2PETRU 1:16 - Lacid Common Language Bible

¹⁶ Ngoonu" da" Aseing Yesu Khristu da" yoem: moo" phung" yoeb yo' ju" re" da" khyoo: nanu" ri si' nhang: wa da" shid re" ngoonu" gi byu yi koid: zheung" koid to" da" moomyed: ri ayang: koid khyoo: akoid boem loo. Ngoonu" nya: myu, jid" yo' nyang:- nya: da" gyi: sheung reung: da" khyoo: ri nyang:- shau" myang boem bye.

2PETRU 1:16 교차 참조

MALAKHI 3:2

Nghoid loug we' nyang: ju" lo da" hau" bidnyid moo gi kha: yug yo" theung yab jo, wa lha". Nyang: thu myang lo ri hang" yo" se' dei nyid loo: wa lha". Nyang: gi thain: da" sapya: yhang: ti"- to' ri: kyeing sain da" myi: yhang: ti" nghoid nyid da:.

MALAKHI 4:5

Nghoid loug we' gyi: myhang: lho: gyoug pho" da" ngoo Aseing ju" ri" wa da" bidnyid aju" loo shi" uri lapi: phoo Elia ri nanu" jhang khyoo: ngoo nhang: kaid wa zi nghoid.

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

MATHE 16:28

Ngoo nanu" ri deung" deung" tid ba,- he: joyoo moo nyid mo, dayham" gi Byu nya: zoo: ri khokham" khyo" nyang gyoo" lo zi amyang shi" rigi ashid: goo" wa» ga: tid.

MATHE 17:1

Khyug nyid" koo: myang" thang: ri Yesu gi Petru Yaku yo' nya: nhung" Yohan ri khe: shu" lho"- myhang: da" boem tho' khyoo: nyangnu" kyeing" do, lo" boem.

MATHE 24:27

Bid thu' shoid mo bidvang shoid ju" sho'- mougkhung: ri we dangain" bang yi loo" nhang: da:- lhab' myeig lo" yhangti"- byu da" nya: zoo: doem gyoo" lo ri we' houg: su" wim loo" wa zi nghoid.

MATHE 24:3

Yesu gi zhainlun boem tho' moo zhoung: jo, da" uri cangzoo: yi gi nya: jang" moo nyangnu" kyeing" re" lho: nyangnu" myid: da" zigi «Hau: khyoo: gi kha: yo, kha u" moo bue" loo wa lha". Aseing doem gyoo" loo wa da" bidnyid yo' he: da" thang lo" da" jang" moo ce: ja: alhoo: again myang thu' loo wa lha". ngoonu" ri tid kyoo" we'» ga: zheung: myid: boem.

MATHE 28:18

Aseing Yesu gi cangzoo: yi jang" moo tain re" lho: mougkhung: tho' yo' myidjang: dang moo jo, da" amyeing" a: na: dangain" gi ngoori byid: too" bye.

MARKU 13:26

Houg: lang" byu nya: zoo: gi yoem: so' phung" yoeb yo' dage" jhoem: moug khyoug: moo re" ziri nyangnu" myang boem wa.

MARKU 14:62

Yesu gi ngoo nghoid-byu nya: zoo gi myhang: thang su; da" lo, yo shoid moo zhoung: jo, ziyo'-moug: khung: mo, jhoem: thei" khyoug: moo ju" re" ziri-nanu" dangain" lhoem: myang goo" wa nghoid-ga: tid.

LUKA 1:2

Houg: yoomo hau: da" khyoo: joem ri myojid" myang da" sagsi: yi nghoid wigi Aseing: Yesu da" khyoo: lu dang: gi, ri kho" kyo" da" byu yi kho" to" ziyo' dakhyoo" ti" Jhoem: mougsoug" sara: yi gi koid: lhid" xoem" to" da" khyoo: nghoid.

LUKA 9:43

Meing: byu phung: yi dangain" mo, gi Mangsoo da" phung" Yoeb, ri mau" hang" to" boem ago".

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 17:2

Re" zoo: ngoo gi ngoo nya: lo, moo pho wigi ab byid: to" da" moo" ri apyaid' ato: kangso' yo" byid: wa da" shid' re" nang nyang: ri Byu xangsu: bain sho' mo ri yo" vhoeb khang" da" zoug: myeing" ri byid: too" bye.

