1 TIMOTHI 6:11 - Lacid Common Language Bible

¹¹ Nang koem gi Mangso da" byu phoo we"- he: khyoo: dangain" ziri yoem: kaid' nyid we'. Deing byeung" khyoo:- tarha" phau" cang khyoo:- loem" jeung" khyoo: jheddab khyoo: moo yoem: kaid' lho: thoug shang" ziyo' nu" nham, da" nheigloem: yo" yu sho' yoem: kaid' nyid we'.

1 TIMOTHI 6:11 교차 참조

1 KHOKHAM 13:1

Yeroboam gi xoin" to' wa shid re" phoin: nam moo yab jo, uri Aseing amyeing" dang: yo' dayhang: ti" Yuda mung" mo lapi: dayug gi Bethela khyoo: ju" ri" bye:.

1 KHOKHAM 13:26

lapi: mangzoo: shoug" gyoo: lang" nyang: gi «Hau: zigi Aseing da" amyeing" dang: ri atam" gyo: da" lapi: phoo nghoid wa bye: o". Aseing gi nyang: tid ziyo' dakhyoo" ti" koid nyid yoomo nyang: ri lhoem: ngaid said wa shid re" Aseing wigi khangkhyi ri nhang: kaid zi nghoid» ga: tid.

1 KHOKHAM 17:18

Cougmoo" myhi' gi Elia ri «Mangso da" byu we"- ciwim yoomo nang ngoo ri hid: su" koid la". Nang hid: khyoo: re" zigi nga" yooboo ri Mangsoo ri boin: nhang: wigi nga" zoo: ri shid: nhang: wa shid re" anghoid rhe"» ga: myid:.

1 KHOKHAM 17:24

Cougmoo" myhi' gi «Nang gi Mangso byu nghoid ziri we' Aseing gi nang khyo" wigi gyeing" nyang: dang: tid nyid ziri we' akhid" ngoo si" bye:» ga: phoug tid.

1 KHOKHAM 20:28

Lapi: phoo gi khokham Ahab jhang yhe: wigi «He: zigi Aseing tid zi nghoid. Suri byumyu" yi tid zigi ngoo gi jang: pa: mo anghoid looza: boem joem mo yu phara" nghoid yoomo ngoo gi Aseing nghoid khyoo: ri nang yo' re" byumyu" yi si goo" baja" ngoo gi hau: byu phung: zeing atho' moo: nang ri oung: nhang: wa zi nghoid» ga: tid.

2 KHOKHAM 1:13

Khokham phoo gi gyizoug: dayug yo' byu wim: xi: yug ri dalheing: doem nhang: kaid da:. Hau: gyizoug: gi bau gung khyoo: do, yhe: wigi Elia da" shidkhoin" moo: poid thug yhe: thug lho: «Mangso byu we"- ngoo yo' nga" byu yiri nheig khyeug yu la. Ngoonu" kangso' ri loid nhang: la.

2 KHOKHAM 1:9

Hau: thang: khokham phoo gi Elia ri yhe: shu" yu wa shid re" gyizoug: dayug ri byu wim: xi: yug yo' nhang: kaid da:. Gyizoug: phoo gi bau gung tho' moo Elia zhung: jo, ziri yhe: myang wigi nyang: ri «Mangso byu we" nang ri gyoo" loo wa shid re" khokham phoo amyeing" byid: da:» ga: tid da:.

2 KHOKHAM 23:17

Nyang: gi «Hau: zi hang" loeb nghoid» ga: myid: da:. Bethela mo byumyu" yigi «Hau: zigi Yuda mung" mo ju" re" da" lapi: pho da" loeb nghoid wigi he: phoin: ri nang hid su" koid wa shid re" lapi: pe: too" kho' su: nghoid da» ga: tu" ago".

2 KHOKHAM 5:20

Elisha da" dei zoo: Gehazi gi nya: oung: khoug: moo «Nga" yhoem: seing: gi Naman ri ce: aphoug" ayu loo: nhang: kaid abye:. Nyang: gi hau: Suri byu wigi byid: da" jhungshug ri khab yu eung: da:. Kangso' Aseing da" myeing khyo" ngoo gi nya: thang: cang khaid yhe: lho: nyang: mo daja: ja: yhe: yu wa» ga: tid da:.

1 KHOKHAM MHOOMYID: 23:14

Nghoid loug we' Mangso byu Moshe nya: yuggi zoo: yigi Levi byu yi moo bo nyid ago")

2 KHOKHAM MHOOMYID: 8:14

Nya: phoo David wigi to" too" kho' da" tarha" joem ri cang wigi nyang: gi coung" nghei ziyo' jikhoin" khoin" jang" moo yo' khainjung yi moo" zei: jang" moo bo pang" tug boem da" Levi byu yi yo' khainjung yi da" nyid" khang" nyid" moo" ri soin' too" byid: da:. Nyang: gi Mangso byu David wigi amyeing" byid: to" ziyo' dakhyo" khoem" duang: khang" moo" moo ayo, adu khyo" cang wigi nyid" khang" nyid" moo" zei: wa shid re" Noku Yhoem: Moo" goem loem bang: ri we' soin' to" da:.

