1 TIMOTHI 6:9 - Lacid Common Language Bible

⁹ Nghoid loug we' yoo" noug di noug mo, gi mhoid" jhu, phyo' da" zi shau" boem ziyo' akoo" afang: koid boem ziyo' shid: gyoin, noogyoin, ze" bui" nhang: da" vhoo: boo myo, no, da" khyo: myoo" sho' ja: mo joem: duang: khuang" moo gyoo" loo" se' boem ago". Hau: zigi nyangnu" ri byo, yoin" soem" lo" joem: duang: khyoo: she: vang lo" boem abye: go.

1 TIMOTHI 6:9 교차 참조

1 KHOKHAM 21:6

Nyang: gi «Nabod ngoo ri tid da" dang: yoomo nghoid. Nya: zabyid khyam: ri ngoo qei yu wa anghoid lang" nyang: myid vho: nghoid rigi hau: khyam: shid re" gootu: dakhyam: byid: wa ein: tid nghoid loug we' nyang: gi ngoo ri hau zi ayo" byid: ga: tid» ga: tid.

COUNG" NGHEI 11:6

Nyang: gi akhyeing" ashoeb mo, da" atho' moo myiyham: dab, nyid da" myigyu: joem yo' dab nge" nyid da" fang myi: ri khyo' kaid. Nyang: gi nyangnu" ri gye" nge" loung da" lid yo" we she: nyid.

DANG: ZHOEM 15:27

Atu" amyaid ri adeing amain" khyo" sho: yoem: kaid nyid khyoo: gi re" yhoem: byu yi moo: yau: khe" kyi" khyeug shau" loo wa nghoid. Khougvhoid jhungshug ayu zo: rigi nang kang: sheing" wa zi nghoid.

DANG: ZHOEM 20:21

Gye" lei, khyo" yo" yu da" jonu" gi re" shid mo, akyu" yoem" gyo" loo" wa zi nghoid.

DANG: ZHOEM 21:6

Nang adeingmain" khyo" yo" yu to" da" jonu" joem gi amyang" ri byoug loo" khari" wa nghoid. Hau: jonu" abei: byug shi" ri shid: zoug: nhoid khyoo: nang ri shu" yhe: loo" wa zi nghoid.

DANG: ZHOEM 22:16

Nang yo" loo de, loo wa shid re" yoo" mo, ri jhungshug byid- myoug shoo" mo, ri doin: zeig zo: khyo" koid nghoid rigi nanyang: myoung shoo" su: bue" loo wa zi nghoid.

DANG: ZHOEM 23:4

Nang yo" loo de, loo wa shid re" re"' da" yoem: gyoug: sho' akoid nyid. Phajhi" juyhi: ri ci: yhoung: nyid we'.

ESAIA 5:8

Nanu" gi joem abye: go". Nanu" yo" too" gu moo lung: wa shid re" yhoem: joem yo' yoothung" joem ri nanu" qei ago". Amyang" ri houg moo gooji hang" we' nyid wa joyoo ajo, wa. Hau: mung" moo nanu" za: nyid lo boem goo" wa.

ZEKHARIA 11:5

Yang seing: yigi yang joem ri said loug we' ce: yooboo dam abyid:. Nyangnu" gi yang shoo" ri oung" lho Aseing ri coung" byid: we'. Ngoonu" gi yoo" zoo: yoo" shug bang: bui" bye: ga: tid boem. Yang ri zung" mo, lang" yang joem ri nheig akhyeug» ga: tid.

GYUNG: SOO" 31:8

Houg bang: moo: Midian khokham wim: yug nghoid da" Evi- Rekem- Zura- Hura yo' Reba bang: bo da:. Nyangnu" gi Beora da" nya: yuggi zoo: Balam ri we' bo said pyam boem ago".

MATHE 13:22

Ju: byab moo gyoo" lo" da" myoug: shi" gi Tarha" mungdang: ri shau" gyo: lho: Mougmyid tho' mo myid myoo: ung: loug khyoo: yo' ziyoo jonu" ri myo, no, vhoo: bo khyoo: yoomo mungdang: tarha" myoug: shi" ri nghoeb zeig pyam lho: wigi ashi" ayo" zei: dakhyoo: ri tid nau zi nghoid.

