2PETRU 1:12 - Lacid Common Language Bible

¹² Hougsu" nghoid yoomo nanu" gi-he: da" khyoo: joem ri se' gyo: ci: lho" wigi nanu" kham: yu ci: da" hau: deungmain" da" khyoo: moo geung: geung: teung teung ayang: qei" to" abye: go. Nghoid sho' loug we' ngoo gi nanu" ri khanham we da tid poin" nyid noug shi.

2PETRU 1:12 교차 참조

ACTS 16:5

Houg: yoomo phung byu yi gi-hau: loem" jeung" khyoo: moo je" geung: teung lo wigi nyid" khang" moo" phung byu je" myo: loung: lo nyid ago".

PHILIPI 3:1

Mang nhung" yi we" lo" thang khyo" tid shang ein: rigi hau: Aseing: moo dayug za: yo" bue" yoomo gau yi nyid ge'- shid phyang" nanu" jhang khyoo: ngoo lhid" kaid' yu" bye: da" khyoo: ri doem poug lhid" wa shid mo ngoo moo yoovoin alid" nyid loo: za: nanu" shid re" je wigi gau: nyu: khyoo: ri yo" yu nyid.

KOLOSE 1:5

Hau: deingmain" mungdang: ein: da" ngei bu: lu dang: nanu" jang" moo xang: shed" ju" lo da" uri hau: ngei bu: lu dang: wigi byid: lo da" nheig byu joyoo ri shau" gyo: yu" boem bye- (Hougsu" nghoid yoo mo nanu" da" loem" jeung" khyoo: yo' jheddab da" nheigloem: gi moug: khung: moo nanu" shid re" shoung: too" byid: ziri shau" kham: yu wa da" khyoo: nanu" nheig byu joyoo ayang: zug jo.

KOLOSE 2:7

Jhau" mho' ziri kham: yu bye: ziyo' dakhyoo" ti"- nyang: moo agyi: no" no, cen, lho: nyang: moo yha" da" kangso' dei khyoo: qei" to" wigi nanu" da" loem" jeung" khyoo: ri je" geung: teung jo, nhang: ge'. jeju" ri coung" nghei myid' nanu" moo byeung" jo, baja".

1 TIMOTHI 4:6

He: jhau" mho' da" dang: khoin" joem yo' dakhyoo" ti"- Khristain mang: nhung" yi ri nang tid poin" tid kyeung" nyid nghoid rigi nang gi nanyang: lhoem: kham: yu to" da" loem" jeung" da" khyoo: ri we' deingmain" da" jhoug" myeing" jhoug" thui: ri we' nya: gung du: ri goin, coung: da" Khristu ge, da" dei zoo: bue" nyid wa zi nghoid.

2 TIMOTHI 1:6

Houg: yoomo ngoo nang ri lo, ki" byid: lho: aya: tang: byid: uri Mangso jang" mo nang yo" kham: yu bye: da" jeju" jhung: shug ri Mangso jang" mo nang yo" kham: yu bye: da" jeju" jhung: shug ri xo' lho: wigi dei nyid nhang: shi" wa shid re" nang ri ngoo doem, tid poin" kaid' zi nghoid.

HEBRE 10:32

Lai loo" bye: da" bidnyid joem moo nanu" gi khayhang: te" mo, nghoid nyid boem ziri doem boin: so" nyid ge'. Hau: bidnyid joem moo Mangso bidbang ri zheung: yo" kham: yu ci: boem lho: shid: gyoin, noogyoin, myoo" sho' ri shau" kham, zo: lid lo boem bye- nghoid loug we' nanu" yoem: kaid thoug shang" lo boem yoomo hau: shid: gyoin, noo gyoin gi nanu" riyo" oung: lo" khyoo: ajo.

HEBRE 13:9

Shid' phyang" alhoung myang yu"- alhoung gyo: yu" da" jhau" mhoo, byid: da" khyoo: joem ri tungbau byumyu" yi gi nanu" ri hau: deingmain" khyoo: mo ashu" hang: lam" loo" nhang: goo. Zoo: noem, yo' sen: da" cang yhe: tarha" ri tam" gyo: cang pyeung khyoo: anghoid loo: za: Mangso jeju" mo yoem: so' ri yo" kham: yu zigi je ge zi nghoid.

