1 TIMOTHI 5:6 - Lacid Common Language Bible

⁶ Nghoid loug we' akyang" byo, yoin" lho: mougmyid' mo pyo: khyoo: riza: sho: nyid da" cougmoo" myhi, gi nyang: dei nyid shi" re lang" shid: mang danghoid nyid.

1 TIMOTHI 5:6 교차 참조

APOEM AYANG: 2:17

ge ziyo' age ziri se' kho' da" lasi laleug shigam mo ashi" ri za: azoo:. Nang gi hau: agam mo ashi" ri age zoo: wa. Nang zo: nghoid rigi hau: nyid" moo shid: loo" wa nghoid» ga: tid.

DANG: ZHOEM 29:21

Re" da" dei zoo: phoo ri ngi, shi" mo nyang: vho: ja" ri ja: khang" moo" byid: nyid rigi danyid" da" bidnyid moo: gi nang seung: da" jonu"- dangain" nyang: wigi yu pyam, byid: loo wa nghoid.

ESAIA 22:13

Hau: gungthid nanu" gi gau yi ngei bu zi yo' pui" koid ago". Yang yo' nu: joem ri nanu" said zo: wigi zabyid yhid: shug ago". Nanu" gi «Ngoonu" gi zo: boem shang shug boem shang- nab kyoo' ngoonu" shid: ri shid: wa» ga: tid ago".

ESAIA 47:1

Aseing tid zigi «Babelon we"-re" zhungtang mo gyo" wigi myidgung pheilhoug: boem" moo zhung: we'. Nang gi shid phyang" ayo" ge oung: pyam da" voomoo" zoomyi: gyeing" dayug yhang: ti" nghoid da:. Nghoid loug we' nang gi nu" nu" nham' nham' anghoid loo wa. Akhid" nang gi join nghoid abye:.

YEREMIA 6:2

Ziun voomoo" gi young" da:. Nghoid loug we' hau: ziri phyo' shoin' pyam loo goo" wa.

NGOUG JI: 4:5

Shid phyang" ngham" thang da" zoo: noem ri zo: nyid mo, gi fu" moo" khyoo: joem moo: zooyoid shid: jo, boem ago". Ngi: boo tung" zo: shoug lho: khu: kaid mo, gi pho kyug boem moo: zoo: noem ri byeug sho: yen" ago".

MATHE 8:22

Yesu gi «nga" thang: cang loo we' shid: mo, gi shid: mo, nyang: cang" myhoeb go" nyid baja"» ga: tid.

LUKA 12:19

Houg: lang" nang gi zain ved myoo" sho' zo: shug wa shid' re" ziyoo jonu" ri young: too" bye: yoomo nheigloem: pyoo" pyoo: danyid re'- zo: pyoo shug pyoo: nyid re- ein: ngoo nga" gung ri tid wa" ga: tid.

LUKA 15:13

Hau: thang: kha: myhang amyang" ri nya: nhung" gi nya: da" ziyoo dangain" oung" pyam lho: ngei ri za: ci wigi gye ve: da" mungdain: daloem: khyoo: thu' loo" bye. Nyang: gi hau: mungdain: moo adu: adam:- anghoid akhuang khyoo: moo za: ngei bain yhoung: thang pyam bye.

LUKA 15:24

Nga" zoo: gi shid: byug bye:- nghoid loug we' akhid" doem dei bye. Nyang: gi byug byug bye:- nghoid loug we akhid" doem shau" myang" bye ga: wigi zo: shug pui" koid: nyid ago".

LUKA 15:32

Re" no, koem gi shid: byug bye- nghoid loug we' akhid" doem dei loo bye. Nyang: byug byug bye: nghoid loug- akhuid' doem shau" nyang bye: yoomo nyhang" phi" yi zo: shug pui" koid: shang- ngei pyo: nyid shang.

LUKA 16:19

Goonham, dalheing: ri nyang: gi nyid" khang" moo" phoug" dab thang da" mi, byi: ri void ci: lho: nyid di nyid ge nyid.

LUKA 7:25

Houg: su" anghoid lang" gi byi yung" lhoo" yung" void ci: su: ri yu" wa ein: go" la". Byi: gi mi gi void ci: mo, gi zoug: khokham" yhoem: moo danyid boem.

Ephesu 2:1

Lai loo" bye: da" ayo, moo nanu" gi nanu" nyang: atam" gyoo: wigi shoid vhang: lo" da" moozoo" yo' youg: noo yooboo yoomo venyi: khyoo: moo shid: mang danghoid loo: ago".

Ephesu 2:5

Ngoonu" da" atam" gyoo: loo: shoid vhang: lo" da" khyoo: yoomo venyi moo shid: leung jo, uri Khristu yo' dage" ngoonu" ri doem dei loo nhang: bye hau: khyoo: gi Mangsoo da" jeju" yo' ngoonu" gi khyoid yu zi shau" da" khyoo: nghoid.

