2PETRU 2:14 - Lacid Common Language Bible

¹⁴ Nyangnu" gi gootu: ce" ja: riwe'- ayu" noug nghoid ago". Akyang" byo, ci: da" myiyi: yi riza:- date: yu" nau ago". Nyangnu" yooboo koid lho: yo" shau" kham: yu da" myo' no, khyoo: gi atho' thang nghoid ago". Nyangnu" gi loem khau: khyoo: moo yoem: nu: bang: ri nyangnu" da" lhid' moo myhi" sho' yo" mhe' yu ago". Nyangnu" da" nheugloem: e" myid joem ri aco' ajhoid khyoo: moo vhoo: boo myono loo wa shid re:- zei: zhang: nhang: nyid boem.Nyangnu" ri gi Mangso tarha" dang: phyed' nheung" khoin" zang" nyid boem abye: go".

2PETRU 2:14 교차 참조

YOBA 31:7

Ngoo gi jo, da" khyoo: mo lheing: tau" thu lo" la. Anghoid lang" akhyeing" da" khyo" ngoo nya: gung ri myhi' nyid la. Houg: lho: nga" lo, moo yooboo dab nghoid ri

YOBA 31:9

Nga" yhoem: kyoo" cang" da" yhoem: seing: myhi' ri yu" vho: lho: nya: da" khoem" tunggung shoid mo zung" yu" wigi gau" nyid nghoid ri

DANG: ZHOEM 5:6

Nyang: gi kangso' khyoo: moo: ayab, jo, loo- agoin: so" du: dam: yen" ziyo' nyang: moo: ce: noem bue" loo wa ziri asi.

DANG: ZHOEM 6:25

Nyangnu" da" young" ziri ayu" ngei nyid nyangnu" da" mhau, mhoid" langi: koid myojid" moo: ayhe: myi" nyid.

ESAIA 1:16

Nanu" nya: gung ri sain' sho' koid pyam ge'. Nanu" koid nyid ziri ngoo myang da" he: akhyeing" da" moo" dangain" ri theing: pyam ge'. Nghoid bye:- akhyeing" da" moo" ri theing: pyam lho:

ESAIA 34:5

Aseing gi nya: shamcoin" ri mougkhung: moo nyheing to" abye:. Hau: zigi akhid" phyo' pyam wa ga: nyang: wigi byumyu" yiri dang phyed to" da" Edom ri zain: loo wa.

ESAIA 65:20

Zoonu" yigi nu" ngha' uri ashid: loo wa. Byu dangain" bang: gi nyangnu" da" kangso' byeung" sho' yo" nyid loo goo" wa. Dashoo: zain boo bang: ri apyaid ngi shi" ga: jho: loo goo" wa. Apyaid aju" shi" ri shid: zigi ngo wigi nyangnu" ri yooboo dam byid: da" asoo" nghoid loo wa.

YEREMIA 13:23

Etiopi byu dayug gi nya: shooyid avoid ri yo" thid pyam wa la". Anghoid lang" zooloo: gi nya: gung mo atug atuang ziri yo" byug nhang: wa la". Hau: ziri yo" koid nghoid rigi akhyeing" zi mo lid: wigi ci: ase' koid da" nanu" ri jo ziri koid wa shid re" yo" jhau" yu boem wa.

EZEKIEL 13:18

Houg: lho: nyangnu" ri yoem: moo" bo Aseing tid nyid ziri tid kyoo" we'. «Myiyi: nanu" gi joem: lo" abye:. Nanu" gi yugkhang" moo" shid re" main tain: lo, theing" joem zeig byid: wigi houg: bang: gi nyangnu" ri nyangnu" vhuloem tho' moo zhung" wa shid re" main dain: leung yoeb joem ri koid byid: da:. Hougsu" lang" nyangnu" gi gootu: byumyu" yi da" kangso' gyung: khyoo: joem moo yoem: so' yo" yu wa zi nghoid. Nanu" gi nga" byumyu" yi jang" moo shid: wa yo' dei wa yoem: so' ri yo" yu to" wigi hau: ziri nanu" nya: akyu" shid re" ci: nau boem ago".