MATHE 19:22

Nghoidloug we' hau: zoolu: phoo gi zi gye" yo" sathi" nghoid yoomo Yesu da" dang: ri shau" gyoo: lang" nheigloem: apyo: zoore" thu' loo" khare".

MATHE 26:15

«Yesu ri nanu" da" lo, moo ab byid: ri ngoori ci: byid: wa go"» ga: yhe: myid. Houg: bang: gi ngei soem" xi: kyab byid: boem.

MATHE 6:19

«Nhau: yo" zo: wi zo: shoin, lho: khoug" mo, yo" khau" baid' thoid yu lo" se' da:- myidjang: tho' moo nanu" da" ziyoo jonu" ri ayoung: too" goo.

MARKU 4:19

He: moug myid byu nyid yo, boin: shid re" myid myoo: ung: loug zi ngei sheing: jo, nu" amyung ashoo" yoo" jo, nau: ziyo' gootu: aja: ja: ri myo, no, vhoo" byed da" ze wigi hau: mungdang: ri foeb pyam lho: ashi" ayo" zei: loo nghoid ago".

LUKA 12:21

Nyang: nya: shid' re" ziyoo jonu" khamyhoo young: too" nghoid loug we' Mangso da" shid' khoin" moo ayoo" ajo, su: gi hau: da" sathe" phoo yo" dadu nyid ga: tid.

LUKA 21:35

Houg: su" alhid zid" nyid nghoid rigi Tarha" dang: kho" da" bidnyid gi mang: khung" beig gyoo" lo yhangti"- nanu" da" atho' moo dalheing: dam beig gyoo" loo wa. Hau: bidnyid gi byu xangsu: bain sho' mo, da" tho' moo gyoo" loo wa nghoid.

ACTS 8:20

Nghoid loug we' Petru gi nyang: ri nang gi Mangso da" jeju" ri ngei yo' yo" qei yu wa ga: jho: nyid yoomo nang yo' re" da" ngei gi myithoem" khyoo: vang loo" goo" baja" - ga: phoug tu.

Ephesu 4:22

Hougsu" nghoid nyid yoomo nanu" gi shid phyang" nanu" nyang: cang lo yu" bye: da" kangso' dei khyoo: mo byu xoug" ri we' mougmyid pyo: khyoo: ri vhoo: boo myo, no, yoomo mhoug zoo: fain" zoo: nau da" nheugloem: yoomo byo, yoin" loo" bye: da" byuxoug" ri she: pyam loo ge'.

TARHA" TID POIN" 7:25

Nyangnu" yu phara" soolhoo: ri nghe' pyam ge'. Hau: joem adang moo dab da" ngei anghoid lang" sheing: ri vho: da" myid aboo goo". Nanu" shid re" hau: zi joem ri ayu goo". Nanu" yu nghoid rigi shid: shoug" wa zi nghoid. Ciwim gari Aseing gi yu phara" soolhoo: no' ziri ngheing" nyid da:.

1 TIMOTHI 1:9

Gyeing" nyang: ein: rigi ngoonu" se' gyo: too" ca" da" khyoo: gi hau: toung: to" da" tarha" gi byugi yi shid re" anghoid. Tarha" ri shoid nyid mo, yo' yooboo yoo" bang:- Mangsoo ayoo" mo, yo' yooboo dab, bang:- loem, khau: da" noku thung ri acang bang:- loem" jeung" khyoo:- hougsu" anghoid lang" gi Venyi khyoo: moo nheigloem: aboo mo, nyang: nya: myhi' phoo yi ri said' pyam' bang: yo' byu ri said' mo,

1 TIMOTHI 3:7

Nyang: gi juang" yi kheing" yoem: zi ashug" wa ziyo' yu satan da" loem, khau: khyoo: moo abyid gyo" vang loo wa shid re" aloem" jeing" shi" bang: da" phau" myang: khyoo: ri yo" kham: yu da" byu dayug nghoid ca.

