2PETRU 1:19 - Lacid Common Language Bible

¹⁹ Hougsu" nghoid yoomo ngoonu" gi lapi: yi tid fu" to" da" yoeb, myang mungdang: ri je" wigi nheug shid nheug deug nyid boem bye. Nanu" we' hau: mungdang: ri goo" lhoo: za: datam: gyo: nyid ge". Khasu wim gari hau: zigi nanu" da" nheugloem: ung: khoug: moo myo, myang: lo wigi-boo" myhu: thu' lo da" ayo' moo moug: coid' da" joyoo moo bang nyid da" myibung: yhang: ti" nghoid nyid.

2PETRU 1:19 교차 참조

COUNG" NGHEI 119:105

Re" da" mungdang: gi ngoo ri khyoo: shu" lo" da" myibung: yo' nga" gyung: khyo: shid re" bidbang nghoid.

DANG: ZHOEM 6:23

Nyang: tang: da" khyoo: shed dang: joem gi bang da" bidbang nghoid- nyang: tang: da" tid nyheung tid feung khyoo: joem gi nang khasu" nyid yab yhe: loo" wa khyoo" ri jhau" byid: nyid.

ESAIA 14:12

O" nab soin: boo" myhu"- Nab soin: moug: bo" nya: zoo: we"- nang gi mougkhung: mo gyo" byug bye: nhung: la". Lai lo da" ayo, moo nang gi byumyu" yiri oung: lo da:. Nghoid loug we' akhid" nang gi myidgung khyoo: du" khyo' pyam zi shau" abye:.

ESAIA 41:26

Nang jo ein: ngoonu" yo" tid wa shid re" he: zi bui" wa ga: ziri nang kha: ziri lapi: pe: la". Hau: khyoo: yo' sen: wigi nanu" mo hang" dayug we' dang: dakhoin" atid. Hang" dayug we' nang tid zi ce: daja: we' ashau" gyoo: nghoid ago".

ESAIA 8:20

Nanu" gi nyangnu" ri «Aseing wigi nanu" ri jhau" shid nyid ziri tam" gyoo: ge'. Join: zei: bang: dang: ri atam" gyoo: goo". Nyangnu" wigi nanu" ri nanu" shid re" ce: akyu" aboo nghoid da ein: phoug tid goo" wa nghoid ago"» ga: tid da:.

ESAIA 9:2

Moug: coid khoug: moo so" yen" da" byumyu" yigi gyi: sheung: da" bidbang ri shau" myang abye: goo". Nyangnu" gi bid yoeb mungdain: moo nyid loo bang: nghoid ago". Nghoid loug we' akhid" gi nyangnu" ri bid zhoo: byid: abye:.

MATHE 4:16

Moug coid khoug: moo nyid da" Byumyu" gi bidbang zeing ri myang boem wa. shid: zau: da" bid shoem: yoeb moo zhung: jo, mo, da" atho' moo bidbang ju" ri" wa» ga: kho" kyo" to.

YOHAN 5:35

Yohan gi myiyham: dab lho: bang nyid da" myibung: yhangti" nghoid nyid yoomo nanu" gi nya: da" bidbang khoug: moo daso' za: te: pyoo: nau boem.

YOHAN 5:39

Nanu" gi apyaid' ato: kangso' yoo" abe ga: wigi Mungdang: ri ayoeb' yoeb' nghab' nyid ago". Hau: jhoem: mungdang: dangain" gi nga" khyoo: ri tid nyid zi nghoid.

YOHAN 8:12

Dalheing: ri Yesu gi hparishe yi ri ngoo gi mougmyid: bidbang nghoid. Nga" thang: moo cang loo su: gi apyaid' ato: kangso' bidbang ri yo" yu lho: moug: coid' khoug: moo khanham we' asoo" loo: wa zi nghoid. ga: tid.

ACTS 15:29

Nanu" hau: khyoo: ri jang" pyam' boem nghoid rigi gi, bye: - yang" zain" nyid goo" baja" o" ga: zheung: lhid" kaid' ago".

ACTS 17:11

Beria voobyu yi gi Thesaloni voobyu yi da" tho' re- khoin: lheing: mo, nghoid boem. Nyang: nu" gi mungdang: ri nheigloem: zhug zhug za: tam" gyo: yu boem wigi Polu kho" kyo" da" mungdang: gi deung adeung ziri si' wa shid re" nyid" khang" moo" jhoem: mougsoug" ri nghab xoin: se' nyid ago".

HEBRE 2:2

Mouglagyoo: yi da" nhoid mo ngoonu" da" phoug" phyid" yi ri mungdang: tid to" zigi deingmain" da" mungdang: nghoid wigi_ hau" mungdang: ri atam" gyoo: loo za: do, rhui, mo, gi nyang: tu: nyang: yo' moin: yi" da" yooboo dam, ri shau" kham: zo: boem wa zi nghoid. Houg: khyo" dadeung nghoid rigi

YAKU 2:8

Nanu" gi nanya: yhoem: kyoo" cang" ri nanya: gung yo' dakhyoo" ti"- jheddab goo" ge' ga: bo da" dang: ri cang lo" rigi ge zi nghoid.

1PETERU 1:10

Lapi: yi gi hau: khyoid yu khyoo: yo' sen: lho: wigi voin: tang: cang phoid: sho: lo" boem bye- nanu" gi Mangsoo nanu' ri byid: wa ga: da" he: da" jhung: shug khyoo: ri Lapi: pe: kyo" boem bye.

1YOHAN 5:10

Houg: su" nghoid yoomo Mangso nya: zoo: ri loem" jeing" bang: hang" Nghoid loug we' he: da" sagsi: kham, dang: ri nya: nheugloem: ung: khoug: moo xoem" to. Nghoid loug mangsoo ri aloem" ajeung" bang: hang" nghoid loug we' nya: zo: khyoo: mangsoo nyang: sag si: kham, byid: ziri aloem" jeing" yoomo Mangsoo gi mhoug su nghoid ga: jho: boem ago".

3 Yohan 1:6

Nyang: nu" gi re" da" jheddab nheigloem: yo' zei: so' khyoo: ri hid: moo re" tid fu" sag si: kham, nyid boem ago". Mangsoo nheig shid: nheig deug khyo" nyangnu" da" gyung: khyoo: moo yo" xo' so" loo" goo" baja"- jeju" yo' nyangnu" ri pang thoug kaid' shi' ge'.

Pang Shug 22:16

" Ngoo Yesu gi Phung byu yi da" akhoug: moo hid: yhang: te" khyoo: joem ri tid fu" kyoo" wa shid re" nga" moug: lagyoo: ri nhang: kaid. Ngoo gi davi da" akung: mo yhoem: byu nghoid lho: wigi nab, kyo' boo" myhu: we' ngoo nghoid nyid.