NEHEMIA 12:24

Levi byu yigi Hashabia- Sherebia- Yeshua- Binui- yo' Kasmiela bang: khyoo: shid da" khyo" cang wigi moo" voin phung: kho' to" ago". Mangso byu khokham David byid: to" da" khyoo: shid ziyo' dakhyo" dalheing: ri eig phung: khyo' lho: Mangsoo ri thid lhoo: thid jikhoin" khoin" coung" byid: nyid ago".

NEHEMIA 12:36

Nya: thang: moo nya: kung: mo gootu: Shemia Azarela- Milalai- Gilalai- Maai- Nethanela- Yuda yo' Hanani bang: bo lho: nyangnu" dangain" bang: gi Mangso byu khokham David baid da" teing yhang: te" ja: vu, ago". Jhoem: phajhi" seing: Ezra gi he: phung: bang: ri shu" so" jen yen" da:.

COUNG" NGHEI 34:14

Akhyeung" khyoo: mo gang: lo" lho: ge da" moo" ri zei: we'. Myenjham" khyoo: ri re" nheigloem: emyed bain sho' yo' shoo: we'.

COUNG" NGHEI 38:20

Ge da" moo" zo" shid re" akhyeing" ashoeb khyo" latoo: phoug nyid mo, gi ngoo jo da" moo" zei: yoomo ngoo ri thougtheung nyid boem.

DANG: ZHOEM 15:9

Akhyeung" byu yi da" nyid yab khyoo: ri Aseing ngheung" nyid. Nghoid loug we'-deingmain" da" moo" zei: bang: ri nyang: jheddab.

ESAIA 51:1

Aseing tid zigi «Khyoid yu shoug" noug bang: Pang" thug zi mho' wa ju" ri" bang: nanu" we" nga" dang: tam" gyoo: ge'. Nanu" re" lo da" lug pyo' Nanu" du: yu da" lug khyung: ri myid boin: ge'.

YEREMIA 35:4

Ngoo gi nyangnu" ri Igdalia da" yuggi zoo: Lapi: Hanan da" cang: zoo: yi yab khyoo: shu" vang yhe: da:. He: yab gi Noku Yhoem: Moo" mo yhouggyen: da" zoug: nghoid su: Shalum da" yuggi zoo: Maseia da" atho' mo yab nghoid wigi zoug: gooji yi da" yab joem nam moo nghoid da:.

Roma 14:19

Houg nghoid yoomo ngoonu" dayug yo" dayug myenjham" ngei loug jen" zoem" jeung" da" khyoo: bui" nhang: da" zi yo" nyang: dayoug wigi dayug ri Venyi: yoem: pyeing so' pyeing byid: da" moozoo" yi ri Khanham we yoem: kaid' zei: so' nyid boem ca.

1Korinthians 10:14

Houg: yoomo ngoo jheddab mo, we"- phara" soolhoo: no" da" khyoo: ri jang" pyam nyid ge'.

1Korinthians 14:1

Hougsu" nghoid yoomo- jheddab da" nheigloem: ri yo" yu sho'- yoem: kaid nyid ge'. Venyi jeju" jhung" shug joem ri vho: ngei nyid ge'. Je" wigi: hau: mungdang: ri kho" kyoo" wa da" jeju" jhung: shug ri vho: ngei nyid ge'.

1Korinthians 6:18

Youg: shoo: go" da" moozoo" ri jang" pyam nyid ge'- byu wigi: zei: shoid da" yooboo dangain" gi nya: gung doem: ri shoid zi anghoid- nghoid loug we' soem" lid' sho: khyo" youg: da" yooboo yoo" su: gi nya: gung doem: ri nyang: shoid vhang: nyid su: nghoid.

TARHA" TID POIN" 16:20

Ajang" deingmain" ziyo' tarha" nyeung veung" nyid ge'. Houg: lang" nanu" Aseing Mangsoo wigi nanu" ri byid: wa da" mougmyid ri nanu" yhe: yo" seing: yu wigi houg: moo yo" xo' nyid wa zi nghoid.

TARHA" TID POIN" 33:1

He: zigi Mangso da" byu Moshe- nyang: ashid: shi" ri Israela byumyu" yiri tid da" mainkaid dang: joem nghoid.

1 TIMOTHI 1:14

Yha" Aseing: gi nya: da" athang agoin da" jeju" ri nga" tho' moo foid, gyoin: byid: wigi Khristu yo' dadeing: daloem: za: bue" lo" lho: kangso' shau" dei nyid yoomo ngoonu" yo" yu eung: da" loem" jeung" khyoo: yo' jheddab nheigloem: ngoori byid: too" bye.