MATHE 12:34

Myu no, byumyu" yi we"- nanu" akhyeing" ashoeb da" mo, khasu" wigi dang: gi yo" tid goo" wa lha". nheigloem: moo byeung" jo, ja: she, nhoid tho moo da tid thu' lo.

MATHE 23:14

Ayid void ci: da" tarha" sara: yi yo" pharishe we"- nanu" gi joem: lo" abye: go. Nanu" gi cougmoo" myhi, yi da" yhoem: mo ziyoo joem ri atarha" khyo" lhoid yu boem lho: Subi" gyo: du wa khyo" akyu" sheing" sheing: mho' nyid ago". He: khyoo: yoomo nanu" gi gye" gyi: lid: da"- dam ri shau" kham: zo: boem wa.

MATHE 25:41

«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

MATHE 5:28

Ngoo nanu" ri tid zigi nheigloem: moo yu" ngei ziyo'- myiyi: zoo: ri yu" yu" lho: vho: da" nheigloem: boo su: gi nya: da" nheigloem: khoug: moo hau: da" myiyi: zoo: yo' myi: lhoid' da" moo" zei bye.

MARKU 13:22

Mhau da" Meshia joem yo' mhau' da" lapi: apyeug joem thu lo boem wa nghoid. ge bue" nghoid rigi-nyangnu" gi Mangsoo khyen: yu too" bye: mo, ri lang" yo" shu" vhang: loo" sho' ga: alhoo: again aja: ja: yo' mau" pho" moozoo" aja: ja: toin" shid' loo goo" wa.

YOHAN 5:44

Nanu" gi nyang: cang" nyang:- coung" ngei phau" myang: goo" wa ziri vho: ngei nyid ago". Nghoidloug we' dayug kyeing" da" Phoo Mangsoo mo coung" nghei myonhoo: byid: zi shau" yu wa shid' re" gi yoem: akaid boem. Houg: su" nghoid yoomo nanu" gi ngoori khasu" koid; se' loem" jeing" wa go"

Roma 16:18

Houg: bang: gi ngoonu" da" Aseing Yesu Khristu da moo" voin mo anghoid. Nyanu' nya: da" zoo: noem kha: ja: shau" zoo wa ashug" zoo: wa da" khyoo: ri za: te: myid yu" mo nghoid. Nyanu" gi nu" nham' cau: main da" dang: ri tid coung" myeing" coung" thui: yo" wigi deingmain" nyid mo ri lang" yo" mhoug zoo: se' ago".

1Korinthians 11:19

Houg: mo gam, thu' loo" mo, kha: phung: bang: gi jo shoid khyoo: yab, bang: nghoid ein: da"- deingmain" khyoo: gi bang bang nyang: myang loo wa shid re"- nanu" moo: kho' gam, gang: go" lo" zigi: nyid gu, nghoid.

Ephesu 2:3

Gyeung" nyang: ngoonu" dangain" bang: we' nyangnu" yhang: ti" ngoonu" nya: da" gung sho" aco' ajhoid da" khyoo: moo cang lo" lho: gung shoo" vho: ngei da" khyoo: yo' nheigloem: da" khyoo: ri cang zei: lo yu" boem bye. Ngoonu" da" nyid yab, khyoo: gi gootu: byu yi yo' dakhyoo" ti"- Mangsoo nheig khoo" yo: da" dam shau" moin: mo, nghoid nyid.

Ephesu 4:14

Hougsu" nghoid lang" ngoonu" gi subi" ri nyangnu" da" phajhi" khyau" ziyo' khyoo: shu" vhang: mo, da" jhau" mhau' khyoo: ein: da" being: mhoid' ug lig zo" wigi moid' tang" loo" shau nyid da" zoonu" yi yhang: ti" abue" nyid boem loo: wa.

