joem yo' we' du nyid nyangnu" shid' re" Mangsoo gi apyaid' ato: joyoo daloem: ri no, athang da" moug: coid' khoug: moo nyheung too" bye.

Pang Shug 13:11

Hau: thang: ri akhyeung" da" gougnyhoug gootu: dadu: gi myid jang: mo thu' lo- nyang: moo yang nu" khyoug: yhang: te" zi eig khyoug: youg lho: main jung: zeing yhang: ti" dang: tid nyid.