1 TIMOTHI 6:19 - Lacid Common Language Bible

¹⁹ Hid: khyo" wigi nyangnu" gi thang: phyang" pyaid shid' re" geung: teung da" apoem: ayan: bue" nyid goo" baja"- phoug" dab, da" soidgain' ri nyangnu" shau" young: to" lho: Kangso' dei khyoo: gyeing" nyang: shau" yu to" boem wa zi nghoid.

1 TIMOTHI 6:19 교차 참조

COUNG" NGHEI 17:14

He: da" pyaid moo nyangnu" civhoo: ci yoo" mo, da" lo, mo ngoo ri khyoid yu we'. Nyangnu" shid re" nang shoung: to" da- sho" jhen kyi" khyeug da" khyoo: yo' nyangnu" ri yooboo dam kaid byid: we'.

DANG: ZHOEM 10:25

Akhyeung" bang: rigi uglid moo" hau, lo ri bo moid tang" lo" byug nghoid loug we' deingmain" da" byu yi koem gi khanham we' gau: nyu: nyid boem.

DANG: ZHOEM 31:25

Nyang: gi yoem: bo wigi sube" ze phau" myang: zi shoug" lho: ju" loo wa da" ayo, shid re" ce" gung ayoug loo: nghoid da:.

PHAJHI" DANG: 11:2

Re" arang" ngei ri joyoo myoo: sho' khyi' khang" moo" moo kaid too" we'. Ciwim gari he: mougmyid dang moo nang joem: lo" khyoo: khasu" thung" shoug" phu" zoo: wa ga: ziri nang khanham ayo" se' too".

MATHE 19:21

Aseing Yesu gi «Nang joeb byeung" su: bui" nau nghoid rigi loo" we' re" da" zi dangain" oung" pyam lho: hau: ngei sho" jhen mo, ri gam byid: pyam we' houg: su" koid: lang" Mougkhung: tho' moo nang yoo" zoo: yoo" shoug wa. Houg: bain gam pyam byid: lho: nga" thang: moo cang we'» ga: tid.

LUKA 12:33

Nanu" gi nyang: nya: da" ziyoo jonu" oung" pyam lho: sho" jhen: mo, ri gam byid: ge' apyang: ayoin" se' da" ngei thung: ri daci: ge'. khoug" su: aju"- nhau: ayo" zo: da" mougkhung: tho' moo nanu" ziyoo jonu" ri dayoung: too" ge'.

LUKA 16:25

Nghoidsho' loug- Abraham gi nga" zoo: we"- nang dei nyid shi" uri nyid di nyid ge shau" void shau" zo: da" khyoo: ri we' Lazaru gi sho" jhen: jamjau kham: kho" da" khyoo: ri we' myid boin: re. Akhid" koem nyang: gi myenjham" ngei pyoo: khyoo: shau" kham: zo: wigi nang koem gi kyi" khyeug shau" nyid bye.

LUKA 16:9

Hau: tho' moo Yesu «gi Mougmyid jonu" yo' bidnoem koid: ge'. Hau: ziyoo jonu" yo" gu: thang loo" lang" Mangsoo: gi ngei pyoo: athang da" yhoem: moo lhoem kham: yu wa zi nghoid.

LUKA 18:2

Voo zeing davoo moo Mangsoo ri we' agyug- Byu ri we' cishu: anhang: da" tarha" agyi dayug nyid.

LUKA 18:22

Hau: da" dang: ri shaug" gyoo: lang" Yesu gi nang zei: ca" da" moo" daja: boo shi. Re" da" ziyoo jo, nu" bain sho' oung" pyam lho: sho" jhen: mo ri gam byid: pyam we'. Hau: thang: ri doem re" lho: nga" thang: moo cang we'. Houg: lang" nang mougkhung: moo soidgain yoo" wa ga: nyang: ri tid.

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

Ephesu 3:17

Hau: lho: loem" jeung" khyoo: khyo" Khristu gi nanu" da" nheigloem: ung: khoug: joem moo nyang: nyid nyid' wa ziyo' jheddab da" emyid moo agyi: zug lho: ayang: ri zhoug too" wa shid mo ngoo akyu" mho' nyid.

PHILIPI 3:12

Ngoo gi akhid" lang" he: da" khyoo: moo oung: doid' bye: ein: we' joeb, byeung" bye" ein: we' atid noug- Khristu nyang: ngoori nya: da" byu bue" loo nhang: bye: yoomo ngoo we' jhung: shug ri yo" yu sho' yoem" kaid' lho: gei loo" bye- ngoo gi hau: jhung: shug ri yo" yu sho' we' shid moo jo, da" zi joem ri myhi: sho' we' nga" thang: mo khyoo: dangain" ri to" myhed' pyam.

PHILIPI 3:14

Hougsu" nghoid yoomo ngoo gi hau" jhung: shug ri yo" yu wa shid re" bain: zeing ju" sho' dain" dain: yoem: kaid' gei yhe: lo- hau: jhung shug gi moug: khung: moo kangso' yo" dei nyid sho' Khristu Yesu khyo" wigi Mangsoo khe: yu da" khyoo: nghoid nyid.

1 TIMOTHI 6:12

Loem" jeung khyoo: yo" sen: da" tang" shi, go" pui" moo yoem: bain' sho' kaid' lho: gei lo" wigi apyaid' ato: da" kangso' ein: da" jhung: shug yo" yu sho' tang" we'. Khasu" wim ga: ri hau: kangso' dei nyid da" khyoo: moo nang ri mangsoo khe: yu da" uri nang gi sagsi: myo" sho' bang: da" shid' moo yhen: yu abye:.

2 TIMOTHI 1:1

Mangsoo nyang: myid' vho: ziyo' dakhyoo" ti"- Khristu Yesu da" lagyoo: bue" lho: Khristu Yesu yo' dadeing: daleom: za: bue" nyid yoomo ngoonu" yo" yu wa da" dang: soo" khoin" yo' sen: lho: kangso' khyoo: tid fu" kyoo" wa shid re" nhang: kaid' zi shau" su: ngoo Polu gi

2 TIMOTHI 2:19

Nghoid loug we' Mangsoo zhoug too" byid: bye: geung" teung da" apoem: ayang; koem' gi dei loeb, yu: yen" nhang: zi anghoid. Hau" apoem: ayang: da" atho' moo hau: Aseing: gi nya: da" byu yi nghoid bang: ri se' yu" nyid.ga: wigi we' Aseing: yo' sen: su: nghoid,, ga: wigi tid bang; dangain" mo, gi shoid vhang: da" moo" dangain" ri she: pyam' khook goo" baja"- ga: wigi laxoem" dazid' lhid" tab to.

1PETERU 1:4

Hougsu" nghoid yoomo ngoonu" gi Mangso byu phung: shid re" Mangsoo nyang: shoung: too" byid: bye: da" agyid asoo: ri yo" kham: zoo: wa ziri nheig byu lang" nyid boem. Mangsoo gi hau: da" agyid asoo: ri nanu" shid re" moug: khung: moug di moo young: too" byid: bye- houg: yoomo hau" agyid asoo: gi abyo, abei ashoem: apyang: lo: da" zi nghoid.