Roma 1:4

Mangsoo: gung khyoo" gi - Mangso: da" nya: zoo nghoid da" khyoo: ri thu bang shug wa shid' re" Mangsoo: gi agoin athang da" yoem: moo" khyo" - hau: Aseing ri shid: jang" mo doem dei to' loo nhang: bye.

1Korinthians 1:17

Khasu" wim gari- Khristu ngoori nhang: kaid da" khyoo: gi Babtisma cang kham byid: yen" wa shid mo anghoid. Hau: da" ludang: gi ri- cang kho" kyo" yen" wa shid re" Khristu gi ngoori nhang: kaid. Nghoid loug we'- Khristu gi pyeing:" zeing tho' moo: shid: kham: jang" mo yoem: vhoo" gi akoem: za: abue" lo" byug wa shid re"- byu da" nhoid, khoin" thu: yoem: vhoo" ri aci: loo: za: ngoo kho" kyo" yen.

1Korinthians 1:23

Ngoonu" koem gi pyeing: zeing tho' moo: shid: kham bye: Khristu da" khyoo: ri kho" kyo" nyid boem. Hidsu" kho" kyo" da" mungdang: gi Yuda yi shid re" nheigloem: thei, leung joyoo nghoid wigi- tungbau byumyu" yi shid re" ce" akhyoo" abo da" dang: za: nghoid nyid.

1Korinthians 1:7

Houg: yoomo ngoonu" da" Aseing Yesu Khristu thu' myang loo wa ziri: dalang" nyid da" ayo, moo- nanu" moo: ashau" kham: yu da" main, kaid jeju" gi ci" we' aboo loo.

1Korinthians 2:1

Hougsu" nghoid yoomo mang: nhung" yi we"- Mangsoo yhoem" to" da" mungdang: tid kyoo" wa shid re" ngoo nanu" jang" moo: ju" re" uri- gye" no, da" dang: khoin" joem, yo' phajhi" yo' sen: da" dang: zeing khoin" joem ri ngoo aci.

1Korinthians 2:4

Ngoo tid kyo" ziyo' kho" kyo" da" mungdang: joem ri- byu yi da" phajhi" akhyoo" again ri aci: loo: za: Mangso Venyi da" yoem: vhoo" ri- bang da" sagsi: joem yo' ngoo kho" kyoo" bye.

1Korinthians 5:4

Nga" da" Venyi moo: ngoo nanu" yo' shoug" go" wigi nanu" zeung: foem: nyid jang" moo- nyhang" yo' dage" nghoid nyid da" Aseing Yesu Khristu da" amyeing" akhang" yo' hau: yug ri nya: gung du: shoin, mhoin' pyam wa shid re" satan da" loo, moo: ap byid: pyam ca". Hougsu" nghoid lang"- Aseing da" bidnyid moo: nya: da" kangso Venyi: ri yo" khyoid yu wa zi nghoid nyid.

2~KORINTHU 2:17

Nyhang" gi byu gootu: myoo" sho' bang: yhang: ti"- Mangso da" mungdang: ri ce: phoug" adab da" phaga" zi yhang: ti"- oung" khyoo: qei khyoo: ngoonu" akoid boem. Nghoid loug we' ngoonu" gi Mangsoo nhang: kaid mo, nghoid wigi Khristu da" deizoo: yi khyo" wigi Mangso da" shidkhoin" moo hau: mungdang: ri deungmain" gyeung: shang: da" nheigloem: yo' kho" kyo" boem zi nghoid.

2~KORINTHU 4:2

Nyhang" gi yhoem" too" zau" to"- nghoeb to" da" moozoo" asho, ashed" moo" dangain" ri ngoonu" jhoid she: pyam boem bye. Ngoonu: gi mhau' fain" khyo" akoid loo: za: Mangso da" mungdang: ri we' mhau' fain" vo- aphug alhoin" atid boem ngoonu" gi Mangso da" shid khoin" moo hau: deung main" da" khyo" bidbang moo kangso' yeug co: phyu: da" nheugloem: bo loo sho' zei: so' so" yen" boem.

