2PETRU 2:12 - Lacid Common Language Bible

¹² Nghoid loug we' he: da" byu yi gi kuang myheug yu lho:-said' pyam wa shid re" nyid yen" da" goug: nyhoug lam: joem yhang: ti"- nyangnu" lang" ase' da" khyoo: ri ung: khoug: nheugloem: yo' juang" yi rue" nyid moo" zei: ago". Nyangnu" gi kyang: da" goug: nyhoug lam" joem ri yhang: ti"- lhu: phyo' lhu: shoin' pyam zi shau" boem wa nghoid.

2PETRU 2:12 교차 참조

COUNG" NGHEI 49:10

Adu: adam: mo, yo' koo" mo, wim: yhang: ti" phajhi" si' mo, lang" gi shid: ca" zi hang" we' se. Nyangnu" dangain" bang: gi nyangnu" da" jonu" ri nyangnu" da" amyed ashen yi shid mo teung too" kho' boem.

COUNG" NGHEI 92:6

Akoo" adau: su: gi ase' gyo: ziyo' phajhi" aboo su: amyed ju" da" khyoo: daja: jo, jo,.

COUNG" NGHEI 94:8

Nga" da" byumyu" yi we"- nanu" gi khasu" wim wigi phajhi" abo boem ziyo' akoo" adoug: bui" nau nyid go" lha".

DANG: ZHOEM 14:32

Athoug" akhyoug: da" byu yigi nyangnu" da" akhyeung" moo" zoo" joem khyo" wigi nyangnu" nya: da" joem: lo" khyoo: ri koid nyid ago". Byugi yi koem gi nyangnu" deing: byeung" moo" zoo" wigi nyangnu" ri goem loem byid: zi shoug" nyid ago".

YEREMIA 10:21

Ngoo gi «Ngoonu" da" vhujhung: yigi nheig agyeing: nghoid ago". Nyangnu" gi Aseing ri khyoo" shed wa amho' nghoid ago". Houg: yoomo nyangnu" aoung: doid wigi Ngoonu" da" byumyu" yi byo sain" lo" abye: go".

YEREMIA 10:8

Nyangnu" dangain" bang: gi nheig agyeing: wigi adu: adam: bang: nghoid. Seig soolhoo: joem mo nyangnu" ciyo" jhau" yu wa la".

YEREMIA 12:3

Nghoid loug we' Aseing we"- nang gi ngoo ri se' da:. Ngoo cikoid ziyo' nang ri ngoo khayhi' jheddab ziri nang se' da:. He: akhyeing" da" byu yiri said pyam wa yang joem ri yhang: ti" she: khyoid thu pyam byid: da:. Nyangnu" said pyam wa ayo, ju" sho' nyangnu" ri zung" nyid byid: la.

YEREMIA 4:22

Aseing tid zigi «Nga" byumyu" yigi nheig agyeing: nghoid ago". Nyangnu" ngoo ri asi' nghoid da:. Nyangnu" gi ko" da" zooshang: yi yhang: ti" nghoid boem. Nyangnu" moo Lasi Lajhang: se' gyo: myid aboo nghoid da:. Nyangnu" gi akhyeing" da" moo" koid wa gye" jhang: ago". Nghoid loug we' nyangnu" gi ge zi koid wa abui" adoid nghoid da» ga: tid.

YEREMIA 5:4

Houg: lang" ngoo hid su" shau" myid- «Hid bang: gi myung bang: yo' ci: asi' bang: za: danghoid. Nyangnu" gi nheig agyeing: khyo" koid ago". Nyangnu" gi nyangnu" Mangsoo cimho' ziri asi' nghoid ago". Nyangnu" ri Aseing koid nhang: nau khyoo: ri asi' goo" nghoid da:.

EZEKIEL 21:31

Ngoo wigi nanu" ri moo yi: yi: bang da" myi: wigi nghe' pyoid kaid uri nga" nheig joem: yo: ziri shoug" kham zo: loo wa. Houg: lho: ngoo gi nanu" ri phyo' shoin' jang" moo bue" doid da" athoug" akhyoug: byu yi jhang khyoo: ab byid: pyam wa.

MARKU 7:22

Myi: lhoid lang lhoid go zi jhu phyo' go" khyoo: - mhau' nyam khyoo:- myed, nau: zi gei sang: khyoo:- nghoid boin: ziyo' akoo" apya doid koid da" khyoo: yo' age khyoo: myoo" sho' thu' lo nyid zi gi

YOHAN 8:21

Dalheing: riYesu gi ngoo gi thu' loo" wam: bye. Nanu" gi ngoori shoo: boem wa. Nanu" gi nanu" nya: yooboo mo, shid: boem wa. Ngoo lo" da" joyoo moo nanu" ayo" cang loo wa" ga: tid.

GALATI 6:8

Byu da" gung shoo" ein: da" myid' jang: moo sho" kaid su: gi shid: lo" ein: da" byo, yoin" da" amyoug: ashi" ri shau" yham" yu wa nghoid- Venyi ein: da" myid' jang: moo sho" kaid' su: gi apyad' atoo: mo kangso ein: da" amyoug: ashi" ri shau" yham" yu wa nghoid nyid.

KOLOSE 2:22

Hau" tarha" joem dangain" gi dalheing: ci: yhung: bye: thang: rigi ce: akyu" aboo lo: ziyo' sen: da" tarha" za: nghoid lho: byu xangsu: yi koid thu' da" tarha" ri jhoug" byid: khyoo: joem za: date: nghoid.

2PETRU 1:4

He: khyoo: yoomo gye" gyi: sheung: wigi phoug" dab da" jeju" jhung: shug yo' sen: lho: wigi-dang: soo" khoin" joem nyhang" ri byid: too" bye. Hougsu" nghoid yoomo he: da" jeju" joem khoug: moo-ngoonu" gi moug myed tho' moo lhu: phyo' lhu: shoin' se' da" vhoo: boo loug gyi: khyoo: mo loid byoin lo" lho: Mangso aved' ri yo" wang zhoug" yu goo" baja".

2PETRU 2:19

Nyangnu" gi nyangnu" nyang byo yoin" lo" da" aved' asam: yi da" join zheung nghoid wigi gootu: byu yi ri lhoid' pyoin' kaid wa dang: soo" byid: boem ago". Khasu" wim ga: ri nyang nyang ri-ung: sho' vhoeb, khang" pyam da" ziyoo join yi: nghoid nyid.

YUDA 1:10

Nghoid loug we' byu hid: bang: gi nyangnu" asi ashug" gyo: yu" da" khyoo: dangain" ri rue" ziyo' yooboo foin: pyam' boem. Kyang: da" gougnyhoug joem yhang: ti"- nyangnu" nya: da" nheigloem: khoug: moo akhang: re boo gu ri te: se' gyo: da" khyoo: joem gi nyangnu" lhu: phyo' lhu: shoin' loo" nhang: da" myid' nyain, za: nghoid.