KOLOSE 2:18

Ladu lid' sho' shoid vhang: da" khyoo:- nyang: tu: nya: da" gung du: ri khyo, nyhoem: pyam' wa ziyo' moug: lagyoo: yi ri no" ca" ga: goozu: xen, da" yoeb, myang yo" we' shoid vhang: da" khyo, nyhoem: khyoo: moo nyhen" zei: nyid bang: yo' moug: lagyoo: yi ri noku da" khyo" we' nyang: nya: gung du: ri dangain" tho' moo je" nghoid thang su: ga: khyo" tid phau: nyid mo, -hang" su: wigi we' nanu' ri yoobo dang: phyed' wa da" akhang" abyid: goo"- Houg: yhang: te" da" byu yi gi ce: sei abo da" xang: su: myid soin: khyo" nyang: nya: gung ri tid phau: yu lho.

YAKU 1:8

Nyang: gi nheigloem: eig pyam: boo su: nghoid yoomo moozoo" dangain" jang: moo geung: teung khyoo: aboo su: nghoid nyid.

2PETRU 2:18

Nyangnu" gi shoid vang: khyoo: dam: dam: lo" byu phung: khoug: mo aseig shi" daloid thu' loo bang: ri ce: akyu" abo da" nghoid boin: dang: tid lho gungshoo" aco' ajhoid da" nheig" loem: yo' lhoem: tau, yu lho: khyoo shu" vhang: lo" boem.

2PETRU 2:3

He: da" mhau' sara yi gi-nyangnu" da" vhooo: boo myo, no' da" nheugloem: yo' nyheung phain" yu da" mhoo: myed: joem ri tid kyo" zoore"-amyaid sho: lo boem wa nghoid. Goonham, mo wigi nyangnu" ri dang: phyed' said pyam wa da" tarha" agyi phoo gi jen" nyid gu: nghoid ziyo' nyangnu" ri lhu: phyo' lhu: shoin' pyam wa sugi- yhoeb' nau lho: yhoeb, nghui" nghue" nyid zi anghoid.

2PETRU 3:16

Polu gi he: khyoo: yo' sen: lho: nyang: lhid" da" mougsoug" jhoem moo houg yo' dakhyoo" ti" lhid" shed nyid. Nya: mougsoug" moo bo da" akhyoo" dayham" gi-se' gyoo: wa zi youg; yoo mo akoo" afang: bang: yo' nheig loem: khyeing" khyang: avim bang: gi shoid' vang ago" khyo" dangkang: phoid: yu ago". Gootu: da" Jhoem: mungdang: ri we' hougsu" shoid yoomo nyangnu" da" byo, yoin ‹ lo" khyoo: ri nyangnu" nyang: koid yu boem ago".

1YOHAN 2:16

Moug: myid' yo' sen: da" ziyoo jo, moo jo,- gung shoo" moo nyam, da" nheigloem: joem- byu myojid" mo myang lho: myo, no, vhoo: boo loug gyi: lo ja:- he: mougmyid byu yi da" nghoid boin: phau: khuang da" khyoo: joem yo' ngeig go" phoug tu" go" da" khyoo: khaid khang" moo" gi kha: zi we' Mangso jang" mo thu' lo zi anghoid- hau: khyoo: dangain" gi mougmyid mo thu' lo da" khyoo: joem za: danghoid nyid.

YUDA 1:11

Nyang: nu" shid' re" khayhi' gyoug pho" zi nghoid lha". nyangnu" gi Ka-in so" da: khyoo: moo cang lo" boem bye. ngei yoomo Balam shoid vhang: da" yooboo ri bo bain' shoid pyam abye: go- Ko" ra, yhang: ti" thoung" shau" yoomo byo, yoin" loo" nhang: bye.

Pang Shug 12:9

Moug: myid gyab, goin" zirishu" mhau' fain" vo, nyid su- main: yu- anghoid lang" satan: ga: myeing yoo" su- goonham, mo main, jung: ni, zeing ri nya: moug: lagyoo: yi dangain" yo" dage" myid jang: tho' khyoo: du" khyo' kaid' zi shau" abye:.