2PETRU 2:17 - Lacid Common Language Bible

¹⁷ He: da" byu gi kyoug kain" byug bye: gyid bug yo" we' ug lid wigi houg tang" yen" da" jhoem: moug" yo" we' du nyid boem. Mangsoo gi nyangnu" shid' re" moug: coid' no, thang da" jang" moo joyoo daloem: nyheung too" byid: bye.

2PETRU 2:17 교차 참조

YEREMIA 14:3

Yoo" zoo: yoo" shug bang: gi nyangnu" da" dei zoo: yiri gyid yhe: yu nhang: ago". Nyangnu" gi gyid teing thoem" khyoo: yhe: ago". Nghoid loug we' gyid aboo nghoid da:. Nyangnu" gi nyangnu" da" jhuang: akoem: ri doem ci: tau" lo da:. Nyangnu" gi yoem: shoin: wigi nheig coid lho: nyangnu" myonhoo: ri nghoeb ci: ago".

HOSEA 6:4

Nghoid loug we' Aseing gi «Israela yo' Yuda we" Ngoo gi nanu" yo' ci sen: la". Ngoo ri nanu" wigi jheddab zigi nab soin: mo lang" khyoem' yo' dakhyo" myab myab bei: byug wa. Hau: zigi nyid" ri no' mo byug lo" da" nghain: yo' du: da:.

MATHE 22:13

Hou thang: khokham" phoo gi nya: dei zoo: yiri ‹He: yug da" khyid: lo, moo tei" joeb lho: nghe: shoid mo moug coid khoug: khyoo du" zei kaid ge'› ga: tid. Hau: joyoo moo nyang gi" ngoug byid: ngoug nhab' yo"- zei yang: ngaid zeing kham: yau nyid wa"- ga: tid.

MATHE 25:30

Hau: thang: ri akyu" abo he: da" deizoo: ri nghe: shoid mo moug coid khoug: khyoo du" pyam kaid ge' hau: da" joyoo moo nyang: gi ngougmyeing" ngoug thui: yo' zei yang: kyeig ga: ngaid nyid wa zi nghoid» ga: tid.

MATHE 8:12

Xang: shid" mo mougkhoung: mung" byu bui" eung: mo, gi nghe: shoid' mo moug: coid' khoug: khyoo: khaid zei kaid zi shau" boem wa. Hau: jang moo ngougmyeing" sho" thui: yo,- zei yang: kyeig ga: ngaid wi zheung: yau nyid goo" wa"» ga: tid.

Ephesu 4:14

Hougsu" nghoid lang" ngoonu" gi subi" ri nyangnu" da" phajhi" khyau" ziyo' khyoo: shu" vhang: mo, da" jhau" mhau' khyoo: ein: da" being: mhoid' ug lig zo" wigi moid' tang" loo" shau nyid da" zoonu" yi yhang: ti" abue" nyid boem loo: wa.

HEBRE 12:18

Nanu" gi Israela byumyu" yi yhang: ti" - lo, yo' nyang: shau" zei: yu" da" myi: nge" nyid teing: yo' no, da" moug: coid khoug: moo ug moo" lid' moo" hau, nyid da"

2PETRU 2:4

Mangsoo gi yooboo koid da" moug: lagyoo: yi ri lang" gi khyam" sa: abyid: loo: za: ngarai khyoo: khyo' pyam lho: wigi hau: joyoo mo moug: coid khoug: moo myeug" tei" to" wigi tarha" dang: phyed' wa da" bidnyid ri dalang" nyid nhang.

YUDA 1:6

Nyang: nyang: yo" jo, da" amyeing" akhang" ri ci: lid' lo" lho: wigi nyang: nya: da" joyoo ri she: pyam' kho' da" moug: lagyoo: yi da" khyoo: ri we' myid' boin: yu" ge'. Mangsoo gi nya: tarha" dang: phyed' wa da" bidnyid zeing moo houg: bang: ri yoobo dam kaid' wa shid re" moug: coid' thung: khoug: moo apyaid' ato: da" joto' jangcoo" yo' datei" to.