2PETRU 1:21 - Lacid Common Language Bible

²¹ Khasu wim gari kha: da" lapi: dang we' byu yi da" myedsoin' nyeung khyoo: bue" thu' lo yu" zi anghoid. Gyeungshang: da" Venyi wigi nheugloem: lhu: too' byid: zi shau" bang: gi Mangso jhag mo ju" re" da" lapi: dang: ri thoid' tid kyo" ago".

2PETRU 1:21 교차 참조

2 SAMUELA 23:2

Aseing Venyi gi nga" gung khyo" wigi dang: tid nyid. Nya: mungdang: nga" nhoid moo bo nyid da:.

1 KHOKHAM 13:1

Yeroboam gi xoin" to' wa shid re" phoin: nam moo yab jo, uri Aseing amyeing" dang: yo' dayhang: ti" Yuda mung" mo lapi: dayug gi Bethela khyoo: ju" ri" bye:.

1 KHOKHAM 17:18

Cougmoo" myhi' gi Elia ri «Mangso da" byu we"- ciwim yoomo nang ngoo ri hid: su" koid la". Nang hid: khyoo: re" zigi nga" yooboo ri Mangsoo ri boin: nhang: wigi nga" zoo: ri shid: nhang: wa shid re" anghoid rhe"» ga: myid:.

1 KHOKHAM 17:24

Cougmoo" myhi' gi «Nang gi Mangso byu nghoid ziri we' Aseing gi nang khyo" wigi gyeing" nyang: dang: tid nyid ziri we' akhid" ngoo si" bye:» ga: phoug tid.

2 KHOKHAM 4:22

Hau: thang: nyang: gi nya: yhoem: seing: phoo ri khe: yu lho: nyang: ri «Dei zoo: dayug ri hid: khyoo: loo zei: yo' nhang: kaid byid: la,. Ngoo Lapi: Elisha jhang yhi: ca" da:. Ge bui" yhi' myab wigi doem tau" loo wa» ga: tid da:.

2 KHOKHAM 4:7

Nyang: gi Lapi: Elisha jhang yhe: da:. Hau: Lapi: phoo gi nyang: ri «Zhainloin: xu: joem ri oung" lho: re" jhen: dangain" ri xab pyam we'. Nang yo' re" yuggi zoo: tang: shid re" kangso' dei wa shid re" gi" sho' deing jo, wa» ga: tid da:.

2 KHOKHAM 4:9

Myiyi: myhi' gi nya: yhoem: seing: phoo ri «Hid: khyoo: atheing: theing: lhung re" da" byu he: yug gi gyeung" shang: da" byu dayug nghoid ziri ngoo se'.

2 KHOKHAM 6:10

Houg: yoomo Israela khokham gi hau: joyoo moo nyid da" bang: ri tid poin" wigi nyangnu" zid" nyid ago". Hid su" myoo" sho' lheing: bue" da:.

2 KHOKHAM 6:15

Thang: nyid" nab soin: no' Elisha da" dei zoo: to' re" lho: yhoem: mo thu lo" ri Suri gyizoo: yigi myang: joem gyi myang: rheing" joem yo' voogung ri vang: lheing to" boem ziri yhe: myang da:. Nyang: gi Elisha jhang doem tau" lo" wigi «Yhoem: seing: we"- ngoonu" gi joem: bye:- cisu" koid wa la"» ga: myid: da:.

1 KHOKHAM MHOOMYID: 23:14

Nghoid loug we' Mangso byu Moshe nya: yuggi zoo: yigi Levi byu yi moo bo nyid ago")

2 KHOKHAM MHOOMYID: 8:14

Nya: phoo David wigi to" too" kho' da" tarha" joem ri cang wigi nyang: gi coung" nghei ziyo' jikhoin" khoin" jang" moo yo' khainjung yi moo" zei: jang" moo bo pang" tug boem da" Levi byu yi yo' khainjung yi da" nyid" khang" nyid" moo" ri soin' too" byid: da:. Nyang: gi Mangso byu David wigi amyeing" byid: to" ziyo' dakhyo" khoem" duang: khang" moo" moo ayo, adu khyo" cang wigi nyid" khang" nyid" moo" zei: wa shid re" Noku Yhoem: Moo" goem loem bang: ri we' soin' to" da:.

YEREMIA 23:26

Hau: Lapi: yigi nyangnu" myid soin: thu yu da" mhau' dang: khoin" wigi nga" byumyu" yiri khamyhang ju" sho' shu" vhang: nyid shi" goo" wa la".

EZEKIEL 1:3

Babelon mung" Kheba gyid yam moo ngoo ri Aseing dang: ji thui: shau" gyo: wigi nya: yoem: so' ri we' ngoo shoug" kham zoo: bye:.

MIKHA 1:1

Yuda khokham Yotham- Ahaza- Hezekia bang: da" ayo, moo Aseing gi Morashed byu Mikha ri he: lu dang: byid: bye:. Aseing gi Mikha ri Samari yo' Yerusalem voomoo" yo' sen da" khyoo: dangain" ri pang shug bye:.