1PETERU 5:10

Nghoid loug we' nanu" gi daso' za: shen" yhen ziri thoung" shau" thang: ri Khristu yo' dage" apyaid' ato: myonhoo: phung" yoeb, ri shau" kham: yu wa shid re" nanu" ri khe: yu da" jeju" dangain" Aseing: Mangsoo nyang: nanu" ri joeb, byeung" mo, bui" nhang: lho: wigi geung: teung khyoo: yoem: zeing so' moo" yo' loem, ge" da" apoem: ayang: qei" byid: wa nghoid.

1PETERU 5:12

Ngoo gi he: da" mougsoug" lhid" zoore"- Sila bo pang" byid: khyo" he: mougsoug" ri nanu" jhang khyoo: lhid" foin: kaid' sila gikyed da" Khristain mang nhung" dayug nghoid ein:- ngoo myid loem nyid. Nanu" ri yoem: byid: da" dang: tid wa ziyo' - nanu" shau" kham' zo: da" jeju" gi Mangsoo byid: da" jeju" gyeing" nyang: nghoid da" ziri sag si: kham' wa shid re" he: da" mougsoug" ri lhid" kaid. hau: jeju" moo geung: tung yab, jo, ge'.

2PETRU 1:13

He: da: kangso' dei nyid shi" ayo' bidnyid gu: moo hau: khyoo: yo' sen: lho: wigi nanu" ri lhid' zid" wa shid' mo tidpoin" wa khyoo: gi ngoo zei eung: da" moo" nghoid ein: ngoo myed yu" nyid.

2PETRU 1:15

Hougsu" nghoid yoomo ngoo shid: byug thang: ri he: da" khyoo: joem ri nanu" khanham we' daboin: so" nyid wa shid re" ngoo yoem: so' thang" sho' yoem: kaid wa zi nghoid.

2PETRU 3:1

Nga" da" jheddab byen cang" yi we"- he: zigi ngoo nanu" jhang khyoo: eig lheung: ein: lhid" kaid da" moug soug" nghoid. He: da" mougsoug" eig pug moo nanu" da" yung" lho' nheug loem: yo' se' gyoo: wa shid re" vhoo: moo lhid" to" da" khyoo: yi yo' tid poin" tid kyeung" kaid.

2PETRU 3:17

Nghoid loug we' byen cang" yi we"- nanu" gi he: da" khyoo: ri se' nyid gu nghoid abye: go". Hougsu" nghoid yoomo nanu" gi-ce: tarha" abo da" bang: shoid vhang: lo" da" khyoo: moo shu" vhang: lo" jang" moo abo loo" wa ziyo' gau: ngu: da" kang so' dei khyoo: mo abyid: gyoo" loo" wa shid re"-zed" nyid ge'.

1YOHAN 2:21

Nanu" jhang khyoo: ngoo mougsoug" lhid" kaid da" khyoo: gi hau: deingmain" da" dang: ri nanu" asi yoomo anghoid- hau: deingmain" da" dang: ri we' mhau' da" dang: gi deingmain" da" dang: yo' ci: asen: nyid ziri we' nanu" se' nyid bye: yoomo lhid" kaid zi nghoid.

2 Yohan 1:2

Khasu" wim ga: ri deing main" da" khyoo: gi ngoonu" yo' dage" nyid nyid lho: houg: gi ngoonu" yo' dajo, jo, wa zi nghoid.

YUDA 1:17

Nhgoid sho' loug we' jheddab da" bidnoem yi we"- ngoonu" da" Aseing Yesu Khristu lagyoo: yi - shid' phyang" khasu" ga: tid too" khare" khyoo: ri myid' boin: nyid ge'.

YUDA 1:3

Jheddab, da" bidnoem yi we"- nanu" dangain" mo, bain' loem" jeung" kham: yu ci: bye: da" khyoid yu khyoo: ri ngoo gi nanu" jhang khyoo: lhid" kaid' wa shid' re" yoem: kaid' nyid uri Mangsoo gi dalheing: dam nya: da" byumyu" yi ri bain' nyeing byid: too" bye: da" loem" jeung" khyoo: geung: teung jo, baja" ga- loem: zain: oung: myid boem wa shid re" nanu" jhang khyoo: mougsoug" myab, myab, lhid" lho: wigi yoem: byid: ca" khyoo: shau" nyid.

YUDA 1:5

Mangsoo gi Israela byumyu" yi ri khyoid yu lho: Egutu meing: mo wigi shu" thu' lo thang: ri nyang: ri aloem khoug: aloem" jeung" da" bang: ri byo, yoin" joem: thang loo" nhang: ziri nanu" nyang: se' deing gu nghoid loug we'-nanu" ri hau: khyoo: ngoo deom tid poin" nau.