Ephesu 4:14

Hougsu" nghoid lang" ngoonu" gi subi" ri nyangnu" da" phajhi" khyau" ziyo' khyoo: shu" vhang: mo, da" jhau" mhau' khyoo: ein: da" being: mhoid' ug lig zo" wigi moid' tang" loo" shau nyid da" zoonu" yi yhang: ti" abue" nyid boem loo: wa.

PHILIPI 3:21

Nyang: gi jo, moo jo, ri nya: vhoo: moo yo" kaid' pyam da" phung" yoeb, yoem: moo" bo nyid ziyo' dakhyoo" ti"- ngoonu" da" shid: loo" se' gung du: joem ri thed' pyam' lho: nya: da" myonhoo: phung" yoeb bo gung du: yo' du goo" sho' aseig thid' byid: loo wa zi nghoid.

1THESALONI 2:19

Ngoonu" da" Aseing Yesu doem ju" re" uri nya: shid' khoin" moo gooji hang" we' anghoid- nanu" kyeing" za: ngoonu" da" nheig byu gau yi joyoo yo' oung: doid lo" da" phau: khuang bidmug nghoid nyid.

2 THESALONI 2:9

Hau: akhyeung" su: gi zhadain da" yoem: so' khyo" ju" ri wa zi nghoid. yoomo mhau' da" alhoo: again aja: ja: yo' mau" pho" moozoo" ri koid shug loo wa zi nghoid.

1 TIMOTHI 1:4

Gyeing" nyang: bue" yu" bye: da" mhoo: myid: shendam joem- phoug" phyid" yi da" byuxeig shab, da" khyoo: ri to" no: pyam boem wa shid re" nyangnu" ri tid poin" we'. Hau: khyoo: joem gi myeing" myoo: yhoo: she:- byo, goo" ngeig go" da" khyoo" riza: dabue" thu' loo nhang: nyid wigi loem" jeung" khyoo: khyo" za: dayo" se' da" Mangsoo nyheung soin' da" khyoo: ri ayo" bui" nhang: nghoid nyid da.

1 TIMOTHI 4:7

Nghoid loug we' Mangsoo yo' asen: khyo" tid wa zigi ce" akyu" we' aboo. mhoo: myid: byuxeig shab, khyoo: ri jang" pyam lho: nyhang" nya: da" kangso' dei yhe: lo" khyoo: moo tarha" phau" cang da" khyoo: ri gyi: sheung: yang" deung loo" nhang: we'.

TITU 1:14

Yuda yi da" pyeing: dang: mhoo: myid: joem ri we' zei: zeung nghe: khau: khyoo: akoid' loo: wa ziyo' deingmain" khyoo: ri aloem: da" byu yi jang" mo thu' lo da" pyeung: to" dang: soo" khoin" joem ri loem" jeung" nghe: khoug: mo, jhoug" byid: ca" bye.

2PETRU 2:3

He: da" mhau' sara yi gi-nyangnu" da" vhooo: boo myo, no' da" nheugloem: yo' nyheung phain" yu da" mhoo: myed: joem ri tid kyo" zoore"-amyaid sho: lo boem wa nghoid. Goonham, mo wigi nyangnu" ri dang: phyed' said pyam wa da" tarha" agyi phoo gi jen" nyid gu: nghoid ziyo' nyangnu" ri lhu: phyo' lhu: shoin' pyam wa sugi- yhoeb' nau lho: yhoeb, nghui" nghue" nyid zi anghoid.

YUDA 1:14

Adam: mo xo' gyo" lo da" nyid' xeig ein: jang" mo E-nug gi hid: bang: khyoo: yo' sen: lho: goo" nham, mo lapi: pe: too" bye- hau: zigi Aseing: ginghab, loo atho' da" gyeungshang: mau: lagyo; yi yo' doem gyoo" loo wa nghoid.

Pang Shug 1:7

Yu" ge'. nyang: gi jhoem: moug" zhoung: lho: doem gyoo" loo wa nghoid. Aseing: ri lham: toin wigi thoug" bang: yo' dage" Byu yi dangain" mo, gi shau" myang boem wa zi nghoid. Moug: myid tho' mo byumyu" bain sho' mo, gi nyang: yoomo ngau yed, leung lo" boem wa zi nghoid. Houg: su" bue" loo baja" o".