1 TIMOTHI 4:12

Nang gi apyad' ngi shi" ved yam" zoo: nghoid nyid shi" yoomo hang" we' nang ri gam vhoo: ayu" khyo, pyam' goo" baja"- ji, sang: da" khoin" thui: moo we' aved asam" moo we' jheddab jang" moo we' loem" jeung" loem, khau: khyoo: yo' nheigloem: young" khyoo: moo we' leom" jeing" bang: shid re" yu" yu wa da" khoo" shid: bue" nyid we'.

1 TIMOTHI 5:10

Hau: tho' moo gootu: nyang: gi asam" avoid ge khyoo: moo we' myeing thu nmyid su- nya: myid: nya: zoo: yi ri we' voin: tang: se' shu" jhoug" shu" mho' nyid su- tungbau being" voo, yi ri nya: yhoem: moo goo" lhoo: zoo: kham: yu lho: doo" zhoo" doo" jhug su- Khristain mang: nhung" yi yo' sen: lho: zei: ca" da" khyoo: joem ri khyo, nyhoem: da" myid yo' zei: so' voin vu, si su- yau: khe" jam jau shau" nyid bang: ri-se' pang" thoug su- ge da" moozoo" joem ri voin, vu, xoin" yo" to' su: nghoid ca" nyid.

1 TIMOTHI 6:20

Timothi we"- nang ri ab, byid: to" da" aya: ri goolhoo: za: zoem: shoung: too" we'. Aco' ajhoid da" khoin" co, loeb, khyoo: ri we' phajhi" dang: nghoid ga:. byu jha" bang: tid shoid' myid da" akoo" afang: ga: ngeig goo" yang: go" dang: ri we' jang" pyam' nyid we'.

2 TIMOTHI 2:21

Byu dayug yug gi tid lid loo bye: da" akhyeing" ashoeb khyoo: mo nyang: nya: da" gungdu: ri ced" san pyam nghoid rigi hau: yug gi Aseing: yhoug: gyen: khyo" soin nyheung to" da" khyoo: moo yo" bo ci: yhoung: da" zi bue" lo khasu" wim ga: ri ri nyang: gi ge, da" moozoo" ja" khang" moo" moo-bo zei: wa shid re" jen" jen" nghoid nyid.

2 TIMOTHI 2:22

Zoolu: ayo, mo nheigloem: aco' ajhoid khyoo: ri jang" pyam' lho: Mangsoo ri gyeungshang: da" nheigloem: yo' pang" thoug wa ga: mho' nyid mo, yo' dage" deing byeung" khyoo:- jheddab da" khyoo:- ngei pyo: myen, jham" khyoo: joem ri yoem kaid' cang sho: nyid we'.

2 TIMOTHI 3:10

Nghoid loug we' nang koem gi nga" da" jhoug" myeing" jhoug" thui: nga" asam" avoid yo' nga" kang: so' dei khyoo: moo myid soin' nyheung lo ziyo' dakhyoo" ti" cang lo" abye:. nga" da" loem" jeung khyoo:- ngoo nheigloem: sheung: kham, zeung: khyoo:- nga" da" jheddab myid- ngoo yoem: kaid' thoug shang" lo da" khyoo:-

2 TIMOTHI 3:17

Houg: yoomo Mangso da" moo" ri voin, vu, su: gi ge da" moozoo" ja" khang" moo" ri zei: wa shid re" yoem: so' byeung" sho' kaid' ci: lo" jang" moo Khin' azi akhoo: joeb, loo wa zi nghoid bye.

HEBRE 12:14

Byu yug khang" moo" yo' ngei pyoo: tung" za: yo" zoem" khau: nyid sho' we' gyeungshang: da" kangso' dei khyoo: moo ju" loo" sho' we' cang sho: yoem: kaid nyid ge'. Khasu" wim gari hau: ja" jeju" yoem: vhoo" abo nghoid rigi hang" we' hau" Aseing: ri shau" myang wa zi anghoid.

1PETERU 3:11

Nyang: gi akhyeung" da" moozoo" mo lheung: lo" lho: ge da" moo" ri zei: ja"- nya: emyid, bain' sho' yo' ngei pyoo: myenjham" da" khyoo: shau" wa shid re" yoem: kaid' sho: nyid ca".

1 SAMUELA 2:27

Lapi: dayug gi Aseing da" mungdang: yo' dage" Eli jang khyoo: ju" re" wigi «Re" phoug" nghoid da" Arun yo' nya: ikoin deungkhu: byu yigi Egutu Khokham da" join, koid nyid shi" uri ngoo gi nga" gung du: ri Arun jang" moo pang shug bye:.

1 SAMUELA 9:6

Dei zoo: gi «Lang" shi" shang he: voogung moo nyang: tid zi dangain" lhung jo lo wim da" gye" phau" myang: cang bo da" gyeung" shang: byu dayug nyid. Hau: yug jang" moo yhe: yu" shang. Nyha" tang: da" loo zei: ri khamoo: yhe: shoug" shoo: wa ziri nyang: nyha" tang: ri yo" to' tid kyoo" abe» ga: tid.