1 TIMOTHI 6:6 - Lacid Common Language Bible

⁶ Gyeing" nyang: ga: rigi nyang: nyang: yo" gu: ri nheig se' deug nghoid rigi leom khau: noku thung" gi byu dayug ri yo" loo de loo nhang: wa zi nghoid nyid.

1 TIMOTHI 6:6 교차 참조

2 KHOKHAM 6:2

Ngoonu" nyid wa da" joyoo koid wa shid re" Yodan gyid lang khyoo: seig yhe: thug yu wa ngoonu" ri akhang" byid: la,» ga: myeing" myo: da:. Elisha gi «Ge» ga: tid da:.

COUNG" NGHEI 37:16

Byugi dayoug da" jonu" dajhi' kyeung" da” zigi akhyeing" ashoeb su: myoo" sho' yo" da" jonu" dangain" tho' moo phoug" je dab, nyid.

COUNG" NGHEI 84:11

Aseing gi ngoonu" ri goem loem byid: su: yo'- myonhoo: phung" yoeb yo' byeung" da" khokham nghoid wigi nheug khyeug shoo" myen: ziyo' phoug" tab ngi: byid: khyo" wigi ngoonu" ri mainkaid byid: nyid. Nyang: gi deungmain" da" moo" zei: bang: ri ge da" khyoo: ci: we' byid: wa shid re" he: ngeug nyid su: anghoid.

THU' LO" MOUGSOUG" 2:21

Houg: yoomo Moshe gi houg moo nyid wa myid veing" da:. Yethru gi nya: myiyi: zoo: Ziphora ri lo, xo' byid: wigi

DANG: ZHOEM 15:16

Sho" jhen kham' lho: Aseing ri gyoug phau" nyid da" khyoo: gi yo" de, lho: kyi" khyeug shoug" nyid tho' re" je ge nyid.

DANG: ZHOEM 16:8

Ajoo aeung: khyo" vang da" ngei myoo" sho' yo" yu wa tho' re" deingmain" khyo" yo" yu da" zi dajhi' gi je" ge nyid.

DANG: ZHOEM 28:25

Nyang: nya: shid re" za: te: myid nyid zigi yau: khe" khyoo: za: dabui" nhang: nyid. Aseing ri loem khau: nyid su: koem gi nya: shid re" je" ge nyid khyoo: nghoid.

YEREMIA 35:9

Ngoonu" gi ikoin shid re" yhoem: joem akoid- ngoonu" gi zoem" joem khoug: moo nyid ngoonu" gi zabyid khyam:- yoothung"- shivoo we' aseing:. Ngoonu" da" phoug" phyid" Yonadab wigi ngoonu" ri amyeing" byid: kho' gu: ja: khang" moo" ri ngoonu" byeung" sho' tam" gyo: cang yhe loo bye:.

LUKA 12:15

Hau: thang: ri vhoo: bo myo, no, da" khyoo: aja: ja: ri zed" pyam ge'. Byu da" kangso' gi ziyoo jonu" moo geing: zug jo, zi anghoid ga: tid.

LUKA 3:14

Gyizoo: yi we' Ngoonu" gi khasu" koid: loo: wa lha"» ga: re" myed: boem. Yohan gi nanu" gi hang" ri nghoid loug we' atarha" khyo" ajoeb" goo. Dang: akho: goo"- hang" jang" mo we' atarha" da" ngei ri amho, zo: goo. Nanu" yo" da" la, ga, yo" nheig deig nyid ge" ga: doem tid.

Roma 8:28

Mangsoo: gi jheddab yoomo Aseing: myid vho: zi yo" dakhyoo" khe: khyen: yu shau" mo ri thoung" shau" zoo: wa da" moo" dangain" mo akyu" bo thu' loo wa shid' re" Aseing gi nyangnu" yo" dage" zei: so' khyoo: ri ngoonu" se'.

2~KORINTHU 4:17

Hau: lho: ngoonu" daso' dadam thoung" shau" nyid da gyoug dain phoo: dajhi' dathang: gi je" gyi: ziyo' apyaid atoo: mo myonhoo: phung" yoeb ri kham: yu nhang: wa zi nghoid nyid.

PHILIPI 1:21

Khasu" wim ga: ri ngoo kangso' dei nyid zigi Khristu nyang: nghoid- shid: lo" ri we' amyaid' nghoid bye.

1 TIMOTHI 4:8

Gung shoo" yo' sen: da" khyoo: moo zei: zhang: so' zhang: zigi akyu" dajhi' zoo: boo nghoid loug we' Venyi loem" jeung" khyoo: moo zei: zhang: so' zhang: da" khyoo: gi khyoo: khhaid' khang" moo" moo akyu" bo zi nghoid. Khasu" wim ga: ri hau: khyoo: gi he: da" pyaid yo' thang: phyang" pyaid shid re" dang: soo" bo nyid.

1 TIMOTHI 6:8

Houg: su" nghoid yoomo ngoonu" gi zoo: noem, yo' voidmi void, byi: yoo" lang" gi hau: gu: yo' nheig deug nyid ge, boem bye.

HEBRE 13:5

Nanu" da" kangso' gyung: khyoo: moo ngei ri myono, vhoo: bo jang" moo abo cang loo" loo: za: te: yo" gu: yo' nheig deug nyid gi bye- Khasu" wim gari Mangsoo gi " Ngoo nang ri khanham we' ato" pyam' ashe: pyam wa ga: tid nyid.