1 TIMOTHI 6:18 - Lacid Common Language Bible

¹⁸ Ge, lho, da" moo" ri zei: nyid wa shid re" ge, da' moozoo" mo, yo" de loo wa shid' re" we' byu gooji yi ri gam, byid: myhoo, byid: vho, lo" khyoo: moo we' amyug ashi loo: yo" gam, byid: wa shid re" jen" jen" koid nyid goo' baja"- nyangnu" ri jhoug" byid: nyid we'.

1 TIMOTHI 6:18 교차 참조

2 KHOKHAM MHOOMYID: 24:16

Nyangnu" gi Israela byumyu" yi shid re" we' Mangso shid re" we' Noku Yhoem: Moo" shid re" we' nyang: koid lid lo da" moo" zoo" ri laxoem" koid byid: da" khyo" David voomoo" mo khokham loeb moo nyang: ri myhoeb to" da:.

COUNG" NGHEI 112:9

Nyang: gi ca" nyid yo nyid su: ri agoin' ayu: byid: gam nyid wigi nya: da" nheug khyeug khyoo: gi khanham we' yoem: nu: lo" khyoo: ajo. Nyang: gi amyeing" yoem: so' yo' phau" myang: khyoo: ri shoug" yu loo wa zi nghoid.

COUNG" NGHEI 37:3

Hau: Aseing ri nghe: khau: lo- ge da" moo" ri zei: nyid we'. Mungdain: moo: nyid lho: gau: nyu: myenjham" nyid we'.

PHAJHI" DANG: 11:6

Nab soin: ri we' myen" thang: ri we' shivoo: shigam zhung" nyid ge'. Hau: joem gi dangain" yug gyi: loo wa lug- anghoid lang" dayham" gi gootu: tho' je yug gyi: loo wa lug ga: ziri nang khanham we asi.

PHAJHI" DANG: 3:12

Houg: yoomo ngoonu" khyo" yo" bue" thang koid wa khyoo: gi ngoonu" dei nyid shi" uri ngei pyoo: tung" nyid wigi ge bue" yhi' koid wa nghoid ziri ngoo myid boin: bye:.

ESAIA 32:8

Nghoid loug we' ngi: shab byid: shau" da" byu gi deing: deing: main: main: koid wigi jo khyoo: moo teing za: yab jo, da:.

ESAIA 58:7

Zoo yoid bang: yo' nanu" da" zoo: noem gam zo:- yhoem: ayoo" myung shoo" bang: ri nanu" yhoem: khoem" phang byid:- byimi ci: avoid bang: ri byimi gam byid:- nanu" nya: bidnoem seing" cang" yiri pang" thoug byid: da" khyoo: ri ahe: pyam' zi nghoid da:.

MATHE 5:42

Mho' su: ri byid: we' re" jang" mo daja: ja: jhid" nghoo" noug su: ri we' ahe: pyam.

LUKA 12:21

Nyang: nya: shid' re" ziyoo jonu" khamyhoo young: too" nghoid loug we' Mangso da" shid' khoin" moo ayoo" ajo, su: gi hau: da" sathe" phoo yo" dadu nyid ga: tid.

LUKA 3:11

Hau: uri Yohan gi byi: eig khyab yoo" su: gi byi: ayoo" su: ri dakhyab gam byid: ge'. Zoo: noem yoo" su: we' houg: yo" dakhyoo ti"- gam byid: ge' ga: doem tid.

ACTS 10:38

Houg: yoomo Nazred mo da" Yesu ri Mangsoo gi gyeungshang: da" Venyi yo' yoem: so' khasu" foid, shoin" kaid' byid: bye: da" khyoo: ri nanu" si' abye: go. Khasu" wim gari Mangsoo gi nyang: yo' dage" nghoid wigi ge, da" moozoo" ri zei: lho: yu, join: yoem: so' khoug: moo loung" jo, mo, dangain" ri cang ge, loo" nhang: yen" bye.

ACTS 11:29

Cangzoo: yi gi nyangnu" yo" ge, bue" yhi'- Yuda mung" moo nyid da- nyangnu" da" loem" jeung" mang: nhung" yi ri bo pang" thoug wa da" Alu: foin: kaid' byid: wa shid mo myed phyed' to" boem bye.

ACTS 9:36

Akhid" Yopa voogung moo Tabitha ga: loem" jeung" da" myiyi: dayug nyid - (Nya: myeing ri Grid" myeing" khyo" - Dorka ga: zi nghoid wigi nya: da" dangkang: gi " Soo" cid" , , ga: zi nghoid) Nyang: gi khanham we' ge da" moo" riza: zei: nyid wigi sho" jhen: bang: ri bo pang" thoug nyid da" myiyi: nghoid.

Roma 12:13

Phung: byu mang: nhung" yi sho" jhen: lo da" uri coem' pang" thoug go" nyid ge'. Gyung: so" yen" da" Khristan mang: nhung" yi ri pang" thoug being" de" nyid ge'.