MIKHA 3:7

Ju" loo wa ayo, shid re" Lapi: pe: zigi nyangnu" da" lapi: dang: adeing yoomo myeing yoin" myonhoo: gyoeb wa zi nghoid. Nyangnu" ri Mangsoo gi atu" byid: loo: yoomo nyangnu" dangain" bang: gi shoem: pyang: lo" byug goo" wa nghoid.

GYUNG: SOO" 16:28

Moshe gi byumyu" yiri «Ngoo gi he: moo" dangain" ri zei: wa shid re" Aseing wigi nhang: too" yug nghoid ziyo' hau: moo" joem ri ngoo nyang: myid khyo" koid zi anghoid ziri hid: su" khyo" nanu" se' loo goo" wa.

MARKU 12:36

Re" gyivoo joem ri re" khyid: voo: khoug moo ngoo atoo" byid: byid: gi nga" lo, yo shoid moo dazhoung: jo, we' ga: hau: Aseing: gi nga" Aseing: ri tid da:› ga: David gi gyeungshang: Venyi: vang lho: tid da.

LUKA 1:70

Aseing: gi ngoonu" ri gyivoo yi da" lo, mo we' ngoonu" ri ngheing" mo, da" lo, mo we' khyoid yu wa da" shid' re"

ACTS 1:16

Nga" Mang: nhung" yi we-Yesu ri myheug mo, ri khyoo: shu" shed su- Yuda yo' sen: lho: wigi gyeungshang: da" Venyi khyo" David da" nhoid mo tid to" da-Jhoem: mungdang: gi zung: loo wa zi nghoid bye.

ACTS 28:25

Houg: yoomo nyang: cang" nyang: aveing" goo" loo: za: thu' lo" nyid boem da" uri Polu doem tid zigi Lapi: Esaia nhoid khyo" gyeungshang: da" Venyi wigi nyangnu" da" phoug" phyid" yi ri tid da" dang: gi gye" nyang: jo, da" dang: nghoid.

ACTS 3:18

Mangsoo nya: da" Meshia gi dayam, dayoo: kham, zoo: wa nghoid ga- Mangsoo gi goonhaam gooco, mo Lapi: yi dangain" khyo" tid fu" to" lho: hau: lapi: dang: gi hid: bue" nyid khyo" wigi joed byeung" loo nhang: bye.

TARHA" TID POIN" 33:1

He: zigi Mangso da" byu Moshe- nyang: ashid: shi" ri Israela byumyu" yiri tid da" mainkaid dang: joem nghoid.

HEBRE 10:15

Hau: gyeungshang: da" Venyi we' ngoonu" ri sagsi: bo kham byid: bye- xang: shed" ri nyang: gi

HEBRE 3:7

Hougsu" nghoid yoomo hau: gyeungshang: da" Venyi tid ziyo' dakhyoo" ti"- Akhid" nyid" nanu" Mangso dang: shau" gyo: nghoid rigi

HEBRE 9:8

Hau: da" thung" yo' dakhyoo" ti"- xang: shed" ju" vang lo" da" yab, goin" dageung: jo, jo, gi gyeungshang: da" yab, khyoo: khoem" aphang shi" wa da" khyoo: hau: gyeungshang: da" venyi gi bang bang jhoug" byid: nyid.

YOSHU 14:6

Danyid" ri Yuda kung: mo byu dayham" gi Gilgala khyoo: Yoshu jhang re" lo ago". Nyangnu" mo dayug nghoid da" Kenizi kung: mo Yephune da" yuggi zoo: Khaleb gi Yoshu ri «Kadesha Barnea moo nang yo' nga" khyoo: yo' sen: wigi Mangso byu Moshe ri Aseing citid ziri nang si gu nghoid da:.

1PETERU 1:11

He: da" khyoid yu khyoo: gi kha: yo' kha: khyeing: mo: ju" ri" wa zi we' ce: ja: ce: khyoo" re" bue" thu' loo wa ziri se' loo" wa shid re" phoid: sho: yu" boem bye. Nyangnu" da" akhoug: moo bo vang zei: nyid da" Khristu da" venyi gi Yesu shau" kham' zoo: wa dam shid' re" we' haugsu" bain' kham zo: da" thang: ri shau" kham' zoo: wa da" myonhoo: phung" yoeb, ri we' no re toin" shid' to" uri he: da" ayo, ri toin" shid zi nghoid nyid.

Pang Shug 19:10

Ngoo gi nyang: ri pid' wa ein:- nya: khyid: yang: moo goeb khyoo, nghoid loug we' Nyang: gi " Houg: su" akoid- ngoo gi nang yo' re" mang: nhung" yi yo' dakhyoo" te"- dei zoo: dayug nghoid lho: Yesu da" pang shug da" deingmain" khyoo: ri zei: ci: mo, danghoid. Mangso ri noku we' ga: ngoori tid. Khasu" wim gari Yesu da" pang (shug deingmain" da" khyoo: gi Lapi: yi ri venyi yoem: byid: nyid zi nghoid.