2PETRU 1:17 - Lacid Common Language Bible

¹⁷ Nyang: ri phoo Mangsoo mo nyang- myonhoo: ngalang" phung" yoeb byid: da" uri we' je" gyi: thang da" phung" yoeb khoug: mo wigi nya: jang" moo ju" re" da" thui: gi He" yug gi ngoo vho" ngei da" ngoo jheddab da" nga" zoo: nghoid, ga: wigi tid uri we' ngoonu" houg moo nyang: yo' dage" nyid.

2PETRU 1:17 교차 참조

ESAIA 42:1

Aseing gi «He: zigi nga" dei zoo: nghoid- ngoo yoem: byid: too" su: Ngoo khyen: too" su:- ngoo vho: ngei su: nghoid da:. Ngoo gi: nyang: ri nga" Venyi: yo' pyeing too" byid: bye:. Houg: lho: nyang: gi byumyu" khang" moo" ri tarha" deingbyeing" ziri ci: ri" byid: wa.

ESAIA 53:10

Aseing tid zigi «Nyang: yau: khe" kyi" khyeug kham zo: wa zigi nga" myid vho: da" khyoo: nghoid. Nyang: shid: zigi yooboo khyoid byid: ziri bui" nhang: da" xoin" nghoid da:. Houg: lho: nyang: gi nya: amyed ashen yiri shau" myang loo wa. Nyang: gi kang: sheing: sho' dei nyid wa. Nyang: khyo" wigi nga" myid soin' khyoo: oung: doid loo wa.

MATHE 12:18

«Ngoo khyen: yu da" nga" dei zooshang:- Ngoo vho: ngei da" jheddab su: nghoid. Nga" Venyi: nya: da" tho' moo ngoo kaid byid: to" wigi Tungbau byumyu" ri nya: da" deung main" da" mungdang: ri kho" kyoo" wa zi nghoid.

MATHE 17:3

Hau: lho: cangzoo: soem" youg bang: gi Moshe yo" Elia thu' lo lho: Yesu yo" doem, go" nyid zi zheung: myang boem.

MATHE 17:5

Petru houg: su" ga: dang: da tid nyid shi" uri gye bang da" jhoem: phyu: thei" daloem: gi nyangnu" da" tho' moo ju" gyoo" lho: hau: jhoem: phyu: thei" khoug: mo da" thui: gi «He: yug gi ngoo jheddab da" nga" zoo: nghoid. Nyang: ri ngoo gye vho: ngei su: nghoid. Nya: da" dang: ri tam" gyoo: ge"» ga: da" thui: myeing thu' lo.

MATHE 28:19

Houg: su" nghoid yoomo Nanu" thu' lo" wigi khyi khang" moo" mo byumyu" bain sho' mo ri nga" cangzoo: bue" loo nhang: ge'. Nyangnu" ri nya: phoo nya: zoo: gyeungshang: Venyi: da" myeing khyang" mo baptisma ri kham: byid: lho:

MATHE 3:17

Hau: tho' moo gootu: «he: yug gi ngoo vho: ngei da" nga" jheddab zooshang: nyang: nghoid bye:» ga: mougkhoung: mo thui: myeing thu' lo.

MARKU 1:11

Houg: lang: moug khung: mo thui: tid thu' re" zigi nang gi ngoo jheddab da" nga" zoo: nghoid- nang ri; ngoo gye" vho: ngei nyid ga: tid.

MARKU 9:7

Hau thang; ri Jhoem: moug" dathei" thu' lo wigi nyangnu" ri lo shoem" nghoeb pyam da:- jhoem: thei" khyoug: mo He: yug gi ngoo jhedab da" nga" zoo: nghoid- nya: dang: ri tam" gyoo: ge' ga: thui: meung thu' lo.

LUKA 10:22

Nga" phoo gi ziyoo bain sho' ngoori ab byid: too" bye. Zooshang: kha: yug nghoid zigi Nya: phoo mo led: lho: gootu: hang" we' asi. Nya: phoo gi kha: yug nghoid zi we' nya: zoo: yo' nya: zoo:- khyen: yu lho: toin" shid noug su: mo lid: wigi hang" we' asi ga: tid.

LUKA 3:22

Gyeungshang: da" Venyi: gi pheing" kyoug" khyo" Aseing: tho' moo gyoo" re". Mougkhung: mo wigi pheing" kyoug" khyo" Aseing: tho' moo gyoo" re. Mougkhung: mo wigi nang gi nga" zooti" zoo: nghoid. Nang ri ngoo jheddab ga: thui: ri shau" gyo: thu' lo.

YOHAN 10:36

Phoo gi ngoori khyen: yu lho: he: mougmyid khyoo: nhang: kaid. Houg: su" nghoid yoomo Ngoo gi Mangso da" nya: zoo: nghoid ein: tid da" uri Ngoo gi Mangsoo ri shoid da" dang: tid ein:- nanu" khasu" koid; yo" tid go" lha".