Ephesu 5:14

Khasu" wimg gari bidbang gi dangain" ziri pang shug byid: nyid houg: yoomo jhoeom: mungdang: moo tid to" ziri Yhoeb, jo, su: we" too, re'- shid: jo, jang" mo too, re'- houg: lang" Khirstu gi re" tho' moo thoin" pang byid: wa nghoid. ga: wigi tid to.

TARHA" TID POIN" 28:54

Byu zeing kung: mo nu" nham' thang yug lang" gyivoo joem lheing khoem to" da" ayo, khoug: moo zoo: shug gootu: ayoo" yoomo nyang: nya: zooshang: dayham" ri zo: pyam loo goo" wa. Nyang: gi nya: mang: nhung" yiri anghoid lang" nyang: jheddab da" yhoem: seing: myhi' ri anghoid lang" deing shi" da" nya: zoo: yiri lang" dajhi' we' abyid: zhoo" loo koid ri" wa zi nghoid.

TARHA" TID POIN" 28:56

Byu zeing kung: mo nu" nham' thang da" myiyi: nyang: gi khakhyoo: yhi: nghoid loug we' khyid: khyo" khanham we' aso" yu" yug lang" houg: yo' dakhyo" koid loo wa. Gyivoo joem wigi nya: voogung ri lheing khoem to" da" uri nyang: gi zoo: shug sung myung yoomo nyang: aseig khu: da" zoonu" yo' zooshang: nyid cang" joem ri shoung: wigi zo: pyam wa zi nghoid. Nyang: gi nyang: jheddab da" nya: yhoem: seing: phoo ri we' nya: zoo: yiri we' agam zhoo" loo: koid loo wa.

KOLOSE 2:13

Nanu" gi shid' phyang" venyi moo shid: mang nghoid nyid ago- khasu" wim gari nanu" gi yooboo koid da" tung: to" tarha" ayo" da" tung: bau byumyu" yi nghoid ago- nghoid loug we' akhid" Mangsoo gi Khristu yo, dage" dei da" khyoo: khyoo: shu" loo" bye-

2 TIMOTHI 3:6

Nyang: nu" mo dayham" bang: gi sube" yhoem: moo; cang vang yen" lho: asi aboin: khyo" ase' myid soin: yu" da" yoem: nu: nyid myi: yi: yi ri nyangnu" lo, moo vang sho' mhe, yu ago- hau" myi: yi: yi gi nyangnu" shoid lid lo" yooboo yoomo nheigloem: yoolid: voin, lho: myid' apyo: zoore"- gung shoo" aco' ajhoid khyoo: aja: ja: moo bo myu: lo" wigi

YAKU 5:5

He: mougmyid moo nanu" da" byu nyid byuyab, khyoo: gi yoo" zoo: yoo" shug nyid pyoo: yab, pyo: lho: pyo: khyoo: aja: ja: yo' byeung" jo. Nanu" gi said pyam wa da" bidnyid shid re" nyang: nya: da" gung du: ri myhug to" boem abye: go.

Pang Shug 18:7

Nyang: gi nya: gung ri koid yu da" myonhoo: phung" yoeb, yo' gung shoo" pyo: khyoo: rishau" kham, zo: nyid ziyo' dakhyoo" ti"- nyang: ri koug shu: myid' myoo: ung: loug ziyo' sho" jhen: zi shau" nhang: ge'. Khasu" wim gari nyang: gi " Ngoo gi Khokham" myhi, nghoid- cougmoo" myhi, anghoid- ngoo gi khanham we' nheig koug nheig shu: khyoo:- shau" wa zi a nghoid, ga: wigi nya: gung ri nyang: tid yu nyid da.

Pang Shug 3:1

Sardi phung da" mauglagyo: jhang khyoo:- hid: su" ein: lhid" we'. He: da" dang: gi Mangso Venyi nyhed yug yo' kyi: nyhed cab, yoo" su: jang" mo mungdang: nghoid. Nang koid nyid da" moozoo" ri ngoo se. Nang gi kangso' dei nyid ga: fu" nyid nghoid loug we' shid: jo, su: nghoid nyid.

1 SAMUELA 15:32

Samuela gi khokham Agag ri «Nga" jhang khyo: shu" loo we'» ga: amyeing" byid: kaid bye:. Agag we' nya: jang" moo gyoug dain ziyo' re" wigi «Mi: shid: wim abye: myang» ga: nya: myid khoug moo soin: nyid da:.

1 SAMUELA 25:6

Nyang: gi Nabala ri yhe: tid wa shid re" nyangnu" ri Pyeung: kaid zigi «Nga" byencang" phoo we"- nang we' re" ikoin deungkhu: byu yi we' nang yo' sen: bang: dangain" mo, we' David gi nyang: shau" myid da" khyoo: yo' gye" nheugshid: nheugdeug ziyo' nang ri myid so" da" akhyoo" ri pyeung: kaid da:.