1 TIMOTHI 6:10

Khasu" wim ga: ri ngei myo, no, da" khyoo: gi akhyeing" ashoeb, khyoo: aja: ja: ri bue" thu' loo nhang: da" nei yang: nyang: nghoid bye. Byu dayham" bang: gi hau" ngei ri yoo" wa shid re" nheigloem: gye" zhu: vho: ngei nyid boem yoomo loem" jeung" khyoo: mo vhang: lo" boem ziyo' koug shu: khyoo: aja: ja: yo' nyangnu" da" nheigloem: ri gyau: moin" loo" nhang: nyid boem ago".

1 TIMOTHI 6:17

He: mougmyid' moo kangso' dei nyid shi" baja"- ageing: ateung da" sudgain' yo' nyid gi nyid de da" khyoo: moo nanu" da" nheig nhei: joyoo akoid loo: za: ngoonu" goug goug yi yi yo" kham: yu wa shid re" ziyoo soidgain' dangain" ri yo" byid: da" Mangsoo moo nheig nhei: jang: geung: teung jo, wa shid re" amyeing" byid: nyid we'.

2 TIMOTHI 2:26

Houg: lang" nyangnu" gi jo, da" khyoo: ri doem myang lo wigi boin: gyeung: lo lho: satan da" lhid' mo yo" loid lo boem wa zi nghoid. hau: gyeung: lo lho: satan da" hid' mo yo" loid lo boem wa zi nghoid hau; satan gi nyangnu" ri myeug yu wigi nyang: myid vho: da" khyoo: moo cang loo" nhang yu" bye: su: nghoid.

TITU 2:12

Ngoonu" gi ngoonu" nya: da- gyi: myhang: da" Mangsoo ein: da" khyoid yu Aseing Yesu Khristu da" myonhoo: phung yoeb, doug bang thu loo wa ngi lho, da" bidnyid ri dalang" nyid Tarha" ri aphau" cang nau da" nheigloem: yo" mougmyid ri vhoo: boo: myo, no, da" nheugloem: ri she: pyam' wa shid re" we' sam" dab, ri young" ziyo' phyoo: phyoo: nghoid nyid wa khyoo:- deingmain" wigi tarha" phau" cang da" kangso' dei khyoo: yo' he: da" mougmyid tho' moo shau" nyid wa shid re" we: hau: jeju" tarha" gi ngoonu" ri jhoug" byid: nyid.

YOSHU 7:11

Israela byumyu" yi yooboo shoid abye:. Ngoo nyangnu" ri tam" gyo: cang yhi: wa shid re" amyeing" byid: to" da" myid veing" khyoo: ri phyo' pyam abye: go". Nyangnu" gi phyo' shoin pyam wa dang: phyed to" da" zi joem mo dayham" ri yu pyam abye: go". Nyangnu" gi hau: joem ri khau" yu wigi hau: khyoo: ri mhau' tid ago". Houg: lho: hau: joem ri nyangnu" da" zi joem yo' dage" to" to" ago".

2PETRU 2:3

He: da" mhau' sara yi gi-nyangnu" da" vhooo: boo myo, no' da" nheugloem: yo' nyheung phain" yu da" mhoo: myed: joem ri tid kyo" zoore"-amyaid sho: lo boem wa nghoid. Goonham, mo wigi nyangnu" ri dang: phyed' said pyam wa da" tarha" agyi phoo gi jen" nyid gu: nghoid ziyo' nyangnu" ri lhu: phyo' lhu: shoin' pyam wa sugi- yhoeb' nau lho: yhoeb, nghui" nghue" nyid zi anghoid.

YUDA 1:11

Nyang: nu" shid' re" khayhi' gyoug pho" zi nghoid lha". nyangnu" gi Ka-in so" da: khyoo: moo cang lo" boem bye. ngei yoomo Balam shoid vhang: da" yooboo ri bo bain' shoid pyam abye: go- Ko" ra, yhang: ti" thoung" shau" yoomo byo, yoin" loo" nhang: bye.