YOHAN 14:11

Ngoo gi phoo yo" dadeing: daloem za: nghoid wigi Phoo we' ngoo yo" dadeing: daloem: za: nghoid yoomo ngoo tid ziri loem" jeing" ge'. Houg: su" anghoid lang" gi ngoo koid; da" moozoo" ri yu" lho: loem" jeing" ge' ga: tid.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 17:21

Moug: myid byu yi gi nang ngoori nhang kaid bye khyoo: ri loem" wa shid re nang gi ngoo moo nyid nyid lho: ngoo we' nang moo nyid nyid yhang: ti" hid: bang: we' yha" eig yug moo nyid baja".

YOHAN 20:17

Yesu gi ngoori azei: ci:- ngoo gi nga" pho jhang khyoo: ashau" do, loo" shi"- nghoid loug we' nga" mang nhung" be jhang khyoo: yhe: lho: nga" phoo ga: da" Nanu" da" nya: phoo- Nga" Mangsoo ga: da" nanu" da" Mangso jhang khyoo:- ngoo doem tau" loo" loo: wa da" khyoo: ri tid kyoo" ge' ga: tid.

YOHAN 3:35

Nya phoo gi nya: zoo: ri jheddab yoomo nya: yoem: vhoo" bain sho' nya: zoo: ri ab byid: to.

YOHAN 5:20

Nya: phoo gi nya: zoo: ri jheddab yoomo nyang: zei: moozoo" dangain" nya: zoo: ri toin" shid. He: da" moozoo" tho' re" je gyi: da" moozoo" ri lang" zei: wa shid' re" nya: phoo gi nya: zoo: ri toin" shid' wa zi nghoid. Hau: ziri nanu" gi yu" mau" boem wa nghoid.

YOHAN 5:26

Nga" phoo gi kangso' ajhung: nghoid ziyo' dakhyoo" ti"-- Nya: zoo: ri we' kangso' ajhung: bue" loo wa shid' re" koid; too" bye.

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

YOHAN 6:37

Phoo Mangsoo ngoori ab byid: to" da" byu dangain" gi Nga" jang" moo ju" loo wa. Nga" jang" moo ju" loo mo, ri ngoo she: lhei" pyam wa zi anghoid.

YOHAN 6:39

Ngoori nhang: kaid da" Aseing: vho: da" khyoo: gi nyang: ab byid: to" da" xangsu: byu yi bain sho' gi dayug we' asoem" joem: loo" sho' lo" thang da" bidnyid rishid: jang" mo- Ngoo doem dei to'' loo nhang: wa khyoo: nghoid.

Roma 15:6

Houg: lang" she' nanu" gi dadeing: daveing" za zi yo" ngoonu" da" Aseing Yesu Khristu da" nya: phoo Mangsoo: ri damyeing" dathui: yo' za: yo" coung" nghei" nyid boem wa.

2~KORINTHU 1:3

Nheig khyeug nheigloem: yo' byeung" wigi pang" thoug khyoo: aja: ja: byid: nyid da" Aseing: Yesu Khristu da" nya: phoo mangsoo ri nyhang: nu" jeju" boin: coung" nghei nyid boem shang.

2~KORINTHU 11:31

Ngoo mhau' fain" da" dang: atid nyid ziri Aseing Yesu da" nya: phoo Mangsoo gi se' nyid. Hau: Aseing: Mangso da" myeingkhyang" gi khanham we' ngi lho, nyid baja" o".

HEBRE 1:3

Nyang: gi Mangso myo, nhoo: phung" yoeb, ri thoin" pang shug wigi Mangsoo nya: da' gung du: azuang ri void ci: lho: wigi moug: myid yoosoo" yo' moug: khung moug: di bid kyi: lham" moo" dangain" ri nya: da" phung" yoeb, yoem: moo" bo da" mungdang: yo' zung" lhug goem coung: too" bye. Nyang: gi xang: su: byu yi da" youg: noo yooboo ri bain khyoid khyu: ced" yung" ced" lho, yu thang: ri moug: khung: moug: di tho' moo phung" yoeb, yoem: moo" bo Mangsoo da" lo, yo shoid moo zhoung: jo, bye.

2 Yohan 1:3

Phoo, Mangsoo jang" mo we' hau' nya: pho, da" nya: zoo:- Yesu Khristu jang" mo we' jeju" yo' nheig khyeig shoo" myen: khyoo:- ngei pyoo: myen, jham" khyoo: gi-deing main" ziyo' jheddab khyo" wigi nanu" moo bue" loo baja" o".

YUDA 1:1

Phoo, Mangsoo jheddab da" ziyo' Mangsoo khe: yu to" lho: Aseing Yesu lhoug zung" nyid mo, Mangsoo khe: yu shau" mo, dangain" bang: jhang khyoo:- Aseing Yesu da" dei zoo: yo' Yaku da" nya: no, Ngoo Yuda mo wigi-moug soug" lhid" foin: kaid'.