Roma 12:8

Ngoonu" yo" yu da" jeju" gi - subi" ri yoem: foin: byid wa jeju" nghoid rigi - yoem: foin: byid: ca" nyang: nya: da" soid' gain jo nu" subi" ri gam byid: jeju" yoo" su: gi ngei" ngei pyoo: pyoo: gam, byid: ca". U" jhung: bui" wa jeju" yoo" su: gi yoem: kaid' lho: vho" jhung: koid' nyid ca. Jam joug shau" mo ri pang" thoug wa jeju" yoo" su: gi ngei pyo: gau yi ziyo' pang" thoug nyid baja".

1Korinthians 16:2

Ngoo ju" re" da" uri- alu ngei gootu: akhyu: ca" loo: wa khyo"- Labain nyid khang" moo"- nanu" yug khang" moo" gi nyang: nya: yoo" zoo: yoo" shug khyo" cang lho: wigi- alu ngei ri kho' gam, zheung" young: too" lang" ge'.

2~KORINTHU 8:12

Nanu" moo byid: gam nau da" emyid, bo vho" ngei nyid boem rigi mangsoo gi nanu" yo" byid: yhi' mo byid: da" alu joem ri lhoem: kham yu wa zi nghoid. Nanu" age bui" ziri Mangsoo: gi mho' wa zi anghoid.

2~KORINTHU 8:9

Nanu" gi ngoonu" Aseing Yesu Khristu ri se' nyid boem ago" Aseing Yesu gi nyang: di su: nghoid loug - nanu" da" shid re" nya gungdu: ri sho" jhen: byu bue" loo" nhang: bye. Nyang: asho" ajhen: koid jang" mo nanu" yo" de, lo boem bye.

GALATI 6:10

Hougsu" wigi ngoonu" gi ayo, akhyeing: bo jo, shi" uri ge bue" da" ayo, yoo" khang" moo"- byu dangain" mo, shid re" ge lho, da" moo" ri zei: nyid boem shang nghoid loug we' loem" jeung" da" ikoin deungkhu: yi shid re" je" wigi zei: nyid boem shang.

Ephesu 4:28

Lhoung khau" yu" su: gi khau" da" moozoo" ri to" pyam' lho: adoem khoug" loo goo"- ca" yo nyid bang: ri yo" pang" thoug sho' nyang: nya: da" lo, yo' deingmain" da" voem: doug: khu: da" moozoo" ri zei: shid" lo" boem loo: ge'.

1 TIMOTHI 5:10

Hau: tho' moo gootu: nyang: gi asam" avoid ge khyoo: moo we' myeing thu nmyid su- nya: myid: nya: zoo: yi ri we' voin: tang: se' shu" jhoug" shu" mho' nyid su- tungbau being" voo, yi ri nya: yhoem: moo goo" lhoo: zoo: kham: yu lho: doo" zhoo" doo" jhug su- Khristain mang: nhung" yi yo' sen: lho: zei: ca" da" khyoo: joem ri khyo, nyhoem: da" myid yo' zei: so' voin vu, si su- yau: khe" jam jau shau" nyid bang: ri-se' pang" thoug su- ge da" moozoo" joem ri voin, vu, xoin" yo" to' su: nghoid ca" nyid.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

TITU 3:8

He: da" dang: gi dang: deing khoin" nyang: nghoid bye:- Mangsoo ri loem, khoug: bang: gi byu yug khang" mo" shid mo akyu" bo lho: ge lho da" moo" ri zei: wa shid re" ayo, byid: wa khyoo: ri gooki" lid' ayang: koid lho: jhau" shed nyid wa ziri ngoo vho: ngei nyid.

HEBRE 13:16

Ge, da" moozoo" moo nanu" nyang: cang" nyang: pang" thoug goo" wa da" khyoo: ri ato" myhed pyam goo. Khasu" wim gari houg: yhang: te" da" xoin" gi Mangsoo vho: ngei nyid xoin" nghoid.

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.

1PETERU 3:11

Nyang: gi akhyeung" da" moozoo" mo lheung: lo" lho: ge da" moo" ri zei: ja"- nya: emyid, bain' sho' yo' ngei pyoo: myenjham" da" khyoo: shau" wa shid re" yoem: kaid' sho: nyid ca".

1YOHAN 3:17

Soid gain ziyoo yoo" su: nghoid nyid lho: wigi nya: da" nheig khyeug nheigloem: ri khyoo jhed' pyam byid su: gi Mangsoo ri jheddab ein: khasu" se tid wa lha".

3 Yohan 1:11

Nga" da" jheddab bidnoem, phoo we"- age khyoo: ri anghoid loo: za: ge da" khyoo" ri khoo" shid' yu lho: cang nyid we' ge da" moo" ri zei: su: gi Mangsoo ri amyang asi shi" su: nghoid nyid. .